Howhinwhẹn lẹ

7 Visunnu ṣie, payi nuhe dọ n’te lẹ go,

Bo yí gbedide ṣie lẹ whlá.+

 2 Yìn gbedide ṣie lẹ bo nọgbẹ̀;+

Basi hihọ́na anademẹ* ṣie taidi nukunzìn towe.

 3 Sìn yé do alọvi towe lẹ go;

Kàn yé do ahun towe mẹ.+

 4 Dọna nuyọnẹn dọ, “Hiẹ wẹ nọviyọnnu ṣie,”

Bosọ ylọ nukunnumọjẹnumẹ dọ “hẹnnumẹ ṣie,”

 5 Nado nọ basi hihọ́na we sọta yọnnu gblewanọ,*+

Yèdọ sọta yọnnu fẹnnuwatọ* po ohó vivi* etọn lẹ po.+

 6 Fleṣe ohọ̀ ṣie tọn nù,

Wẹ yẹn to nupọn hlan odò sọn, gbọn baṣẹ́ he nọ nọ̀ fleṣe nù mẹ,

 7 Bọ dile n’to wunvinọ* lẹ pọ́n,

N’doayi dẹpẹ de go to jọja lẹ mẹ he zinzin* whèdo.+

 8 E jugbọn tòhomẹ-liho lọ ji sẹpọ aliklan yọnnu lọ tọn,

Bosọ zinzọnlin dedo ohọ̀ yọnnu lọ tọn kọ̀n

 9 To whèjai plẹplẹ, yèdọ dile tenu to dido,+

To whenue ozán to kúkú bọ zinvlu to dido.

10 Whenẹnu, n’mọ bọ yọnnu de wá pé e,

Bo sọnú* di yọnnu galọtọ de,+ he tindo ahun mẹkiklọ tọn.

12 Zande, e nọ tọ́n, zande e nọ yì tòplitẹn lẹ,

E nọ tọ̀wu dai sẹpọ aliklan lẹpo.+

13 E dọ̀n dẹpẹ lọ bo donùnùgo na ẹn;

E sọ sinyẹn nukun bo dọna dẹpẹ lọ dọmọ:

15 Enẹwutu wẹ n’do tọ́n wá pé we,

Nado wá dín we bo mọ we!

16 N’ko tẹ́ avọ̀ dagbedagbe lẹ do adọzan ṣie ji,

Yèdọ alavọ whanpẹnọ Egipti tọn.+

18 Wá, gbọ mí ni nù owanyi mítọn gọ́ho kakajẹ afọnnu;

Gbọ mí ni duvivi owanyi zogbe tọn dopọ,

19 Na asu ṣie ma to whégbè;

E ko tọ́nwhẹ̀n yì fidindẹn.

20 E hẹn apò akuẹ tọn de yì,

E ma na lẹkọ kakajẹ azán he gbè osun blebu na sọawuhia.”

22 To ajiji mẹ, dẹpẹ lọ hodo e gọ̀-gọ̀-gọ̀ di oyìnsú he jei hùhùtẹn nkọ,

Kẹdẹdi nulunọ de he na yin yasana to osópò* mẹ,+

23 Kaka ogá de do sọ́ otù etọn;

Kẹdẹdi ohẹ̀ de he to mizọnmizọn ji jei omọ̀ mẹ, e ma yọnẹn dọ ogbẹ̀* emitọn wẹ to owù mẹ.+

24 Enẹwutu todin, visunnu ṣie lẹ emi, mì dotoaina mi;

Mì na ayidonugo ohó he dọ n’te lẹ.

A danbú yì ali etọn lẹ ji blo,+

26 Na e ko hẹn okú wá na mẹsusu,+

Podọ sọha mẹhe e ko hù lẹ tọn sù taun.+

27 Yọdò* mẹ wẹ ohọ̀ etọn nọ planmẹ yì;

Abò okú tọn lẹ mẹ wẹ e nọ hẹnmẹ jẹte yì.