Yesaya

Metsɔ nye gbɔgbɔ de eme.+

Ahe dzɔdzɔenyenye vɛ na dukɔwo.+

 2 Mado ɣli alo ado aƒa o,

Eye mana woase eƒe gbe le kpɔdomee o.+

 3 Maɖe aƒla ŋeŋe la le enu o,

Eye mele ɖovu bibi si le tsitsim la tsi ge o.+

 4 Ðeɖi mate eŋu o, eye eƒe lãme magbɔdzɔ o, va se ɖe esime wòɖo dzɔdzɔenyenye anyi le anyigba dzi;+

Ƒukpowo le mɔ kpɔm na eƒe se* la.

 5 Ale Mawu vavã Yehowa,

Dziƒowo Wɔla, Mawu Gã si hea wo me,+

Ame si keke anyigba kple edzinuwo ɖe enu,+

Ame si naa agbegbɔgbɔ edzinɔlawo+

Kple gbɔgbɔ ame siwo zɔa edzi la, gblɔe nye esi:+

 6 “Nye Yehowa ye yɔ wò le dzɔdzɔenyenye me,

Eye melé wò asi.

Makpɔ tawò, eye mana nànye nubabla na dukɔwo,+

Kple kekeli na dukɔwo,+

 7 Ne nàʋu ŋku na ŋkuagbãtɔwo,+

Ne nàɖe gamenɔlawo tso gaxɔ* me

Kple ame siwo bɔbɔ nɔ viviti me la tso gaxɔ me.+

 8 Nyee nye Yehowa. Ŋkɔnyee;

Nyematsɔ nye ŋutikɔkɔe ana ame bubu aɖeke o,*

Alo atsɔ nye kafukafu ana legbawo o.+

 9 “Kpɔ ɖa nya gbãtɔwo va eme,

Azɔ mele yeyewo gblɔm.

10 Midzi ha yeye na Yehowa,+

Midzi eƒe kafukafuhawo tso anyigba ƒe mlɔenuwo,+

Mi ame siwo toa atsiaƒu dzi kple mi atsiaƒumenuwo,

Mi ƒukpowo kple wo dzi nɔlawo.+

11 Gbegbe kple eƒe duwo nakɔ gbe dzi,+

Kɔƒe siwo dome Kedar+ le hã nekɔ gbe dzi.

Agakpedzinɔlawo netso aseye.

Wonedo ɣli sesĩe tso towo tame.

12 Mina woatsɔ ŋutikɔkɔe ana Yehowa,

Eye woaɖe gbeƒã eƒe kafukafu le ƒukpowo dzi.+

Ado ɣli, ɛ̃, ado aʋaɣli;

Aɖu eƒe futɔwo dzi.+

Maŋè eye malɔ gbɔgbɔtsixe ɖe ƒo anɔ gbɔgbɔm fuxefuxe

Abe nyɔnu si le ku lém ene.

15 Magblẽ towo kple togbɛwo,

Eye mana wo dzi gbewo katã naƒu.

Mana tɔsisiwo nazu ƒukpowo,*

Eye mana tawo namie.+

16 Makplɔ ŋkuagbãtɔwo to mɔ si womenya o la dzi;+

Mana woato toƒe si womenya o.+

Mana viviti si le wo ŋgɔ la nazu kekeli,+

Eye teƒe glidzaglidza nazu sɔsɔeƒe.+

17 Ame siwo ɖoa ŋu ɖe legbawo ŋu,

Ame siwo le gbɔgblɔm na galegbawo* be: “Miawoe nye míaƒe mawuwo”+ la,

Woagbugbɔ wo ɖe megbe, eye ŋu akpe wo vevie.

18 Mi tokunɔwo, mise nu;

Eye mi ŋkuagbãtɔwo, mifɔ mo dzi miakpɔ nu.+

19 Ame kae nye ŋkuagbãtɔ, ɖe menye nye subɔlae oa,

Eye ame kae nye tokunɔ abe nye dɔla si medɔ la ene?

Ame kae nye ŋkuagbãtɔ abe ame si woɖo eteƒe na ene,

Eye ame kae nye ŋkuagbãtɔ abe Yehowa ƒe subɔla ene?+

21 Edze Yehowa ŋu

Be yeado gã yeƒe se* la ahadoe ɖe dzi le eƒe dzɔdzɔenyenye la ta.

22 Ke dukɔ si woha, eye woda adzoe lae wonye,+

Wo katã wotsi do me, eye woɣla wo ɖe gaxɔwo me.+

Woha wo, ke ame aɖeke meli axɔ na wo o,+

Woda adzo wo, ke ame aɖeke meli agblɔ be: “Gbugbɔ wo vɛ!” o.

24 Ame kae tsɔ Yakob de asi be woaha,

Eye wòtsɔ Israel de asi na adzodalawo?

Wogbe eƒe mɔwo dzi zɔzɔ,

Eye womeɖo to eƒe se* la o.+

25 Eya ta etrɔ eƒe dɔmedzoe,

Eƒe dziku, kple aʋawɔwɔ+ ƒe fuwɔame kɔ ɖe Israel dzi.