Yoshua
19 Ni oshiki ni ji enyɔ+ ni afɔ̃ lɛ gbee Simeon+ nɔ, hɛɛ, egbee Simeon weku lɛ nɔ yɛ amɛtsɛmɛi ashĩai lɛ anaa. Ni amɛgboshinii lɛ yɛ Yuda gboshinii lɛ teŋ.+ 2 Amɛgboshinii lɛ ji Beer-sheba+ kɛ Sheba kɛ Molada+ 3 kɛ Hazar-shual+ kɛ Bala kɛ Ezem+ 4 kɛ Eltolad+ kɛ Betul kɛ Horma 5 kɛ Ziklag+ kɛ Bet-markabot kɛ Hazar-susa 6 kɛ Bet-lebaot+ kɛ Sharuhen—maji 13 kɛ amɛhe akrowai;* 7 Ain kɛ Rimon kɛ Eter kɛ Ashan+—maji ejwɛ kɛ amɛhe akrowai;* 8 kɛ akrowai* fɛɛ ni bɔle maji nɛɛ aahu kɛtee Baalat-beer, Rama ni yɔɔ wuoyigbɛ lɛ. Enɛ ji Simeon weku lɛ gboshinii yɛ amɛtsɛmɛi ashĩai lɛ anaa. 9 Ajie Simeon seshibii lɛ agboshinii lɛ kɛjɛ Yuda gbɛfaŋnɔ lɛ mli, ejaakɛ Yuda gbɛfaŋnɔ lɛ da tsɔ hã amɛ. No hewɔ lɛ, Simeon seshibii lɛ ná gbɛfaŋnɔ yɛ Yudabii lɛ agboshinii lɛ mli.+
10 No sɛɛ lɛ, oshiki ni ji etɛ+ ni afɔ̃ lɛ gbee Zebulon+ seshibii lɛ anɔ yɛ amɛtsɛmɛi ashĩai lɛ anaa, ni amɛgboshinii lɛ husu lɛ tee aahu kɛyashɛ Sarid. 11 Amɛhusu lɛ kwɔ kɛtsɔ anaigbɛ kɛtee Marala, ni eyashɛ Dabeshet, ni eyashɛ jɔɔ* ni kã Yokneam hiɛ lɛ naa. 12 Ni kɛjɛ Sarid lɛ, etsɔ bokãgbɛ, ni ji hulushiteehe lɛ gbɛ, kɛtee Kislot-tabor husu lɛ naa, ni ejɛ jɛmɛ kɛtee Daberat,+ ni ekwɔ kɛtee Yafia. 13 Ni kɛjɛ jɛmɛ lɛ, etsa nɔ kɛtsɔ bokãgbɛ, ni ji hulushiteehe lɛ gbɛ, kɛtee Gat-hefer,+ kɛtee Et-kazin, ni ejɛ jɛmɛ kɛtee Rimon, ni etsa nɔ kɛtee Nea. 14 Ni husu lɛ lɔgɔ shi yɛ kooyi kɛtee Hanaton, ni eyagbe naa yɛ Ifta-el Jɔɔ lɛ naa, 15 kɛ Katat kɛ Nahalal kɛ Shimron+ kɛ Idala kɛ Betlehem+—maji 12 kɛ amɛhe akrowai.* 16 Enɛ ji Zebulon seshibii lɛ agboshinii yɛ amɛtsɛmɛi ashĩai lɛ anaa.+ Enɛɛmɛi ji maji lɛ kɛ amɛhe akrowai* lɛ.
17 Oshiki ni ji ejwɛ+ ni afɔ̃ lɛ gbee Isakar+ nɔ, hɛɛ, egbee Isakar seshibii lɛ anɔ yɛ amɛtsɛmɛi ashĩai lɛ anaa. 18 Ni maji ni yɔɔ amɛhusu lɛ mli ji Yezreel+ kɛ Kesulot kɛ Shunem+ 19 kɛ Hafaraim kɛ Shion kɛ Anaharat 20 kɛ Rabit kɛ Kishion kɛ Ebez 21 kɛ Remet kɛ En-ganim+ kɛ En-hada kɛ Bet-pazez. 22 Ni husu lɛ yashɛ Tabor+ kɛ Shahazuma kɛ Bet-shemesh, ni amɛhusu lɛ naagbee ji Yordan lɛ naa—maji 16 kɛ amɛhe akrowai.* 23 Enɛ ji Isakar weku lɛ gboshinii yɛ amɛtsɛmɛi ashĩai lɛ anaa,+ maji lɛ kɛ amɛhe akrowai* lɛ.
24 Ni oshiki ni ji enumɔ+ ni afɔ̃ lɛ gbee Asher+ weku lɛ nɔ yɛ amɛtsɛmɛi ashĩai lɛ anaa. 25 Ni amɛhusu lɛ ji Helkat+ kɛ Hali kɛ Beten kɛ Akshaf 26 kɛ Alamelek kɛ Amad kɛ Mishal. Eyashɛ Karmel+ kɛ Shihor-libnat yɛ anaigbɛ, 27 ni edɔ eyi kɛtsɔ bokãgbɛ kɛtee Bet-dagon, ni eyashɛ Zebulon kɛ Ifta-el Jɔɔ lɛ naa yɛ kooyigbɛ, kɛtee Bet-emek kɛ Neiel, ni etsa nɔ kɛtee Kabul yɛ abɛkugbɛ, 28 ni etsa nɔ kɛtee Ebron kɛ Rehob kɛ Hamon kɛ Kana, aahu kɛtee Sidon+ Kpeteŋkpele lɛ tɔ̃ɔ. 29 Ni husu lɛ dɔ eyi kɛtee Rama, ni etee aahu kɛyashi Tiro+ maŋ ni atswa gbogbo awo he lɛ he. Ni husu lɛ dɔ eyi kɛtee Hosa, ni eyagbe naa yɛ ŋshɔ lɛ naa yɛ Akzib, 30 kɛ Uma kɛ Afek+ kɛ Rehob+ kpokpaa lɛ nɔ—maji 22 kɛ amɛhe akrowai.* 31 Enɛ ji Asher weku lɛ gboshinii yɛ amɛtsɛmɛi ashĩai lɛ anaa.+ Enɛɛmɛi ji maji lɛ kɛ amɛhe akrowai* lɛ.
32 Oshiki ni ji ekpaa+ ni afɔ̃ lɛ gbee Naftali seshibii lɛ anɔ, hɛɛ, egbee Naftali seshibii lɛ anɔ yɛ amɛtsɛmɛi ashĩai lɛ anaa. 33 Amɛhusu lɛ jɛ Helef, ejɛ tso agbo ni yɔɔ Zaananim+ lɛ he, kɛ Adami-nekeb kɛ Yabneel, aahu kɛtee Lakum; ni eyagbe naa yɛ Yordan lɛ naa. 34 Husu lɛ dɔ eyi kɛtsɔ anaigbɛ kɛtee Aznot-tabor, ni etsa nɔ kɛjɛ jɛmɛ kɛtee Hukok, ni eyashɛ Zebulon yɛ wuoyigbɛ, ni eyamɔ Asher yɛ anaigbɛ, ni eyamɔ Yuda yɛ Yordan lɛ naa, yɛ bokãgbɛ. 35 Ni maji ni atswa gbogbo awo amɛhe lɛ ji Zidim kɛ Zer kɛ Hamat+ kɛ Rakat kɛ Kineret 36 kɛ Adama kɛ Rama kɛ Hazor+ 37 kɛ Kedesh+ kɛ Edrei kɛ En-hazor 38 kɛ Yiron kɛ Migdal-el kɛ Horem kɛ Bet-anat kɛ Bet-shemesh+—maji 19 kɛ amɛhe akrowai.* 39 Enɛ ji Naftali weku lɛ gboshinii yɛ amɛtsɛmɛi ashĩai lɛ anaa,+ maji lɛ kɛ amɛhe akrowai* lɛ.
40 Oshiki ni ji kpawo+ ni afɔ̃ lɛ gbee Dan+ weku lɛ nɔ yɛ amɛtsɛmɛi ashĩai lɛ anaa. 41 Ni amɛgboshinii lɛ husu ji Zora+ kɛ Eshtaol kɛ Ir-shemesh 42 kɛ Shaalabin+ kɛ Ayalon+ kɛ Itla 43 kɛ Elon kɛ Timna+ kɛ Ekron+ 44 kɛ Elteke kɛ Gibeton+ kɛ Baalat 45 kɛ Yehud kɛ Bene-berak kɛ Gat-rimon+ 46 kɛ Me-yarkon kɛ Rakon, ni husu lɛ kã Yopa+ hiɛ. 47 Shi Dan shikpɔŋ lɛ edaaa kwraa hãaa amɛ.+ No hewɔ lɛ, amɛtee kooyigbɛ ni amɛkɛ Leshem+ yawu, ni amɛye enɔ kunim, ni amɛkɛ klante kpãtã maŋ lɛ hiɛ. Ni amɛŋɔ maŋ lɛ ni amɛhi mli, ni amɛtsake Leshem gbɛ́i lɛ amɛfee lɛ Dan, ni ji amɛblematsɛ Dan gbɛ́i lɛ.+ 48 Enɛ ji Dan weku lɛ gboshinii yɛ amɛtsɛmɛi ashĩai lɛ anaa. Enɛɛmɛi ji maji lɛ kɛ amɛhe akrowai* lɛ.
49 No hewɔ lɛ, amɛgbe shikpɔŋ lɛ ní amɛjara mli yɛ ehusui lɛ anaa amɛkɛhã akɛ gboshinii lɛ naa. Ni Israelbii lɛ hã Yoshua, Nun binuu lɛ, gboshinii yɛ amɛteŋ. 50 Yɛ Yehowa famɔ naa lɛ, amɛkɛ maŋ ni ebi, ni ji Timnat-sera+ ni yɔɔ Efraim gɔji lɛ anɔ lɛ hã lɛ, ni etswa maŋ lɛ ema shi, ni ehi mli.
51 Enɛɛmɛi ji gboshinii ni osɔfo Eleazar kɛ Nun binuu Yoshua kɛ Israel wekui lɛ atsɛmɛi ashĩai lɛ anɔ onukpai lɛ tsɔ oshikifɔɔ nɔ amɛjara+ yɛ Shilo+ yɛ Yehowa hiɛ, yɛ kpee buu lɛ shinaa lɛ naa lɛ.+ No hewɔ lɛ, amɛgbe shikpɔŋ lɛ jaa lɛ naa.