Pwovèb

 2 Ki sa pou m di w, pitit gason m?

Di m non, pitit gason m ki sot nan vant mwen an?

Ki sa pou m di w, pitit gason m, ou menm mwen te fè ve pou ou a+?

 3 Pinga w gaspiye fòs ou nan fi+!

E pinga w al nan wout ki fè anpil wa peri a+!

 4 O Lemwèl, men sa yon wa pa dwe fè:

Yon wa pa dwe nan bwè diven,

E chèf yo pa dwe di: “Kote bweson m nan+?”

 5 Yon fason pou yo pa bwè e pou yo pa bliye sa lalwa di,

Epi pou yo pa pase sou dwa moun ki pi ba yo.

 6 Se moun ki pral mouri pou w bay bwason ki gen alkòl+,

E se moun ki nan gwo lapenn* pou w bay diven+.

 7 Se pou yo bwè pou yo ka bliye mizè yo!

Se pou yo bliye pwoblèm yo nèt!

 8 Pale pou moun ki pa ka pale yo.

Defann dwa tout moun ki pral mouri yo+.

 9 Pale pou yo, epi byen jije yo.

Defann dwa* moun ki pi ba yo ak malere yo+.

10 Kiyès ki ka jwenn yon bon madanm*+?

Yon bon madanm gen plis valè pase koray*.

11 Mari l fè l konfyans ak tout kè l,

E mari l pa manke anyen.

12 Chak jou nan lavi l,

Li fè byen pou mari l pou sa l fè pou li, li pa fè l sa ki mal.

13 Li jwenn twal lenn ak twal len,

Li renmen travay ak men l+.

14 Li menm jan ak bato komèsan yo+,

L al chèche manje l byen lwen pot lakay li.

15 Epitou, li poko jou, li gentan leve

Pou l bay moun lakay li manje

E pou l bay sèvant li yo manje+.

16 Li gen nan lide l pou l achte yon tè, li achte l.

Grasa travay li*, li fè yon jaden rezen.

17 Li prepare l pou l travay di*+,

Epi, li travay di ak men l.

18 Li wè komès li ap mache,

Lanp li toujou ret limen lannuit.

19 Li kenbe bwa yo konn woule fil la ak men l

E li pran bobin fil la ak men l*+.

20 Li lonje men bay moun ki nan nesesite yo,

E li donan ak moun ki malere yo+.

21 Li pa enkyete pou moun lakay li lè gen gwo fredi,

Paske tout moun lakay li gen rad pou yo chofe kò yo*.

22 Li fè dra pou l kouvri kabann li.

Li fè rad li ak twal len ansanm ak twal lenn vyolèt.

23 Tout moun konn mari l nan pòtay vil la+,

Lè misye chita pami ansyen ki nan peyi a.

24 Li fè rad* ak twal len pou l vann

E li fè senti pou l bay komèsan yo.

25 Li gen anpil kouraj e moun respekte l,

Li pa bay tèt li pwoblèm pou sa k pral rive demen*.

26 Lè l pale, pawòl li montre li gen sajès+,

Lè l ap anseye, li pale ak bonte*.

27 Li veye sou sa k ap fèt lakay li

E li pa parese menm+.

28 Pitit li yo kanpe e yo fè lwanj pou li,

Mari l kanpe e li fè lwanj pou li tou.

29 Gen anpil bon fi*,

Men, ou menm, ou pi bon pase yo tout.

30 Yon fi ka bèl, men sa ka pa gen okenn valè, e bèl li bèl la ka pa dire+.

Men, y ap fè lwanj pou fi ki gen lakrentif pou Jewova a+.

31 Rekonpanse l pou sa l fè*+,

E se pou yo fè lwanj pou li nan pòtay vil la pou travay li fè+.