Eskediul ti Gimong ti Serbisio

Lawas ti Agosto 11

Kanta 101

10 min: Lokal a pakaammo. Napili a Pakaammo iti Ti Ministeriotayo iti Pagarian. Babaen ti panangusar kadagiti singasing iti panid 8, mangiparang iti dua a demostrasion no kasano nga itukon ti Agosto 15 a Pagwanawanan ken Agosto 22 nga Agriingkayo! Iti maysa kadagiti presentasion, idemostra no ania ti isungbat iti bumalay nga agkuna iti, “Diak masango dayta.”​—Kitaenyo ti libro a Panakirinnason, panid 19.

15 min: “Tuladenyo ti Kinaimbag ni Jehova.”a Awisenyo ti tallaong a mangisalaysay kadagiti ababa a kapadasan a mangipakita no kasano a ti panagaramid iti naimbag ket nangted iti gundaway a mangasaba.

20 min: “Dagiti Bendision a Masagrap iti Panagpayunir.”b Usarenyo dagiti naipaay a saludsod. Pagkomentuenyo ti maysa wenno dua a payunir maipapan kadagiti bendision a sinagrapda kas payunir. Dakamatenyo a no adda asinoman nga interesado nga agpayunir, mabalinna ti mangala iti aplikasion iti sekretario.

Kanta 11 ken pangserra a kararag.

Lawas ti Agosto 18

Kanta 82

10 min: Lokal a pakaammo. Report ti kuenta.

17 min: “Makapabang-ar a Trabaho.”c Ipakpakaunayo iti dua wenno tallo a kakabsat nga agkomentoda no kasano a makapabang-ar kadakuada ti Nakristianuan a ministerio.

18 min: “Pagtalinaedentayo a Nasayaat ti Kasasaad ti Lugar a Pagdaydayawantayo.”d (Parapo 1-5) Usarenyo dagiti naipaay a saludsod. No mapagsasaritaan ti parapo 3 ken 4, repasuenyo dagiti lokal nga urnos iti panagdalus iti Kingdom Hall. Dakamatenyo ti aniaman a banag a nasken a maasikaso. Komendaranyo ti kongregasion iti panagreggetda a mamagtalinaed a nasayaat ti kasasaad ti lugar a maipaay iti pudno a panagdayaw.

Kanta 114 ken pangserra a kararag.

Lawas ti Agosto 25

Kanta 175

10 min: Lokal a pakaammo. Babaen ti panangusar kadagiti singasing iti panid 8, mangiparang iti dua a demostrasion no kasano nga itukon ti Setiembre 1 a Pagwanawanan ken Setiembre 8 nga Agriingkayo! Iti tunggal demostrasion, agensayo ti maysa a nagannak ken ti agtutubo nga anakna kas panagsagana iti panangitukon kadagiti magasin. Repasuenda iti apagbiit dagiti naisingasing a presentasion sakbay nga idemostrada.

15 min: “Maipausaryo Kadi ti Pagtaenganyo?” Palawag ti manangaywan iti panagadal iti libro. Iraman dagiti komento iti “Saludsod” iti Abril 2001 ken Abril 1990 a ruar Ti Ministeriotayo iti Pagarian. Dakamaten ti bilang dagiti grupo ti panagadal iti libro iti kongregasion ken ti promedio a bilang dagiti tumabtabuno. Paisalaysay iti maysa wenno dua nga agibumbunannag no kasanoda a nagunggonaan a mismo ken ti pamiliada iti pannakaangay ti panagadal iti libro iti pagtaenganda. No adda asinoman a mayat a mangipausar iti pagtaenganna, ipakaammona koma daytoy iti mamangulo a manangaywan.

20 min: Panagurnong iti Tured a Mangasaba. (1 Tes. 2:2) Palawag a pakipasetan ti tallaong. Ilawlawag no apay nga adu ti maamak nga umasideg a makisarita kadagiti sabsabali maipapan iti Pagarian. Pudno daytoy uray kadagidiay aktibo iti adun a tawen. Isalaysay ti dadduma kadagiti kapadasan iti Disiembre 1, 1999, a Pagwanawanan, panid 25; Disiembre 15, 1999, a Pagwanawanan, panid 25; ken Abril 1, 1996, a Pagwanawanan, panid 31. Pagkomentuen dagiti agdengdengngeg no kasanoda a naitured nga inranud ti naimbag a damag kadagiti gundaway a nakariknada iti amak. Ingudo babaen ti pammaregta a dumawat iti tured ken Jehova, kas nasalaysay iti Disiembre 15, 1999 a Pagwanawanan, panid 23-4.

Kanta 125 ken pangserra a kararag.

Lawas ti Setiembre 1

Kanta 84

10 min: Lokal a pakaammo. Ipalagip kadagiti agibumbunannag nga iteddan dagiti reportda iti Agosto. Dakamaten ti literatura a tukon iti Setiembre.

15 min: Tungtungpalenyo Kadi ti Kariyo nga Agsubli? Palawag ken pagsasaritaan ti tallaong a naibatay iti Setiembre 15, 1999, a Pagwanawanan, panid 10-11, iti subtitulo a “Dadduma Pay a Pamay-an Tapno Matungpaltayo Dagiti Karitayo.” No interesado dagiti tattao a makasabaantayo, kadawyanna a makitulagtayo nga ituloy ti saritaan iti sabali a gundaway. Napudnotayo met laeng kadi iti karitayo nga agsubli? Repasuen dagiti prinsipio ti Biblia a rumbeng a manggutugot kadatayo a mangtungpal iti karitayo. Awisen ti tallaong a mangisalaysay kadagiti kapadasan a mangipakita no kasanoda a nagunggonaan iti panagsublida a dagus.

20 min: “Pagtalinaedentayo a Nasayaat ti Kasasaad ti Lugar a Pagdaydayawantayo.”e (Parapo 6-12) Usarenyo dagiti naipaay a saludsod. Ipaganetget ti kinapateg ti umiso a panangmantener iti Kingdom Hall, nga itampok dagiti punto nga adda iti kahon iti panid 5. Iraman ti ababa a report maipapan iti kasasaad ti Kingdom Hall-yo, ken dakamaten ti aniaman a plano a mangtarimaan wenno mangpapintas.

Kanta 41 ken pangserra a kararag.

[Dagiti Footnote]