Akɛmaje Hebribii Lɛ

9 No mli lɛ, klɛŋklɛŋ kpaŋmɔ lɛ yɛ mla naa taomɔ nii kɛhã sɔɔmɔ krɔŋŋ, ni eyɛ ehe krɔŋkrɔŋ+ hu yɛ shikpɔŋ lɛ nɔ. 2 Ejaakɛ afee mama tsũ ko ama shi, ni emli klɛŋklɛŋ tsũ lɛ mli kanetso+ lɛ kɛ okpɔlɔ lɛ kɛ blodo ni akɛmaa Nyɔŋmɔ hiɛ* lɛ yɔɔ;+ ni atsɛ jɛmɛ akɛ He Krɔŋkrɔŋ.+ 3 Shi mama tsũ lɛ mli tsũ ni atsɛɔ lɛ He Krɔŋkrɔŋ Fe Fɛɛ lɛ yɛ pateeshɛŋ ni ji enyɔ+ lɛ sɛɛ.+ 4 No mli lɛ, jɛmɛ shika tsuru tsofa-kɛ-ŋma shãanɔ,+ kɛ kpaŋmɔ adeka+ lɛ ni akɛ shika tsuru eha he fɛɛ+ ni shika tsuru kɔɔpoo ni mana+ lɛ kɛ Aaron tso ni gbá afoforo+ lɛ kɛ kpaŋmɔ lɛ tɛi tɛtrɛbii*+ lɛ yɔɔ mli lɛ yɔɔ; 5 ni anunyam kerubim lɛ yɛ kpaŋmɔ adeka lɛ naanɔ ni atsɛɔ lɛ kpatamɔ naanɔ lɛ* nɔ.+ Amɛhɔɔŋ eha kpatamɔ naanɔ lɛ nɔ. Shi amrɔ nɛɛ jeee be ni wɔkɛbaawie nibii nɛɛ ahe fitsofitso.

6 Be ni afee nɛkɛ nibii nɛɛ yɛ nɛkɛ gbɛ nɔ agbe naa lɛ, osɔfoi lɛ boteɔ mama tsũ lɛ mli klɛŋklɛŋ tsũ lɛ mli daa koni amɛyatsu sɔɔmɔ krɔŋŋ lɛ he nitsumɔi lɛ;+ 7 shi osɔfonukpa lɛ kome too pɛ boteɔ tsũ ni ji enyɔ lɛ mli shi kome daa afi,+ ni eyaaa jɛmɛ ni ehiɛɛɛ lá,+ nɔ ni ekɛyahãa yɛ lɛ diɛŋtsɛ ehewɔ+ kɛ eshai ni maŋbii+ lɛ efee ni amɛleee lɛ hu ahewɔ lɛ. 8 No hewɔ lɛ, mumɔ krɔŋkrɔŋ lɛ hãa efeɔ faŋŋ akɛ gbii abɔ ni nɛkɛ klɛŋklɛŋ mama tsũ nɛɛ ma shi lolo nɛɛ, ajieko gbɛ ni akɛyaa he krɔŋkrɔŋ lɛ kpo.+ 9 Nɛkɛ mama tsũ nɛɛ ji mfonirifeemɔŋ nɔ ko kɛhã be ni yɔɔ amrɔ nɛɛ,+ ni yɛ nakai gbɛjianɔtoo lɛ naa lɛ, akɛ nikeenii kɛ afɔlei fɛɛ hãa.+ Shi nɛkɛ nibii nɛɛ nyɛɛɛ ahã mɔ ni kɛ sɔɔmɔ krɔŋŋ hãa lɛ henilee abu lɛ akɛ mɔ ko ni he bɛ shwamɔ ko kwraa.+ 10 Nibii nɛɛ kɔɔ niyenii kɛ nii ni anuɔ kɛ kusum naa hejuu srɔtoi* ahe kɛkɛ.+ No mli lɛ amɛji gbɔmɔtso lɛ he mla naa taomɔ nii+ ni ato akɛ afee kɛyashi be ni ato ni akɛbaajaje nibii lɛ baashɛ.

11 Shi be ni Kristo ba akɛ nibii kpakpai ni eba momo lɛ ahe osɔfonukpa lɛ, etsɔ mama tsũ ni je agbo ni eye emuu fe klɛŋklɛŋ nɔ lɛ mli, mama tsũ ni jeee niji akɛfee, nɔ ni jeee je nɛŋ bɔɔ nii lɛ ateŋ eko. 12 Ebote he krɔŋkrɔŋ lɛ shi kome nyɔŋlo, jeee kɛ abotiai kɛ tsinahii* alá, shi moŋ kɛ lɛ diɛŋtsɛ elá,+ ni ekɛná naanɔ kpɔmɔ ehã wɔ.+ 13 Ejaakɛ kɛ́ abotiai kɛ tsinahii alá+ kɛ tsinayoo* lamulu ni akɛshwãa mɛi ni amɛhe ewo muji lɛ anɔ lɛ tsuɔ amɛhe ni amɛhe tseɔ yɛ heloo gbɛfaŋ lɛ,+ 14 enyiɛ nɔŋŋ ni Kristo lɛ, mɔ ni tsɔ naanɔ mumɔ nɔ ekɛ lɛ diɛŋtsɛ ehe ni kpa ko bɛ he lɛ hã Nyɔŋmɔ lɛ lá+ lɛ tsumɔŋ wɔhenilei lɛ ahe kɛjeŋ nitsumɔi ni egboi ahe,+ koni wɔkɛ sɔɔmɔ krɔŋŋ ahã Nyɔŋmɔ hiɛkãalɔ lɛ?+

15 No hewɔ ni eji kpaŋmɔ hee teŋdamɔlɔ lɛ,+ bɔ ni afee ni mɛi ni atsɛ amɛ lɛ nine ashɛ naanɔ gboshinii ni awo he shi lɛ nɔ,+ ejaakɛ mɔ ko egbo akɛ kpɔmɔnɔ+ koni akɛjie amɛ kɛjɛ klɛŋklɛŋ kpaŋmɔ lɛ nɔ tɔmɔi lɛ amli. 16 Ejaakɛ kɛ́ Nyɔŋmɔ kɛ gbɔmɔ kpaŋ kpaŋmɔ lɛ, esa akɛ gbɔmɔ ni kpaŋ kpaŋmɔ* lɛ agbo, 17 nɔ hewɔ ji akɛ, kɛ́ Nyɔŋmɔ kɛ gbɔmɔ kpaŋ kpaŋmɔ lɛ, ja agbo dani etsuɔ nii, ejaakɛ gbii abɔ ni gbɔmɔ ni kpaŋ kpaŋmɔ* lɛ hiɛ kã lolo lɛ, kpaŋmɔ lɛ tsuuu nii. 18 No hewɔ ni ashwie lá shi dani klɛŋklɛŋ kpaŋmɔ lɛ bɔi nitsumɔ* lɛ. 19 Ejaakɛ be ni Mose wie Mla lɛ mli kitãi lɛ fɛɛ ahe etsɔɔ maŋbii lɛ fɛɛ egbe naa lɛ, eŋɔ tsinahii kɛ abotiai lɛ alá kɛ nu kɛ kooloo hetsɔi ni tsuɔ waa kɛ hisopo, ni ekɛshwã wolo* lɛ kɛ maŋbii lɛ fɛɛ anɔ 20 ekɛɛ: “Kpaŋmɔ lɛ ni Nyɔŋmɔ efã nyɛ akɛ nyɛye nɔ lɛ nɔ lá lɛ nɛ.”+ 21 Nakai nɔŋŋ hu ekɛ lá lɛ shwã mama tsũ lɛ kɛ nibii fɛɛ ni akɛtsuɔ sɔɔmɔ krɔŋkrɔŋ* lɛ he nii lɛ anɔ.+ 22 Hɛɛ, yɛ Mla lɛ naa lɛ, akɛ lá tsuɔ nibii kpotoo he,+ ni kɛ́ afɔseee lá ashwieee shi lɛ, akɛ esha ekeee.+

23 No hewɔ lɛ, ehe bahia ni akɛ enɛɛmɛi atsuu nibii ni feɔ ŋwɛi nii lɛ ahe mfoniri+ lɛ ahe,+ shi ŋwɛi nii lɛ diɛŋtsɛ lɛ, afɔlei ni hi kwraa fe nomɛi akɛtsuɔ he. 24 Ejaakɛ jeee he krɔŋkrɔŋ ni akɛ niji fee, ni feɔ he krɔŋkrɔŋ diɛŋtsɛ lɛ he mfoniri+ lɛ mli Kristo yabote lɛ,+ shi moŋ eyabote ŋwɛi diɛŋtsɛ,+ ni no hewɔ lɛ, amrɔ nɛɛ, eyɛ Nyɔŋmɔ hiɛ yɛ wɔhewɔ.+ 25 Afeee enɛ koni ekɛ ehe ahã shii abɔ, tamɔ bɔ ni osɔfonukpa lɛ yaboteɔ he krɔŋkrɔŋ lɛ daa afi+ kɛ lá ni jeee lɛ diɛŋtsɛ enɔ lɛ. 26 Eji nakai kulɛ, esa akɛ ena amanehulu shii abɔ kɛjɛ be ni ato je lɛ shishi* beebe. Shi amrɔ nɛɛ, ejie ehe kpo shi kome nyɔŋlo yɛ bei nɛɛ* anaagbee gbii lɛ amli, koni etsɔ lɛ diɛŋtsɛ ehe ni ekɛshã afɔle lɛ nɔ ejie esha kɛya.+ 27 Ni bɔ ni ekã shi hã gbɔmɛi akɛ amɛgboi shi kome nyɔŋlo, kɛkɛ lɛ no sɛɛ lɛ, akojo amɛ lɛ, 28 nakai nɔŋŋ akɛ Kristo lɛ hu hã shi kome nyɔŋlo koni etere mɛi babaoo ahe eshai;+ ni nɔ ni ji shii enyɔ nɔ ni ebaapue lɛ, jeee esha hewɔ ebaapue,* ni mɛi ni kɛ miishɛɛ kwɛɔ lɛ gbɛ kɛhã amɛyiwalaheremɔ lɛ baana lɛ.+