ગીતોનું ગીત

૨ “હું દરિયા કિનારાનું* જંગલી ફૂલ* છું,

અને ખીણોનું મામૂલી પુષ્પ છું.”+

 ૨ “કાંટાઓ વચ્ચે ફૂલ ખીલ્યું હોય,

તેમ બધી યુવતીઓમાં મારી સજની છે.”

 ૩ “વનનાં વૃક્ષોમાં સફરજનનું વૃક્ષ હોય,

તેમ બધા યુવાનોમાં મારો સાજન છે.

હું તેની છાયામાં બેસવા ઝંખું છું,

તેના ફળનો મીઠો સ્વાદ હજી મારી જીભે છે.

 ૪ તે મને મિજબાનીના ઘરમાં* લાવ્યો,

તેણે મારા પર પ્રીતની ધજા લહેરાવી.

 ૫ સૂકી દ્રાક્ષોથી મને તાજી કરો;+

સફરજનથી મને નિભાવી રાખો,

કેમ કે મને પ્રેમરોગ થયો છે.

 ૬ તેનો ડાબો હાથ મારા માથા નીચે છે,

તેના જમણા હાથે મને બાથમાં લીધી છે.+

 ૭ હે યરૂશાલેમની દીકરીઓ,

તમને હરણીઓના+ અને જંગલમાં ફરતી સાબરીઓના સમ:

તે આપણી ભીંત પાછળ ઊભો રહીને

બારીમાંથી ડોકિયું કરે છે,

ઝરૂખામાંથી નજર કરે છે.

‘હે મારી પ્રિયતમા, ઊભી થા,

મારી રૂપસુંદરી, મારી સાથે ચાલ.

૧૧ જો! શિયાળો* વીતી ગયો છે,

વરસાદ આવીને જતો રહ્યો છે.

૧૨ સીમમાં ફૂલો ખીલવા લાગ્યાં છે,+

દ્રાક્ષાવેલાની કાપકૂપ કરવાની મોસમ આવી છે,+

હોલાનાં સુરીલાં ગીતોથી સીમ ગુંજી રહી છે.+

૧૩ અંજીરનાં પહેલાં ફળ પાક્યાં છે;+

દ્રાક્ષાવેલા પર ફૂલો આવ્યાં છે અને એની મહેક ચોતરફ ફેલાઈ છે.

મારી પ્રેમિકા, મારી સુંદરી, ઊઠ,

ચાલ, મારી સાથે ચાલ.

૧૪ હે મારી કબૂતરી, ગુફાની બખોલમાંથી,+

હા, ખડકના ગોખલામાંથી બહાર આવ,

મને તારા રૂપની એક ઝલક માણવા દે, તારો અવાજ સાંભળવા દે,+

તારો કંઠ મધુર ને તારું મુખડું ખૂબસૂરત છે.’”+

૧૫ “શિયાળનાં બચ્ચાં દ્રાક્ષાવાડીને ખેદાન-મેદાન કરી દે

એ પહેલાં તમે તેઓને પકડો,

કેમ કે આપણી વાડીઓ ફૂલોથી લહેરાઈ રહી છે.”

૧૭ ઠંડી ઠંડી લહેર શરૂ થાય અને પડછાયો ધીરે ધીરે વિદાય લે,

એ પહેલાં, મારા વાલમ જલદી આવ,

આપણી વચ્ચે ઊભેલા આ પહાડોને* ઓળંગીને, હરણની જેમ,+ હા, સાબરની જેમ દોડીને આવ.+