Yitso 4

Maŋtsɛmɛi kɛha Afii Akpe Ní Bɛ Sɛɛyelɔi.

 1. Kɛjɛ namɔ be mli kɛbaa nɛɛ maŋtsɛyelii ni adesa to Iɛ efee nɔ ni haaa mɔ tsui anyɔ emli aloo sɛɛnamɔ bɛ he?

¹ MAŊTSƐYELI ni adesai to lɛ nyɛko atsu adesai ahiamɔnii ahe nii. Kɛ hoo kwraa lɛ kɛjɛ afii ohai nyɔŋmai enyɔ kɛ enyɔ dani wɔ Ŋmɛnɛŋmɛnɛ Be nɛɛ shɛ lɛ mli aloo nɔ ni fe afii 4,150 ni eho nɛ ni adesa weku lɛ je shishi amɛna adesai amaŋtsɛyelii. Klɛŋklɛŋ maŋtsɛ ni ji adesa ni ale egbɛi ji Nimrod, Noa ni ji adeka feelɔ lɛ nanakansowa, ni etamɔ nɔ ni Nimrod diɛŋtsɛ fee ehe maŋtsɛ, taakɛ nɔ ni aŋma afɔ shi yɛ 1 Mose 10:​8-12 lɛ tsɔɔ lɛ.

 2. (a) Mɛni ji Noa su yɛ maŋtsɛyeli he? (b) Mɛɛ nɔyeli gbɔmɛi eto amɛyiŋ akɛ no amɛsumɔɔ ŋmɛnɛ?

² Noa, ni hi shi kɛteke Nimrod maŋtsɛyeli lɛ shishijee lɛ efeee lɛ Babel (aloo Babilon) maŋtsɛ. Noa po efee lɛ diɛŋtsɛ ehe maŋtsɛ, shi moŋ etee nɔ ehi shi akɛ adesa weku ni mli lɛɛɔ lɛ yitso, aloo blematsɛ. (1 Mose 9:​28, 29; 10:32 kɛyashi 11:⁠9) Ŋmɛnɛ titri ji be mli ni etɔ gbɔmɛi yɛ adesai ni ji maŋtsɛmɛi kɛ amɛsɛɛyelɔi ni yeɔ nɔ yɛ amɛheloo gbɛfaŋ wekui amli lɛ mli hiɛmɔ. Nɔ ni amɛto amɛyiŋ ni amɛsumɔɔ ji gbɔmɛi anɔyelii, tamɔ kwasafo loo maŋbii anɔyeli ni amɛ diɛŋtsɛ amɛhala amɛ maŋnɔkwɛlɔi. Yɛ nɛkɛ demokrase aloo maŋbii anɔyeli nɛɛ shishi hu lɛ etsɛɛɛ ni nɔyelɔi akuu kome ni maŋkwramɔ kuu kome halaa amɛ tɔɔ gbɔmɛi lɛ ni amɛtaoɔ tsakemɔ koni amɛhala maŋkwramɔ kuu kroko mli bii.

 3. Namɔ ji mɔ ni maŋtsɛyelii ni adesa to lɛ amlihiɛmɔ etɔ lɛ lɛ, ni mɛni ji nɔ ni eha ajaje yɛ heni ato klɛŋklɛŋ maŋtsɛyeli lɛ yɛ lɛ?

³ Jeee adesai pɛ maŋtsɛyeli ni gbɔmɛi to kɛ amɛsɛɛyelɔi nɛɛ amli hiɛmɔ etɔ amɛ. Nyɔŋmɔ hu nakai nɔŋŋ. Yɛ anɔkwale mli lɛ, adesai anɔyelii ni yɔɔ shikpɔŋ nɔ ŋmɛnɛ lɛ fɛɛ eje Nyɔŋmɔ tsine.a Kɛji akɛ ejeko gbɔmɛi lɛ atsine lɛ, Lɛ lɛ, eje etsine. Yɛ anɔkwale mli lɛ, egbɛfaŋ nii (ni ji shikpɔŋ lɛ) ji nɔ ni nɔyelii ni adesai to nɛɛ etsu amɛnɔyelii ni ehiii ni haaa gbɔmɛi lɛ atsui anyɔ amɛmli ni nyɛɛɛ atsu nɔ ni amɛtaoɔ lɛ he nii aha amɛ lɛ eye nɔ yɛ. No hewɔ ni E-ha ajaje yɛ heni klɛŋklɛŋ adesa lɛ fee ehe maŋtsɛ, yɛ Babilon diɛŋtsɛ akɛ, yɛ Lɛ diɛŋtsɛ ebe ni eto lɛ mli lɛ ebaakpata nɔyelii ni adesai to lɛ fɛɛ hiɛ koni eha gbɛ aka aha E-Bi Yesu Kristo afii akpe nɔyeli lɛ. Etsa egbalɔ Daniel nɔ ekɛɛ Nebukadnezar, Babilon maŋtsɛ lɛ akɛ: “Ni nɛkɛ maŋtsɛmɛi nɛɛ ayinɔ lɛ, Nyɔŋmɔ ni yɔɔ ŋwɛi lɛ aaatee maŋtsɛyeli ko shi ama shi, ni efiteŋ dɔŋŋ kɛaatee naanɔ, ni ashiŋ maŋtsɛyeli nɛɛ ahaŋ maŋ kroko; eeejwara maŋtsɛyelii nɛɛ fɛɛ wɔtsɔwɔtsɔ ni eeekpata amɛhiɛ, shi lɛ diɛŋtsɛ lɛ eeedamɔ shi kɛaatee naanɔ.”​—Dan. 2:⁠44.

 4, 5. (a) Ŋamɛi ji adesai anɔyelɔi ni Nyɔŋmɔ sumɔɔ amɛ Iɛ? (b) Taakɛ bɔfo Yohane tsɔɔ lɛ, suɔmɔ ni nɛkɛ nɔyelɔi nɛɛ yɔɔ kɛha Nyɔŋmɔ lɛ baaha amɛna suɔmɔ hu amɛha namɛi?

⁴ Taakɛ E-yiŋtoo nɛɛ tsɔɔ lɛ, Ŋwɛi Flooflo Nyɔŋmɔ lɛ bɛ nakai maŋtsɛmɛi kɛ maŋkwramɔ nɔyelɔi krokomɛi ni yɔɔ shikpɔŋ nɔ lɛ ahe suɔmɔ ko. Amɛhu amɛsumɔɔɔ Lɛ, eyɛ mli akɛ amɛteŋ mɛi pii ji maŋtsɛmɛi kɛ maŋkwramɔŋ nɔyelɔi yɛ nɔ ni atsɛɔ lɛ akɛ Kristendom lɛ. Eji amɛsumɔɔ Lɛ kulɛ, amɛbaafee nɔ ni Yesu Kristo, Nyɔŋmɔ Bi lɛ kɛɛ ekaselɔi lɛ: “Nyɛtaoa Nyɔŋmɔ maŋtsɛyeli lɛ kɛ ejalɛ lɛ tsutsu,” ni amɛkɛ amɛhe woŋ maŋkwramɔ gbɛhei amli yɛ nɔyelii ni adesai to lɛ amli ŋmɛnɛ (Mat. 6:33) Ehe miihia waa akɛ adesai aaana mɔ ko ni Nyɔŋmɔ ni yɔɔ ŋwɛi lɛ sumɔɔ lɛ koni eye amɛnɔ akɛ maŋtsɛ. Ni eji anɔkwale hu yɛ nɛkɛ maŋtsɛ nɛɛ hefatalɔi lɛ ahe: beni afee ni ahi aha adesai lɛ, esa akɛ amɛfee gbɔmɛi ni Nyɔŋmɔ sumɔɔ amɛ. No hewɔ ni ebaaha amɛhi gbɛhei ni tamɔ nakai amli lɛ. Klɛŋklɛŋ lɛ no hewɔ ni ekɛ nitsumɔ ni tamɔ nakai wo amɛdɛŋ lɛ. Amɛji ni amɛbaaya nɔ amɛfee mɛi ni sumɔɔ anɔkwa Nyɔŋmɔ hiɛkalɔ kome lɛ. Enɛ tsɔɔ akɛ amɛbaafee mɛi ni sumɔɔ gbɔmɛi ni yɔɔ shikpɔŋ nɔ lɛ hu. Nɛkɛ sane nɛɛ nɔŋŋ he bɔfo Yohane ŋma akɛ:

⁵ “Kɛji mɔ ko kɛɛ akɛ: Miisumɔ Nyɔŋmɔ ni enyɛɔ lɛ diɛŋtsɛ enyɛmi lɛ, amalelɔ ji lɛ, ejaakɛ mɔ ni sumɔɔɔ lɛ diɛŋtsɛ enyɛmi ni enaa lɛ lɛ, Nyɔŋmɔ ni enaaa lɛ lɛ, te aaafee tɛɛŋ ni eeenyɛ lɛ esumɔ hu? Ní nɛkɛ kita nɛɛ wɔna kɛjɛ eŋɔɔ, koni mɔ ni sumɔɔ Nyɔŋmɔ lɛ asumɔ lɛ diɛŋtsɛ enyɛmi hu.”​—1 Yoh. 4:​20, 21.

 6. Yɛ mɛɛ gbɛ nɔ bɔni nɔyeli lɛ maa nɔ mi akɛ amɛaahiɛ amɛhusui kɛ amɛmaŋtsɛyelii amli lolo lɛ esa adesai ahe

⁶ Maŋtsɛmɛi ni ji adesai kɛ maŋkwramɔ nɔyelɔi krokomɛi eye amɛmaŋ loo amɛhusui ni gbálaa amɛkɛ maji kɛ gbɔmɛi krokomɛi ateŋ lɛ he awuŋa. Maŋkwramɔŋ nɔyelɔ fɛɛ nɔyelɔ bɔɔ mɔdɛŋ ni emɔ lɛ diɛŋtsɛ ehusu lɛ mli, ni ekpaa gbɛ akɛ gbɔmɛi ni yɔɔ mli lɛ aaaye lɛ anɔkwale. Ajara shikpɔŋ lɛ mli afee lɛ maji kɛ maji ahusui babaoo yɛ nibii agbɛjianɔtoo nɛɛ mli, ni maŋ fɛɛ maŋ miima nɔyeli nɔ mi, ni enɛ nyɛko afee adesai fɛɛ ekome. Béi ni kamɔ maji ateŋ ete shi. No hewɔ lɛ sane ko ni yɔɔ miishɛɛ teɔ shi.

 7. Mɛni ji Nyɔŋmɔ yiŋtoo ni kɔɔ ŋwɛi nɔyeli ni aaaye shikpɔŋ lɛ nɔ lɛ he, ni yɛ mɛɛ gbɛ nɔ Kpojiemɔ 14:​1-5 tsɔɔ enɛ?

⁷ Ŋwɛi yiŋtoo lɛ jeee ni Yesu Kristo kometoo aye nɔ akɛ maŋtsɛ afii akpe. Nyɔŋmɔ suɔmɔ Bi lɛ damɔŋ shi akɛ ekometoo pɛ ji Maŋtsɛ yɛ ŋwɛi Zion Gɔŋ lɛ nɔ, heni nɔyeli lɛ maŋtsɛsɛi lɛ yɔɔ lɛ. Shi taakɛ bɔfo Yohane kɛɔ wɔ lɛ: “Ni mikwɛ, ni naa, Toobi lɛ damɔ Zion Gɔŋ lɛ nɔ, ni mɛi akpei oha-kɛ-nyɔŋmai ejwɛ-kɛ-ejwɛ ni aŋma egbɛi kɛ etsɛ gbɛi yɛ amɛhiɛŋtsei anɔ fata ehe. Ni amɛlaa lala ko ni tamɔ ehee yɛ maŋtsɛsɛi lɛ hiɛ kɛ hiɛkalɔi ejwɛ lɛ kɛ onukpai lɛ ahiɛ; ni mɔ ko nyɛɛɛ lala lɛ akase akɛ mɛi akpei oha-kɛ-nyɔŋmai-ejwɛ-kɛ-ejwɛ lɛ ni ahe kɛjɛ shikpɔŋ lɛ nɔ lɛ kɛkɛ. Mɛnɛɛmɛi ji mɛi ni amɛnyiɛɔ Toobi lɛ sɛɛ kɛyaa he fɛɛ he ni eyaa lɛ. Mɛnɛɛmɛi ji mɛi ni ahe kɛjɛ gbɔmɛi ateŋ ni amɛtsɔmɔ klɛŋklɛŋ yibii amɛha Nyɔŋmɔ kɛ Toobi lɛ; ni anaaa amale ko yɛ amɛdaaŋ, ejaakɛ kpa ko bɛ amɛhe.”​—Kpoj. 14:​1-5.

 8. Mɛɛ sanebimɔi teɔ shi yɛ shikpɔŋkukuji ni akɛaawo Maŋtsɛyeli niyelɔi 144,000 edɛŋ lɛ he, kɛ agbɛnɛ amɛwiemɔi hu ni aaasusu he lɛ he?

⁸ Akɛni nɔyelɔi odehei 144,0001 baaye shikpɔŋ lɛ nɔ hewɔ lɛ ani enɛ tsɔɔ akɛ ebaajara shikpɔŋ lɛ mli afee lɛ shikpɔŋkukuji 144,000 koni 144,000 lɛ ateŋ mɔ fɛɛ mɔ akwɛ shikpɔŋkuku kome nɔ, ni mɛi ni yɔɔ nakai shikpɔŋkuku lɛ mli lɛ abu amɛhe akɔntaa amɛha nakai mɔ krɛdɛɛ ni ji maŋtsɛ yɛ Yesu Kristo, Maŋtsɛ kɛ Yitso lɛ shishi lɛ? Ani shikpɔŋ lɛ nɔ bii amligbalamɔ nɛkɛ lɛ kɛ husui baŋ, eyɛ mli akɛ anaaa enɛ moŋ, ni ani ekɛ sɔrɔtofeemɔ baŋ shikpɔŋ nɔ bii ni yɔɔ husui sɔrɔtoi nɛɛ amli lɛ ateŋ? Agbɛnɛ hu, ani Maŋtsɛyeli niyelɔ ni tsutsu lɛ ewieɔ Chinese wiemɔ lɛ efeŋ mɔ ni abaahala yɛ koni eye shikpɔŋ nɔ bii ni wieɔ Chinese wiemɔ lɛ anɔ, Maŋtsɛyeli niyelɔ ni wieɔ Rusia hu aye mɛi ni wieɔ Rusia wiemɔ lɛ anɔ, ni Maŋtsɛyeli niyelɔ ni wieɔ Ŋleshi lɛ hu abaye mɛi ni wieɔ Ŋleshi lɛ anɔ, nakai nɔŋŋ taakɛ,bɔni amɛwiemɔi akui yɔɔ? Ani wiemɔi ni gbálaa mɛi ateŋ lɛ baaya nɔ ahi shi, ni etsĩ shishinumɔ ni aaaba amɛteŋ lɛ naa?

 9. (a) Nɛgbɛ ejie Maŋtsɛyeli niyelɔi,144,000 lɛ kɛjɛ; ni ekɛ mɛɛ Yesu famɔ kpaa gbee? (b) Mɛɛ sanebimɔ téɔ shi yɛ wiemɔi sɔrɔtoi ni amɛwieɔ lɛ he?

⁹ Sanebimɔi ni sa jogbaŋŋ nɛ, shi esa akɛ akɛɛ yɛ enɛ mli akɛ Biblia lɛ etsɔɔɔ nɔ̃ maŋtsɛmɛi anitsumɔ aloo gbɛnaanii ni abaatsɔ Maŋtsɛ kɛ Yitso Yesu Kristo nɔ akɛha nɛkɛ 144,000 ni ji Kristo nanemɛi niyelɔi aŋkroaŋkroi nɛɛ. Yɛ afii ohai nyɔŋma kɛ nɛɛhu ni eho nɛ, kɛjɛ be mli ni ato Kristofoi asafo lɛ shishi yɛ afi 33 Ŋ.B. lɛ, nɛkɛ Kristo nanemɛi niyelɔi 144,000 nɛɛ efee mɛi ni ahala amɛkɛjɛ jeŋmaji kɛ akutsei kɛ maji kɛ wekui kɛ majianɔwiemɔi fɛɛ mli. Yesu Kristo ni atee lɛ shi lɛ kɛɛ ekaselɔi ni amɛbua amɛhe naa yɛ Galilea gbii komɛi dani ekwɔ kɛtee ŋwɛi lɛ akɛ: “Nyɛyaa ni nyɛyafea jeŋmaji fɛɛ mikaselɔi, nyɛbaptisia amɛ.” (Mat. 28:19) Ani esa akɛ wɔsusu akɛ 144,000 ni ji hefatalɔi maŋtsɛmɛi ni yɔɔ ŋwɛi Maŋtsɛyeli anunyam mli lɛ baafee mɛi ni wiemɔi baagbala amɛteŋ ni no hewɔ lɛ mɛi ni baatsɔɔ wiemɔi ashishi he baahia amɛ? Paulo ŋma yɛ “gbɔmɛi kɛ ŋwɛibɔfoi alilɛii” ahe.​—1 Kor. 13:⁠1.

10. Mɛni baafee 144,000 Iɛ wiemɔ yɛ ŋwɛi, ni mɛni baaba amɛtsutsu shikpɔŋ nɔ wiemɔi lɛ anɔ?

¹⁰ Sanebimɔ ko kwraa bɛ he akɛ 144,000 lɛ ni atee amɛ shi ni awo amɛhiɛ nyam lɛ fɛɛ baawie ŋwɛi wiemɔ kome, akɛ nikeenii ni ji nɛkɛ wiemɔ nɛɛ kɛ amɛ yɛ mumɔŋ gbɔmɔtsei lɛ amli yɛ amɛshitee kɛmiijɛ gbohii ateŋ lɛ mli. Enɛ etsɔɔɔ akɛ abaatsumɔ amɛtsutsu shikpɔŋ nɔ wiemɔi lɛ kɛjɛ amɛjwɛŋmɔi amli. Dabi, ejaakɛ nɛkɛ amɛ tsutsu adesai awiemɔ nɛɛ nɔ amɛbaatsɔ ni amɛle amɛhe akɛ amɛji nakai gbɔmɛi lɛ nɔŋŋ. Shi yɛ amɛshitee kɛmiiya ŋwɛi lɛ mli lɛ amɛbaawie Nuntsɔ Yesu Kristo wiemɔ lɛ, ni lɛ hu ebaawie eŋwɛi Tsɛ, Yehowa Nyɔŋmɔ wiemɔ lɛ,

WEKU KOME, WIEMƆ KOME

11. Mɛni abaafee ŋmɛnɛŋmɛnɛ beaŋ wiemɔi ni gbalaa mɛi ateŋ yɛ shikpɔŋ nɔ lɛ yɛ afii akpe maŋtsɛyeli be lɛ mli, yɛ mɛɛ gbɛ nɔ, ni mɛni hewɔ?

¹¹ Nakai nɔŋŋ hu abaajie ŋmɛnɛŋmɛnɛ beaŋ wiemɔi ni gbalaa adesai ni yɔɔ shikpɔŋ nɔ lɛ ateŋ lɛ kɛya yɛ Kristo kɛ enanemɛi maŋtsɛmɛi 144,000 lɛ afii akpe nɔyeli lɛ shishi. Nyɔŋmɔ shishijee yiŋtoo kɛha shikpɔŋ lɛ ji akɛ adesai bɔɔnii ni wieɔ wiemɔ kome, wiemɔ ni amɛklɛŋklɛŋ shikpɔŋ nɔ tsɛ, Adam ni yeɔ emuu lɛ wie lɛ ayi nɔ obɔ yɛ miishɛɛ mli. Adesa weku lɛ je shishi yɛ Eden abɔɔ lɛ mli kɛ wiemɔ kome. Yɛ Noa gbii lɛ amli jeŋ muu fɛɛ nu afua lɛ sɛɛ lɛ, Nyɔŋmɔ je adesa shishi ekoŋŋ yɛ jalɛ mli kɛ wiemɔ kome, jalɔ Noa, yinɔ aloo seshi ni ji nyɔŋma, kɛjɛ Adam bii anɔ lɛ. Nakai wiemɔ kome lɛ tee nɔ aahu kɛyashi be mli ni abɔ mɔdɛŋ akɛ aaama Babel Mɔ̃ɔ lɛ.

12. Nyɔŋmɔ baasaa nɔ ni jɛ wiemɔi ni efutu yɛ Babel Mɔɔ lɛ maa mli ba lɛ yɛ mɛɛ gbɛ nɔ?

¹² Kɛkɛ ni Nyɔŋmɔ Ofe lɛ fite ekome ni tsumalɔi lɛ efee ni amɛkɛ mɔdɛŋbɔɔ tsuɔ nitsumɔ gbonyo nɛɛ he nii lɛ. Yɛ mɛɛ gbɛ nɔ? No ji akɛ efutu amɛwiemɔ lɛ ni eha amɛgbɛ amɛshwɔ yɛ wiemɔi akui sɔrɔtoi amli kɛtee shikpɔŋ lɛ nɔ hei sɔrɔtoi. (1 Mose 11:1-9) Yɛ E-shishijee yiŋtoo lɛ kɛ gbeekpamɔ naa lɛ, Nyɔŋmɔ kɛ adesai fɛɛ baaba weku kome wiemɔ lɛ he ekoŋŋ, wiemɔ ni E-kɛha adesai aklɛŋklɛŋ tsɛ ni ji adesa lɛ, ni ebaaha enyɛ etsɔɔ saji ashishi babaoo fe tsutsu, ekolɛ ni akɛ wiemɔi krokomɛi ni Nyɔŋmɔ kɛba yɛ Babel Mɔ̃ɔ lɛ Abe lɛ mli lɛ awula lɛ loo akɛ wo mli.

13. Namɛi ji mɛi ni wiemɔ baafee naagba aha amɛ yɛ be fioo mli, shi mɛɛ sɛɛnamɔi baaje mli aba?

¹³ Yɛ mɛi ni hi shi dani Nu Afua lɛ ba lɛ ni adesai kpaanyɔ ni je nakai Noa nu afua lɛ mli lɛ fata he lɛ agbɛfaŋ lɛ, enɛ ebafeŋ naagba kpele ko kɛhaŋ amɛ yɛ amɛshitee kɛmiije gbohii ateŋ kɛmiiba wala mli yɛ shikpɔŋ nɔ yɛ Nyɔŋmɔ afii akpe Maŋtsɛyeli lɛ shishi lɛ mli. Shi kɛha adesai ateŋ mɛi ni fa lɛ, enɛ baafee wiemɔ hee ni abaakase, wiemɔ ni Nyɔŋmɔ to yiŋ yɛ he kɛha adesai fɛɛ lɛ. Akɛni Maŋtsɛyeli lɛ kɛ wiemɔ he nitsɔɔlɔi kpakpai baatsu nii hewɔ lɛ, enɛ kɛ naagbai pii ko baŋ. Abaanyɛ atsɔɔ gbekɛbii bibii po ni aaatee amɛ shi lɛ bɔ ni awieɔ nɛkɛ wiemɔ heɔ nɛɛ kɛjɛ amɛ abifabiiaŋ. Yɛ nɛkɛ gbɛ nɔ lɛ amɛbaanyɛ amɛkɛ amɛhe ewie tɛ̃ɛ ni mɔ fɛɛ mɔ anu enyɛmi wiemɔ shishi. Mɛɛ ekomefeemɔ po enɛ kɛaaba adesa weku lɛ mli nɛkɛ! Bo lɛ susumɔ Hebri Ŋmalɛib lɛ ni jɛ mumɔŋ lɛ ni amɛfɛɛ amɛbaanyɛ amɛkane lɛ he nɛkɛ okwɛ, ni mɔ fɛɛ mɔ miifee enɛ kɛmiiha lɛ diɛŋtsɛ ehe, ni amɛyoo bɔ ni emli gbalɛi lɛ fɛɛ eba mli anɔkwale kɛ bɔ ni yinɔsane mli anɔkwalei ni aŋmala kɛbashi gbalɔ Maleaki gbii lɛ amli lɛ ji anɔkwale ha! Kɛkɛ lɛ anɔkwafoi ni yɔɔ tsuijurɔ yɛ mli lɛ baanyɛ akɛɛ taakɛ bɔfo Paulo kɛɛ lɛ: “Ha ana Nyɔŋmɔ akɛ anɔkwafo, ni gbɔmɔ fɛɛ gbɔmɔ atsɔ amalelɔ.”​—Rom. 3:​4, NW.

14. Abaajie ŋmɛnɛŋmɛnɛ beaŋ majimaji ateŋ kɛ majianɔ kɛ wekui ateŋ wiemɔi ni gbalaa mɛi ateŋ lɛ kɛya aha mɛi ni baana gbɛfaŋnɔ yɛ klɛŋklɛŋ shitee lɛ mli lɛ yɛ mɛɛ gbɛ nɔ?

¹⁴ Taakɛ eji yɛ wiemɔi ni tsɔɔ gbɛtsiinii lɛ agbɛfaŋ lɛ, nakai nɔŋŋ hu ŋmɛnɛŋmɛnɛ gbɛtsiinii loo mligbalamɔi ni jɛ weku, maŋ kɛ majianɔwiemɔi amli Iɛ ji. Yɛ Maŋtsɛyeli niyelɔi 144,000 lɛ ni naa “klɛŋklɛŋ shitee” lɛ mli gbɛfaŋ nɔ lɛ agbɛfaŋ lɛ, nɛkɛ sɛɛ mli gbɛtsiinii nɛɛ fɛɛ baafee nɔ ni eho etee momo. Nakai gbɛtsiinii lɛ fɛɛ kɛ amɛhe kpɛtɛ heloo lɛ he. Ateŋ amɛ shi kɛ amɛ helooŋ gbɔmɔtso lɛ ni amɛyɔɔ yɛ shikpɔŋ nɔ tsutsu lɛ, ejaakɛ aŋma akɛ: “Anyɛmimɛi, nɔ ni [bɔfo Paulo] mikɛɔ ji akɛ, heloo kɛ la nine shɛŋ Nyɔŋmɔ maŋtsɛyeli lɛ nɔ, ni asaŋ fitemɔ hu nine shɛŋ nɔ ni fiteee lɛ nɔ.” (1 Kor. 15:50) “Ni kɛ heloo mli [wɔ Kristofoi] wɔle Kristo yɛ tete lɛ, kɛlɛ agbɛnɛ lɛ, wɔleee lɛ nakai dɔŋŋ.” (2 Kor. 5:​1-6) Maŋtsɛyeli niyelɔi 144,000 lɛ baa “Nyɔŋmɔ fɔmɔsu” lɛ mli yɛ “klɛŋklɛŋ shitee” lɛ mli, shi jeee adesa fɔmɔsu kɛ eŋmɛnɛŋmɛnɛ gbii nɛɛ amli wiemɔi, maŋ kɛ weku mligbalamɔi loo gbɛtsiinii lɛ amli. (2 Pet. 1:⁠4) Amɛfɛɛ amɛbaatsɔmɔ nyɛmimɛi yɛ ŋwɛi weku krɛdɛɛ lɛ mli, Nyɔŋmɔ bii: “Ni kɛ bii ji wɔ lɛ, belɛ niyelɔi hu ji wɔ, Nyɔŋmɔ niyelɔi kɛ Kristo nanemɛi niyelɔi.” (Rom. 8:17) No hewɔ lɛ ekomefeemɔ baaba amɛteŋ yɛ “Nyɔŋmɔ fɔmɔsu” lɛ naa.

15, 16. Mɛɛ gbɛ nɔ Maŋtsɛyeli niyelɔi 144,000 lɛ tsɔɔ amɛyeɔ nibii ni tsiɔ adesai ni yɔɔ shikpɔŋ nɔ lɛ agbɛ lɛ anɔ kunim beni afee ni amɛhi hi shi yɛ ekomefeemɔ mli lɛ yɛ? (b) Mɛɛ sɔlemɔ ni Yesu kɛfɔ Nyɔŋmɔ hiɛ yɛ amɛhewɔ amɛkɛ amɛhe kpɛtɛɔ he?

¹⁵ Shi, yɛ be mli amɛyɔɔ heloo mli yɛ kaa shishi yɛ shikpɔŋ nɔ po lɛ, nɛkɛ 144,000 maŋtsɛyeli niyelɔi nɛɛ eŋmɛɛɛ gbɛ ni weku, maŋ kɛ majianɔwiemɔi ni etsɔmɔ gbɛtsiinii lɛ agbala amɛteŋ Amɛji “jeŋmaji Ekɛɛ kaselɔi” yɛ heloo mli. (Mat. 28:19) Shi amɛji Kristo kaselɔi klɛŋklɛŋ, ni amɛbuɔ amɛhe akɛ amɛji weku nɛɛ, maŋ nɛɛ aloo majianɔwiemɔ nɛɛ mlinyo akɛ sɛɛ mli nɔ̃. Kristo kaselɔi ni abaptisi amɛ ni amɛji lɛ feɔ amɛ ekome yɛ shikpɔŋ nɔ, ni no baa klɛŋklɛŋ fe adesa heloo mli gbɛtsiinii aloo mligbalamɔi sɔrɔtoi lɛ. No hewɔ ni amɛbuɔ amɛhe akɛ mɛi ni kɛ amɛhe wooo majimaji ateŋ, maŋ kɛ wekui amligbalamɔi ni yaa nɔ yɛ je nɛŋ lɛ eko kwraa mli lɛ, ni amɛkɛ amɛhe wooo maŋkwramɔŋ saji amli, kɛ́ yɛ maŋ lɛ nɔ̃ mli aloo majimaji atɛŋ nɔ̃ mli jio. Amɛkɛ amɛhe kpɛtɛɔ nɔ ni Yesu Kristo kɛfɔ Nyɔŋmɔ hiɛ yɛ sɔlemɔ mli kɛha amɛ lɛ he:

¹⁶ Mi lɛ, amɛ mibiɔ maha; jeee je lɛ mibiɔ maha, shi moŋ mɛi ni oŋɔha mi lɛ, ejaakɛ onii ji amɛ Miŋɔ owiemɔ lɛ miha amɛ, ni je lɛ miinyɛ amɛ, ejaakɛ amɛjɛɛɛ je lɛ mli taakɛ bɔ ni mi hu mijɛɛɛ je lɛ mli lɛ. Ni anunyam ni oŋɔha mi lɛ, miŋɔha amɛ, koni amɛfee ekome, taakɛ bɔ ni wɔ hu wɔyɔɔ ekome lɛ; miyɛ amɛmli, ni bo hu oyɛ mimli, koni amɛfee ekome kɛwula shi, ni je lɛ ale akɛ bo otsu mi ni osumɔɔ amɛ tamɔ bɔ ni osumɔɔ mi lɛ.”​—Yoh. 17:​9-23.

MAJIMAJI ATEŊ TOIŊJƆLƐ SƐƐ NI ADIƆ

17. (a) Yɛ mɛɛ gbɛ nɔ 144,000 lɛ ekaseko Kristendom kɛ Yuda Jamɔ mli Nyɔŋmɔi ajalɔi lɛ yɛ tawuu mli? (b) Mɛɛ Ŋmalɛ mli mla ákɛ ŋwɛi maŋtsɛmɛi lɛ amɛbaakwɛ ni shikpɔŋ nɔ bii aye nɔ?

¹⁷ No hewɔ ni 144,000 Maŋtsɛyeli niyelɔi ni yɔɔ shikpɔŋ nɔ lɛ ekaseko Roma Katolekbii lɛ yɛ heloo mli tawuunii ni amɛkɛwuɔ amɛshiɔ Roma Katolekbii krokomɛi lɛ, Orthodox sɔlemɔ lɛ mlibii ni teɔ shi woɔ Orthodox sɔlemɔ lɛ mlibii krokomɛi, Protestantbii ni teɔ shi woɔ Protestantbii krokomɛi kɛ heloo naa Yudafoi ni teɔ shi woɔ heloo naa Yudafoi krokomɛi yɛ tawuu mli, yɛ amɛ mɔji anɔyelii ni kɛ amɛhe ewo tawuu ni ekɛkpataa wala hiɛ lɛ amli lɛ ashishi ni amɛyɔɔ hewɔ lɛ. Amɛkɛ Sanekpakpa lɛ loo Biblia lɛ eyako kaselɔ-feemɔ yɛ nine kome mli, ni amɛkɛ nine kroko hu hiɛ klante loo tu ni atswaa tuŋtɛi pii kɛjɛɔ mli akɛgbeɔ mɛi babaoo lɛ. Eyɛ mli akɛ amɛjɛ maji sɔrɔtoi amli moŋ, shi amɛtsu Shishitoo mla ni ajaje yɛ gbalɛ ni yɔɔ Yesaia 2:4 lɛ mli lɛ he nii: “Ni amɛkɛ amɛklantei aaasɔ̃ kɔii, ni amɛkɛ amɛkpɔlɔi hu aaasɔ̃ adedai. Jeŋmaŋ ko woŋ klante nɔ eshiŋ jeŋmaŋ ko, ni amɛkaseŋ tawuu dɔŋŋ.” Ni kɛji akɛ amɛkɛ amɛhe kpɛtɛ ŋwɛi mila nɛɛ he yɛ be mli ni amɛ diɛŋtsɛ lɛ amɛyɔɔ shikpɔŋ nɔ lɛ, amɛbaakwɛ ni aye enɛ nɔ yɛ be mli ni amɛtsɔmɔ maŋtsɛmɛi yɛ shikpɔŋ muu lɛ fɛɛ nɔ lɛ, ni amɛbaakwɛ ni amɛshishibii ni yɔɔ shikpɔŋ lɛ nɔ lɛ kɛ nakai toiŋjɔlɛ mla lɛ nɔŋŋ ahi shi.

18. Mɛɛ majimaji ateŋ kuu kroko ni yɔɔ shikpɔŋ nɔ ni bɔfo Yohane tsɔ hiɛ ena amɛ hiɔ shi yɛ nɛkɛ Jeŋba mla nɛɛ naa?

¹⁸ Akɛ nɔ ko ni yɔɔ miishɛɛ ni tsɔ enɛ hiɛ lɛ, jeŋmaji ateŋ asafo babaoo ko yɛ bianɛ ni amɛkɛ amɛhe ebɔ Maŋtsɛyeli niyelɔi shwɛɛnii lɛ ahe ni amɛhu amɛmiihi shi yɛ nakai toiŋjɔlɛ mla lɛ nɔŋŋ naa. Amɛji kuu ko ni ekaaa ni yɔɔ sɔrɔto ni agba amɛhe sane afɔ shi akɛ amɛbaabua amɛhe naa yɛ nɛkɛ jeŋ yinɔsane be nɛɛ mli lɛ, taakɛ bɔfo Yohane tsɔɔ mli lɛ, akɛ: “Nii nɛɛ asɛɛ lɛ mikwɛ ni naa asafo babaoo ni mɔ ko mɔ ko nyɛŋ akane ni jɛ jeŋmaŋ fɛɛ jeŋmaŋ kɛ akutsei kɛ maji kɛ majianɔwiemɔi amli damɔ maŋtsɛsɛi lɛ hiɛ kɛ Toobi lɛ hiɛ, ni amɛwo atadei yɛji ni amɛhiɛ blɛoi yɛ amɛdɛŋ, ni amɛbolɔ kɛ gbee waa amɛkɛɛ: Yiwalaheremɔ lɛ ji wɔ-Nyɔŋmɔ ni ta maŋtsɛsɛi lɛ nɔ lɛ kɛ Toobi [Yesu Kristo] lɛ nɔ! . . . Mɛnɛɛmɛi ji mɛi ni jɛ amanehulu kpeteŋkpele lɛ mli lɛ, ni amɛfɔ amɛtadei lɛ ahe, ni amɛha eyɛ futaa yɛ Toobi lɛ la lɛ mli. No hewɔ ni amɛyɔɔ Nyɔŋmɔ maŋtsɛsɛi lɛ hiɛ, ni amɛjaa lɛ nyɔɔŋ kɛ shwane yɛ esɔlemɔ tsu lɛ mli lɛ; ni mɔ ni ta maŋtsɛsɛi lɛ nɔ lɛ aaashi ebuu lɛ eto amɛnɔ.”​—Kpoj. 7:​9-15.

19. Nyɔŋmɔ nibii agbɛjianɔtoo hee lɛ kɛ mɛɛ gbɔmɛi ni yɔɔ shikpɔŋ nɔ ni kɛ amɛhe-miihi shi momo yɛ mɛɛ wekukpaa mli baaje shishi, ni mɛɛ Petro Wiemɔi ni ekɛha mɛi ni sumɔɔ naanɔ wala lɛ amɛbaabo toi?

¹⁹ Akɛni Yehowa Nyɔŋmɔ shiɔ eyibaamɔ buu lɛ yɛ “asafo babaoo” ni yɔɔ ŋmɛnɛ lɛ anɔ ni ekɛ amɛ tsɔɔ “amanehulu kpeteŋkpele” ni bɛŋkɛɔ lɛ mli shweshweeshwe hewɔ lɛ, mɛi ni boteɔ Nyɔŋmɔ nibii agbɛjianɔtoo hee ni yeɔ shikpɔŋ lɛ nɔ lɛ mli akɛ hiɛkalɔi lɛ baafee majimaji ateŋ kuu ko ni sumɔɔ toiŋjɔlɛ. No mli lɛ jeŋmaji ni sumɔɔ tawuu lɛ eho etee! “Asafo babaoo” ni jɛ amanehulu lɛ mli lɛ ni kɛ amɛhe hiɔ shi yɛ toiŋjɔlɛ mli momo lɛ ji mɛi ni akɛ amɛ baaje adesa weku lɛ shishi yɛ Nyɔŋmɔ gbɛjianɔtoo hee lɛ mli. Akɛni amɛsumɔɔ naanɔ wala hewɔ lɛ amɛbaaya nɔ amɛfee amɛnii yɛ gbɛ ni kɛ bɔfo Petro wiemɔi lɛ kpaa gbee lɛ nɔ: “Shi mɔ ni taoɔ akɛ etsɛ yɛ jeŋ ni ena gbii kpakpai lɛ, ha emɔ elilɛi mli kɛjɛ efɔŋ he, kɛ enaabu hu koni ekawie apasa wiemɔ; ewii efɔŋ ni efee ekpakpa, etao hejɔlɛ ni enyiɛ no sɛɛ.”​—1 Pet. 3:​10, 11; Lal. 34:​12-14.

20. (a) Beni afee ni eha mɛɛ Biblia mli gbalɛ ni kɔɔ ehe aba mli hewɔ ni Kristo eŋmɛŋ gbɛ ni agba nakai toiŋjɔlɛ lɛ naa lɛ? (b) Kristo nɔyeli lɛ baatamɔ Salomo nɔ lɛ yɛ mɛɛ gbɛ nɔ?

²⁰ Yɛ be mli ni “amanehulu kpeteŋkpele” lɛ ahum lɛ eho lɛ, jeŋ fɛɛ toiŋjɔlɛ ji nɔ ni baakpɛ tamɔ kwaabuɛtɛ yɛ shikpɔŋ ni atsumɔ nɔ lɛ nɔ. Yehowa afii akpe Maŋtsɛ, Toobi Yesu Kristo eŋmɛŋ gbɛ ni mɔ ko ahao nakai toiŋjɔlɛ lɛ. Kɛ jeee nakai lɛ ebafeŋ mɔ ni aaahi shi yɛ nɔ ni agba yɛ ehe jeeŋmɔ lɛ naa: “Ejaakɛ afɔ bi fufɔo aha, aha wɔ wɔ binuu hu; ni elumɔyeli lɛ aaaka ekɔŋ nɔ, ni aaatsɛ egbɛi akɛ Naakpɛɛ, Ŋaawolɔ, Nyɔŋmɔ Hewalɔ, Naanɔtsɛ kɛ Hejɔlɛ Lumɔ. Elumɔyeli lɛ shweremɔ kɛ hejɔlɛ lɛ sɛɛ efoŋ yɛ David maŋtsɛsɛi lɛ nɔ kɛ emaŋtsɛyeli lɛ nɔ, ni ekɛ kojomɔ kɛ jalɛ aaaha ema shi shiŋŋ ni eeewo lɛ hewalɛ kɛjɛ ŋmɛnɛ nɔ aahu kɛyashi naanɔ. Yehowa Zebaot hiɛdɔɔ lɛ aaafee enɛ.” (Yes. 9:​5, 6) Nyɛhaa wɔkaia akɛ Yesu Kristo ji “mɔ ni fe Salomo” lɛ. (Mat. 12:42) Nɔ ni kadi Maŋtsɛ Salomo, David bi lɛ afii nyɔŋmai-ejwɛ nɔyeli lɛ ji toiŋjɔlɛ, koni ekɛ gbɛi Salomo, ni eshishi ji “Mɔ ni Sumɔɔ Toiŋjɔlɛ” lɛ akpa gbee. Shi Yesu Kristo lɛ, eeeha toiŋjɔlɛ ahi shi efii akpe.

“YƐ DAVID MAŊTSƐSƐI LƐ NƆ KƐ EMAŊTSƐYELI LƐ NƆ”

21. Namɔ maŋtsɛsɛi kɛ emaŋtsɛyeli ajieŋ Toiŋjɔlɛ Lumɔ lɛ lumɔyeli lɛ kɛjɛŋ he lɛ, ni ajieŋ etoiŋjɔlɛ lɛ hu lɛ?

²¹ Kɛji akɛ wɔkane Yesaia 9:​5, 6 ekoŋŋ lɛ, wɔkadiɔ akɛ Toiŋjɔlɛ Lumɔ lɛ “lumɔyeli” lɛ aaaka “David maŋtsɛsɛi lɛ nɔ kɛ emaŋtsɛyeli lɛ nɔ.” Wɔnyɛŋ wɔjie nɛkɛ naanɔ toiŋjɔlɛ he shiwoo nɛɛ kɛjɛ David, ni ye nɔ akɛ maŋtsɛ yɛ Yerusalem yɛ afi 1070-1037 D.Ŋ.B. lɛ maŋtsɛsɛi kɛ emaŋtsɛyeli lɛ he. Afeee ni ekɛ ehe afɔ̃ U.S. Amerika maŋnukpa ko nɔ aloo Jeŋmaji Ekomefeemɔ ni ji adesa gbɛjianɔtoo kɛha jeŋ toiŋjɔlɛ kɛ shweshweeshwe shihilɛ lɛ nɔ. Mɛni hewɔ eyɔɔ nakai?

22. (a) Mɛni mɔ Yehowa hiɛdɔɔ lɛ baadamɔ aha nakai gbalɛ lɛ aba mli? (b) Yɛ jamɔ gbɛfaŋ lɛ, mɛɛ nuu nɛkɛ David ji?

²² Eje kpaŋmɔ ni akuuu mli aloo ŋwɛi shiwoo ni “Yehowa Zebaot” kɛha ni kɔɔ Maŋtsɛ David he yɛ enɔyeli lɛ shishijee mli yɛ Yerusalem lɛ. Mɛni nɔ edamɔ? Ojogbaŋŋ, David jeee mɔ ni kɛɛ Nyɔŋmɔ ko bɛ, mɔ ni heee Nyɔŋmɔ nɔ eyeee, shi moŋ eji Nyɔŋmɔ jálɔ diɛŋtsɛ, shi etamɔɔɔ ebe mli jeŋmaji ni jeee Israelbii ni jaa amagai aloo nyɔŋmɔi pii lɛ. Bo diɛŋtsɛ kanemɔ lalai aloo wiemɔi ni tamɔ lalai ni David ŋmala ni yɔɔ Biblia mli wolo ni ji Lalai Awolo lɛ mli lɛ okwɛ, ni ebaana akɛ David ji nuu ni kɛ etsui muu lɛ fɛɛ jaa Yehowa, Abraham kɛ Isak kɛ Yakob Nyɔŋmɔ lɛ. David kɛɛ yɛ elalai ni ale jogbaŋŋ lɛ ekome mli, Lala 23 akɛ: “Yehowa ji mikwɛlɔ, nɔ ko nɔ ko ehiaŋ mi. Lɛɛlɛŋ, ekpakpa kɛ mɔbɔnalɛ aaanyiɛ misɛɛ yɛ miwala gbii lɛ fɛɛ mli, ni masaa mahi shi yɛ Yehowa we lɛ miwala gbii abɔ fɛɛ.” (Lala 23:​1, 6) Agbɛnɛ hu ekɛɛ yɛ Lala 40:​9, 10 akɛ: “Mi Nyɔŋmɔ, eŋɔɔ minaa akɛ mafee osuɔmɔnaanii ni omla lɛ yɛ mitsui mli. Mijaje jalɛ he sane yɛ asafo kpele lɛ mli; naa mimuako minaa, Yehowa, ole!”

23, 24. (a) Yɛ sɛɛ mli beni ekɛ Nyɔŋmɔ Kpaŋmɔ Adeka lɛ eba Yerusalem lɛ, mɛni ji nɔ ni David yasumɔ akɛ eeefee yɛ heni ema lɛ he? (b) Mɛni ji nɔ ni Yehowa kɛɛ David yɛ tsumaa he?

²³ Nyɔji komɛi yɛ be mli ni Maŋtsɛ David efee Yerusalem emaŋtiase lɛ sɛɛ lɛ, eha akɛ “anɔkwa Nyɔŋmɔ lɛ adeka” ni ji Kpaŋmɔ Adeka lɛ ba Yerusalem ni akɛbama buu mli yɛ heko ni bɛŋkɛ emaŋtsɛ,we lɛ. David nu sɔrɔto ni ka emaŋtsɛwe lɛ ni ji “tseneduru tsu” lɛ kɛ Yehowa Kpaŋmɔ Adeka lɛ teŋ lɛ he waa. Naagbee lɛ esusu eyiŋ ni eto akɛ ebaama sɔlemɔtsu ni sa aha Yehowa lɛ he etsɔɔ gbalɔ Natan. (2 Sam. 7:​1-3) Shi Nyɔŋmɔ tsu ni akɛɛ David akɛ:

²⁴ “Oshwie la shi babaoo, ni asaŋ ewuwuu tai wuji: kaama shia oha migbɛi lɛ, ejaakɛ oshwie la shi babaoo yɛ mihiɛ yɛ shikpɔŋ lɛ nɔ. Naa abaafɔ binuu ko ahao, lɛ lɛ ebaafee hejɔɔmɔ gbɔmɔ, ni maha ehe ajɔlɛ yɛ ehenyɛlɔi ni ebɔle lɛ lɛ fɛɛ Aadɛŋ; ejaakɛ aaatsɛ lɛ Salomo, ni maha Israel hejɔlɛ kɛ toiŋjɔlɛ yɛ eyinɔ; lɛ ji mɔ ni baama shia aha migbɛi lɛ.”​—1 Kron. 22:​8-10.

25. Mɛni shia Yehowa wo shi akɛ ebaama eha David ni ekɛtsɔɔ ehiɛsɔɔ?

²⁵ Enɛ etsɔɔɔ akɛ Yehowa hiɛ esɔɔɔ suɔmɔ ni David yɔɔ akɛ eeema jamɔ shia ni ekɛwo Nyɔŋmɔ agbɛi lɛ hiɛ nyam lɛ. Yehowa hiɛ sɔ, ni beni afee ni otsɔɔ ohiɛsɔɔ lɛ, efee kpaŋmɔ aloo shiwoo ko ni hiɛdɔɔ yɔɔ mli akɛ ebaama shia eha David, jeee shia ni akɛ tsei kɛ tɛi ma, shi moŋ David weku lɛ mli maŋtsɛmɛi aseshi shia. Atsɔ gbalɔ Natan nɔ akɛ wiemɔ nɛɛ yaha Maŋtsɛ David: “Yehowa miikɛo akɛ Yehowa baama shia ehao. Shi owe kɛ omaŋtsɛyeli lɛ aaadamɔ shi shiŋŋ yɛ ohiɛ kɛaatee naanɔ: omaŋtsɛsɛi lɛ aaama shi shiŋŋ kɛaatee naanɔ!”​—2 Sam. 7:​11-16.

26. Mɛni ji nɔ ni David wie yɛ sɔlemɔ mli ni kɔɔ Yehowa gbɛi kɛ eyiŋtoo ni kɔɔ “shia” lɛ he lɛ he yɛ shidaa mli?

²⁶ Yɛ be mli ni ekɛ shidaa kpɛlɛɔ nɛkɛ Nyɔŋmɔ kpaŋmɔ nɛɛ nɔ lɛ, David kɛɛ yɛ sɔlemɔ mli akɛ: “Ni agbɛnɛ, Yehowa Nyɔŋmɔ, wiemɔ ni owie yɛ otsulɔ kɛ ewe lɛ hewɔ lɛ, maa nɔ aduatsɔ kɛya naanɔ ni ofee taakɛ bɔ ni okɛɛ lɛ! Ni ha ni ogbɛi lɛ ada kɛya naanɔ ni akɛɛ akɛ Yehowa Zebaot lɛ, lɛ ji Nyɔŋmɔ ni yɔɔ Israel nɔ; ni oha otsulɔ David we lɛ ama shi shiŋŋ yɛ ohiɛ! Ejaakɛ bo Yehowa Zebaot, Israel Nyɔŋmɔ lɛ, owo otsulɔ toi nɔ akɛ: Mama shia mahao; no hewɔ ni otsulɔ na tsui akɛ esɔle nɛkɛ sɔlemɔ nɛɛ ehao. Ni agbɛnɛ, Nuntsɔ Yehowa, bo ji Nyɔŋmɔ, ni owiemɔi lɛ anɔkwale ni, ni okɛ nɛkɛ nɔ̃ kpakpa nɛɛ ewo otsulɔ shi. No hewɔ lɛ agbɛnɛ na he tsui ni ojɔɔ otsulɔ we lɛ ni ehi shi kɛya naanɔ yɛ ohiɛ; ejaakɛ Nuntsɔ Yehowa, bo okɛɛ, ejɔɔmɔ lɛ hewɔ lɛ aaajɔɔ otsulɔ we lɛ kɛya naanɔ.”​—2 Sam. 7:​25-29.

27. Beni afee ni etsɔɔ akɛ ehiɛ Maŋtsɛyeli kpaŋmɔ ni ekɛ David fee lɛ mli lɛ, mɛni ji nɔ ni Yehowa wie kɛtsɔ Yesaia nɔ, kɛ agbɛnɛ yɛ sɛɛ mli lɛ, nɔ ni ekɛɛ Maŋtsɛ Zedekia kɛtsɔ Ezekiel nɔ?

²⁷ Nuntsɔ Yehowa Maŋtsɛ lɛ ha nakai David sɔlemɔ lɛ hetoo. No hewɔ ni yɛ nɔ ni fe afii ohai-etɛ sɛɛ lɛ, etsɔ egbalɔ Yesaia nɔ ejaje akɛ Yehowa Zebaot hiɛdɔɔ lɛ baaha Toiŋjɔlɛ Lumɔ lɛ lumɔyeli lɛ ama shi shiŋŋ “yɛ David maŋtsɛsɛi lɛ nɔ kɛ emaŋtsɛyeli lɛ nɔ” ni eeewo lɛ hewalɛ “kɛjɛ ŋmɛnɛ nɔ aaahu kɛyashi naanɔ” lɛ. (Yes. 9:​5, 6) Yɛ nɔ ni fe afii oha sɛɛ lɛ, yɛ be mli ni eshwɛ fioo ni abaakpata David seshibii amaŋtsɛyeli ni yɔɔ Yerusalem lɛ hiɛ lɛ, Yehowa tsɔɔ akɛ ehiɛ e-Maŋtsɛyeli kpaŋmɔ ni ekɛ David fee lɛ mli Iolo kɛtsɔ nɔ ni ejaje akɛ maŋtsɛyeli hegbɛ lɛ shiŋ David shia lɛ nɔ. Be mli ni ewieɔ etsɔɔ Zedekia, naagbee maŋtsɛ ni ta David maŋtsɛsɛi lɛ nɔ yɛ Yerusalem lɛ, Yehowa tsɔ gbalɔ Ezekiel nɔ ekɛɛ akɛ: “Ajie fai lɛ ni akpɔ akekre lɛ! Enɛ ehiŋ bɔ ni eyɔɔ lɛ dɔŋŋ; nɔ ni eba shi lɛ, aaawo nɔ, ni nɔ ni awo nɔ lɛ, aaabale shi! Butumɔ, butumɔ, butumɔ mabutu lɛ; ni enɛ hu ehiŋ shi kɛyashi beyinɔ ni mɔ gbɛnaa ni ji lɛ aaaba, ni maŋɔha lɛ!”​—Ezek. 21:​30-32.

28. (a) Mɛɛ be mli abutu maŋtsɛyeli ni yɔɔ David shia lɛ, ni mɛɛ gbɛhe akɛwo Zerubabel dɛŋ yɛ Yuda afii nyɔŋmai-kpawo sɛɛ? (b) Mɛni Zakaria gba ni kɔɔ David shia lɛ ni aaatsuu jɛmɛ lɛ he?

²⁸ Abutu David maŋtsɛsɛi lɛ yɛ be mli ni akpata Yerusalem hiɛ yɛ afi 607 D.Ŋ.B. lɛ mli, ni atswa Yudafoi ni je mli lɛ ananeshi tu kɛtee Babilon. Afii nyɔŋmai-kpawo sɛɛ lɛ, aŋmɛɛ Yudafoi shwɛɛnii ko ni sheɔ Nyɔŋmɔ gbeyei lɛ ahe kɛjɛ Babilon ni amɛku amɛsɛɛ amɛya amɛshikpɔŋ nɔ ekoŋŋ yɛ Yudea ni amɛyama sɔlemɔtsu kroko yɛ heni klɛŋklɛŋ sɔlemɔtsu ni Maŋtsɛ Salomo ni hi Yerusalem lɛ ma lɛ yɔɔ tsutsu lɛ. Zerubabel, Shealtiel bi lɛ ni ji Maŋtsɛ David seshinyo lɛ bafee amralo yɛ Yuda kɛ Yerusalem Yehowa tee gbalɔ Hagai kɛ Zakaria shi koni amɛwo Amralo Zerubabel hewalɛ yɛ sɔlemɔwe lɛ ni amaa ekoŋŋ lɛ he nitsumɔ lɛ mli. Akɛni etee nɔ etsɔɔ anɔkwa ni eyeɔ Maŋtsɛyeli Kpaŋmɔ ni ekɛ David fee lɛ hewɔ lɛ, Yehowa kɛ emumɔ tsirɛ gbalɔ Zakaria ni ekɛɛ akɛ: “Nakai gbi lɛ nɔ lɛ, aaagbele nu hiŋmɛi naa aha David we lɛ kɛ Yerusalembii lɛ yɛ esha kɛ hebulemɔ hewɔ.”​—Zak. 13:⁠1.

29. Mɛɛ be mli Yerusalem kɛ Yuda na maŋtsɛ ni ji Edomnyo, ni mɛɛ sane abaanyɛ abi yɛ Maŋtsɛyeli kpaŋmɔ ni akɛ David fee Iɛ he?

²⁹ Nɔ ni fe afii ohai-ejwɛ ho ni Palestina shikpɔŋ lɛ baje Roma maŋtsɛmɛi lɛ anɔyeli shishi. Roma Bɛgwafoi lɛ hala Edomnyo ko ni jeee Judanyo ni atsɛɔ lɛ Herode kpeteŋkpele lɛ koni efee maŋtsɛ yɛ Yerusalem kɛ Yudea niiaŋ. Yɛ nɛkɛ afii ohai abɔ nɛɛ sɛɛ lɛ, ani Yehowa Nyɔŋmɔ hiɛ kpako kpaŋmɔ ni ekɛ David fee kɛha naanɔ maŋtsɛyeli ni etoiŋjɔlɛ ni eeena lɛ baŋ naagbee lɛ nɔ? Kɛ abua fɛɛ naa lɛ, nɔ ni afii akpe eho kɛjɛ be mli ni Nyɔŋmɔ fee nakai kpaŋmɔ lɛ, ni amrɔ nɛɛ ani nakai kpaŋmɔ lɛ be hoko, ni ehe ehiaaa dɔŋŋ, ni wala ko kwraa bɛ mli dɔŋŋ akɛ ni etamɔ nɔ ni atsuuu he nɔ ko kwraa lɛ hewɔ? Mɛi ni bɛ hemɔkɛyeli lɛ baasusu nakai. Shi, Nyɔŋmɔ hu?

[Shishigbɛ niŋmai]