Առակներ

9 Ճշմարիտ իմաստությունը կառուցեց իր տունը

Եվ դրա համար յոթ սյուներ կանգնեցրեց:*

 2 Այն միս պատրաստեց,

Համեմեց գինին և սեղան գցեց:

 3 Իր աղախիններին ուղարկեց,

Որ քաղաքի բարձունքներից գոչեն.+

 5 «Եկեք, կերեք իմ հացը

Եվ խմեք այն գինին, որ համեմել եմ:

 6 Թողեք ձեր միամտությունը,* որ ապրեք,+

Եվ հասկացողության ճանապարհով քայլեք»:+

 7 Նա, ով ուղղի ծաղրողին, անպատվություն կբերի իր վրա,+

Եվ չարագործին նախատողը կվնասվի:

 9 Սովորեցրու իմաստունին, և նա ավելի իմաստուն կդառնա,+

Ուսուցանիր արդարին, և նա ավելի շատ բան կսովորի:

10 Եհովայի հանդեպ վախը իմաստության սկիզբն է,+

Եվ Ամենասուրբի մասին գիտելիքները+ հասկացողություն են տալիս:

11 Իմ շնորհիվ օրերդ կշատանան,+

Եվ կյանքիդ տարիները կավելանան:

12 Եթե իմաստուն ես դարձել, քո իսկ օգտի համար ես դարձել,

Իսկ եթե ծաղր անող մարդ ես, ինքդ ես կրելու հետևանքները:

13 Հիմար կինը աղմկարար է,+

Նա տգետ է և ոչինչ չգիտի:

14 Նա նստում է իր տան մուտքի մոտ՝

Քաղաքի բարձր տեղերում,+

15 Եվ կանչում է անցորդներին,

Ովքեր գնում են իրենց ճանապարհով.

17 «Գողացված ջրերը քաղցր են,

Եվ ախորժելի է այն հացը, որը թաքուն է ուտվում»:+

18 Բայց անխոհեմը չգիտի, որ նրա տունը մեռելներով է լցված,

Որ նրա հյուրերը գերեզմանի* խորքում են:+