David nɔ. Lala ni elá be ni ekwa efee tamɔ eye sɛkɛ+ yɛ Abimelek hiɛ, ni hã Abimelek shwie lɛ yɛ ehiɛ ni etee lɛ.
א [Alef]
34 Majie Yehowa yi be fɛɛ be;
Eyijiemɔ baakã minaa daa.
ב [Bet]
2 Mashwã yɛ Yehowa hewɔ;+
Mɛi ni he jɔ lɛ baanu he ni amɛbaanya.
ג [Gimel]
3 Nyɛkɛ mi ajiea Yehowa yi;+
Nyɛhãa wɔ fɛɛ wɔwóa egbɛ́i lɛ nɔ gojoo.
ד [Dalet]
4 Mibi Yehowa nii, ni ehã mi.+
Ejie mi kɛje migbeyeishemɔi lɛ fɛɛ amli.+
ה [He]
5 Mɛi ni kɛ amɛhiɛ fɔ̃ enɔ lɛ ná miishɛɛ;
Amɛhiɛ eshwieee shi kɔkɔɔkɔ.
ז [Zayin]
6 Mɔ ni bɛ yelikɛbualɔ nɛɛ bo etsɛ Yehowa, ni ebo lɛ toi.
Ehere lɛ kɛje ehaomɔi lɛ fɛɛ amli.+
ח [Het]
7 Yehowa bɔfo lɛ bɔleɔ mɛi ni sheɔ lɛ gbeyei lɛ ahe kɛkpeɔ,+
Ni ejieɔ amɛ.+
ט [Tet]
8 Nyɛsaa nyɛnaa nyɛkwɛa, ni nyɛbaana akɛ Yehowa hi;+
Mɔ ni baa lɛ abo lɛ yɛ miishɛɛ.
י [Yod]
9 Nyɛshea Yehowa gbeyei, nyɛ mɛi fɛɛ ni nyɛji emɛi krɔŋkrɔŋi lɛ,
Ejaakɛ mɛi ni sheɔ lɛ gbeyei lɛ, nɔ ko nɔ ko ehiaŋ amɛ.+
כ [Kaf]
10 Hɔmɔ yeɔ jatai ni he wala lɛ po,
Shi mɛi ni taoɔ Yehowa sɛɛ gbɛ lɛ, nɔ kpakpa ko ehiaŋ amɛ.+
ל [Lamed]
11 Mibii, nyɛbaa, nyɛboa mi toi;
Matsɔɔ nyɛ Yehowa gbeyeishemɔ.+
מ [Mem]
12 Nyɛteŋ namɔ sumɔɔ ni ená miishɛɛ yɛ shihilɛ mli
Ni eye gbii kpakpai pii hu?+
נ [Nun]
13 No lɛ, buu olilɛi he ni ekafee efɔŋ,+
Kɛ onaabu hu, ni ekalaka mɛi.+
ס [Samek]
14 Tsi ohe kɛje efɔŋ he, ni ofee ekpakpa;+
Taomɔ toiŋjɔlɛ ni otiu sɛɛ.+
ע [Ayin]
15 Yehowa hiŋmɛii kã jalɔi ahe,+
Ni kɛ́ amɛbo amɛtsɛ lɛ koni eye ebua amɛ lɛ, ekɛ etoi boɔ amɛ toi.+
פ [Pe]
16 Shi Yehowa jieɔ ehiɛ ekaa mɛi ni feɔ efɔŋ lɛ,
Koni egbe amɛgbɛ́i kɛje shikpɔŋ lɛ nɔ kwraa.+
צ [Tsade]
17 Amɛbo amɛtsɛ Yehowa, ni ebo amɛ toi;+
Ejie amɛ kɛje amɛhaomɔi lɛ fɛɛ amli.+
ק [Kof]
18 Yehowa yɛ mɛi ni tsui ekumɔ lɛ amasɛi;+
Ehereɔ mɛi ni werɛ eho amɛhe lɛ.+
ר [Resh]
19 Jalɔ tsɔɔ shihilɛi babaoo ni mli wawai amli,+
Shi Yehowa jieɔ lɛ kɛjeɔ fɛɛ mli.+
ש [Shin]
20 Ebuɔ ewui lɛ fɛɛ ahe;
Akuko ekome folo po.+
ת [Taw]
21 Sane fɔŋ baagbe efɔŋfeelɔ;
Abaabu mɛi ni nyɛɔ jalɔ lɛ fɔ.
22 Yehowa kpɔ̃ɔ etsuji awala;
Abuŋ mɛi ni baa lɛ abo lɛ ateŋ mɔ ko mɔ ko fɔ.+