Sòm

47 Nou menm pèp yo, bat bravo.

Fè louwanj pou Bondye, rele ak kè kontan.

 2 Paske, Jewova, Sila a ki nan pi gwo pozisyon an, bay lakrentif+.

Li se gran Wa ki gen pouvwa sou tout tè a+.

 3 Li fè pèp yo soumèt devan nou,

Li met nasyon anba pye nou+.

 4 Li chwazi eritaj nou an pou nou+,

Sa ki fè Jakòb, moun li renmen an, fyè a+. (Sela)

 5 Bondye vini pandan moun yo ap rele ak kè kontan,

Jewova vini pandan y ap sonnen kòn*.

 6 Chante louwanj* pou Bondye, chante louwanj pou li.

Chante louwanj pou Wa nou an, chante louwanj pou li.

 7 Paske, se Bondye ki Wa tout tè a+.

Chante louwanj pou li, montre nou gen bon konprann.

 8 Bondye vin Wa nasyon yo+.

Bondye chita sou twòn li an ki sakre.

 9 Moun ki chèf pèp yo te reyini ansanm

Ak pèp Bondye Abraram nan.

Paske, tout moun ki chèf* sou tè a se pou Bondye yo ye.

Bondye gen anpil glwa+.