૭ તે દાઉદની રાજગાદી પર બેસશે,+ તેનું રાજ્ય કાયમ ટકશે.

સૈન્યોના ઈશ્વર યહોવા પોતાના દિલની તમન્‍નાને* લીધે એમ કરશે.

૫ યહોવા કહે છે, “જુઓ! એવા દિવસો આવી રહ્યા છે, જ્યારે હું દાઉદના વંશમાંથી એક નેક અંકુર* ઊભો કરીશ.+ તે રાજા તરીકે રાજ કરશે+ અને સમજણથી વર્તશે. તે અદ્દલ ઇન્સાફ કરશે અને સચ્ચાઈથી રાજ કરશે.+ 

 ૯ હે સિયોનની દીકરી, બહુ આનંદ કર!

હે યરૂશાલેમની દીકરી, વિજયગીત ગા!

જો, તારો રાજા તારી પાસે આવે છે.+

૯ તું સચ્ચાઈને ચાહે છે અને અન્યાયને ધિક્કારે છે. એટલે જ ઈશ્વરે, હા, તારા ઈશ્વરે તેલથી તારો અભિષેક* કર્યો+ અને તારા સાથીઓ કરતાં તને વધારે આનંદ આપ્યો.”+ 

૧૧ મેં સ્વર્ગ ખુલ્લું થયેલું જોયું. જુઓ, એક સફેદ ઘોડો!+ એના પર જે બેઠા છે, તે વિશ્વાસુ+ અને સાચા+ કહેવાય છે. તે સચ્ચાઈથી* ન્યાય કરે છે અને યુદ્ધ લડે છે.+