ગીતશાસ્ત્ર

ઈશ્વર મારો ખડક છે,+ તેમનામાં હું આશરો લઉં છું,

તે મારી ઢાલ, મારા શક્તિશાળી તારણહાર* અને મારો સલામત આશરો* છે.+

 ૩ યહોવાની સ્તુતિ થાઓ! હું તેમને પોકાર કરીશ

અને તે મને દુશ્મનોથી બચાવશે.+

 ૬ સંકટ સમયે મેં યહોવાને હાંક મારી,

મારા ઈશ્વરને હું મદદ માટે પોકારતો રહ્યો.

તેમણે મંદિરમાંથી મારો સાદ સાંભળ્યો+

અને મારી અરજ તેમના કાને પડી.+

 ૭ પછી પૃથ્વી હાલવા લાગી અને કાંપવા લાગી,+

પર્વતોના પાયા હાલી ઊઠ્યા અને ધ્રૂજી ગયા,

કેમ કે ઈશ્વર કોપાયમાન થયા હતા.+

 ૮ તેમનાં નસકોરાંમાંથી ધુમાડો નીકળ્યો,

તેમના મોંમાંથી ભસ્મ કરનાર અગ્‍નિ પ્રગટ્યો+

અને તેમની પાસેથી ધગધગતા અંગારા વરસ્યા.

 ૯ આકાશ નમાવીને તે ઊતરી આવ્યા,+

તેમના પગ નીચે ગાઢ અંધકાર હતો.+

૧૦ કરૂબ* પર સવારી કરીને તે ઊડતાં ઊડતાં આવ્યા,+

દૂતની* પાંખો પર બેસીને તે ઝડપથી નીચે આવ્યા.+

૧૧ તેમણે કાળાં કાળાં વાદળોથી,+

હા, ગાઢ અંધકારથી પોતાને લપેટી દીધા.+

૧૨ તેમની આગળ રહેલા તેજથી

કરા અને અંગારા નીકળ્યા, વાદળોની આરપાર થઈને વરસ્યા.

કરા અને અંગારાથી

સર્વોચ્ચ ઈશ્વરે પોતાની ત્રાડ સંભળાવી.+

૧૪ તેમણે બાણ ચલાવીને શત્રુઓને વિખેરી નાખ્યા,+

વીજળીના ચમકારાથી તેઓને ગૂંચવી નાખ્યા.+

૧૫ હે યહોવા, તમારી ધમકીથી,

તમારા નાકમાંથી નીકળતા સુસવાટાથી,+

નદીઓનાં તળિયાં દેખાયાં,+ અરે પૃથ્વીના પાયા નજરે પડ્યા.

૧૬ તેમણે ઉપરથી હાથ લંબાવીને મને પકડી લીધો,

મને ઊંડા પાણીમાંથી બહાર ખેંચી કાઢ્યો.+

૧૭ તેમણે તાકતવર દુશ્મનથી મને બચાવ્યો,+

મને ધિક્કારતા બળવાન વેરીઓથી ઉગાર્યો.+

૧૮ સંકટમાં તેઓએ મારા પર હુમલો કર્યો,+

પણ યહોવાએ મને સાથ આપ્યો.

૧૯ તે મને સલામત જગ્યાએ લઈ આવ્યા,

તેમણે મને બચાવ્યો, કેમ કે તે મારાથી ખુશ હતા.+

૨૦ સાચા માર્ગે ચાલવાને લીધે યહોવા મને ઇનામ આપે છે,+

મારા શુદ્ધ* હાથોને લીધે તે મને બદલો આપે છે.+

૨૧ હું હંમેશાં યહોવાને માર્ગે ચાલ્યો છું,

મેં મારા ઈશ્વરને ત્યજી દેવાનું પાપ કર્યું નથી.

૨૨ તેમના બધા કાયદા-કાનૂન મારી નજર સામે છે,

હું તેમના આદેશોથી મુખ ફેરવીશ નહિ.

૨૩ હું તેમની આગળ પવિત્ર રહીશ,+

હું પાપ કરવાથી દૂર રહીશ.+

૨૪ યહોવા મારી ભલાઈને ધ્યાનમાં લે,

મારા હાથનાં નિર્દોષ કામોને ધ્યાનમાં લે+ અને બદલો આપે.+

૨૫ વફાદાર વ્યક્તિ સાથે તમે વફાદારીથી વર્તો છો,+

સચ્ચાઈથી ચાલનાર સાથે તમે સચ્ચાઈથી વર્તો છો.+

૨૬ ભલા માણસ સાથે તમે ભલાઈથી વર્તો છો,+

પણ આડા માણસ સાથે તમે ચતુરાઈથી વર્તો છો.+

૨૭ નમ્ર લોકોને* તમે બચાવો છો,+

પણ ગર્વિષ્ઠોને નીચા પાડો છો.+

૩૦ સાચા ઈશ્વરનો* માર્ગ સંપૂર્ણ છે+

અને યહોવાનાં વચનો શુદ્ધ છે.+

૩૨ સાચા ઈશ્વર મારી હિંમત વધારે છે,+

તે મારા માર્ગો સંપૂર્ણ કરશે.+

૩૩ તે મારા પગ હરણના પગ જેવા કરે છે,

તે મને ઊંચી જગ્યાઓએ ઊભો રાખે છે.+

૩૪ તે મારા હાથને યુદ્ધકળા શીખવે છે,

મારા હાથ તાંબાનું ધનુષ્ય વાળી શકે છે.

૩૫ તમે મને તારણની ઢાલ આપો છો,+

તમારો જમણો હાથ મને ટકાવી રાખે છે

અને તમારી નમ્રતા મને મહાન બનાવે છે.+

૩૬ મારાં પગલાં માટે તમે રસ્તો પહોળો કર્યો છે,

મારા પગ લપસી જશે નહિ.+

૩૭ હું મારા દુશ્મનોનો પીછો કરીને તેઓને પકડી પાડીશ,

તેઓનો સફાયો કર્યા વગર હું પાછો ફરીશ નહિ.

૩૯ તમે મને યુદ્ધ કરવાનું બળ આપશો,

તમે મારા વેરીઓને ધૂળ ચાટતા કરી દેશો.+

૪૦ તમે મારા દુશ્મનોને પીછેહઠ કરાવશો,

જેઓ મને ધિક્કારે છે તેઓનો હું અંત લાવીશ.+

૪૨ હું તેઓને ખાંડીને પવનમાં ઊડતી ધૂળ જેવા કરી નાખીશ,

હું તેઓને રસ્તાના કાદવની જેમ ફેંકી દઈશ.

૪૩ મારી સામે આંગળી ચીંધનાર લોકોથી તમે મને બચાવશો,+

તમે મને બીજી પ્રજાઓનો આગેવાન બનાવશો,+

અજાણ્યા લોકો મારી સેવા કરશે.+

૪૫ પરદેશીઓ હિંમત હારી જશે,

તેઓ ધ્રૂજતાં ધ્રૂજતાં પોતાના કિલ્લાઓમાંથી નીકળી આવશે.

૪૭ સાચા ઈશ્વર મારા માટે વેર વાળે છે,+

તે લોકોને મારે તાબે કરે છે.

મારા પર હુમલો કરનારાઓથી તમે મને ઊંચો કરો છો,+

હિંસક માણસથી તમે મને બચાવો છો.

૪૯ હે યહોવા, એ માટે હું બધી પ્રજાઓ આગળ તમને મહિમા આપીશ,+

હું તમારા નામનો જયજયકાર કરીશ.*+

૫૦ તે પોતાના પસંદ કરેલા રાજાના ઉદ્ધાર માટે મહાન કામો કરે છે,*+

તે હંમેશાં પોતાના અભિષિક્ત પર,+

દાઉદ અને તેના વંશજ પર અતૂટ પ્રેમ બતાવે છે.+