૧૪ “‘જો હું દુષ્ટ માણસને કહું કે “તું ચોક્કસ મરશે,” પણ તે પોતાના પાપથી પાછો ફરે, જે ખરું છે એ કરે, સચ્ચાઈથી વર્તે,+ ૧૫ ગીરવે મૂકેલી વસ્તુ પાછી આપી દે,+ લૂંટી લીધેલું પાછું ચૂકતે કરે+ અને ખોટાં કામો ન કરે, પણ જીવનના નિયમો પ્રમાણે ચાલે, તો તે ચોક્કસ જીવશે.+ તે માર્યો નહિ જાય. 

૧૯ મારા ભાઈઓ, જો તમારામાંથી કોઈ માણસ સત્યના માર્ગથી ભટકી જાય અને કોઈ તેને પાછો લાવે, ૨૦ તો જાણજો કે જે માણસ પાપીને તેના ખોટા માર્ગથી પાછો વાળે છે,+ તે તેને મોતથી બચાવે છે અને તેનાં ઘણાં પાપોને ઢાંકી દે છે.+