-
યશાયા ૩૭:૧૪-૨૦પવિત્ર શાસ્ત્ર—નવી દુનિયા ભાષાંતર
-
-
૧૪ હિઝકિયાએ સંદેશો લાવનાર માણસોના હાથમાંથી પત્રો લઈને વાંચ્યા. તે યહોવાના મંદિરમાં ગયો અને યહોવા આગળ એ પત્રો ખુલ્લા મૂક્યા.+ ૧૫ હિઝકિયાએ યહોવાને પ્રાર્થના કરી:+ ૧૬ “હે સૈન્યોના ઈશ્વર યહોવા!+ હે કરૂબો* પર* બિરાજનાર, ઇઝરાયેલના ઈશ્વર! પૃથ્વીનાં બધાં રાજ્યો પર તમે એકલા જ સાચા ઈશ્વર છો. તમે જ આકાશ અને પૃથ્વી બનાવ્યાં છે. ૧૭ હે યહોવા, કાન ધરો અને સાંભળો!+ હે યહોવા, આંખો ખોલો અને જુઓ!+ સાન્હેરીબે જીવતા ઈશ્વરને મહેણું મારવા જે સંદેશો મોકલ્યો છે, એના પર ધ્યાન આપો.+ ૧૮ હે યહોવા, એ સાચું છે કે આશ્શૂરના રાજાઓએ બીજા બધા દેશોને બરબાદ કરી નાખ્યા છે.+ અરે, પોતાના દેશને પણ બરબાદ કરી નાખ્યો છે. ૧૯ તેઓએ એ દેશોના દેવોને આગમાં ફેંકી દીધા,+ કેમ કે તેઓ દેવો ન હતા. તેઓ તો માણસોના હાથની કરામત હતા,+ પથ્થર અને લાકડાંના બનેલા હતા. એટલે તેઓ એ દેવોનો નાશ કરી શક્યા. ૨૦ પણ હે યહોવા અમારા ઈશ્વર, અમને તેના હાથમાંથી બચાવી લો. હે યહોવા, એનાથી પૃથ્વીનાં બધાં રાજ્યો જાણશે કે તમે એકલા જ ઈશ્વર છો.”+
-