1 Տարեգրություն

25 Դավիթն ու տաճարում ծառայող խմբերի ղեկավարները ընտրեցին Ասափի, Եմանի և Իդիթունի+ որդիներից ոմանց, որ քնարների, տավիղների+ ու ծնծղաների+ հնչյունների ներքո մարգարեանան: Ահա այն մարդկանց ցուցակը, ովքեր ընտրվել էին այդ ծառայության համար. 2 Ասափի որդիներից՝ Զաքուրը, Հովսեփը, Նաթանիան ու Ասարելան: Ասափի որդիներին ղեկավարում էր Ասափը, որը մարգարեանում էր և իր պատասխանատվությունը կատարում՝ թագավորի տված առաջնորդության համաձայն: 3 Իդիթունի+ որդիներից՝ Գոդողիան, Զերին, Հեսայիան, Սեմեին, Ասաբիան և Մատաթիան՝+ վեց հոգի: Նրանց ղեկավարում էր իրենց հայրը՝ Իդիթունը, որը քնարի նվագակցությամբ մարգարեանում էր՝ շնորհակալություն հայտնելով Եհովային ու գովաբանելով նրան:+ 4 Եմանի+ որդիներից՝ Բոկկիան, Մաթանիան, Օզիելը, Սեբուելը, Հերիմոթը, Հանանիան, Հանանին, Ելիաթան, Գեթոլաթին, Ռոմամթիեզերը, Հեսբակասան, Մելեթին, Հոթիրը և Մազիոթը: 5 Սրանք բոլորը թագավորի տեսանող* Եմանի որդիներն էին. նա հայտնում էր ճշմարիտ Աստծու խոսքերը՝ ի փառս Նրա:* Ճշմարիտ Աստված Եմանին պարգևել էր 14 որդի ու 3 դուստր: 6 Սրանք բոլորը Եհովայի տանը իրենց հոր ղեկավարությամբ երգում և ծնծղաներ, տավիղներ ու քնարներ էին նվագում՝+ ծառայելով ճշմարիտ Աստծու տանը:

Ասափը, Իդիթունը և Եմանը թագավորի անմիջական ենթակայության տակ էին:

7 Նրանք և նրանց եղբայրները, ընդհանուր հաշվով՝ 288 հոգի, սովորել էին Եհովային նվիրված երգեր երգել և այդ գործում հմուտ էին: 8 Որպեսզի որոշվեր՝ ով ինչ պատասխանատվություն է ունենալու, վիճակ գցվեց+ թե՛ փոքրերի և թե՛ մեծերի, թե՛ փորձառուների և թե՛ աշակերտների համար:

9 Առաջին վիճակն ընկավ Ասափի որդի Հովսեփին,+ երկրորդը՝ Գոդողիային+ (նա, նրա եղբայրներն ու որդիները 12 հոգի էին), 10 երրորդը՝ Զաքուրին,+ նրա որդիներին ու եղբայրներին՝ 12 հոգու, 11 չորրորդը՝ Իզրիին, նրա որդիներին ու եղբայրներին՝ 12 հոգու, 12 հինգերորդը՝ Նաթանիային,+ նրա որդիներին ու եղբայրներին՝ 12 հոգու, 13 վեցերորդը՝ Բոկկիային, նրա որդիներին ու եղբայրներին՝ 12 հոգու, 14 յոթերորդը՝ Հեսարելային, նրա որդիներին ու եղբայրներին՝ 12 հոգու, 15 ութերորդը՝ Հեսայիային, նրա որդիներին ու եղբայրներին՝ 12 հոգու, 16 իններորդը՝ Մաթանիային, նրա որդիներին ու եղբայրներին՝ 12 հոգու, 17 տասներորդը՝ Սեմեիին, նրա որդիներին ու եղբայրներին՝ 12 հոգու, 18 տասնմեկերորդը՝ Ազարիելին, նրա որդիներին ու եղբայրներին՝ 12 հոգու, 19 տասներկուերորդը՝ Ասաբիային, նրա որդիներին ու եղբայրներին՝ 12 հոգու, 20 տասներեքերորդը՝ Սուբայելին,+ նրա որդիներին ու եղբայրներին՝ 12 հոգու, 21 տասնչորսերորդը՝ Մատաթիային, նրա որդիներին ու եղբայրներին՝ 12 հոգու, 22 տասնհինգերորդը՝ Հերեմոթին, նրա որդիներին ու եղբայրներին՝ 12 հոգու, 23 տասնվեցերորդը՝ Հանանիային, նրա որդիներին ու եղբայրներին՝ 12 հոգու, 24 տասնյոթերորդը՝ Հեսբակասային, նրա որդիներին ու եղբայրներին՝ 12 հոգու, 25 տասնութերորդը՝ Հանանիին, նրա որդիներին ու եղբայրներին՝ 12 հոգու, 26 տասնիններորդը՝ Մելեթիին, նրա որդիներին ու եղբայրներին՝ 12 հոգու, 27 քսաներորդը՝ Ելիաթային, նրա որդիներին ու եղբայրներին՝ 12 հոգու, 28 քսանմեկերորդը՝ Հոթիրին, նրա որդիներին ու եղբայրներին՝ 12 հոգու, 29 քսաներկուերորդը՝ Գեթոլաթիին,+ նրա որդիներին ու եղբայրներին՝ 12 հոգու, 30 քսաներեքերորդը՝ Մազիոթին,+ նրա որդիներին ու եղբայրներին՝ 12 հոգու, 31 քսանչորսերորդը՝ Ռոմամթիեզերին,+ նրա որդիներին ու եղբայրներին՝ 12 հոգու: