Arúánú, April 30
Ewe Samol mi Lapalap a amusala om tipis. Kosap mäla.—2 Sam. 12:13.
Met sia silei ussun án Jiowa úméúméch? Ifa ussun a pwáári pwe “ese mochen án emén epwe máló”? (2 Pit. 3:9) Ppii ifa ussun a pwáári úméúméch ngeni chókkewe mi tipis watte. King Tafit a tipis watte, áwewe chék ren an tipisin lisowumwáál me nimanaw. Iwe nge, Tafit a áier, iwe Jiowa a úméúméch ngeni me a omusaaló tipisin. (2 Sam. 12:1-12) Lón arapakkan ánein manawen King Manasa, a féri chómmóng mettóch mi fókkun ngaw. Inaamwo iká a fókkun ngaw, nge Jiowa a úméúméch ngeni me a omusaaló an kewe tipis pokiten a áier. (2 Kron. 33:9-16) Ekkena pwóróus ra áchchema ngenikich pwe Jiowa epwe pwáári úméúméch iká a wor popun mi pwúng an epwe pwáári. Epwe amanawasefáli ekkena sókkun aramas, pokiten ra mirititi pwe ra tipis watte, nge ra áier. w24.05 4 ¶12
APRIL 27–MAY 3
AISEA 56-57
Kél 12 me Iótek | Kapasen Lepoputáán (1 min.)
1. Sia Pwapwa Pokiten Jiowa I Ach Kot
(10 min.)
Ekkewe uluulun rese tongeni álisi chókkewe mi sié ngeniir fán iten álillis (Ais 57:13; ip-2 269 ¶14-16-mwbr)
Chókkewe rese sissilei Jiowa rese kinamwe me ra tipefesen (Ais 57:20; w18.06 8 ¶16)
Ese wor án ekkewe mi féfféringaw kinamwe (Ais 57:21; w00 2/1 11 ¶4)
PWISIN EISINUK, Ifa ussun ái ririéch ngeni Jiowa a émúrinnéló manawei?
2. Kúkkútta Pwóróus Aúchea
(10 min.)
Ais 56:6, 7—Ifa ussun a pwénútá ei oesini? (w07 2/1 30 ¶2; w07 2/1 9 ¶1)
Met ka sani seni ewe álleaan Paipel lón ei wiik?
3. Álleaan Paipel
(4 min.) Ais 56:4-12 (th lesen 5)
4. Poputááni eú Pwóróusfengen
(3 min.) AFALAFAL SERESERÉCH. Ereni ewe emén met ka káé lón eú mwiich ka kerán fiti. (lmd lesen 2 nampa 4)
5. Áweweei Óm Lúkú
(5 min.) Afalafal. ijwbq lesen 90—Itelap: Mi Lamot Úpwe Chóni eú Lamalam? (th lesen 16)
6. Álisi Aramas le Wiliiti Chón Kraist
(4 min.) lff lesen 19 nampa 4 (lmd lesen 11 nampa 3)
Kél 58
7. Kosap Úkútiw le Fós Ussun Jiowa
(15 min.) Afalafal me memmeef.
Chókkewe rese silei Jiowa, rese silei ifa ussun repwe eáni kefil mi múrinné, rese silei met repwe féri lón manawer epwe atoto ngeniir enletin pwapwa, me ese wor ar ápilúkúlúk fán iten mwachkkan. Iwe nge, chómmóng ra tunaaló pwóróusen ewe Mwúún Kot me rese silei pwe ewe enlet a tongeni álisiir. Ikkeei ekkóch popun pwata sisap lichippúng are fangetá atun aramas rese mochen aúseling.—SA 11:6.
A kan sissiwil ié kewe ra nóm lón ach kewe leenien afalafal. Chókkewe rese mochen aúseling, eli ra mwékút, me eli a wor minefé ra tolong me ra mochen aúseling
Eli sipwe chuuri pwal emén lón ewe imw. Emén sam are in mi chinnap, emén néúr mi fen watte, emén mi kerán mwékút ngeniir, are emén chón etto
Aramas ra sissiwil. (1Ti 1:13) Ngangngawolóón nónnómun ei fénúfan are osukosuken manawen aramas a tongeni efisi ar repwe mochen aúseling
Sia pwáári ach tongei Jiowa ren ach sópweeló le áiti ngeni aramas ussun i.—Lk 6:45; 1Jo 5:3.
Fichi ei VIDEO Jehovah “Is Not Far Off.” Mwirin eisini chón mwiich:
Met ka káé seni ewe video ussun óm kopwe sópweeló le akkafalafal?
8. Án ewe Mwichefel Káéén Paipel
(30 min.) lfb lesen 80-81