15 Ndị Eze Solomọn manyere ka ha na-arụrụ ya ọrụ+ rụrụ ụlọ Jehova,+ ụlọ nke ya,* Milo,*+ mgbidi Jeruselem, Hezọ,+ Megido,+ na Giza.+

20 Mgbe ihe a niile mechara, Josaya edozichaakwa ụlọ nsọ* ahụ, Niko+ eze Ijipt bịara na Kakemish nke dị n’akụkụ Osimiri Yufretis ka ọ lụọ agha. Josaya gaziri ka ọ lụso Niko agha.+ 21 N’ihi ya, o zigaara Josaya ndị ozi, sị ya: “Eze Juda, gịnị mere i ji bịa ịlụso m agha? Ọ bụghị gị ka m bịara ịlụso agha taa, kama m bịara ịlụso mba ọzọ agha. Chineke gwakwara m ka m ghara igbu oge. Laghachi maka ndụ gị. Chineke nọnyeere m. Emegidezila ya, ka ọ ghara ịla gị n’iyi.” 22 Ma, Josaya alaghachighị, kama o jigharịrị ejiji ka a ghara ịmata na ọ bụ ya.+ O geghị ntị n’ihe Chineke si n’ọnụ Niko gwa ya. Ọ gawara ịlụso ya agha na Ndagwurugwu Megido.+

23 Ndị na-agba ụta wee gbata Eze Josaya akụ́, ya asị ndị na-ejere ya ozi: “Bupụnụ m ebe a, n’ihi na e merụọla m ezigbote ahụ́.” 24 Ndị na-ejere ya ozi wee si n’ụgbọ ịnyịnya ya kutuo ya ma jiri ụgbọ ịnyịnya agha ya nke abụọ bute ya Jeruselem. Ma o mechara nwụọ, e lie ya ebe e liri nna nna ya hà.+ Ndị Juda na ndị niile bi na Jeruselem rukwaara ya uju. 25 Jeremaya+ bụrụ abụ o ji ruoro Josaya uju. Ụmụ nwoke niile na ụmụ nwaanyị niile ndị na-abụ abụ+ na-abụkwa abụ ndị ha ji eruru Josaya uju ruo taa. E kpebiri ka a na-abụ abụ ndị a n’Izrel. E dekwara ha n’akwụkwọ e dere abụ iru uju.

11 N’ụbọchị ahụ, ákwá arịrị a ga-ebe na Jeruselem ga-adị ukwuu. Ọ ga-adị ka ákwá arịrị e bere na Hedadrimọn nke dị na Ndagwurugwu Megido.+