Manau Taudia Idia Moale

“Dirava ese hekokoroku taudia edia dala ia koua, to manau taudia dekenai iena hariharibada ia henia.”​—1 PETERO 5:5.

1, 2. Iesu be Ororo dekenai ia haroro neganai, edena dala ai ia hahedinaraia moale bona manau idia gaukara hebou?

MOALE bona manau idia gaukara hebou, a? Iesu Keriso, tau hereadaena, be ia henia haroro badana dekenai, ese moale karadia 9 ia herevalaidia. (Mataio 5:​1-12, NW) Iesu ia gwau moale bona manau idia gaukara hebou, a? Oibe, ia gwauraidia moale karadia 9 dekenai ia gwau manau be mai anina. Hegeregere, manau tauna sibona ia diba lauma gaudia ia tahua be namo. Manau taudia sibodia be kara maoromaoro idia ura dikadika. Bona hekokoroku taudia idia manada lasi bona idia hebogahisi lasi, idia be maino karaia taudia lasi.

² Manau taudia idia moale badina unai be maoro bona ia be kara momokani. Ma danu, manau taudia idia moale badina unai be aonega karana; unai be Iehova Dirava bona Keristen tadikakadia ida noho namo hebou dalana. Ma danu, manau taudia idia moale badina manau idia hahedinaraia neganai unai be lalokau karana.

³ Badina be dahaka ita manau totona ita kara maoro be namo? Badina be ita ibounai be kara dika dekenai ita vara bona ita kerere momo. Aposetolo Paulo ese sibona ia gwauraia, ia gwau: “Lau diba lauegu lalona dekenai bona lauegu kudouna dekenai be namo ia noho lasi. Badina be lau ura kara namo do lau karaia, to karaia totona be lau hegeregere lasi.” (Roma 7:18) Oibe, ita ibounai ita kara dika bona Dirava ena hairai ita abia lasi. (Roma 3:23) Bema ita hereva momokani do ita hekokoroku lasi. Bema ita manau ita gwau ita kerere diba, bona ita kara maoro neganai unai ese ita ia durua iseda kerere ena davana ita abia neganai. Ita tahua gauna be hanaihanai ita hagugurua lasi dainai, ita manau be mai badina momokani.

4. Korinto Ginigunana 4:7 dekenai ia gwau dahaka dainai ita manau be namo?

⁴ Aposetolo Paulo ese ita manau totona ita kara maoro be namo ena badina ma ta ia henia. Ia gwau: “Be, edena bamona oi be hekokoroku momo? Oi davaria gaudia ibounai be Dirava ese oi ia henia vadaeni, ani? Oibe, Dirava ese inai gau oi ia henia, harihari gaudia bamona. Unai dainai, badina dahaka oi hekokoroku, sibona oiemu goada dekena amo oi abia bamona?” (1 Korinto 4:7) Ita daradara lasi, bema ita sibona ita hahairaia, bema iseda kohu, iseda diba, eiava iseda gaukara ita heagilaia, unai be kara maoro lasi. Kara maoro ese ita ia durua Dirava vairanai iseda lalona ena mamina ia goeva totona, unai dainai ita be “nega ibounai kara maoromaoro do [ita] karaia.”​—Heberu 13:18.

5. Ita kerere neganai, edena dala ai kara maoro danu ese ita ia durua?

⁵ Ita kara kerere neganai, kara maoro ese ita ia durua ita manau totona. Unai ese ita ia durua kerere ena davana ita abia dae totona, bona do ita gwau lasi iseda kara be kerere lasi eiava ita gwau lasi unai be ma ta ena kerere dainai ia vara. Unai dainai, ena be Adam ese Heva ia samania, to David ese Bataseba ia samania lasi, ia gwau lasi, ‘Lau itaia gabuna dekenai ia digu be namo lasi. Lau be dala lasi, to lau ia gahusia.’ (Genese 3:12; 2 Samuel 11:​2-4) Momokani, ita gwau diba kara momokani ese ita ia durua ita manau totona; to danu, ita gwau diba manau ese ita ia durua ita kara maoro totona.

Iehova Abidadama Henia ese Ita Ia Durua Ita Manau Totona

⁶ Iehova ita abidadama henia neganai danu ese ita ia durua ita manau totona. Bema ita diba Havaraia Tauna, Guba bona Tanobada Lohiaia Tauna, be ia bada momokani, unai ese ita ia durua ita sibona ita laloa bada lasi totona. Peroveta tauna Isaia be unai ia hadibaia namonamo ita dekenai! Isaia 40:​15, 22 dekenai ita duahia, ia gwau: “Itaia! Tanobada besedia be baketi lalona amo idia bubua ranu sisina hegeregerena; bona idia be sikeili latadiai ia noho kahu sisina hegeregerena. . . . Tanobada kuboruna ataiai Tauna ia noho bona tanobada idia noholaia taudia be kwadi bamona.”

6, 7. Edena dala ai Dirava ita abidadama henia karana ese ita ia durua ita manau totona?

⁷ Bema ita laloa ta be ita ia hahemaoro henia kerere neganai, Iehova ita abidadama henia karana ese ita ia durua. Unai kara ita laloa momo lasi, to namona be manau dekenai Iehova ita naria, salamo torea tauna be Salamo 37:​1-3, 8, 9 dekenai ita ia hadibaia hegeregerena. Aposetolo Paulo be unai hereva danu ia gwauraia, ia gwau: “Lauegu lalokau taudia e, dika ena davana do umui karaia lasi, davana be, Dirava sibona. Badina be Buka Helaga ia gwau, ‘Lohiabada ia gwau, “Dika ena davana be lau sibona ese do lau karaia.” ’ ”​—Roma 12:19.

Manau​—Aonega Dalana

⁸ Manau be aonega dalana ena badina be momo. Badina ta be ai gwauraia vadaeni, ita ia Karaia Tauna ida ita noho namo hebou diba. Dirava ena Hereva be Hereva Lada-isidia 16:5 dekenai ia hereva goevagoeva, ia gwau: “Iehova ese hekokoroku taudia ibounai ia inai henidia bada.” Danu, Hereva Lada-isidia 16:18 dekenai ita duahia, ia gwau: “Heagi ese dika do ia havaraia, hekokoroku taudia do idia moru.” Hekokoroku taudia be dika idia davaria. Unai bamona ia vara badina 1 Petero 5:5 dekenai ita duahia, ia gwau: “Umui ibounai do umui laloa manau, vadaeni umui ta ta dekenai durua do umui henia. Badina be Buka Helaga ia gwau, ‘Dirava ese hekokoroku taudia edia dala ia koua, to manau taudia dekenai iena hariharibada ia henia.’ ” (Italiks be aiemai.) Iesu ese Farisea tauna bona takisi gogoa tauna idia guriguri ena sivarai ia gwauraia neganai unai hereva do oi davaria. Ia hedinarai manau takisi gogoa tauna be kara maoromaoro tauna.​—Luka 18:​9-14.

9. Dika negadia ai manau be edena dala ai ita ia durua?

⁹ Manau be aonega dalana badina manau dainai ita be Iakobo 4:7 ena sisiba ita badinaia diba, ia gwau: “Unai dainai Dirava ena ura do umui karaia.” Bema ita manau, Iehova ese iseda hisihisi ta ia koua lasi neganai do ita gwau-edeede lasi. Manau dainai do ita laloa iseda noho ia hegeregere bona do ita haheauka. Hekokoroku tauna be hanaihanai ia badu, ia ura ma gau haida ia abia, bona kerere negadia ai ia gwau-edeede. To manau tauna be idau, Iobu bamona hekwarahi bona hetoho dekenai ia haheauka. Iobu be iena kohu ibounai ia haboioa bona gorere dikana ta mai hisihisina ia abia, bena iena adavana ese ia sisiba henia hekokoroku dalana ai ia lao totona, ia gwau: “Iehova oi gwau dika henia bena oi mase!” Iena haere be dahaka? Baibel ese ita ia hadibaia, ia gwau: “Ia dekenai ia gwau: ‘Oi be kavakava hahinedia edia hereva hegeregeredia ai oi hereva. Be, namo mo Dirava ena imana amo do ita abia bena dika do ita abia lasi, a?’ Inai ibounai lalonai Iobu be ena uduna bibinadia amo ia kerere lasi.” (Iobu 2:​9, 10) Iobu ia manau dainai ia gwau-edeede lasi, to mai aonega danu Iehova ese ia dekenai ia koua lasi karadia ia haheaukalaia. To gabeai ia be davana namo hereadia ia abia.​—Iobu 42:​10-16; Iakobo 5:11.

Manau Dainai Ma Haida ida Ita Noho Namo Hebou Diba

¹⁰ Manau be aonega dalana badina iseda Keristen tadikakadia ida ita noho namo hebou diba. Aposetolo Paulo be ita ia sisiba henia namonamo, ia gwau: “Umui sibona emui ladana do umui habadaia gwauraia lasi, bona do umui hekokoroku lasi. To umui ibounai ta ta dekenai do umui manau. Umui ta ta nega ibounai inai bamona do umui laloa, ‘Haida be idia namo herea, to lau be namo lasi.’ Bona haida edia namo do umui tahua, to umui emui namo sibona do umui tahua lasi.” (Filipi 2:​3, 4) Manau be aonega karana badina ma haida ida do ita kara helulu lasi, eiava sibona do ita habadaia toho lasi ma haida ita hereadia totona. Unai bamona lalohadai ese ita bona iseda Keristen tadikakadia dekediai hekwakwanai idia havaraia.

11. Edena dala ai manau ese ita ia durua ita kerere lasi totona?

¹¹ Nega momo manau ese ita ia durua kerere ita karaia lasi totona. Edena bamona? Badina manau dainai do ita laloa lasi ita goada herea. To, Paulo ena sisiba 1 Korinto 10:12 dekenai do ita moalelaia, ia gwau: “Unai dainai, tau ta bema ia laloa ia gini goada, namona be ia naria namonamo, do ia moru garina.” Hekokoroku tauna ia laloa iena goada ia herea, unai dainai ma gau haida ese idia veria dainai eiava sibona ena manoka dainai ia kerere momo.

12. Manau dainai Baibel ese ia gwauraia ita ese dahaka kara ita badinaia diba?

¹² Manau dainai kamonai karana ena taravatu do ita badinaia diba. Efeso 5:21 dekenai ita ia sisiba henia, ia gwau: “Keriso umui matauraia dainai umui ibounai ta ta dekenai do umui matauraia.” Momokani, namona be ita ibounai be kamonai karana ita hahedinaraia, ani? Natudia be edia tama sina idia kamonai henidia, hahine be edia tau idia kamonai henidia, bona headava tatau be Keriso idia kamonai henia. (1 Korinto 11:3; Efeso 5:22; 6:1) Unai dainai, Keristen kongregesen iboudiai dekenai, tadikaka iboudiai, hesiai taudia danu, be elda taudia idia kamonai henidia. Elda taudia be hesiai tauna mai ena abidadama oreana idia kamonai henia danu, ani? Unai hesiai tauna mai ena abidadama oreana idia kamonai henia, bona inai orea ladanai idia hereva taudia, sekit naria taudia unai, idia matauraia danu, ani? Bona sekit naria tauna ese distrik naria tauna ia kamonai henia, bona distrik naria tauna ese ia noholaia tanona ena Brens Komiti ia kamonai henia. Brens Komiti taudia be edena bamona? Idia be Hakaua Oreana bona idia sibodia “ta ta dekenai do [idia] matauraia,” bona Hakaua Oreana be Iesu, terona dekenai ia helai King, bona “hesiai tauna mai ena kamonai bona mai ena kara maoromaoro” orea vairanai edia kara idia gwauraia. (Mataio 24:​45-47) Elda edia orea iboudiai dekenai bamona, Hakaua Orea taudia be idia sibodia ta ta edia lalohadai idia matauraia. Hegeregerena, reana ta ia laloa ia be mai ena lalohadai namo hereana ta. To bema unai komiti taudia ma haida be iena lalohadai idia abia dae lasi, namona be unai lalohadai ia laloa momo lasi. Momokani, ita ibounai ita manau be namo, badina ita ibounai ita noho kamonai karana ena taravatu henunai.

13, 14. (a) Dahaka ia vara neganai manau ese ita do ia durua? (b) Sisiba abia dae karana dekenai Petero ese dahaka haheitalai namona ia karaia?

¹³ Ita itaia manau be aonega dalana, badina manau dainai sisiba bona matahakani ita abia dae dalana ia auka lasi. Ita ta ta ibounai be nega haida matahakani ita abia be namo, bona namona be Hereva Lada-isidia 19:20 ena sisiba ita badinaia, ia gwau: “Sisiba herevana oi kamonai henia bona matahakani oi abia dae, oiemu vairana negana lalonai oi aonega totona.” Guna idia hereva namonamo hegeregerena, bema sisiba eiava matahakani ita abia neganai ita manau, do ita lalohisihisi bada lasi. Ma danu, aposetolo Paulo be, Heberu 12:​4-11 dekenai, ita ia sisiba henia, ia gwau aonega dalana be manau dekenai matahakani ita abia dae. Unai dala ai sibona, iseda vaira negana lalonai aonega dalana ita abia hidi diba, bona unai amo mauri hanaihanai ena davana do ita abia. Unai be mai moale gauna momokani!

¹⁴ Unai dekenai aposetolo Petero ena haheitalai namona ita laloa diba. Aposetolo Paulo amo sisiba aukana ia abia, Galatia 2:14 ena sivarai amo ita diba hegeregerena, ia gwau: “To lau ese idia lau itaia, idia raka maoromaoro lasi, bona Sivarai Namona ena momokani idia badinaia lasi. Unai neganai idia ibounai vairanai Petero lau gwau henia, lau gwau, ‘Oi be Iuda tauna, to Iuda lasi tauna bamona oi noho, Iuda tauna bamona lasi. Unai dainai edena bamona Iuda lasi taudia oi hamaorodia goada, Iuda taudia hegeregere idia noho?’ ” Aposetolo Petero ia badu, a? Bema ia badu, reana ia badu daudau lasi; unai ita diba badina gabeai 2 Petero 3:​15, 16 dekenai ia torea “iseda varavara lalokau tauna Paulo.”

15. Ita manau neganai dahaka dainai ita moale diba?

¹⁵ Danu, mauri gaudia dekenai ita sibona ita naria be namo, namona be ita laloa ita dekenai idia noho gaudia idia hegeregere. Bema ita laloa iseda noho, iseda gaukara bona iseda hahenamo be idia hegeregere lasi, do ita moale diba lasi. Manau Keristen tauna be inai bamona ia laloa: “Bema Dirava ese ia koua lasi, do lau hegeregere diba.” Unai be aposetolo Paulo ena hereva hegeregerena, 1 Korinto 10:13 dekenai unai ita duahia diba, ia gwau: “Umui idia pidia hedibagani ibounai ese taunimanima ibounai danu idia pidia noho. To Dirava be ia momokani. Ia ese umui do ia naria, emui goada ia hanaia hedibagani ese umui do ia pidia garina. Bona hedibagani neganai emui dala ta do ia kehoa. Vadaeni inai dala dekena amo unai hedibagani dekenai do umui kwalimu diba.” Unai dainai, ma ita itaia, manau be aonega dalana, badina herevana iseda noho be edena bamona ita ia durua ita moale totona.

Lalokau ese Ita Ia Durua Do Ita Manau Totona

¹⁶ Bona gau hereana be sibona ena namo ia tahua lasi lalokauna, a·gaʹpe, ese ita ia durua ita manau totona. Paulo ese Filipi taudia dekenai ia herevalaia hegeregerena, Iesu Keriso be edena bamona mai manau ida hisihisi auna ia haheaukalaia diba? (Filipi 2:​5-8) Dahaka dainai ia ura lasi Dirava hegeregerena ai ia lao? Ia hereva hegeregerena, badina be inai: “Tamana lau lalokau henia.” (Ioane 14:31) Unai dainai nega ibounai hairai bona mataurai be Iehova, iena guba Tamana, dekenai ia henia. Unai hegeregerena, ma nega ta ai iena guba Tamana sibona be ia namo sivaraina ia gwauraia bada.​—Luka 18:​18, 19.

16, 17. (a) Daika ena sivarai Baibel lalonai ese ia hahedinaraia dahaka be kara badana ita manau totona? (b) Dahaka tanobada tauna ena sivarai ese unai hereva ia hahedinaraia bada?

¹⁷ Unai be momokani ita itaia diba America ena toretore tauna gunana ta, John Greenleaf Whittier, ena sivarai ta amo. Ia be mero neganai, kekeni ta ese ia ura henia, bona sikuli dekenai, nega ta unai kekeni be hereva ta ia torea maoro, to Whittier ese unai hereva ia torea kerere. Unai ia vara dainai kekeni ia hemarai bada. Badina be dahaka? Unai toretore tauna ia laloatao, unai kekeni ia gwau: “Lau lalohisihisi unai hereva lau torea maoro dainai. Lau ura lasi oi lau hereaia . . . Badina oi lau lalokau henia.” Oibe, bema ta ita lalokau henia, ita ura unai tauna be ita ia hereaia, ita ura lasi ita henuai idia noho, badina lalokau be ia manau.

18. Manau ese ita ia durua dahaka Baibel sisiba ita badinaia totona?

¹⁸ Unai haheitalai be Keristen taudia iboudiai ia hadibadia namonamo, bona tadikaka dekediai ia be mai anina bada. Ta ese hesiai gaukara ena dagi ia abia, to ita abia lasi neganai ita moale, eiava ita mama sisina? Bema iseda tadikaka ita lalokau henia momokani, unai gaukara namona eiava dagi ia abia, eiava haida ese iena ladana idia gwauraia bada dainai do ita moale. Oibe, manau dainai inai sisiba do ita badinaia be auka lasi: “Umui ta ta danu do umui matauraia.” (Roma 12:10) Ma Baibel ta ia gwau: “Ma haida oi matauraidia.” (New International Version) Bona ma sisiba ta aposetolo Paulo amo do ita abia, ia gwau: “Lalokau dekenai umui ta ta dekenai durua do umui henia.” (Galatia 5:13) Oibe, bema ita be mai iseda lalokau, do ita moale iseda tadikaka ita durudia totona, do ita hesiai idia totona, edia ura bona edia namo do ita laloa guna; unai ita karaia totona ita manau be namo. Manau dainai do ita heagi lasi, bona unai amo ma haida ita hasiahua lasi idia mama totona. Paulo ia torea, ia gwau lalokau “be ia heagi lasi, bona ia hekokoroku lasi.” Badina be dahaka? Badina heagi ena badina be sibona ena ura ia tahua guna, ia hekokoroku, to lalokau be sibona ena ura tahua guna karana lasi.​—1 Korinto 13:4.

19. Dahaka Baibel haheitalai ese idia hahedinaraia manau bona lalokau idia gaukara hebou, bona hekokoroku bona sibona ena ura tahua karana idia gaukara hebou?

¹⁹ David ena kara King Saulo bona iena natuna Ionatan ida ena sivarai ese ia hahedinaraia namo herea edena dala ai lalokau bona manau idia gaukara hebou, bona hekokoroku bona sibona ena ura tahua karana idia gaukara hebou. David be tuari dekenai ia kwalimu momo dainai, Israel hahinedia be ane idia abia, idia gwau: “Saulo ese ena tausen tausen ia aladia, to David ese ena tausen tausen momo ia aladia.” (1 Samuel 18:7) Ia manau lasi to hekokoroku ese ena lalona ia hahonua dainai, unai negana amo Saulo be David ia inai henia momokani. Iena natuna Ionatan ena lalohadai dalana amo unai be idau momokani! Ita duahia Ionatan be David ia lalokau henia sibona ia lalokau henia bamona. (1 Samuel 18:1) Unai dainai, gabeai ia hedinarai Iehova ese David ia hahenamo henia neganai, bona Ionatan lasi to David ese Saulo ena king dagina Israel dekenai do ia abia ia hedinarai neganai, Ionatan be edena bamona ia karaia? Ia mama, a? Lasi momokani! David ia lalokau henia bada dainai, 1 Samuel 23:17 dekenai ita duahia hegeregerena, ia gwau diba: “Oi gari lasi; badina be egu tamana Saulo imana ese oi do ia dogoatao lasi, oi be Israel pavapavana ai do oi lao, bona lau be oi henunai do lau noho. Egu tamana Saulo be unai ia diba.” Ionatan ese David ia lalokau henia bada dainai, bona Dirava ese daika ia ura iena tamana ena king dagina Israel dekenai do ia abia ia itaia neganai, manau dekenai ia abia dae.

20. Iesu ese edena dala ai ia hahedinaraia lalokau bona manau idia gaukara hebou?

²⁰ Iesu Keriso be ia do mase lasi hanuaboina ginigabena ai iena aposetolo ida ia noho neganai, ia vara gauna amo ita itaia lalokau bona manau idia gaukara hebou. Ioane 13:1 dekenai ita duahia, ia gwau Iesu be “inai tanobada dekenai sibona ena lalokau taudia dekenai ia lalokau henidia ia lao bona dokona.” Unai hereva ia gwauraia murinai, ita duahia, Iesu ese iena aposetolo taudia edia aedia ia huridia, hesiai tauna maragina bamona ia karaia. Unai be manau ia hadibaia dalana mai anina bada!​—Ioane 13:​1-11.

21. Hereva dokona be, badina be dahaka ita manau be namo?

²¹ Momokani, ita manau be namo ena badina be momo. Manau karana ita karaia be maoro bona ia be momokani karana. Ia be abidadama dalana. Unai kara dainai Iehova Dirava bona iseda tadikaka ida ita noho namo hebou diba. Ia be aonega dalana. Gau hereana be, unai be lalokau karana bona moale korikorina ia havaraia.

Edena Bamona Do Oi Haere?

◻ Edena daladia ai kara maoro ese ita ia durua ita manau totona?

◻ Badina be dahaka Iehova ita abidadama henia dainai unai ese ita ia durua ita manau totona?

◻ Dahaka ese ia hahedinaraia ita manau be aonega dalana?

◻ Badina be dahaka lalokau be heduru badana ita manau totona?

3. Badina be dahaka kara maoro be ita dekenai maduna ia henia ita manau totona?

8. Badina be dahaka manau dainai Iehova ida ita noho namo hebou diba?

10. Edena dala ai manau ese ita ia durua iseda Keristen tadikakadia ida ita noho namo hebou totona?

[Picture on page 21]

Iobu ia manau dainai Iehova henunai sibona ia hadihoa. Ia be ‘Iehova ia gwau dika henia lasi bona ia mase lasi’

[Picture on page 23]

Paulo ese ma haida vairadiai ia sisiba henia neganai Petero be manau dekenai sisiba ia abia dae