Itẹ

 2 Eme mẹ rẹ ta kẹ owhẹ, O ọmọzae mẹ,

Eme mẹ rẹ ta, O ọmọzae edhede mẹ,

Eme mẹ rẹ ta, O ọmọzae eyaa mẹ?+

 3 Whọ rọ ogaga ra kẹ eyae he,+

Hayo ru eware nọ e rẹ raha ivie he.+

 4 U fo kẹ ivie he, O Lemuẹl,

U fo kẹ ivie re a da enwaene he

Yọ u fo ho re isu e ta nọ, “Udi mẹ o rrọ?”+

 5 Re a gbẹ da no a vẹ kpairoro vrẹ oware nọ uzi o ta ha

Jẹ vẹ ẹdhọ iruori na tu.

 6 Rọ udi ogaga kẹ enọ i bi whu+

Jẹ rọ enwaene kẹ enọ idhọvẹ egaga e rrọ oma.*+

 7 Jọ a da re a kpairoro vrẹ uvuhu rai;

Re a gbẹ kareghẹhọ uye rai ofa ha.

 8 Mi enọ e be sae ta ẹme he unu gu;

Thothọ enọ i bi whu kpobi.+

 9 Ta ẹme no unu ze re who bru uvioziẹ;

Thothọ* iruori na gbe iyogbe na.+

11 Ọzae riẹ o fi eva riẹ kpobi họ iẹe,

Yọ oware oghaghae ovuovo o kare riẹ* hẹ.

12 Ọ* rẹ rọ ewoma hwosa kẹe, orọnikọ eyoma ha,

Evaọ edẹ uzuazọ riẹ* kpobi.

13 Ọ rẹ nyae gwọlọ iwhulu gbe ehọ-elọlọhọ;

O rẹ were iẹe re ọ rọ abọ riẹ ru iruo.+

14 Ọ wọhọ ekọ ilogbo ọgba-ọhreki,+

Ọ rẹ rehọ emu riẹ no ugbothabọ ze.

15 Ọ rẹ jẹ kpama nọ oke u ri rie muotọ họ,

Ọ vẹ ruẹrẹ emu họ kẹ uviuwou riẹ

Jẹ ghale eware kẹ idibo-emetẹ riẹ.+

16 Ọ rẹ gwọlọ otọ jọ ọ vẹ dẹe;

Ọ rẹ rọ ugbobọ riẹ* kọ ọgbọ evaene.

17 Ọ rẹ ruẹrẹ oma kpahe kẹ iruo egaga,*+

Yọ o re kru ugbobọ riẹ ga.

18 Ọ rẹ daoma ru re ekiọthuọ riẹ ọ wha erere ze;

Ukpẹ riẹ u re fu evaọ aso ho.

19 Ọ rẹ tọlọ ọkpọ-ivovo,

Yọ abọ riẹ o re kru ọkpọ-olulu na.*+

20 O re fiobọhọ kẹ* iruori na,

Yọ o re rovie abọ riẹ kẹ iyogbe na.+

21 Ọ rẹ ruawa kpahe uviuwou riẹ hẹ fiki ekpalekpa-ame nọ i bi kie,

Keme uviuwou riẹ soso u ku iwu egbẹgbẹdẹ* họ oma.

23 A riẹ ọzae riẹ ziezi evaọ inuethẹ okpẹwho na,+

Oria nọ ọ rẹ keria kugbe ekpako ẹkwotọ na.

24 O re ru iwu ehọ-elọlọhọ* nọ ọ rẹ zẹ

Jẹ zẹ imueku kẹ egba-ihreki na.

25 Ọ rehọ ẹgba gbe ọghọ* gọ ẹgọ,

Yọ o re bru udu kpahe oghẹrẹ nọ obaro o te jọ họ.*

26 O re rovie unu riẹ avọ areghẹ;+

Ọ rẹ rọ ẹrọo riẹ ta eme iwowou.*

27 O re muẹrohọ iruẹru uwou riẹ,

Yọ ọ rẹ re ebrẹdi oyẹlẹ hẹ.+

28 Emọ riẹ e rẹ kpama a ve sei ọnọ o wo evawere;

Ọzae riẹ ọ rẹ kpama o ve jiri ei.

29 Emamọ* eyae e riẹ buobu,

Rekọ whẹ, who woma vi ai kpobi.

30 Ohawha* o rẹ sae viẹ ohwo họ, yọ erru ọ rẹ sae hiẹ,*+

Rekọ aye nọ ọ rẹ dhozọ Jihova a ti jiri ei.+

31 Hwosa eware nọ o bi ru kẹe,*+

Jọ iruo abọ riẹ i jiri ei evaọ inuethẹ okpẹwho na.+