Lododowo
2 Vinye, ne èxɔ nye nuƒoƒo wɔ tɔwòe,
Eye nèdzra nye sededewo ɖo+ abe kesinɔnu ene,
2 Ne èƒu to anyi ɖe nunya ŋu,+
Eye nèbi wò dzi ɖe nugɔmesese ŋu;+
3 Ɛ̃, ne èdo ɣli yɔ gɔmesese,+
Eye nèkɔ wò gbe dzi ɖe nugɔmesese ŋu;+
Eye nèdia eyome mɔ abe kesinɔnu ɣaɣla+ ene la,
5 Ekema àse Yehowa vɔvɔ̃+ gɔme,
Eye wò asi atu sidzedze Mawu.+
7 Edzraa nunya vavãtɔ ɖo ɖi na nu dzɔdzɔe wɔlawo;
Akpoxɔnu wònye na ame siwo ƒe zɔzɔme ŋu fɔɖiɖi mele o,+
8 Elabena ekpɔa egbɔ be nya dzɔdzɔe to eƒe mɔ,
Eye wòdzɔa ame siwo wɔa nuteƒe+ nɛ la ƒe toƒe ŋu.
Eye sidzedze vivi wò luʋɔ nu la,+
11 Ekema tamebubuŋutete adzɔ ŋuwò,+
Eye nugɔmesese akpɔ tawò,
12 Ne wòaɖe wò tso mɔ vɔ̃ dzi,
Tso ame si gblɔa nya tovo la si me,+
13 Tso ame siwo gblẽa mɔ dzɔdzɔe ɖi
Be woazɔ blukɔ+ me la si me,
14 Tso ame siwo kpɔa dzidzɔ ɖe vɔ̃wɔwɔ ŋu,
Eye wotsoa aseye ɖe nu tovo siwo gbɔ eme ŋu la si me,
15 Wo, ame siwo ƒe toƒe le gɔdɔ̃gɔdɔ̃,
Eye woƒe nuwɔnawo katã nye amefuflu sɔŋ.
16 Aɖe wò tso nyɔnu dzeha* si me,
Tso nyɔnu ahasitɔ*+ aɖeŋanɛtɔ* si me;
17 Eya, ame si gblẽ eƒe ɖetugbuimexɔlɔ̃ vevi* ɖi,+
Eye wòŋlɔ nubabla si le eya kple eƒe Mawu dome la be;
18 Elabena eƒe aƒe kplɔa ame yia ku me,
Eye eƒe toƒewo* ɖo ta aʋlimeyila siwo ŋu wɔna vɔ le la gbɔ.+