Be A Dona Doalọtena Hodọdopọ lọ Wẹ Ya?

Whenue mẹde yí ahundopo do kàn kanbiọ kavi ahunmẹdunamẹnu de sè, homẹ nọ hùn mí nado zindonukọn to hodọdopọ mẹ hẹ ẹ. Mí nọ jlo na dọho hẹ mẹhe e yọnbasi dọ yé “tindo ninọmẹ ahun mẹ tọn he jẹna ogbẹ̀ madopodo” lẹ.—Owalọ 13:48.

Amọ́ eyin mẹde ka gblehomẹ do mí go, jẹ nudọn hẹ mí ji kavi ma jlo paali nado dọho todin whẹ́ lo? Nọ fahomẹ bo nọ yí zinzin do doalọtena hodọdopọ lọ po sisi po. (Howh. 17:14) Tẹnpọn nado tọ́n sọn mẹlọ dè to ninọmẹ dagbe mẹ, ehe gán zọ́n bọ e na wá jlo nado dọho hẹ mí to nukọn mẹ.—1 Pita 2:12.