CɅNTESɅNTEL 40
Yom sʌconla tiʼ wut Dios
Ñaʼtancu juntiquil wem bʌ ñaʼʌl woli (choncol) bʌ i chajpan i yalobil chaʼan miʼ majlel ti escuela. Miʼ qʼuel mi tsaʼix tsʼʌmi yicʼot mi wutsʼulʌch i pislel muʼ bʌ caj i xoj. Cheʼ bajcheʼ iliyi, jiñi i papá yicʼot i mamá miʼ coltañob chaʼan cʼocʼ miʼ yajñel i miʼ pʌsben jiñi yambʌlob chaʼan mucʼʌch i pensariñob. Jehová jiñʌch lac Tat i miʼ cʼuxbiñonla. Yom jaʼel chaʼan sʌc pejtelel jiñi lac melbal (chaʼlibal). Miʼ coltañonla cheʼ sʌconla yicʼot wen chuqui miʼ yʌjlel tiʼ tojlel Dios jaʼel.
1. Yom sʌconla ti lac bʌcʼtal
Jehová miʼ subeñonla: «Yom chʼujuletla» (1 Pedro 1:16). Chaʼan chʼujulonla yom sʌc miʼ yajñel lac bʌcʼtal yicʼot lac ñaʼtʌbal. Mi lac pʌs chaʼan sʌconla cheʼ bʌ mi lac chaʼlen tsʼʌmel, cheʼ wutsʼul lac pislel, cheʼ sʌc jiñi la cotot yicʼot jiñi laj carro. Cheʼ jaʼel, mi lac chaʼlen coltaya tiʼ sʌqʼuesʌntel i Yotlel tempa bʌ. Mi sʌc mi la cajñel tajol jiñi yambʌlob miʼ yʌqʼueñob i ñuclel Jehová (2 Corintios 6:3, 4).
2. ¿Chuqui tac mach yomic mi lac mel chaʼan sʌc mi la cajñel?
Jiñi Biblia miʼ subeñonla: «Laʼ lac sʌqʼuesan lac bʌ tiʼ pejtelel muʼ bʌ i bibʼesan lac bʌcʼtal yicʼot lac ñaʼtʌbal» (2 Corintios 7:1). Jin chaʼan, mi lac chaʼlen wersa chaʼan maʼañic mi lac mel jiñi muʼ bʌ i ticʼlan lac bʌcʼtal o jiñi lac ñaʼtʌbal. I come la com chaʼan Jehová tijicña chaʼan muʼ bʌ lac pensarin, mi lac wen chaʼlen wersa chaʼan maʼañic mi lac pensarin mach tac bʌ weñic (Salmo 104:34). Cheʼ jaʼel, mi lac chaʼlen wersa chaʼan wen jach chuqui mi la cʌl (pejcan Colosenses 3:8).
¿Chuqui tac yambʌ miʼ mejlel i bibʼesan jiñi lac bʌcʼtal o jiñi lac melbal? An tac muʼ bʌ i mejlel i bibʼesan jiñi lac bʌcʼtal. Jin chaʼan, maʼañic mi lac ñucʼ cʼujts yicʼot maʼañic mi laj cʼʌn droga tac. Cheʼ bʌ maʼañic mi lac mel iliyi mi laj cʌntan laj cʼocʼlel yicʼot mi lac pʌs chaʼan mi laj qʼuel ti ñuc jiñi laj cuxtʌlel. Cheʼ jaʼel, chaʼan sʌc jiñi lac melbal, mi lac chaʼlen wersa chaʼan maʼañic mi lac chaʼlen lac bʌ ti masturbara o mi laj qʼuel jiñi pornografía (Salmo 119:37; Efesios 5:5). Wocolʌch chaʼan mi laj cʌy lac mel iliyi, pero Jehová yomʌch i coltañonla (pejcan Isaías 41:13).
LAʼ LAC ÑUMEN ÑAʼTAN
Laʼ laj qʼuel bajcheʼ miʼ yʌqʼuen i ñuclel Jehová cheʼ mi lac chaʼlen wersa chaʼan sʌc miʼ yajñel jiñi lac bʌcʼtal yicʼot bajcheʼ miʼ mejlel laj cʌy lac mel mach bʌ weñic.
3. Cheʼ sʌc mi la cajñel mi la cʌqʼuen i ñuclel Jehová
Cheʼ bʌ mi lac pejcan jiñi mandar tac tsaʼ bʌ i yʌqʼue Jehová jiñi israelitajob ti wajali, mi lac chʼʌmben i sujm chucoch ñuc i cʼʌjñibal i chaʼan cheʼ sʌc mi la cajñel. Pejcanla Éxodo 19:10 yicʼot 30:17-19, i tem alʌla iliyi:
¿Bajcheʼ miʼ pʌsbeñonla ili versículo tac chaʼan ñuc i cʼʌjñibal i chaʼan Jehová cheʼ sʌc mi la cajñel?
¿Chuqui miʼ mejlel lac mel chaʼan chʌn sʌc mi la cajñel?
Yomʌch mi la cʌqʼuen i yorajlel yicʼot yomʌch mi lac chaʼlen wersa chaʼan sʌc mi la cajñel. Pero sʌcʌch miʼ mejlel la cajñel yaʼ baqui chumulonla mach yʌlʌyic mi an lac taqʼuin o mi pʼumpʼuñonla. Qʼuelela jiñi VIDEO i tem alʌla iliyi:
Mi jiñi muʼ bʌ lac subeñob jiñi wen tʼan miʼ qʼuelob chaʼan sʌc chuqui an lac chaʼan, ¿mejl ba i coltañob chaʼan miʼ ñumen qʼuelob ti ñuc Jehová? ¿Chucoch?
4. Cʌyʌ jiñi mach tac bʌ weñic
Jehová miʼ mejlel i coltañonla chaʼan mi laj cʌy lac mel jiñi mach bʌ weñic.
Mi jatet maʼ ñucʼ cʼujts yicʼot maʼ cʼʌn droga tac tajol wocol maʼ wubin chaʼan maʼ cʌy. Mejl bʌ i coltañet jiñʌch cheʼ bʌ maʼ ñaʼtan bajcheʼ woliʼ ticʼlañet ti a cuxtʌlel. Pejcanla Mateo 22:37-39, i tem alʌla bajcheʼ jiñi i ñucʼol cʼujts yicʼot i cʼʌñol droga tac miʼ mejlel i ticʼlan...
juntiquil chaʼan bajcheʼ an yicʼot Jehová.
jiñi lac familia yicʼot jiñi yambʌlob.
Ñaʼtan chuqui tac miʼ mejlel a mel chaʼan maʼ cʼʌy jumpʼejl melbal mach bʌ weñic.b Qʼuelela jiñi VIDEO.
Pejcanla Filipenses 4:13 i tem alʌla iliyi:
¿Mejl ba i coltan juntiquil lac piʼʌl maʼ wʌl chaʼan miʼ cʌy i mel mach bʌ weñic, cheʼ miʼ chaʼlen oración, miʼ pejcan jiñi Biblia yicʼot cheʼ miʼ majlel ti tempa bʌ? ¿Chucoch cheʼ maʼ ñaʼtan bajcheʼ jiñi?
5. Cʌyʌ a mel yicʼot a pensarin mach tac bʌ weñic
Pejcanla Colosenses 3:5 i tem alʌla iliyi:
¿Bajcheʼ la cujil chaʼan jiñi pornografía, jiñi sexteoc yicʼot jiñi masturbación bibiʼ tac bʌ melbalʌl tiʼ wut Jehová?
¿Añʌch ba i sujmlel maʼ wʌl cheʼ bʌ Jehová miʼ cʼajtibeñonla chaʼan yom sʌconla? ¿Chucoch?
Qʼuele chuqui yom maʼ mel chaʼan maʼ cʌy a pensarin jiñi mach tac bʌ weñic. Qʼuelela jiñi VIDEO.
Jesús tsiʼ cʼʌñʌ jumpʼejl ejemplo chaʼan miʼ pʌsbeñonla chaʼan an chuqui yom mi lac mel ti ora mi la com chaʼan sʌc lac melbal. Pejcanla Mateo 5:29, 30 i tem alʌla iliyi:
Jesús maʼañic tsiʼ yʌlʌ chaʼan yom mi lac low lac bʌ, tsaʼ jach i yʌlʌ chaʼan an chuqui yom mi lac mel. ¿Chuqui tac yom mi lac mel chaʼan mi laj cʌy lac pensarin jiñi mach tac bʌ weñic?d
Mi woli a chaʼlen wersa a cʌy a pensarin jiñi mach tac bʌ weñic, miʼ mejlel a ñop chaʼan Jehová miʼ qʼuel ti ñuc cheʼ woli a chaʼlen wersa. Pejcanla Salmo 103:13, 14 i tem alʌla iliyi:
Mi woli a chaʼlen wersa chaʼan maʼ cʌy a mel mach bʌ weñic, ¿muʼ ba i yʌqʼueñet a pʼʌtʌlel maʼ wʌl ili versículo tac chaʼan maʼ chʌn chaʼlen wersa? ¿Chucoch?
¡Mach lujbʼaquet! Mi tsaʼ chaʼ mele, mach yomic yʌl chaʼan yaʼ jaxʌl yom maʼ cʌy
Tajol miʼ mejlel a ñaʼtan: «Tsaʼix c chaʼ mele, lax ajñic». Pero ñaʼtancu iliyi. Mi juntiquil xʼajñel miʼ yajlel, mach yomic i yʌl chaʼan tsaʼix i sʌtʌ jiñi carrera i chaʼan yom miʼ chaʼ majlel baqui tsiʼ teche jiñi ajñel. Lajal jaʼel, mi tsaʼ chaʼ mele mach bʌ weñic mach yomic i yʌl chaʼan maʼañix chuqui miʼ mejlel a mel chaʼan maʼ cʌy jiñi vicio. I maʼañic miʼ jem pejtelel jiñi am bʌ a mele. I tilelʌch cheʼ mi lac chaʼ yajlel ti mulil. Jin chaʼan, ¡mach lujbʼaquet! Jehová mi caj i coltañet chaʼan maʼ cʌy a mel jiñi mach bʌ weñic.
AN MUʼ BɅ I YɅLOB: «Jumpʼejlʌch vicio, mach mejlic j cʌy».
¿Chuqui ti texto miʼ mejlel a cʼʌn chaʼan maʼ pʌsben chaʼan tiʼ coltaya Jehová mejlʌch i cʌy i vicio?
TSAʼ BɅ LAJ CɅÑɅ
Mi lac tijicñesʌben i pusicʼal Jehová cheʼ chʌn sʌc miʼ yajñel lac bʌcʼtal, jiñi lac pensar yicʼot jiñi lac melbal.
¿Chuqui tsaʼ cʌñʌ?
¿Chucoch ñuc i cʼʌjñibal cheʼ sʌconla?
¿Chuqui yom mi lac mel chaʼan sʌc miʼ yajñel jiñi lac bʌcʼtal?
¿Chuqui yom mi lac mel chaʼan jiñi lac melbal yicʼot jiñi lac pensar chʌn sʌc miʼ yajñel?
CɅÑɅ YAN TAC BɅ
Anquese mach wen cabʌlic lac taqʼuin, ¿chuqui tac mucʼʌch i mejlel lac mel chaʼan sʌc mi la cajñel?
Qʼuele chuqui tac miʼ mejlel a mel chaʼan maʼ cʌy a ñucʼ cʼujts.
«¿Bajcheʼ miʼ mejlel a cʌy a ñucʼ cʼujts?» (¡Jamʌx a wut!, mayo i chaʼan 2010)
Qʼuele bajcheʼ miʼ ticʼlan lac piʼʌlob jiñi pornografía.
«¿Muʼ ba mejlel i ticʼlañonla jiñi pornografía?» (Lac Tsictesʌbentel, 1 i chaʼan agosto, 2013)
Qʼuele chuqui tsiʼ mele juntiquil wiñic chaʼan miʼ cʌy i qʼuel jiñi pornografía.
«Mach junsujtel jach tsaʼ c chaʼ qʼuele jiñi pornografía» (Tema am bʌ ti Lac Tsictesʌbentel)
a Jiñi masturbación jiñʌch cheʼ bʌ juntiquil miʼ chaʼ wʌlʌc tʌl o miʼ yʌsin jiñi i yat chaʼan lajal bajcheʼ woli ti piʼleya miʼ yubin.
b Ti jiñi parte «Cʌñʌ yan tac bʌ» ti ili cʌntesʌntel, am bʌ i temajlel «¿Bajcheʼ miʼ mejlel a cʌy a ñucʼ cʼujts?», miʼ yʌl chuqui tac miʼ mejlel lac mel chaʼan mi laj cʌy lac mel jiñi mach tac bʌ weñic.
c Jiñi sexteo jiñʌch cheʼ miʼ chojquel majlel mensaje, foto o video tac ti celular baʼ jamʌ tsiquil miʼ pʌstʌl o miʼ yʌjlel chaʼan bʌ piʼleya.
d Chaʼan maʼ ñaʼtan chuqui miʼ mejlel i mel juntiquil chaʼan miʼ cʌy jiñi masturbación, qʼuele jiñi cʌntesʌntel 25 ti jiñi libro Wem bʌ i jacʼbal i cʼajtiya tac jiñi xcolelob (volumen 1), am bʌ i temajlel «¿Mejl ba j cʌy c chaʼlen c bʌ ti masturbar?».