યશાયા

 ૩ “સલાહ આપો, નિર્ણય કરો.

ભરબપોરે રાતના અંધકાર જેવી છાયા કરો અને રક્ષણ આપો.

વિખેરાઈ ગયેલાઓને સંતાડો અને નાસી છૂટનારાઓને દગો ન દો.

 ૪ ઓ મોઆબ, વિખેરાઈ ગયેલા મારા લોકો તારામાં રહે.

વિનાશ કરનારાને લીધે તું તેઓની સંતાવાની જગ્યા બન.+

 ૫ પછી અતૂટ પ્રેમના પાયા પર રાજગાદી કાયમ કરવામાં આવશે.

દાઉદના મંડપમાં રાજગાદીએ બેસનાર વિશ્વાસુ હશે.+

તે અદ્દલ ઇન્સાફ કરશે, જે ખરું છે એ કરવામાં જરાય મોડું નહિ કરે.”+

 ૬ અમે મોઆબના અભિમાન વિશે સાંભળ્યું છે, તે કેવો ઘમંડી છે!+

અમે તેના અહંકાર, ગર્વ અને ક્રોધ વિશે સાંભળ્યું છે.+

પણ તેની મોટી મોટી વાતો પોકળ સાબિત થશે.

 ૭ મોઆબ આફતોને લીધે વિલાપ કરશે.

એના લોકો પોક મૂકીને રડશે.+

જેઓએ માર ખાધો છે, તેઓ કીર-હરેસેથની સૂકી દ્રાક્ષોનાં ચકતાં યાદ કરીને રડશે.+

પ્રજાઓના શાસકોએ લાલચટક દ્રાક્ષોથી લચી પડેલી ડાળીઓ છૂંદી નાખી છે.

એ ડાળીઓ છેક યાઝેર+ સુધી પહોંચી હતી.

એ વેરાન પ્રદેશ સુધી પહોંચી ગઈ હતી.

એની ડાળખીઓ છેક સમુદ્ર સુધી ફેલાઈ ગઈ હતી.

 ૯ એટલે હું જેમ યાઝેર માટે રડું છું, તેમ સિબ્માહના વેલા માટે રડીશ.

૧૦ વાડીમાંથી આનંદ અને ખુશી છીનવી લેવામાં આવ્યાં છે.

દ્રાક્ષાવાડીઓમાં નથી ખુશીનાં ગીતો કે નથી આનંદનો પોકાર.+

૧૨ ભલે મોઆબ ભક્તિ-સ્થળે જઈ જઈને ઘસાઈ જાય, ભલે મંદિરે જઈ જઈને પ્રાર્થના કરે, પણ એ બધું નકામું છે.+

૧૩ એ બધું યહોવાએ મોઆબ વિશે અગાઉ જણાવ્યું હતું. ૧૪ હવે યહોવા કહે છે: “ફક્ત ત્રણ જ વર્ષમાં* મોઆબનું ગૌરવ ધૂળમાં મળી જશે. ચારે બાજુ ધાંધલ-ધમાલ મચી જશે. એમાં બસ ગણ્યા-ગાંઠ્યા લોકો જ બચી જશે, જેઓનું કોઈ મહત્ત્વ નહિ હોય.”+