Yitso 3
Fa 3: Nyɔŋmɔ Afii Akpe Maŋtsɛyeli Lɛ Ebɛŋkɛ
32. Mɛɛ Kristofoi ni naa mɛɛ shitee nɛkɛ “gbele ni ji enyɔ” lɛ “hewalɔ” Iɛ yeee amɛ awui aloo amɛbaaa shishi lɛ?
32 Yɛ enɛ hewɔ lɛ, “klɛŋklɛŋ shitee” lɛ jeee nakai okadi shitee lɛ ni nyiɛɔ nu mli baptisimɔ sɛɛ baa ni shiɔ mɔ ni abaptisi lɛ lɛ akɛ mɔ ni “gbele ni ji enyɔ” lɛ baanyɛ ana enɔ “hewalɛ” lɛ. Eji shitee kɛmiijɛ Sheol kɛ miiba wala mli diɛŋtsɛ akɛ Nyɔŋmɔ mumɔŋ bi yɛ ŋwɛi ni anaaa jɛmɛ lɛ ni Yesu Kristo diɛŋtsɛ kwɔ kɛtee jɛmɛ lɛ. Mɛnɛɛmɛi Yesu shiwoo nɛɛ kɔɔ amɛhe lɛ: “Feemɔ anɔkwafo kɛyashi gbele mli, ni mahao wala akekre lɛ.
Mɔ ni yɔɔ toi lɛ ha ni enu nɔ ni mumɔ lɛ kɛɔ asafoi lɛ. Kunimyelɔ lɛ, afeŋlɛ nɔ ko fɔŋ ko yɛ gbele ni ji enyɔ lɛ mli kwraa.” (Kpoj. 2:10, 11) “Gbele ni ji enyɔ” lɛ naŋ “hewalɛ” ko yɛ mɛi ni naa gbɛfaŋ nɔ yɛ “klɛŋklɛŋ shitee” lɛ mli lɛ anɔ ni enyɛŋ eye amɛ awui hu ejaakɛ akɛ shihilɛ ni gbele kɛ fitemɔ bɛ mli eha amɛhe yɛ nɛkɛ shitee nɛɛ mli—1 Kor. 15:53, 54.
33. Abaanyɛ atsɛ Iɛ klɛŋklɛŋ shitee yɛ mɛɛ gbɛi sɔrɔtoi enyɔ nɔ?
33 Agbɛnɛ wɔbaanyɛ wɔle nɔ hewɔ ni atsɛɔ enɛ akɛ “klɛŋklɛŋ shitee” lɛ. Nakai eji ejaakɛ eji shitee ni Yesu Kristo na eko yɛ egbele sɛɛ gbi ni ji etɛ lɛ nɔ, shitee kɛmiiya wala ni eye emuu mli amrɔ nɔŋŋ, no hewɔ lɛ Yesu Kristo ni atee lɛ shi lɛ batsɔ “gbohii lɛ ateŋ kromɔbi.” (Kpoj. 1:5; Kol. 1:18) Etsɔɔ “gbohii ni eshwɛ lɛ” ‘ni baa wala mli’ lɛ hiɛ yɛ be mli. Jeee akɛ eji klɛŋklɛŋ yɛ be mli pɛ kɛkɛ, shi moŋ eji “klɛŋklɛŋ” akɛni eji shitee ni hi fe fɛɛ ni gbohii lɛ aaana hewɔ. Eji shitee kɛmiiya shihilɛ ni fitemɔ kɛ gbele bɛ mil lɛ mli akɛ Nyɔŋmɔ mumɔŋ bi yɛ Nyɔŋmɔ diɛŋtsɛ ŋwɛi lɛ.
34. Mɛi ni naa “klɛŋklɛŋ shitee” lɛ mii gbɛfaŋnɔ Iɛ ji mɛi krɔŋkrɔŋi yɛ mɛɛ gbɛ nɔ?
34 Yɛ anɔkwale mli lɛ, belɛ abaanyɛ abo akɛ: “Mɔ ni ajɔɔ kɛ mɔkrɔŋkrɔŋ ji mɔ ni aaana gbɛnaa yɛ klɛŋklɛŋ shitee lɛ mli lɛ.” (Kpoj. 20:6) Amɛji “krɔŋkrɔŋ” lɛlɛŋ, ejaakɛ anaaa tɔmɔ ko kwraa yɛ amɛhe ni baaha amɛfee mɛi ni sa “gbele ni ji enyɔ” lɛ. Agbɛnɛ hu, kɛtsɔ nɛkɛ shitee nɛɛ nɔ lɛ amɛbaanyɛ amɛfee “Nyɔŋmɔ kɛ Kristo osɔfoi” yɛ ŋwɛi ni “amɛkɛ lɛ aye maŋtsɛ afii akpe.” Satan Abonsam efeŋ je lɛ nɔyelɔ yɛ nakai be lɛ mli.
“AFII AKPE” PƆTƐƐ KO DIƐŊTSƐ
35, 36. (a) Kɛjɛ amɛbaptisimɔ lɛ sɛɛ kɛbaa nɛɛ ani Kristofoi lɛ ena Satan hewalɛ ni eba shi yɛ “bɔni sɛɛnamɔ yɔɔ Kristo Kpɔmɔ lɛ he” lɛ hewɔ? (b) Ŋaa ni Petro kɛ Paulo wo lɛ tsɔɔ akɛ te sane Iɛ baafee tɛɛŋ?
35 No hewɔ lɛ kɔsɔŋkɔsɔ ni akɛfi Satan Abonsam kɛ bu kwɔŋkwɔŋ lɛ mli ni ashɛ lɛ kɛ edaimonioi bɔfoi lɛ afɔ lɛ etsɔɔɔ nɔ ni New Catholic Encyclopedia lɛ kɛɔ lɛ, akɛ, ába Satan hewalɛ lɛ shi yɛ ŋmɛnɛŋmɛnɛ nibii agbɛjianɔtoo nɛɛ mli, ni Satan hewalɛ ni abale shi nɛɛ jɛ “bɔ ni sɛɛnamɔ yɔɔ Kristo Kpɔmɔ lɛ mli lɛ hewɔ.” Eka shi faŋŋ akɛ anɔkwa Kristofoi ni yɔɔ shikpɔŋ nɔ lɛ nuko Satan hewalɛ ni abalɛ shi nɛɛ he pii tsɔ yɛ gbɛ ko kwraa nɔ, kɛjɛ be mli ni abaptisi amɛ yɛ nu mli nɛɛ sɛɛ. Shi moŋ, bɔfo Petro na akɛ ehe miihia ni eŋma nɛkɛ kɔkɔbɔɔ nɛɛ eha Kristofoi lɛ yɛ eshikpɔŋ nɔ wala be lɛ naagbee: “Nyɛhiɛ akaa shi, nyɛsraa; ejaakɛ nyɛhenyɛlɔ, Abonsam lɛ, nyiɛ tamɔ jata ni huuɔ eetao mɔ ni eeemi.” (1 Pet. 5:8) Bɔfɔ Paulo kɛ nɛkɛ ŋaawoo nɛɛ ha amɛ yɛ nɛkɛ yiŋtoo nɛɛ nɔŋŋ hewɔ:
36 “Nyɛwoa Nyɔŋmɔ tawuunii lɛ fɛɛ, koni nyɛnyɛ Abonsam ŋaatsɔɔi lɛ anaa nyɛdamɔ. Ejaakɛ jeee heloo kɛ la wɔkɛna nɔmɔ lɛ, shi moŋ wɔkɛ onukpayelii kɛ hegbɛi kɛ je nɛŋ lumɛi ni yɔɔ benɛbe duŋ lɛ mli lɛ, kɛ mumɔi fɔji asafoi ni yɔɔ ŋwɛiniiaŋ lɛ. No hewɔ lɛ, nyɛhiɛa Nyɔŋmɔ tawuunii lɛ fɛɛ mli, koni nyɛnyɛ gbi fɔŋ lɛ naa nyɛkpee, ni beni nyɛgbe fɛɛ naa lɛ, ni nyɛwo shidaamɔ.”—Efe. 6:11-13.
37. Mɛni Kpojiemɔ 12:17 tsɔɔ kɛji akɛ áfimɔ Satan yɛ okadi gbɛ nɔ kɛjɛ be mli ni Kristo tsu ekpɔmɔ nitsumɔ lɛ sɛɛ kɛbaa nɛɛ?
37 Nɔ ni fata he lɛ, bɔfo Yohane kɛ okadii tsɔɔ Nyɔŋmɔ Mesia maŋtsɛyeli lɛ fɔmɔ kɛ “drako kpeteŋkpele,” “shishijee onufu lɛ, mɔ ni atsɛɔ lɛ Abonsam kɛ Satan” lɛ nifeemɔi amli yɛ Kpojiemɔ 12:1-17, yɛ be mli ni ashɛ mɔ nɛɛ kɛjɛ ŋwɛi afɔ shikpɔŋ nɔ lɛ sɛɛ. Kɛkɛ ni ákɛ kɔkɔbɔɔ krɛdɛɛ kɛha anɔkwa Kristofoi ni yɔɔ wɔ afii ohai nyɔŋmai enyɔ nɛɛ mli yɛ be mli ni nɛkɛ nibii nɛɛ baa lɛ, Yohane kɛ nɛkɛ wiemɔi nɛɛ fata he akɛ: “Ni drako lɛ mli fu yoo lɛ, ni eyiŋ etee ni ekɛ yoo lɛ seshibii ni eshwɛ ni yeɔ Nyɔŋmɔ kitai lɛ anɔ ni amɛhiɛ Yesu Kristo odase lɛ ayawu.” (Kpoj. 12:17) Ani enɛɛmɛi fɛɛ tsɔɔ nɔ ko tamɔ Satan hewalɛ ni enaa yɛ Kristofoi anɔ yɛ amɛnu mli baptisimɔ lɛ sɛɛ ni abalɛ shi? Ani enɛ tsɔɔ ákɛ akɛ kɔsɔŋkɔsɔ efimɔ Satan?
38. Afiɔ Satan ni akɛlɛ woɔ bu kwɔŋkwɔŋ Iɛ mli koni ekashishiu namɛi?
38 Shi, taakɛ bɔ ni bɔfo Yohane kɛɔ diɛŋtsɛ lɛ, mɛni hewɔ ni amɔɔ Satan Abonsam, ni afiɔ lɛ ni ashɛɔ lɛ awoɔ bu kwɔŋkwɔŋ lɛ mli lɛ? No ji akɛ, “koni ekashishiu jeŋmaji lɛ dɔŋŋ kɛyashi beyinɔ ni aaagbe afii akpe lɛ naa.” (Kpoj. 20:1-3) Jeee Maŋtsɛyeli niyelɔi 144,000 lɛ ni abaptisi amɛ ni akɛ mumɔ efɔ amɛ mu lɛ Yohane kɛ wiemɔ “jeŋmaji” lɛ tsɔɔ lɛ, shi moŋ gbɔmɛi ni jeee Nuntsɔ Yesu Kristo sɛɛnyiɛlɔi anɔkwafoi lɛ. Atsɛɔ Abonsam yɛ be mli ni eshɛɔ lɛ kɛjɛɔ ŋwɛi afɔɔ shikpɔŋ lɛ nɔ lɛ akɛ “Satan henyɛlɔ lɛ ni shishiuɔ jeŋ muu fɛɛ lɛ.” (Kpoj. 12:9) Maŋtsɛyeli niyelɔi anɔkwafoi 144,000 lɛ jeee nakai “jeŋmaji” ni yɔɔ shikpɔŋ lɛ nɔ ni ashishiuɔ amɛ lɛ fa. No hewɔ lɛ jeee 144,000 lɛ ni naa “klɛŋklɛŋ shitee” lɛ mli gbɛfaŋnɔ lɛ, shi moŋ “jeŋmaji” lɛ ji mɛi ni amɛshishiumɔ baa naagbee kɛtsɔɔ fi ni afiɔ Satan Abonsam kɛ edaimonioi bɔfoi lɛ ni asherɛɔ amɛ awoɔ bu kwɔŋkwɔŋ lɛ mli lɛ nɔ lɛ.
39. Kɛjɛ Pentekoste afi 33 Ŋ.B. kɛbaa nɛɛ ani shishiumɔ ni Satan shishiuɔ jeŋmaji Iɛ eba shi, ni mɛni ji nɔ ni Kpojiemɔ 12:12 gbaa?
39 Ojogbaŋŋ, belɛ ani nɛkɛ jeŋmaji ni Satan Abonsam shishiuɔ amɛ nɛɛ eba shi, ni eba shi yɛ nɛkɛ afii ni fe akpe kome kɛ ohai nɛɛhu kɛjɛ be mli ni akɛ Nyɔŋmɔ mumɔ krɔŋkrɔŋ lɛ baptisi Kristofoi asafo lɛ mlibii lɛ yɛ Otsii Agbijurɔ ni aye yɛ Yerusalem yɛ afi 33 Ŋ.B. lɛ mli lɛ? Namɔ yɔɔ ni eshwila ni eleee adesa yinɔsane ni eeeha sanebimɔ nɛɛ hetoo akɛ Hɛɛ? Nɔ ni tamɔɔɔ enɛ lɛ moŋ ji anɔkwale. Ŋmɛnɛ, yɛ yinɔ ni adesai ahiŋmɛi egbele yɛ jeŋnilee gbɛfaŋ nɛɛ mli lɛ, “jeŋmaji” lɛ efee mɛi ni aalaka amɛ waa fe be fɛɛ ni eho, ni nɔ ni baajɛ mli aba lɛ ji oshara ni fe fɛɛ. Mɛni hewɔ? Ejaakɛ nɛkɛ majimaji ateŋ shishiumɔ ni Satan kɛ edaimonioi lɛ kɛbaa lɛ tsɔɔ hiɛkpatamɔ kɛha jeŋmaji fɛɛ ni alakaa amɛ lɛ yɛ wɔsɛɛ be ni ebɛŋkɛ lɛ mli. Belɛ yiŋtoo kpakpa ko hewɔ ni “gbee wulu ko” ni jɛ “ŋwɛi” kɛɛ yɛ be mli ni ashɛɔ Satan Abonsam afɔɔ lɛ akɛ: “Kpoo ha mɛi ni yɔɔ shikpɔŋ lɛ nɔ lɛ kɛ ŋshɔ hiɛ lɛ! Ejaakɛ Abonsam lɛ ekpeleke shi kɛba nyɛŋɔɔ, egri naakpa, ni ele akɛ be fioo kɛkɛ eyɔɔ.”—Kpoj. 12:10-12.
40, 41. (a) Mɛɛ Nyɔŋmɔi ajalɔi aŋwanejee ni kɔɔ Satan fii afii akpe Iɛ he ana akɛ eji amale? (b) Mɛni ji nɔ ni he hiaa adesa ni esa akɛ eba diɛŋtsɛ ni namɛi amrɔ nɛɛ amɛkɛ amɛhiɛnɔkamɔ fɔɔ Kristo afii akpe nɔyeli lɛ nɔ lɛ?
40 No hewɔ lɛ nɛkɛ naataamɔ ni Kristendom Nyɔŋmɔ jalɔi kɛbaa akɛ “afii akpe” ni akɛ Satan Abonsam woɔ bu kwɔŋkwɔŋ lɛ mli lɛ jeee afii akpe diɛŋtsɛ shi moŋ ekɔɔ “‘Sɔlemɔ lɛ shihilɛ be fɛɛ” he yɛ shikpɔŋ nɛɛ nɔ (nɔ ni ena fe afii 1,900 momo lɛ) ji nɔ ko ni ana akɛ eji amale!
41 Taakɛ Biblia be buu tsɔɔ lɛ, adesai ashihilɛ afii akpei kpawo yɛ shikpɔŋ nɔ lɛ shishijee ebɛŋkɛ yɛ nɛkɛ yinɔ nɛɛ mli. Ŋmɛnɛ moŋ ji be ni fe be fɛɛ ni eho ni ehe miihia akɛ afi Satan Abonsam diɛŋtsɛ ni akɛlɛ awo bu kwɔŋkwɔŋ lɛ mli aha shikpɔŋ nɛɛ nɔ bii. Nibii ni baaba je lɛ mli ni jwere wɔhiɛ amrɔ nɔŋŋ lɛ miihe aba, ni abaasɔo adesa henyɛlɔ kpeteŋkpele lɛ naa yɛ bu kwɔŋkwɔŋ lɛ mli afii ohai nyɔŋma Kristo kɛ esafo ni átee amɛ shi lɛ nɔyeli afii akpe kɛha adesa weku lɛ toiŋjɔlɛ kɛ duromɔ lɛ ka wɔhiɛ kɛ emli anunyam ni baa lɛ fɛɛ! “Asafo babaoo” ko ni ji mɛi ni heɔ Biblia lɛ amɛyeɔ ni amɛjɔɔ amɛhe nɔ ni amrɔ nɛɛ amɛkɛ amɛhiɛnɔkamɔi efɔ Kristo nɔyeli afii akpe lɛ nɔ lɛ ena ŋwɛi nɔmimaa akɛ abaabaa amɛyi kɛjɛ gbele mli ni akɛ amɛ abote adesa yinɔsane be ni hi fe fɛɛ lɛ mli. Mɛɛ gbɛkpamɔ ni jɔɔmɔ yɔɔ mli po ji enɛ kɛha amɛ!
42. Mɛɛ sanebimɔi teɔ shi yɛ su ni asafo babaoo lɛ hiɛ yɛ amɛ afii akpe nɔyelɔi lɛ ahe, no hewɔ lɛ mɛni ji nɔ ni ebe eshɛ ni esa akɛ wɔsusu he?
42 Ani etɔŋ nakai “asafo babaoo” lɛ yɛ nɔyelɔi kometoo lɛ nɔŋŋ ni baaye amɛnɔ afii akpe lɛ hewɔ? Ani be baŋ, ni yɛ be mli ni nakai be lɛ po bako naagbee lɛ ni amɛaasumɔ akɛ amɛna tsakemɔ yɛ nɔyeli mli, ni amɛhala amɛ diɛŋtsɛ amɛnɔyelɔi ni amɛsumɔɔ? Aloo ani amɛkaseŋ bɔ ni amɛaasumɔ nɛkɛ ŋwɛi osɔfoi kɛ maŋtsɛmɛi ni yeɔ amɛnɔ nɛɛ babaoo ni amɛda shi akɛ amɛaasumɔ ni amɛye nɔ yɛ Nyɔŋmɔ be ni eto lɛ fɛɛ mli? Enɛɛmɛi ji sanebimɔi ni hiɛdɔɔ yɔɔ mli, ejaakɛ yɛ nɛkɛ afii akpe maŋtsɛyeli nɛɛ shishi lɛ, nɛkɛ “asafo babaoo” nɛɛ baana hegbɛ ni amɛhi shi bei abɔ ni nakai ŋwɛi nɔyeli lɛ hiɔ shi—afi akpe, kɛ agbɛnɛ yɛ no sɛɛ lɛ, kɛya be ni bɛ naagbee. Yɛ be mli ni wɔsusuɔ nɛkɛ sanebimɔi ni yɔɔ miishɛɛ nɛɛ ahe lɛ, ebaafee be ni he hiaa kɛha wɔ akɛ wɔɔpɛi nɔ̃ maŋtsɛmɛi kɛ osɔfoi ni baahi shi kɛ bɔ ni amɛsɔɔmɔ lɛ baafee nɔ ni sɛɛnamɔ yɔɔ mli waa kɛha adesai fɛɛ, mɛi ni amɛje mli ni amɛyɔɔ wala mli kɛ gbohii lɛ fɛɛ hu lɛ mli. (2 Tim 4:1) Enɛ biɔ ni wɔtao heni amɛjɛ yɛ be ni eho lɛ mli, kɛ nɔ ni Ŋwɛi Flooflo Nyɔŋmɔ lɛ etao yɛ amɛhe koni ebu amɛ akɛ mɛi ni sa akɛ amɛsɔmɔɔ akɛ maŋtsɛmɛi kɛ osɔfoi afi akpe lɛ mli.