¿Mávapa umi kristiáno tee?

Hetaiterei hénte heʼi ijehe kristianoha. Péro la majoría ijapytepekuéra ndoguerekói la mísma kreénsia ha opensa diferentepa ojuehegui. Upéicharõ, ¿mbaʼéichapa ikatu jaikuaa mávapa umi kristiáno teete?

1. ¿Mávapa umi kristiáno tee?

Umi kristiáno ningo haʼe Jesucristo disípulo, térã isegidór (elee Hechos 11:26). ¿Mbaʼéichapa ikatu jaikuaa mávapa añetehápe Jesús disípulo? Haʼe voi heʼi vaʼekue: “Peẽ pesegíramo pejapo che haʼéva, peẽ añetehápe che disípulo hína” (Juan 8:31). Upéva heʼise umi kristiáno verdadéro ojapo vaʼerãha umi mbaʼe Jesús omboʼe vaʼekue. Haʼe ningo siémpre ojasegura vaʼekue umi mbaʼe omboʼéva oĩha Ñandejára Ñeʼẽme, ha umi kristiáno verdadéro ojapo avei upéicha (elee Lucas 24:27).

2. ¿Mbaʼéichapa umi kristiáno tee ohechauka ojoayhuha?

Jesús heʼi vaʼekue isegidorkuérape: “Pejoayhu vaʼerã che pohayhu haguéicha” (Juan 15:12). ¿Ha mbaʼéichapa ohechauka vaʼekue Jesús ohayhuha idisipulokuérape? Haʼe ohasa tiémpo hendivekuéra, avei omokyreʼỹ ha oipytyvõ chupekuéra. Ha amo ipahápe omeʼẽ hekove jepe hesehapekuéra (1 Juan 3:16). Upéicha avei, umi kristiáno tee ndahaʼéi heʼínteva ojoayhuha, síno ohechauka upéva umi mbaʼe ojapóva rupive.

3. ¿Mbaʼépa ojapo meme vaʼerã umi kristiáno?

Jesús omeʼẽ vaʼekue peteĩ rresponsavilida idisipulokuérape: “Omondo chupekuéra opredika hag̃ua Ñandejára Rréino” (Lucas 9:2). Umi kristiáno ypykue opredika vaʼekue pe témplope ha umi sinagógape. Péro ndahaʼéi umi lugár rupinte, síno avei umi plásape ha ovisita voi la héntepe hogaitépe (elee Hechos 5:42; 17:17). Koʼág̃arupi avei umi kristiáno verdadéro opredika oĩháme guive hénte. Haʼekuéra ohayhu hapichakuérape. Upéicha rupi vyʼápe oipuru itiémpo ha iñenerhía omboʼe hag̃ua la héntepe la Biblia heʼíva, ha omeʼẽ hag̃ua chupekuéra konsuélo ha esperánsa (Marcos 12:31).

EJEPYʼAMONGETAMÍNA

4. Haʼekuéra oinvestiga la verda oĩva la Bíbliape

Heta heʼíva ijehe kristianoha opensa naiñimportanteiha ontende la Biblia heʼíva térã ojapo la oĩva pype. Ehecha pe VIDÉO, ha upéi erresponde ko porandu:

VIDÉO: Mbaʼéichapa oñepyrũ umi kristiáno guaʼu (5:11)

• ¿Mbaʼépa ojapo umi rrelihión heʼíva ijehe kristianoha ani hag̃ua la hénte oikuaa Jesús omboʼe vaʼekue?

Jesús oikuaauka vaʼekue la verda oĩva Ñandejára Ñeʼẽme. Elee Juan 18:37, ha upéi erresponde ko porandu:

• Asegún Jesús, ¿mbaʼéichapa ikatu jaikuaa mávapa umi osegíva umi enseñánsa verdadéra?

5. Haʼekuéra opredika la verda oĩva la Bíbliape

Jesús oho mboyve yvágape, onkarga isegidorkuérape peteĩ rresponsavilida ha upéva osegi ojejapo koʼág̃a peve. Elee Mateo 28:19, 20 ha Hechos 1:8, ha upéi erresponde ko porandu:

• ¿Moõ pevépa ha arakaʼe pevépa ojepredika vaʼerã kuri?

6. Haʼekuéra voi ojapo la omboʼéva

¿Mbaʼépa okonvense Tómpe otopa hague pe rrelihión verdadéra? Ehecha pe VIDÉO, ha upéi erresponde koʼã porandu:

VIDÉO: Chedesepsionaite vaʼekue umi rrelihión (5:20)

• Ohechaukaháicha pe vidéo, ¿mbaʼérepa Tom ou vaʼekue opensa ndotopamoʼãiha pe rrelihión verdadéra?

• ¿Mbaʼérepa koʼág̃a oĩ segúro otopa hague pe rrelihión añetehápe ojapóva Jesús heʼíva?

¿Mbaʼépa iñimportanteve: umi mbaʼe jaʼéva térãpa umi mbaʼe jajapóva? Elee Mateo 7:21, ha upéi erresponde ko porandu:

• ¿Mbaʼépa iñimportanteve Jesúspe g̃uarã: jaʼe jajeroviaha hese térãpa jahechauka upéva jajapóva rupive?

7. Haʼekuéra ojoayhu

¿Siértopa umi kristiáno oĩha dispuésto oapeligrávo hekove jepe iñermanokuéra rehehápe? Ehecha pe VIDÉO, ha upéi erresponde koʼã porandu:

VIDÉO: Oapeligra hekove iñermáno rehehápe (2:55)

• Según pe vidéo, ¿mbaʼépa omomýi ermáno Llóydpe oapeligra hag̃ua hekove ikatu hag̃uáicha osalva ermáno Johánssonpe?

• ¿Ndépa ere pe ojapóva ohechauka hague haʼeha kristiáno tee?

• ¿Mbaʼéichapa umi kristiáno tee, térã Jesús disípulo, otrata vaʼerã umi hénte ótro paisguápe térã ipire kolór diferéntevape?

• ¿Mbaʼéichapa ojapóta hikuái upéva oiko jave gérra?

RRESÚMEN

Umi kristiáno tee ojapo la Biblia omboʼéva, ohechauka ojoayhu añeteha, ha opredika pe añetegua oĩva la Bíbliape.

Rrepáso

• ¿Moõguipa oguenohẽ umi kristiáno tee umi mbaʼe ogueroviáva?

• ¿Mbaʼe kualidápa ohechauka vaʼerã prinsipálmente umi kristiáno tee?

• ¿Mbaʼe rresponsavilidápa oreko umi kristiáno tee?

EINVESTIGA HAG̃UA

Eikuaa porãve peteĩ grúpo oñehaʼãmbaitévape osegi Cristo Jesús ehémplo ha umi mbaʼe omboʼe vaʼekue.

¿Mávapa ore testígo de Jehová? (1:13)

Ehecha mbaʼépa oipytyvõ peteĩ monhakuépe oñeñandu hag̃ua hogapeguáicha oservívo Ñandejárape.

“Aporandúva guive, ombohovái chéve hikuái la Biblia rupive” (Ñemañaha 1 de abril de 2014)

Ehecha mbaʼéichapa umi kristiáno ohechauka ohayhuha iñermanokuérape oikotevẽ jave.

Ñaipytyvõ ñane ermanokuérape oiko jave peteĩ desástre naturál (Vidéo mbykyvéva) (3:57)

Ehecha mbaʼéichapa umi kristiáno ypykue ha umi kristiáno tee koʼag̃agua okumpli opa mbaʼe Jesús heʼi vaʼekue.

“¿Mbaʼéichapa ikatu jaikuaa mávapa umi kristiáno tee?” (La Atalaya 1 de marzo de 2012)