Սաղմոսներ

91 Նա, ով Բարձրյալի պաշտպանության տակ* է ապրում,+

Ամենակարողի հովանու ներքո հանգիստ է գտնում:+

 2 Ես կասեմ Եհովային. «Դու իմ ապաստանն ու իմ ամրոցն ես,+

Իմ Աստվածը, ում վստահում եմ ես»:+

 3 Նա կազատի քեզ թռչնորսի թակարդից,

Կփրկի կործանարար համաճարակից:

 4 Իր փետուրներով կծածկի քեզ,

Նրա թևերի տակ դու ապաստան կգտնես:+

 5 Դու չես վախենա ո՛չ գիշերվա սարսափներից,+

Ո՛չ էլ ցերեկը սլացող նետերից,+

 6 Ո՛չ խավարում գաղտագողի մոտեցող ժանտախտից,

Ո՛չ էլ կեսօրին ամեն ինչ ավերող կործանումից:

 7 Հազար հոգի քո կողքին կընկնի,

Տասը հազար մարդ քո աջ կողմում կտապալվի,

Բայց քեզ ոչ մի վատ բան չի պատահի:+

 8 Դու պարզապես դրան ականատես կլինես

Եվ անօրենների հատուցումը կտեսնես:

 9 Դու ասացիր՝ «Եհովան է իմ ապավենը»,

Եվ այդպիսով Բարձրյալին դարձրիր քո ապաստանը:+

10 Քեզ ոչ մի չարիք չի պատահի,+

Ոչ մի պատուհաս չի մոտենա քո վրանին,

11 Որովհետև նա կհրամայի իր հրեշտակներին,+

Որ պահպանեն քեզ քո ամեն քայլափոխին:+

12 Նրանք իրենց ձեռքերի վրա կտանեն քեզ,+

Որ ոտքդ քարի չխփես:+

13 Առյուծի և կոբրայի վրայով կքայլես,

Զորեղ առյուծին ու մեծ օձին կկոխկրտես:+

14 Աստված ասաց. «Նա սիրում է ինձ, ուստի նրան կփրկեմ,+

Նա գիտի իմ անունը,* ուստի նրան կպաշտպանեմ:+

15 Նա կկանչի ինձ, և ես կպատասխանեմ,+

Նեղության ժամանակ նրա հետ կլինեմ:+

16 Նրան երկար կյանք կտամ+

Եվ իմ փրկարար զորությունը ցույց կտամ»:*+