Միքիա

5 Ո՛վ դուստր,* որ հարձակման ես ենթարկվել,

Հիմա դու կտրվածքներ ես անում քեզ վրա:

 2 «Դու, ո՛վ Բեթլեհեմ Եփրաթա,+

Թեև շատ փոքր ես, որ Հուդայի քաղաքների* մեջ լինես,

Սակայն քեզանից դուրս կգա նա, ով Իսրայելում ինձ համար իշխան կլինի,+

Ում ծագումը հնագույն ժամանակներից է՝ վաղեմի օրերից»:

 3 Աստված իր ժողովրդին թշնամիների ձեռքը կհանձնի,

Մինչև որ ծննդկան կինը* ծննդաբերի:

 4 Նա կկանգնի ու կհովվի ժողովրդին Եհովայի ուժով,+

Իր Աստված Եհովայի իշխանությամբ, ով մեծափառ անուն ունի:

Նրանք ապահով կբնակվեն,+

Որովհետև այդ ժամանակ նրա իշխանությունը կտարածվի մինչև երկրի ծայրերը:+

Իսկ եթե ասորեստանցին մտնի մեր երկիր ու ջախջախի մեր ամուր աշտարակները,+

Մարդկանց միջից մենք յոթ հովիվ, այո՛, ութ իշխան* կկանգնեցնենք նրա դեմ:

 6 Նրանք սուր կբարձրացնեն* Ասորեստանի վրա,+

Կհարվածեն Նեբրովթի+ երկրին դրա սահմանների* մոտ:

Երբ ասորեստանցին ներխուժի մեր երկիր ու ոտնակոխ անի մեր տարածքները,+

Իշխանը կփրկի մեզ նրանից:

 7 Հակոբի տնից ողջ մնացածները

Շատ ժողովուրդների մեջ կլինեն ասես ցող, որ Եհովան է տալիս,

Ասես հորդառատ անձրև, որ թափվում է բույսերի վրա,

Ցող ու անձրև, որոնք մարդուց կախում չունեն,

Որոնց հույսը մարդկանց որդիների վրա չէ:

 8 Հակոբի տնից ողջ մնացածները

Բազում ազգերի՝ շատ ժողովուրդների մեջ

Կլինեն ինչպես առյուծ անտառի գազանների մեջ,

Ինչպես հզոր առյուծ ոչխարների հոտերի մեջ,

Որ հարձակվում ու պատառոտում է,

Եվ որից ազատող չի լինում:

 9 Նրանց ձեռքը հաղթական վեր կբարձրանա ընդդեմ իրենց հակառակորդների,

Եվ նրանց բոլոր թշնամիները բնաջինջ կլինեն:

10 «Այդ օրը,– ասում է Եհովան,–

Ես կվերացնեմ ձեր ձիերը, կոչնչացնեմ ձեր կառքերը:

11 Կավերեմ ձեր երկրի քաղաքները

Եվ կքանդեմ ձեր բոլոր ամրությունները:

12 Վերջ կտամ կախարդությանը, որով զբաղվում եք,

Եվ այլևս ձեր մեջ մոգությամբ զբաղվող չի լինի:+

13 Ես բնաջինջ կանեմ ձեր քանդակված կուռքերն ու սյուները,

Եվ դուք այլևս չեք խոնարհվի ձեր ձեռքի գործերի առաջ:+

14 Արմատախիլ կանեմ ձեր սուրբ ձողերը*+

Եվ կավերեմ ձեր քաղաքները:

15 Իսկ ազգերից, որոնք չհնազանդվեցին ինձ,

Ես վրեժխնդիր կլինեմ բարկությամբ ու ցասումով»: