ગીતશાસ્ત્ર

૧ ધન્ય છે એ માણસને, જે દુષ્ટોની સલાહ પ્રમાણે ચાલતો નથી,

પાપીઓના માર્ગમાં પગ મૂકતો નથી+

અને મશ્કરી કરનારાઓ સાથે બેસતો નથી.+

 ૨ તે યહોવાના* નિયમશાસ્ત્રથી ઘણો ખુશ થાય છે,+

તે રાત-દિવસ નિયમશાસ્ત્ર વાંચીને મનન કરે છે.*+

 ૩ એ માણસ ઝરણાં પાસે રોપાયેલા ઝાડ જેવો થશે,

જે ૠતુ પ્રમાણે ફળ આપે છે,

જેનાં પાંદડાં કદી કરમાતાં નથી.

 ૪ પણ દુષ્ટો એવા નથી,

તેઓ તો પવનથી ઊડતાં ફોતરાં જેવા છે.

 ૫ ન્યાયના સમયે દુષ્ટો સજાથી છટકી નહિ શકે,+

નેક લોકોમાં પાપીઓ નહિ જડે.+

 ૬ નેક લોકોનો માર્ગ યહોવા સ્વીકારે છે,+

પણ દુષ્ટોના માર્ગનું નામનિશાન નહિ રહે.+