Yoshua
18 Ni Israel maŋ muu lɛ fɛɛ bua amɛhe naa yɛ Shilo,+ ni amɛshi kpee buu lɛ amɛma shi yɛ jɛmɛ,+ ejaakɛ amɛye shikpɔŋ lɛ nɔ agbɛnɛ.+ 2 Shi eshwɛ wekui kpawo yɛ Israelbii lɛ ateŋ lolo ni ahãko amɛ amɛgboshinii. 3 No hewɔ lɛ, Yoshua kɛɛ Israelbii lɛ akɛ: “Mɛɛ beyinɔ nɔŋŋ nyɛbaashashao shi kɛyashi, akɛ nyɛbaaya ni nyɛyaŋɔ shikpɔŋ ni Yehowa, nyɛtsɛmɛi a-Nyɔŋmɔ lɛ, kɛhã nyɛ lɛ?+ 4 Nyɛhalaa hii etɛ kɛjɛa weku fɛɛ weku mli nyɛhãa mi koni matsu amɛ; amɛya ni amɛyakpa shikpɔŋ lɛ nɔ ní amɛkadi husui lɛ yɛ wolo nɔ yɛ amɛgboshinii lɛ anaa. No sɛɛ lɛ, amɛku amɛsɛɛ kɛba miŋɔɔ. 5 Amɛjara shikpɔŋ lɛ mli kpawo amɛhã amɛhe.+ Yuda baaya nɔ ahi eshikpɔŋ lɛ nɔ yɛ wuoyigbɛ,+ ni Yosef shĩa lɛ baaya nɔ ahi amɛshikpɔŋ lɛ nɔ yɛ kooyigbɛ.+ 6 Shi nyɛ lɛ, nyɛjaraa shikpɔŋ lɛ mli kpawo ni nyɛkadi husui lɛ yɛ wolo nɔ, ní nyɛkɛbahãa mi yɛ biɛ, ni mafɔ̃ oshiki+ mahã nyɛ yɛ biɛ yɛ Yehowa, wɔ-Nyɔŋmɔ lɛ hiɛ. 7 Shi ahãŋ Levibii lɛ gbɛfaŋnɔ ko yɛ nyɛteŋ,+ ejaakɛ Yehowa osɔfoyeli lɛ ji amɛgboshinii;+ ni Gad kɛ Ruben kɛ Manase weku lɛ fã+ lɛ eŋɔ amɛgboshinii momo yɛ Yordan lɛ bokãgbɛ, nɔ ni Yehowa tsulɔ Mose kɛhã amɛ lɛ.”
8 Hii lɛ saa amɛhe koni amɛya, ni Yoshua fã mɛi ni yaakadi shikpɔŋ lɛ husui lɛ yɛ wolo nɔ lɛ akɛ: “Nyɛyakpaa shikpɔŋ lɛ nɔ ní nyɛkadia husui lɛ yɛ wolo nɔ, ní nyɛkua nyɛsɛɛ kɛbaa miŋɔɔ, ni mafɔ̃ oshiki mahã nyɛ yɛ biɛ, yɛ Yehowa hiɛ yɛ Shilo.”+ 9 Kɛkɛ ni hii lɛ tee ni amɛyakpa shikpɔŋ lɛ nɔ fɛɛ, ni amɛjara mli kpawo ni amɛkɛ maji kadi husui lɛ, ni amɛŋma yɛ wolo nɔ. No sɛɛ lɛ, amɛku amɛsɛɛ kɛba Yoshua ŋɔɔ yɛ nsara lɛ mli yɛ Shilo. 10 Ni Yoshua fɔ̃ oshiki ehã amɛ yɛ Shilo, yɛ Yehowa hiɛ.+ Yoshua jara shikpɔŋ lɛ ehã Israelbii lɛ yɛ jɛmɛ, yɛ bɔ ni esa akɛ amɛná lɛ naa.+
11 Oshiki ni afɔ̃ lɛ gbee Benyamin weku lɛ nɔ, yɛ amɛtsɛmɛi ashĩai lɛ anaa, ni shikpɔŋ ni amɛná akɛ amɛgbɛfaŋnɔ lɛ kã Yudabii lɛ ashikpɔŋ+ lɛ kɛ Yosefbii lɛ ashikpɔŋ+ lɛ teŋ. 12 Amɛkooyigbɛ husu lɛ je shishi yɛ Yordan lɛ naa, ni husu lɛ kwɔ kɛtee Yeriko+ gɔŋ lɛ he yɛ kooyigbɛ, ni ekwɔ gɔŋ lɛ kɛtee anaigbɛ, ni etsa nɔ kɛtee Bet-aven+ ŋa lɛ nɔ. 13 Ni husu lɛ tsa nɔ kɛjɛ jɛmɛ kɛtee Luz, yɛ Luz gɔŋ lɛ wuoyigbɛ, Luz nɔŋŋ ji Betel;+ husu lɛ kpeleke shi kɛtee Atarot-adar,+ yɛ gɔŋ ni yɔɔ Jɔɔŋgbɛ Bet-horon+ wuoyigbɛ lɛ nɔ. 14 Ni agbá anaigbɛ husu lɛ, ni ejɛ gɔŋ ni yɔɔ Bet-horon hiɛ yɛ wuoyigbɛ lɛ nɔ elɔgɔ shi kɛtee wuoyigbɛ; ni eyagbe naa yɛ Kiriat-baal, ni ji Kiriat-yearim,+ ni eji Yuda maji lɛ eko lɛ. Enɛ ji anaigbɛ husu lɛ.
15 Wuoyigbɛ husu lɛ jɛ Kiriat-yearim naagbeehe lɛ, ni etsa nɔ kɛtee anaigbɛ; etsa nɔ kɛtee Neftoa nui lɛ anuhiŋmɛi lɛ he.+ 16 Husu lɛ kpeleke shi kɛtee gɔŋ ni yɔɔ Hinom Binuu Lɛ Jɔɔ+ lɛ hiɛ lɛ naagbeehe lɛ, yɛ Refaim Jɔɔ+ lɛ mli yɛ kooyigbɛ, ni ekpeleke shi kɛtee Hinom Jɔɔ lɛ mli, kɛtee Yebusbii+ lɛ agɔŋ lɛ he yɛ wuoyigbɛ, ni ekpeleke shi kɛtee En-rogel.+ 17 Ni husu lɛ kã shi kɛtee kooyigbɛ, ni etsa nɔ kɛtee En-shemesh, ni ejɛ jɛmɛ kɛtee Gelilot ni yɔɔ Adumim gɔŋ lɛ hiɛ lɛ,+ ni ekpeleke shi kɛtee Ruben binuu Bohan+ tɛ lɛ he.+ 18 Ni etsa nɔ kɛtee gɔŋ ni yɔɔ kooyigbɛ yɛ Araba lɛ hiɛ lɛ, ni ekpeleke shi kɛtee Araba lɛ. 19 Ni husu lɛ tsa nɔ kɛtee Bet-hogla+ gɔŋ lɛ he yɛ kooyigbɛ, ni husu lɛ yagbe naa yɛ Ŋoo Ŋshɔ*+ lɛ kooyigbɛ ŋshɔnine bibioo* lɛ naa, yɛ Yordan lɛ wuoyigbɛ naagbeehe lɛ. Enɛ ji wuoyigbɛ husu lɛ. 20 Ni Yordan lɛ ji ehusu yɛ bokãgbɛ. Enɛ ji Benyaminbii lɛ agboshinii yɛ amɛtsɛmɛi ashĩai lɛ anaa, yɛ ehusui lɛ anaa kɛkpe.
21 Ni Benyamin weku lɛ maji yɛ amɛtsɛmɛi ashĩai lɛ anaa nɛ: Yeriko kɛ Bet-hogla kɛ Emek-keziz 22 kɛ Bet-araba+ kɛ Zemaraim kɛ Betel+ 23 kɛ Avim kɛ Para kɛ Ofra 24 kɛ Kefar-amoni kɛ Ofni kɛ Geba+—maji 12 kɛ amɛhe akrowai.*
25 Gibeon+ kɛ Rama kɛ Beerot 26 kɛ Mizpe kɛ Kefira kɛ Moza 27 kɛ Rekem kɛ Irpeel kɛ Tarala 28 kɛ Zela+ kɛ Elef kɛ Yebus, ni ji Yerusalem,+ kɛ Gibea+ kɛ Kiriat—maji 14 kɛ amɛhe akrowai.*
Enɛ ji Benyamin seshibii lɛ agboshinii yɛ amɛtsɛmɛi ashĩai lɛ anaa.