Ewe Liffang mi Auchea Mwen Mesen Jiowa

Ewe ofiselap lon Mozambique a angei ei taropwe mi mak fan:

“Ngang emon at, fisu ieri. Ua chuen fiti sukul. Ngang ua tinalo ei moni ua angei seni ai foleni emon kukkun chuko. Ua amomolo ren 12,000 Meticais [$1, U.S.]. Ua kinisou ngeni Jiowa ren an fori pwe ewe akkaemonun kukkun chuko ua foleni a mammar ngeni emon niemwanin chuko. Ua mochen pwe oupwe nounou ai liffang fan iten angangen an Jiowa we Muu.”

“PS: Semei we a alisiei le makkei ei taropwe.”

Ekkoch aramas ra kkan meefi pwe ewe lapalapen kisaseu a kan nom ren ir kkewe mi pisekisek. Iwe nge, lupwen sipwe alleani lon ewe Paipel porausen ewe fefin mi ma puluan a isenalong lon ewe leenien asor “ruu moni kisikis,” sipwe tongeni aucheani pwe sisap aukuku kisaseu ukukun watten moni, nge ren minne a amwokutu letipach.​—Luk 21:1-4.

Jiowa a aucheani iteiten liffang meinisin mi popu seni eu letip mi chung ren tong, ese lifilifil ika epwe chok kukkun are watte. Iwe, a kan fokkun efeiochu ir kkewe mi akkappiru an kisaseu ren ar awora ar fansoun, pochokkul, are pisek fan iten an we Muu.​—Mattu 6:33; Ipru 6:10.