Eskediul ti Gimong ti Serbisio
Lawas ti Agosto 9
10 min: Lokal a pakaammo ken dagiti napili a Pakaammo iti Ti Ministeriotayo iti Pagarian. Idemostra no kasano nga itukon ti Agosto 15 a Pagwanawanan ken ti Agosto 22 nga Agriingkayo! babaen ti panangusar kadagiti singasing iti panid 8. Iraman a dakamaten ti maipapan iti donasion. Ipalagip iti tallaong nga itugotda ti broshur a Kalikaguman iti sumaruno a lawas.
15 min: “Masupapakan ti Panagibtur.”a Iraman dagiti ababa a komento iti Disiembre 15, 2000, a Pagwanawanan, panid 22-3, parapo 15-18.
20 min: Panangusar Kadagiti Polieto iti Panangirugi Kadagiti Panangyadal iti Biblia. Palawag ken pagsasaritaan ti tallaong a naibatay iti Disiembre 2001 a Ti Ministeriotayo iti Pagarian, panid 3-4. Ipaganetget a sidadaantayo a makibagay iti kasasaad ti tunggal iyad-adalantayo, kas nadakamat iti parapo 5. Iraman ti maysa wenno dua nga ababa a demostrasion a naibatay iti parapo 8-10. Paisalaysay kadagiti agdengdengngeg dagiti kapadasanda iti panangusar iti polieto a Kayatyo Kadi a Maammuan ti Ad-adu Pay Maipapan iti Biblia?
Kanta 74 ken pangserra a kararag.
Lawas ti Agosto 16
10 min: Lokal a pakaammo.
15 min: Itukityo ti Kinapudno Kadagiti Annakyo. Palawag a naibatay iti libro a Kinaragsak iti Pamilia, panid 55-9. Salaysayen dagiti uppat a pamay-an no kasano a dagiti nagannak matulonganda ti annakda a maaddaan iti nasinged a relasion ken ni Jehova babaen ti praktikal a panangyaplikar iti material.
20 min: “Panangikondukta Kadagiti Progresibo a Panagadal iti Biblia—Paset 2.”b Iraman ti maysa a lima a minuto a demostrasion. Saludsodan ti agibumbunannag ti maysa a panglakayen no kasano a matulongan a rumang-ay ti iyad-adalanna iti Biblia. Dakamaten ti panglakayen a ti maysa a gagangay a parikut ket isu ti panangbusbos iti adu unay a tiempo kadagiti saan unay a napateg a detalye ken punto bayat ti panagadal. Babaen ti panangusarna iti leksion 9 ti broshur a Kalikaguman, ipakitana iti agibumbunannag no kasano nga (1) ipamaysa dagiti kangrunaan a punto iti material, (2) usaren a sieepektibo dagiti nadakamat a teksto, ken (3) ibagay ti leksion iti kasapulan ti estudiante. Dakamatenna a nasken ti nasayaat a panagsagana tunggal mangyadal.
Kanta 85 ken pangserra a kararag.
Lawas ti Agosto 23
15 min: Lokal a pakaammo. Report ti kuenta. Idemostra no kasano nga itukon ti Setiembre 1 a Pagwanawanan ken ti Setiembre 8 nga Agriingkayo!
10 min: Panangitukon iti libro a Creation iti Setiembre. Palawag ken demostrasion. Dakamaten ti pakagupgopan dagiti linaon ti libro, ken itampok ti sumagmamano nga espesipiko a punto a makaallukoy kadagidiay adda iti teritoria ti kongregasion. Mangdakamat iti simple a presentasion a buklen ti introduksion manipud iti libro a Pannakirinnason wenno Ti Ministeriotayo iti Pagarian, maysa a teksto, ken maysa a punto wenno kapitulo iti libro a Creation. Paidemostra ti presentasion iti makabael nga agibumbunannag.
20 min: “Ti Kadi Kasasaadyo ti Mangkonkontrol iti Biagyo?” Palawag a naibatay iti artikulo iti Hunio 1, 2004, a Pagwanawanan, panid 20-3.
Kanta 220 ken pangserra a kararag.
Lawas ti Agosto 30
10 min: Lokal a pakaammo. Ipalagip kadagiti agibumbunannag nga iteddan dagiti reportda iti Agosto.
20 min: Nabenepisiarankayo Kadi? Pagsasaritaan ti tallaong. Repasuen dagiti sumaganad a singasing a nagparang iti Ti Ministeriotayo iti Pagarian iti napalabas a tawen serbisio: Isurat ti introduksion iti index card. (km 10/03 p. 8) Mangted iti personal, espesipiko, ken napasnek a komendasion. (km 11/03 p. 1) Mangasaba iti tiempo a mabalin nga adda dagiti tattao iti pagtaenganda. (km 12/03 p. 1) Mangaramid iti masnup nga eskediul iti panagbasa iti Biblia, panagsagana kadagiti gimong, ken panagserbi iti tay-ak. (km 1/04 p. 4) Usaren ti broshur a ‘Nasayaat a Daga’ iti personal a panagadal ken panagbasa iti Biblia. (km 3/04 p. 2) Aramiden a kalat ti panangbasa iti intero a Biblia. (km 4/04 p. 1) Mangasaba iti lugar ti negosio. (km 7/04 p. 4) Usaren dagiti polieto a pangirugi iti panangyadal iti Biblia. (km 8/04 p. 2) Pagkomentuen dagiti agdengdengngeg no kasanoda a nagunggonaan iti panangyaplikarda kadagitoy a singasing.
15 min: “Ti Kadi Neutralidad Lapdanna ti Panangipakita iti Nakristianuan nga Ayat?” Palawag ti panglakayen a naibatay iti artikulo iti Mayo 1, 2004, a Pagwanawanan, panid 5-7.
Kanta 145 ken pangserra a kararag.
Lawas ti Setiembre 6
5 min: Lokal a pakaammo.
15 min: Lokal a kasapulan.
25 min: “Ipakitayo ti Espiritu ti Panagpayunir.”c Manginterbiu iti apagbiit iti maysa wenno dua a payunir. Pagkomentuen ida no kasano a naparegtada nga agpayunir gapu iti ulidan dagiti nagannak, panglakayen, wenno dadduma pay.
Kanta 142 ken pangserra a kararag.
[Dagiti Footnote]
a Limitaran dagiti panglukat a komento iti awan pay maysa a minuto, sa isaruno ti saludsod ken sungbat a panangusig.
b Limitaran dagiti panglukat a komento iti awan pay maysa a minuto, sa isaruno ti saludsod ken sungbat a panangusig.
c Limitaran dagiti panglukat a komento iti awan pay maysa a minuto, sa isaruno ti saludsod ken sungbat a panangusig.