Nde ikatu reiko Ñandejára múndo pyahúpe

ÑANDEJÁRA ningo omoĩ vaʼekue Adán ha Évape peteĩ hardín iporãitereívape. Péro haʼekuéra naiñeʼẽrendúi ha upévare omano. Upéicharõ jepe, Jehová omeʼẽ ñandéve esperánsa ha opromete jaikotaha peteĩ paraísope. La Biblia heʼi voi: ‘Hekopotĩva opytáta ko yvýpe ha upépe haʼekuéra oikóta opa árare’ (Salmo 37:29).

La Biblia oñeʼẽ ‘yvága ha yvy ipyahúvare’ (Isaías 65:17; 2 Pedro 3:13). Pe yvága koʼag̃agua ningo umi goviérno oĩva ko yvy ape ári, péro pe yvága pyahu haʼe hína pe goviérno omandatahápe Jesús ha umi omoirũtava chupe. Igustoitéta Ñandejára Rréino ogoverna vove ko yvy tuichakuére ha opavave jaiko pyʼaguapýpe.

Upéicharõ, ¿mbaʼépa pe “yvy ipyahúva”?... Pe yvy pyahu haʼéta hína umi hénte ohayhúva Jehovápe. La Biblia oñeʼẽ jave ko ‘yvýre’, ndahaʼéi katuete oñeʼẽva ñane planétare, síno umi hénte oikóvare pype (Génesis 11:1; Salmo 66:4; 96:1). Upéicharõ, umi hénte ohayhúva Jehovápe oikóta hína ko yvy ape ári.

Upe tiémpope g̃uarã umi hénte aña oikóva koʼág̃a oñehundipátama. Nemanduʼáke Noé tiémpope umi mbaʼe vai apoha omanombaite hague pe ama guasúpe. Péicha avei, umi hénte aña koʼag̃agua oñehundíta Armagedónpe. Jahecháta jahávo mbaʼéichapa jaikóta Armagedón rire Ñandejára múndo pyahúpe.

¿Ndépa reikose opa árare Ñandejára múndo pyahúpe?... Koʼág̃a ndaipóri ni peteĩ doktór ni peteĩ pohã ikatúva ñanepytyvõ pono ñamano. Jaiko hag̃ua opa ára g̃uarã ñañemoag̃uímante vaʼerã Ñandejárare. Ha pe Mboʼehára Guasu heʼi ñandéve mbaʼéichapa ikatu jajapo upéva.

Jaleemi ñande Bíbliape Juan, kapítulo 17, versíkulo 3. Upépe jatopa pe Mboʼehára Guasu heʼi hague: “Umi hénte ohupyty hag̃ua jeikove opaveʼỹva, tekotevẽ ndekuaa porãve ohóvo, nde Ñandejára teete ha peteĩetévape ha Jesucrístope, upe nde rembou vaʼekue”.

Jesús heʼi haguéicha, ¿mbaʼépa jajapo vaʼerã jaiko hag̃ua opa ára g̃uarã?... Jaikuaa vaʼerã ñande Ru yvagapegua Jehovápe, ha avei Itaʼýrape omano vaʼekue ñanderehehápe. Upearã jastudia vaʼerã la Biblia. Ko lívro, ÑAAPRENDE MBOʼEHÁRA GUASÚGUI, ikatu jaiporu jajapo hag̃ua upéva.

Upéicharõ, jaikuaave vaʼerã Jehovápe, ha ¿mbaʼéichapa upéva ñanepytyvõta jaiko hag̃ua opa ára g̃uarã?... Ñande ningo jakaru vaʼerã káda día, upéicha avei tekotevẽ káda día ñaaprendeve Jehovágui. La Biblia heʼi: “Yvypóra noikotevẽi pan rehe añónte oikove hag̃ua, oikotevẽ guei opaite mbaʼe Jehová heʼívare” (Mateo 4:4).

Tekotevẽ avei jaikuaave jahávo Jesucrístope, Ñandejára ombou rupi chupe omano hag̃ua ñanderehehápe. La Biblia ningo heʼi voi “ndaiporiha ótro ikatúva ñandesalva”. Heʼi avei: “Ojeroviáva pe Taʼýrare ohupytýta jeikove opaveʼỹva” (Hechos 4:12; Juan 3:36). Péro ¿mbaʼépa heʼise jajerovia Jesús rehe?... Heʼise jahechakuaaha heseʼỹ ndaikatumoʼãiha jaiko opa ára g̃uarã. ¿Jahechakuaápa ñande upéva?... Oimérõ upéicha jasegíta ñaaprende káda día pe Mboʼehára Guasúgui ha jajapóta haʼe omboʼéva.

Ikatu reaprende pe Mboʼehára Guasúgui relee jey jeýramo ko lívro. Emaña umi divúhore ha ekalkula mbaʼépa heʼise. Avei eñehaʼã embohovái umi porandu oĩva pype. Ikatu relee ko lívro nde sy térã nde túvandi, péro ndaikatúirõ hendivekuéra, elee ótro kakuaándi térã ambue mitã ndive. Rejapóramo upéicha ikatu reipytyvõ nde rapichápe oaprende hag̃ua pe Mboʼehára Guasúgui ha oikuaa hag̃ua mbaʼépa ojapo vaʼerã oiko hag̃ua opa ára g̃uarã. Iporãitéta upéicha rejapóramo ¿ajépa?...

La Biblia heʼi ‘ko múndo ha umi mbaʼe oipotáva ohasaha ohóvo’. Péro ohechauka avei mbaʼépa jajapo vaʼerã jaiko hag̃ua opa ára g̃uarã. Heʼi voi: “Pe ojapóva Ñandejára rembipota opyta opa ára g̃uarã” (1 Juan 2:17). Upéicharõ, ¿mbaʼépa jajapo vaʼerã jaiko hag̃ua opa árare Ñandejára múndo pyahúpe?... Jaikuaave jahávo Jehovápe ha Itaʼýra Jesúspe ha jajapo umi mbaʼe ñaaprendéva. Hiʼãite ningo ko lívro nepytyvõ rejapo hag̃ua upéva.