Eskediul ti Gimong ti Serbisio

Lawas ti Mayo 12

Kanta 1

10 min: Lokal a pakaammo. Napili a Pakaammo iti Ti Ministeriotayo iti Pagarian. Babaen ti panangusar kadagiti singasing iti panid 8, mangiparang iti dua a demostrasion no kasano nga itukon ti Mayo 15 a Pagwanawanan ken Mayo 22 nga Agriingkayo! Iraman a dakamaten ti maipapan iti panagdonasion.

20 min: Nagannak​—Tulonganyo a Rumang-ay Dagiti Annakyo. Palawag a mangitampok kadagiti kangrunaan a punto iti libro nga Eskuelaan ti Panagministro, panid 9-12 ken 21-38. Idagadag kadagiti nagannak nga usarenda ti dadduma kadagiti punto iti daytoy a material iti panagadal ti pamiliada, nga addaan iti kalat a mangsanay kadagiti annakda a rumang-ay iti ministerio.

15 min: “Naitalek Kadatayo ti Naimbag a Damag.”a Ipakpakaunayo iti maysa wenno dua nga agibumbunannag nga ilawlawagda iti apagbiit no ania a panagbalbaliw ti inaramidda iti personal a kasasaadda tapno ad-adu ti magapuananda iti trabaho a panangasaba.

Kanta 46 ken pangserra a kararag.

Lawas ti Mayo 19

Kanta 62

15 min: Lokal a pakaammo. Report ti kuenta. Salaysayen ti “Internasional a Panagibangon Kadagiti Kingdom Hall iti Dadduma a Pagilian ti Europa.” Dakamaten a ti panagibangon kadagiti Kingdom Hall iti teritoria ti lokal a sanga nga opisina ket masupsuportaran babaen kadagiti kontribusion para iti Kingdom Hall Fund.

15 min: “Saludsod.” Palawag. Repasuen iti apagbiit ti sumagmamano a singasing no kasano ti mangasaba babaen iti telepono a nagparang iti Pebrero 2001 a Ti Ministeriotayo iti Pagarian, panid 6, parapo 10-13.

15 min: “Idaydayawyo ni Jehova Babaen ti Di Pormal a Panangasaba.” Palawag ken pagsasaritaan ti tallaong. No mapagsasaritaan ti parapo 3, pagsaludsodan dagiti agdengdengngeg no ania ti mabalin nga ibaga a pangirugi iti saritaan maipapan iti Biblia iti dadduma kadagiti sumaganad a kasasaad: (1) bayat a nakapila iti pagbayadan, (2) bayat nga agbibiahe iti pangpubliko a lugan, (3) iti kaarruba nga agtartrabaho iti paraangan, (4) iti katrabahuan iti panggedanyo, ken (5) iti kaklase iti eskuelaan. Ipakpakauna iti maysa nga agibumbunannag a mangisalaysay iti lokal a kapadasan no kasano a nabalinanna ti nangasaba iti di pormal a pamay-an.

Kanta 135 ken pangserra a kararag.

Lawas ti Mayo 26

Kanta 174

10 min: Lokal a pakaammo. Babaen ti panangusar kadagiti singasing iti panid 8, mangiparang iti dua a demostrasion no kasano nga itukon ti Hunio 1 a Pagwanawanan ken Hunio 8 nga Agriingkayo!

15 min: Tulonganyo Dagiti Dadduma nga Umadani ken Jehova. Palawag ken pagsasaritaan ti tallaong. Itukontayo ti baro a libro inton Hunio. Salaysayen dagiti sasao a naiturong kadagiti agbasa iti panid 3, ken itampok ti dadduma kadagiti paset ti libro. Ti tunggal maysa kadagiti uppat a benneg itampokna ti maysa kadagiti galad ni Jehova. Adda 17 nga intero-panid nga ilustrasion dagiti eksena a naibatay iti Biblia. Repasuen ti kahon a “Dagiti Singasing a Presentasion Para iti Umadanika ken Jehova,” ken paidemostra iti makabael nga agibumbunannag ti maysa kadagiti presentasion.

20 min: “Pudno ti Sao ti Dios.”b Usaren dagiti naipaay a saludsod. No mapagsasaritaan ti parapo 4, paidemostra iti makabael nga agibumbunannag no kasano nga usaren ti Biblia iti damo nga isasarungkar, nga usarenna ti dadduma kadagiti singasing nga agparang iti artikulo nga “Aramatenyo a Siuumiso ti Sao ti Dios.”​—km 12/01 p. 1 par. 3-4.

Kanta 188 ken pangserra a kararag.

Lawas ti Hunio 2

Kanta 210

10 min: Lokal a pakaammo. Repasuen ti maysa wenno dua a singasing iti suplemento ti Mayo 2002 a Ti Ministeriotayo iti Pagarian no kasano nga itukon ti broshur a Kalikaguman ken ti libro a Pannakaammo.

20 min: Nadayaw a Panagasawa ​—Nadiosan a Paglintegan. Palawag ken pagsasaritaan ti tallaong. Iti adu a pagilian, gagangay ti panagkabbalay dagiti di pay nagkasar. Itampok ti panangmatmat ti Biblia, nga ipaganetget a ti panagasawa ket urnos ti Dios. (rs p. 283) Pannakiabig ti panagkabbalay a di nagkasar. (fy p. 17) Maisupadi iti pagarup ti adu, ipakita dagiti panagadal a ti panagkabbalay sakbay ti kasar ket mabalin nga agtungpal iti di naballigi a panagasawa. (g02 3/8 p. 29; g92 9/8 p. 28; g91 5/8 p. 28) Dagiti Kristiano maidaydayawda ni Jehova no surotenda dagiti pagalagadanna. Mabenepisiaranda met no aramidenda dayta.—Isa. 48:17, 18.

15 min: Mabembenepisiarankayo Kadi? Pagsasaritaan ti tallaong nga imatonan ti manangaywan iti eskuelaan. Nangrugi idi Enero, sursurotentayon ti baro a pamay-an ti pannakaikondukta ti Teokratiko nga Eskuelaan ti Panagministro. Itampok dagiti nasayaat a resulta a nagun-odanen. Immadu kadi ti nagpasalista iti eskuelaan? Ad-adda kadi a madadaanda a makipaset? Kasano a mabembenepisiaran dagiti estudiante kadagiti baro nga urnos iti panangbalakad? Paisalaysay kadagiti agdengdengngeg no kasano a personal a nabenepisiaranda iti baro a programa.

Kanta 225 ken pangserra a kararag.

[Dagiti Footnote]