Jozye
5 Lè tout wa Amorit yo+ ki te sou bò lwès Rivyè Jouden an* ak tout wa moun Kanaran yo+ ki te abite bò lanmè a te tande jan Jewova te seche dlo Rivyè Jouden an devan Izrayelit yo jiskaske yo te fin travèse rivyè a, yo te pèdi fòs*+ e yo pa t gen kouraj menm ankò akoz Izrayelit yo+.
2 Lè sa a, Jewova di Jozye: “Fè kouto ak wòch byen file pou w sikonsi+ gason Izrayelit yo yon lòt fwa ankò.” 3 Se konsa, Jozye te fè kouto ak wòch byen file e li te sikonsi gason Izrayelit yo nan Gibeyataralòt*+. 4 Men rezon ki fè Jozye te sikonsi yo: Tout gason nan pèp la ki te soti ann Ejip yo, sètadi tout mesye ki te konn al nan lagè yo*, te mouri nan dezè a pandan vwayaj yo te fè apre yo te fin kite peyi Ejip+. 5 Tout gason ki te sot ann Ejip yo te sikonsi, men yo pa t sikonsi gason ki te fèt nan dezè a pandan vwayaj pèp la te fè apre yo te fin kite peyi Ejip. 6 Izrayelit yo te pase 40 an+ ap mache nan dezè a jiskaske tout nasyon an te mouri, anpalan de gason ki te sot ann Ejip yo e ki te konn al nan lagè yo, paske yo pa t obeyi sa Jewova te di+. Jewova te fè sèman li pa t ap janm kite moun sa yo wè peyi+ li menm Jewova te pwomèt zansèt nou yo l ap ban nou an+, yon peyi kote lèt ak siwo myèl ap koule+. 7 Se sa k fè, li te fè pitit gason moun sa yo ranplase yo+. Se yo menm Jozye te sikonsi. Pitit gason moun sa yo pa t sikonsi paske yo pa t sikonsi yo pandan vwayaj la.
8 Lè yo te fin sikonsi tout gason nan nasyon an, yo te rete kote yo te ye nan kan an jiskaske yo geri.
9 Epi, Jewova di Jozye: “Jodi a, mwen fè lawont peyi Ejip la woule al lwen nou.” Se sa k fè yo rele kote sa a Gilgal*+ jis jodi a.
10 Izrayelit yo te kontinye rete Gilgal e yo te fete fèt Pak la 14yèm jou nan mwa a+, nan aswè, nan dezè Jeriko a. 11 Epi, yo te kòmanse manje manje ki fèt nan tè a nan jou apre fèt Pak la. Yo te manje pen san ledven+ ak grenn griye nan menm jou a. 12 Nan demen, pa t gen lamàn ankò lè Izrayelit yo te manje manje ki fèt nan tè peyi a. Piske yo te kòmanse manje manje ki fèt nan tè peyi Kanaran nan ane sa a+, yo pa t jwenn lamàn ankò pou yo manje+.
13 Lè Jozye rive toupre Jeriko, li leve je l li wè yon mesye+ ki kanpe devan l ak yon epe nan men l+. Jozye mache al sou mesye a, epi li mande l: “Èske w pou nou oubyen ou pou ènmi nou yo?” 14 Li reponn: “Se pa sa w panse a. Mwen vini antanke chèf lame Jewova a+.” Menm kote a, Jozye lage kò l fas atè, e li di: “Mèt mwen, ki sa w gen pou w di sèvitè w la?” 15 Chèf lame Jewova a reponn Jozye, li di l: “Retire sandal nan pye w, paske kote w kanpe la a se yon kote ki sakre.” E Jozye fè sa tousuit+.