Yesaia

Akɛ amɛmagai lɛ eshwie kooloi, nitsumɔ kooloi anɔ,+

Tamɔ jatsui ni akɛshwie kooloi ni egbɔjɔ anɔ.

 2 Amɛ fɛɛ amɛkoto shi ni amɛbumɔ shi;

Amɛnyɛɛɛ amɛjie jatsui* lɛ,

Ni amɛ diɛŋtsɛ hu aŋɔ amɛ nom.*

 3 “Yakob shĩa, kɛ nyɛ mɛi fɛɛ ni eshwɛ yɛ Israel shĩa lɛ, nyɛboa mi toi,+

Nyɛ mɛi ni miye mibua nyɛ kɛjɛ nyɛfɔmɔ mli, ni mihiɛ nyɛ kɛjɛ musu mli.+

 4 Kɛyashi nyɛgbɔlɛ mli lɛ, mi nɔŋŋ ni;+

Kɛyashi nyɛyiteŋ baaje waŋ lɛ, maya nɔ mahiɛ nyɛmli.

 5 Namɔ nyɛbaakɛɛ etamɔ mi loo ekɛ mi yeɔ egbɔ?+

Namɔ he nyɛkɛ mi baato koni wɔje wɔhe?+

 6 Mɛi komɛi yɛ ni fɔteɔ shika tsuru babaoo kɛjɛɔ amɛshika kotoku mli amɛshwieɔ shi;

Amɛŋmɛɔ jwiɛtɛi lɛ yɛ nsɛnii amli.

 7 Amɛwóɔ amɛfɔ̃ɔ amɛkɔɔji anɔ;+

Amɛtereɔ ni amɛkɛyamaa egbɛhe, ni emaa jɛmɛ nɔŋŋ.

Amɛfóɔ amɛtsɛɔ lɛ, shi ehereee amɛ nɔ;

Enyɛɛɛ ejie mɔ ko mɔ ko kɛje haomɔ mli.+

 9 Nyɛkaia klɛŋklɛŋ nibii ni jɛ blema lɛ,

Akɛ miji Nyɔŋmɔ,* ni mɔ ko mɔ ko bɛ dɔŋŋ.

10 Mi mijɛɔ shishijee migbaa nibii ni baaba yɛ naagbee,

Ni mijɛɔ blema mijajeɔ nibii ni anako afee lɛ.+

Miikɛɛ akɛ, ‘Miyiŋkpɛɛ* lɛ baama shi,+

Ni mafee nɔ fɛɛ nɔ ni misumɔɔ.’+

11 Miitsɛ loofɔlɔ ko ni gbɔbiɔ kɛmiijɛ hulushiteehe,*+

Miitsɛ nuu ko kɛmiijɛ shikpɔŋ ko ni yɔɔ shɔŋŋ nɔ; ebaatsu miyiŋkpɛɛ* lɛ he nii.+

12 Nyɛ mɛi ni nyɛtsui esa,* nyɛboa mi toi,

Nyɛ mɛi ni nyɛkɛ jalɛ nifeemɔ teŋ ejekɛ waa.

13 Mihã mijalɛ nifeemɔ lɛ ebɛŋkɛ;

Ebɛ shɔŋŋ,

Ni etsɛŋ ni miyiwalaheremɔ lɛ baaba.+