Enọ Uwuhrẹ ọrọ Obe Ikuigbe Ebaibol Mẹ

Ikuigbe 1

1. Bovẹ eware iwoma kpobi i no ze, kọ whọ sae kẹ oriruo jọ?

2. Eme họ oware ọsosuọ nọ Ọghẹnẹ ọ ma?

3. Fikieme ẹnjẹle ọsosuọ na ọ rọ rrọ obọdẹ?

4. Dhesẹ epanọ otọakpọ na o jọ evaọ emuhọ. (Rri uwoho na.)

5. Ẹvẹ Ọghẹnẹ o ro muọ otọakpọ na họ ẹruẹrẹhọ kẹ erao gbe ahwo?

Enọ efa:

1. Se Jerimaya 10:12.

   Ekwakwa Ọghẹnẹ vẹ i dhesẹ oma via evaọ emama riẹ? (Aiz. 40:26; Rom 11:33)

2. Se Ahwo Kọlọsi 1:15-17.

   Didi abọ Jesu o wo evaọ emama, kọ ẹvẹ onana u re kpomahọ oghẹrẹ nọ ma re rri rie? (Kọl. 1:15-17)

3. Se Emuhọ 1:1-10.

   1. Ẹvẹ otọakpọ na o rọ nyaze? (Emu. 1:1)

   2. Eme ọ via evaọ ẹdẹ ọsosuọ emama? (Emu. 1:3-5)

   3. Dhesẹ oware nọ o via evaọ ẹdẹ avivẹ emama. (Emu. 1:7, 8)

Ikuigbe avọ 2

1. Ẹvẹ Ọghẹnẹ ọ ruẹrẹ otọakpọ na họ re o jọ uwou mai?

2. Dhesẹ oghoghẹrẹ erao nọ Ọghẹnẹ ọ ma. (Rri uwoho na.)

3. Fikieme ogege Idẹn na ọ rọ jọ obọdẹ?

4. Eme Ọghẹnẹ ọ gwọlọ nọ otọakpọ na soso o rẹ jọ?

Enọ efa:

1. Se Emuhọ 1:11-25.

   1. Eme Ọghẹnẹ ọ ma evaọ ẹdẹ avesa emama? (Emu. 1:12)

   2. Eme ọ via evaọ ẹdẹ avene emama? (Emu. 1:16)

   3. Didi oghẹrẹ erao Ọghẹnẹ ọ ma evaọ ẹdẹ avọ isoi gbe ọrọ avọ ezeza? (Emu. 1:20, 21, 25)

2. Se Emuhọ 2:8, 9.

   Didi oghẹrẹ ire obọdẹ ivẹ Ọghẹnẹ o fihọ ogege na, kọ eme i dikihẹ kẹ?

Ikuigbe avọ 3

1. Ẹvẹ uwoho nọ o rrọ Ikuigbe avọ 3 na u ro wo ohẹriẹ no uwoho nọ o rrọ Ikuigbe avọ 2?

2. Ono ọ ma ọzae ọsosuọ na, kọ didi odẹ ọzae na?

3. Iruo vẹ Ọghẹnẹ ọ kẹ Adamu nọ o ru?

4. Fikieme Ọghẹnẹ o ro fou Adamu họ owezẹ udidi?

5. Ẹvẹ Adamu avọ Ivi a rẹ sae rria tọ te, kọ didi iruo Jihova ọ gwọlọ nnọ a ru?

Enọ efa:

1. Read Psalm 83:18.

   Didi odẹ Ọghẹnẹ, kọ didi ọkwa obọdẹ o wo evaọ otọakpọ na? (Jeri. 16:21; Dan. 4:17)

2. Se Emuhọ 1:26-31.

   1. Eme Ọghẹnẹ o ro ku emama riẹ họ evaọ ẹdẹ avọ ezeza, kọ ẹvẹ omama nana u ro wo ohẹriẹ no erao na? (Emu. 1:26)

   2. Didi ọruẹrẹfihotọ Jihova o ru kẹ ahwo gbe erao? (Emu. 1:30)

3. Se Emuhọ 2:7-25.

   1. Eme o gwọlọ re Adamu ọ kẹ erao na odẹ? (Emu. 2:19)

   2. Ẹvẹ Emuhọ 2:24 u ro fi obọ họ k’omai wo otoriẹ eriwo Jihova kpahe orọo, ẹhẹriẹ, gbe orọo-ofa? (Mat. 19:4-6, 9)

Ikuigbe avọ 4

1. Evaọ uwoho na, eme ọ be via kẹ Adamu avọ Ivi na?

2. Fikieme Jihova ọ rọ kẹ ae uye?

3. Eme araomuomu jọ ọ ta kẹ Ivi?

4. Who made the snake speak to Eve?

5. Ono o ru araomuomu na ta ẹme kẹ Ivi?

Enọ efa:

1. Se Emuhọ 2:16, 17 gbe 3:1-13, 24.

   1. Oghẹrẹ vẹ onọ nọ araomuomu na ọ nọ Ivi o rọ kẹ Jihova ekpehre odẹ? (Emu. 3:1-5; 1 Jọn 5:3)

   2. Ẹvẹ Ivi ọ rọ rrọ oriruo unuovẹvẹ k’omai? (Fil. 4:8; Jem. 1:14, 15; 1 Jọn 2:16)

   3. Edhere vẹ Adamu avọ Ivi a je ro gu oware nọ a ru na no uzou? (Emu. 3:12, 13)

   4. Ẹvẹ ijẹle nọ a fihọ ovatha-ọre ogba Idẹn na a ro kru esuo-ehrugbakpọ Jihova kpehru? (Emu 3:24)

2. Se Eviavia 12:9.

   Ẹvẹ Setan ọ kparobọ te no evaọ ahwo-akpọ ọrẹriẹ siọ esuo Ọghẹnẹ ba? (1 Jọn 5:19)

Ikuigbe avọ 5

1. Ẹvẹ uzuazọ o jọ kẹ Adamu avọ Ivi evaọ otafe ogba Idẹn na?

2. Eme o muhọ ẹvia kẹ Adamu avọ Ivi, kọ fikieme?

3. Fikieme emọ Adamu avọ Ivi a jẹ te rro kpako je whu?

4. O hae jọnọ Adamu avọ Ivi a yo ẹme kẹ Jihova, ẹvẹ uzuazọ o jae jọ kẹ ae gbe emọ rai?

5. Ẹvẹ aghẹmeeyo Ivi o rọ wha edada sei?

6. Didi odẹ emezae ivẹ ọsosuọ erọ Adamu avọ Ivi?

7. Emọ edekọ nọ e rrọ uwoho na yọ amono?

Enọ efa:

1. Se Emuhọ 3:16-23 gbe 4:1, 2.

   1. Ẹvẹ eka nọ a la otọ na u ro kpomahọ uzuazọ Adamu? (Emu. 3:17-19; Rom 8:20, 22)

   2. Fikieme odẹ na Ivi, onọ otofa riẹ o rrọ “Ọnọ Ọ Rrọ Uzuazọ,” u ro fo? (Emu. 3:20)

   3. Ẹvẹ Jihova o ro dhesẹ ororokẹ rọkẹ Adamu avọ Ivi makọ okenọ a raha uzi no? (Emu. 3:7, 21)

2. Se Eviavia 21:3, 4.

   “Eware anwae” vẹ who bi rẹro nnọ a ti si no?

Ikuigbe avọ 6

1. Didi iruo Keni avọ Ebẹle a je ru?

2. Didi akpẹwẹ Keni avọ Ebẹle a ro se Jihova?

3. Fikieme akpẹwẹ Ebẹle ọ jẹ were Jihova eva, kọ fikieme ọrọ Keni ọ gbẹ rọ were iẹe he?

4. Didi oghẹrẹ ohwo Keni ọ rrọ, kọ ẹvẹ Jihova ọ daoma te re ọ kpọe vi?

5. Eme Keni o ru nọ ọye ọvo ọ jọ kugbe oniọvo riẹ evaọ obọ ẹwọ?

6. Dhesẹ oware nọ o via kẹ Keni nọ o kpe oniọvo riẹ no.

Enọ efa:

1. Se Emuhọ 4:2-26.

   1. Ẹvẹ Jihova o dhesẹ ẹbẹbẹ nọ ọ kpahe ẹta be hẹrẹ Keni? (Emu. 4:7)

   2. Ẹvẹ Keni o ro dhesẹ oware nọ o rrọ udu riẹ via? (Emu. 4:9)

   3. Eme họ eriwo Jihova kpahe azẹ ọhaha nọ a re kpe? (Emu. 4:10; Aiz. 26:21)

2. Se 1 Jọn 3:11, 12.

   1. Fikieme eva e jẹ dha Keni thesiwa, kọ ẹvẹ onana o rọ rrọ unuovẹvẹ kẹ omai nẹnẹ? (Emu. 4:4, 5; Itẹ 27:4; Jem. 3:16)

   2. Ẹvẹ Ebaibol i ro dhesẹ nnọ o tẹ make rọnọ ahwo uviuwou mai kpobi a wọso Jihova, ma rẹ sai kru ẹgbakiete mai ghele? (Ol. 27:10; Mat. 10:21, 22)

3. Se Jọn 11:25.

   Didi imuẹro Jihova ọ kẹ kpahe enọ i whu fiki ẹrẹreokie? (Jọn 5:24)

Ikuigbe avọ 7

1. Ẹvẹ Enọk o ro wo ohẹriẹ?

2. Fikieme ahwo evaọ edẹ Enọk a ro ru eware iyoma buobu?

3. Eware iyoma vẹ ahwo a je ru? (Rri uwoho na.)

4. Fikieme o jẹ gwọlọ nnọ Enọk o re wo udu?

5. Ẹvẹ ahwo a jẹ rria kri te evaọ oke yena, rekọ ẹvẹ Enọk ọ rria kri te?

6. Eme ọ via nọ Enọk o whu no?

Enọ efa:

1. Se Emuhọ 5:21-24, 27.

   1. Didi oghẹrẹ usu Enọk o wo kugbe Jihova? (Emu. 5:24)

   2. Wọhọ epanọ Ebaibol na e ta, ono ọ mae rria tọ kpobi evaọ otọakpọ na, kọ bro ikpe ọ rria re o te whu? (Emu. 5:27)

2. Se Emuhọ 6:5.

   Ẹvẹ eware i yoma te evaọ otọakpọ nọ Enọk o whu no, kọ ẹvẹ whọ sae rọ rehọ onana wawo edẹ mai nẹnẹ? (2 Tim. 3:13)

3. Se Ahwo Hibru 11:5.

   Uruemu Enọk vẹ o “were Ọghẹnẹ,” kọ eme o no rie ze? (Emu. 5:22)

4. Se Jud 14, 15.

   Ẹvẹ Ileleikristi nẹnẹ a sae rọ raro kele aruọwha Enọk nọ a tẹ be vẹvẹ ahwo unu kpahe ẹmo Amagẹdọn nọ ọ be tha na? (2 Tim. 4:2; Hib. 13:6)

Ikuigbe avọ 8

1. Eme ọ via nọ ijẹle Ọghẹnẹ jọ a gaviezọ kẹ Setan?

2. Fikieme ijẹle jọ a rọ siọ iruo rai evaọ obọ odhiwu ba jẹ ziọ otọakpọ?

3. Fikieme o jẹ thọ re ijẹle na a ziọ otọakpọ je nwene kpohọ oma ahwo-akpọ?

4. Eme ọ jọ oma emọ ijẹle na wo ohẹriẹ?

5. Wọhọ epanọ whọ rẹ sae jọ uwoho na ruẹ na, eme emọ ijẹle na a ru okenọ a zihe ruọ egwara no?

6. Nọ Enọk o whu no, ọzae owoma vẹ ọ jọ otọakpọ na, kọ fikieme ọ rọ were Ọghẹnẹ?

Enọ efa:

1. Se Emuhọ 6:1-8.

   Eme Emuhọ 6:6 u dhesẹ kpahe epanọ uruemu mai o sai ro kpomahọ Jihova? (Ol. 78:40, 41; Itẹ 27:11)

2. Se Jud 6.

   Ẹvẹ ijẹle “nọ e yọre ọkwa rai hi” evaọ edẹ Noa a rọ rrọ oware ekareghẹhọ kẹ omai nẹnẹ? (1 Kọr. 3:5-9; 2 Pita 2:4, 9, 10)

Ikuigbe avọ 9

1. Bro ahwo a jọ uviuwou Noa, kọ didi odẹ emezae esa riẹ?

2. Oware aghẹruẹ vẹ Ọghẹnẹ ọ ta kẹ Noa nọ o ru, kọ fikieme?

3. Eme erivẹ Noa a ru nọ ọ ta kẹ ae kpahe okọ na?

4. Eme Ọghẹnẹ ọ ta kẹ Noa nọ o ru kpahe erao na?

5. Nọ Ọghẹnẹ ọ kare ẹthẹ okọ na no, eme Noa avọ uviuwou riẹ a re ru?

Enọ efa:

1. Se Emuhọ 6:9-22.

   1. Eme o ru Noa fihọ obọdẹ ọgegagọ ọrọ Ọghẹnẹ uzẹme na? (Emu. 6:9, 22)

   2. Ẹvẹ Jihova o rri ozighi, kọ ẹvẹ onana u re kpomahọ oghẹrẹ eware ẹkeriotọ omawere nọ ma rẹ salọ? (Emu. 6:11, 12; Ol. 11:5)

   3. Ẹvẹ ma sae rọ raro kele Noa okenọ ukoko Jihova o tẹ kẹ omai ọkpọvio oware nọ ma re ru? (Emu. 6:22; 1 Jọn 5:3)

2. Se Emuhọ 7:1-9.

   Ẹvẹ uzẹme na nnọ Jihova o rri Noa ọzae sebaẹgba na wọhọ ohwo okiẹrẹe o rẹ rọ ta udu họ omai awọ nẹnẹ? (Emu. 7:1; Itẹ 10:16; Aiz. 26:7)

Ikuigbe avọ 10

1. Fikieme uvumọ ohwo ọ gbẹ sae rọ rueva okọ na ha nọ oso na o muhọ ẹrọ no?

2. Bro edẹ gbe aso Jihova o ru oso rrọ, kọ ẹvẹ ame na o bu te?

3. Eme ọ via kẹ okọ na nọ ame na o muọ otọakpọ na họ ẹvọ no?

4. Kọ egwara na a zọ vrẹ Owhe na, kọ eme ọ via kẹ esẹ egwara na?

5. Eme ọ via kẹ okọ na nọ emerae isoi e vrẹ no?

6. Fikieme Noa o ro siobọno ọkọlọbe no okọ na ruọ otafe?

7. Ẹvẹ Noa ọ rọ riẹ inọ ame ọ kpọ no otọakpọ na no?

8. Eme Ọghiẹnẹ ọ ta kẹ Noa nọ tei te uviuwou riẹ a jọ evaọ okọ na vrẹ ukpe ovo no?

Enọ efa:

1. Se Emuhọ 7:10-24.

   1. Ẹvẹ ọraha nọ a ro te emama uzuazọ evaọ otọakpọ na ọ kẹre te? (Emu. 7:23)

   2. Ẹvẹ u kri te re ame Owhe na ọ tẹ kpọ? (Emu. 7:24)

2. Se Emuhọ 8:1-17.

   Ẹvẹ Emuhọ 8:17 u ro dhesẹ nọ ẹjiroro ọsosuọ Jihova kẹ otọakpọ na o nwene he? (Emu. 1:22)

3. Se 1 Pita 3:19, 20.

   1. Okenọ ijẹle aghẹmeeyo na a zihe kpohọ odhiwu, didi oziẹ a bru kpe ai? (Jud 6)

   2. Ẹvẹ ikuigbe Noa avọ uviuwou riẹ e rọ bọ udufihọ mai ga fihọ ẹgba Jihova nọ o re ro siwi ahwo riẹ? (2 Pita 2:9)

Ikuigbe avọ 11

1. Wọhọ epanọ o rrọ uwoho na, eme Noa o ru nọ ọ nwani no okọ na ze?

2. Didi ujaje Ọghẹnẹ ọ kẹ Noa gbe uviuwou riẹ nọ Owhe na ọ vrẹ no?

3. Didi eyaa Ọghẹnẹ ọ yaa?

4. Ma tẹ ruẹ usi-ame, eme o rẹ kareghẹhọ omai?

Enọ efa:

1. Se Emuhọ 8:18-22.

   1. Didi ọvọ Jihova ọ re kugbe emama otọakpọ kpobi? (Emu. 9:10, 11)

   2. Ẹvẹ ọvọ usi-ame na o ti kri otọ te? (Emu. 9:16)

2. Se Emuhọ 9:9-17.

   1. What covenant did Jehovah make with all of earth’s creatures? (Gen. 9:10, 11)

   2. How long will the rainbow covenant remain in effect? (Gen. 9:16)

Ikuigbe avọ 12

1. Ono họ Nimrọd, kọ ẹvẹ Ọghẹnẹ o rri rie?

2. Evaọ uwoho na, fikieme ahwo na a je ro ru ibriki?

3. Fikieme iruo ebabọ na o gbẹ rọ were Jihova ha?

4. Ẹvẹ Ọghẹnẹ ọ rọ da ebabọ uwou-ukpehru na ji?

5. Eme họ odẹ okpẹwho na, kọ eme họ otofa odẹ na?

6. Eme ọ via kẹ ahwo na nọ Ọghẹnẹ ọ whẹ ozighi họ ẹvẹrẹ rai no?

Enọ efa:

1. Se Emuhọ 10:1, 8-10.

   Didi uruemu Nimrọd o dhesẹ, kọ didi unuovẹvẹ onana o rrọ kẹ omai? (Itẹ 3:31)

2. Se Emuhọ 11:1-9.

   Eme ọ jọ ẹjiroro ebabọ uwou-ukpehru na, kọ fikieme ebabọ na e gbẹ te rọ kparobọ họ? (Emu. 11:4; Itẹ 16:18; Jọn 5:44)

Ikuigbe avọ 13

1. Didi oghẹrẹ ahwo a jẹ rria okpẹwho Ọr?

2. Ono họ ọzae nọ ọ rrọ uwoho na, oke vẹ a ro yẹi, kọ diẹse ọ jẹ rria?

3. Eme Ọghẹnẹ ọ ta kẹ Abraham nọ o ru?

4. Fikieme a ro se Abraham ogbẹnyusu Ọghẹnẹ?

5. Ono o lele Abraham okenọ o no okpẹwho Ọr?

6. Ono o lele Abraham okenọ o no okpẹwho Ọr?

7. Didi eyaa Ọghẹnẹ ọ yaa kẹ Abraham okenọ ọ kpako te ikpe 99 no?

Enọ efa:

1. Se Emuhọ 11:27-32.

   1. Ẹvẹ Abraham avọ Lọt a ro moni? (Emu. 11:27)

   2. Dede nọ Tẹra a fodẹ inọ ọye ọ rehọ uviuwou riẹ kpohọ Kenan, ẹvẹ ma rọ riẹ nnọ Abraham họ ọnọ ọ wha onya nana ze, kọ fikieme o ro ru ere? (Emu. 11:31; Iruẹru 7:2-4)

2. Se Emuhọ 12:1-7.

   Ẹvẹ Jihova o ro ru ọvọ Abraham na kẹre viere okenọ Abraham o te ẹkwotọ Kenan no? (Emu. 12:7)

3. Se Emuhọ 17:1-8, 15-17.

   1. Eme a nwene odẹ Abram kpohọ nọ ọ kpako te ikpe 99 no, kọ fikieme? (Emu. 17:5)

   2. Didi eghale obaro Jihova ọ yeyaa rai kẹ Sera? (Emu. 17:15, 16)

4. Se Emuhọ 18:9-19.

   1. Eva Emuhọ 18:19, didi ewha-iruo a rọ kẹ esẹ? (Izie. 6:6, 7; Ẹf. 6:4)

   2. Oware vẹ Sera o ru nọ u dhesẹ inọ ma rẹ sae ko uvumọ oware dhere Jihova ha? (Emu. 18:12, 15; Ol. 44:21)

Ikuigbe avọ 14

1. Didi eyaa Ọghẹnẹ ọ yaa kẹ Abraham, kọ ẹvẹ Ọghẹnẹ o ro koko eyaa riẹ?

2. Wọhọ epanọ uwoho na u dhesẹ, ẹvẹ Ọghẹnẹ ọ rọ dawo ẹrọwọ Abraham?

3. Eme Abraham o ru, dede nọ o wo otoriẹ oware nọ Ọghẹnẹ ọ rọ vuẹe nọ o ru ere he?

4. Eme ọ via nọ Abraham ọ rehọ aghae lahwe re o kpe ọmọ riẹ?

5. Ẹvẹ ẹrọwọ nọ Abraham o fihọ Ọghẹnẹ ọ ga te?

6. Eme Ọghẹnẹ ọ kẹ Abraham nọ o ro dheidhe, kọ evaọ oghẹrẹ vẹ?

Enọ efa:

1. Se Emuhọ 21:1-7.

   Fikieme Abraham ọ rọ yawo ọmọ riẹ evaọ ẹdẹ avọ eree? (Emu. 17:10-12; 21:4)

2. Se Emuhọ 22:1-18.

   Ẹvẹ Aiziki ọ rọ roma kpotọ kẹ ọsẹ riẹ, Abraham, kọ ẹvẹ onana u ro dhesẹ oware jọ nọ u wuzou viere evaọ obaro? (Emu. 22:7-9; 1 Kọr. 5:7; Fil. 2:8, 9)

Ikuigbe avọ 15

1. Fikieme Abraham avọ Lọt a rọ hẹriẹ?

2. Fikieme Lọt ọ rọ salọ nọ ọ rẹ rria Sodọm?

3. Ẹvẹ ahwo Sodọm a jọ?

4. Didi unuovẹvẹ ijẹle ivẹ e kẹ Lọt?

5. Fikieme aye Lọt o ro zihe ruọ ukulu uwhei?

6. Didi oware ma rẹ sai wuhrẹ no oware nọ o via kẹ aye Lọt na ze?

Enọ efa:

1. Se Emuhọ 13:5-13.

   Kpahe ekuhọ ẹwhọ evaọ udevie imava, didi oware ma rẹ sai wuhrẹ mi Abraham? (Emu. 13:8, 9; Rom 12:10; Fil. 2:3, 4)

2. Se Emuhọ 18:20-33.

   Ẹvẹ oghẹrẹ nọ Jihova o yeri kugbe Abraham o rọ kẹ omai udu inọ Jihova avọ Jesu a ti gu ẹdhọ nọ o kiete? (Emu. 18:25, 26; Mat. 25:31-33)

3. Se Emuhọ 19:1-29.

   1. Eme ikuigbe Ebaibol nana i dhesẹ kpahe eriwo Ọghẹnẹ kpahe uruemu ọ ezae-duezae? (Emu. 19:5, 13; Izerẹ 20:13)

   2. Didi ohẹriẹ ma ruẹ evaọ oghẹrẹ nọ Lọt avọ Abraham a jowọ kpahe ọkpọvio Ọghẹnẹ, kọ eme ma rẹ sae jọ onana wuhrẹ? (Emu. 19:15, 16, 19, 20; 22:3)

4. Se Luk 17:28-32.

   Didi uruemu aye Lọt o wo kpahe ekwakwa efe, kọ ẹvẹ onana o rọ rrọ unuovẹvẹ k’omai? (Luk 12:15; 17:31, 32; Mat. 6:19-21, 25)

5. Se 2 Pita 2:6-8.

   Evaọ aruorokele Lọt, eme ọ rẹ jọ uruemu mai kpahe akpọ ogbekuo nọ ọ wariẹ omai họ na? (Izik. 9:4; 1 Jọn 2:15-17)

Ikuigbe avọ 16

1. Amono họ ọzae gbe aye na nọ a rrọ uwoho na?

2. Eme Abraham o ru re o wo aye kẹ ọmọ riẹ, kọ fikieme?

3. Ẹvẹ a rọ kẹ uyo olẹ odibo Abraham?

4. Didi uyo Rebeka ọ kẹ nọ a nọe sọ ọ gwọlọ rọo Aiziki?

5. Eme o ru Aiziki wariẹ wereva?

Enọ efa:

1. Se Emuhọ 24:1-67.

   1. Uruemu uwoma vẹ Rebeka o dhesẹ nọ ọ ruẹ odibo Abraham eva akotọ ozae? (Emu. 24:17-20; Itẹ 31:17, 31)

   2. Emamọ oriruo vẹ ọruẹrẹfihotọ nọ Abraham o ru kẹ Aiziki o rrọ kẹ Ileleikristi nẹnẹ? (Emu. 24:37, 38; 1 Kọr. 7:39; 2 Kọr. 6:14)

   3. Fikieme ma jẹ gwọlọ oke nọ ma re ro roro-didi, wọhọ epanọ Aiziki o ru na? (Emu. 24:63; Ol. 77:12; Fil. 4:8))

Ikuigbe avọ 17

1. Amono họ Esọ avọ Jekọp, kọ ẹvẹ a ro wo ohẹriẹ?

2. Ẹvẹ Esọ avọ Jekọp a kpako te okenọ ọsẹ-ode rai, Abraham o whu?

3. Eme Esọ o ru nọ o wha ọkora se ọsẹ gbe oni riẹ?

4. Fikieme Esọ ọ rọ dheva gaga kpahe Jekọp oniọvo riẹ?

5. Didi uthubro Aiziki ọ kẹ ọmọ riẹ Jekọp?

Enọ efa:

1. Se Emuhọ 25:5-11, 20-34.

   1. Didi eruẹaruẹ Jihova ọ kẹ kpahe emezae ivẹ Rebeka? (Emu. 25:23)

   2. Ohẹriẹ vẹ o jọ udevie uruemu ọ Jekọp gbe orọ Esọ kpahe ute ọkpako na? (Emu. 25:31-34))

2. Se Emuhọ 26:34, 35; 27:1-46; gbe 28:1-5.

   1. Ẹvẹ ababọ-ovuhumuo nọ Esọ o wo kẹ eware abọ-ẹzi o ro dhesẹ oma via? (Emu. 26:34, 35; 27:46)

   2. Re Jekọp ọ ruẹsi wo oghale Ọghẹnẹ, eme Aiziki ọ ta kẹe inọ o ru? (Emu. 28:1-4)

3. Se Ahwo Hibru 12:16, 17.

   Eme oriruo Esọ o dhesẹ kpahe oware nọ o rẹ via kẹ enọ i rri eware abọ-ẹzi vo?

Ikuigbe avọ 18

1. Ono họ ọmọtẹ nọ ọ rrọ uwoho na, kọ eme Jekọp o ru kẹe?

2. Eme u no Jekọp eva ze nọ o re ru re ọ ruẹse rehọ Reshẹl?

3. Eme Leban o ru nọ oke nọ Jekọp ọ rẹ rọ rehọ Reshẹl u te no?

4. Eme Jekọp ọ rọwo nọ o re ru re ọ ruẹse rehọ Reshẹl wọhọ aye?

Enọ efa:

1. Se Emuhọ 29:1-30.

   1. Makọ okenọ Leban o fi ei iwhayo, ẹvẹ Jekọp o ro dhesẹ nnọ o wo ọghọ, kọ eme ma rẹ sae jọ onana wuhrẹ? (Emu. 25:27; 29:26-28; Mat. 5:37)

   2. Ẹvẹ oriruo Jekọp o ro dhesẹ ohẹriẹ nọ o rrọ udevie uvi uyoyou gbe uyoyou nọ u tuaro? (Emu. 29:18, 20, 30; Ile 8:6)

   3. Eyae ene vẹ i zihe ruọ abọjọ uviuwou Jekọp je ti yẹ emọ kẹe? (Emu. 29:23, 24, 28, 29)

Ikuigbe avọ 19

1. Didi odẹ emezae ezeza nọ aye ọsosuọ Jekọp, Lia, o yẹ kẹe?

2. Emezae ivẹ vẹ Zilpa, odibo-ọmọtẹ Lia, o yẹ kẹ Jekọp?

3. Didi odẹ emezae ivẹ nọ Bilha, odibo-ọmọtẹ Reshẹl, o yẹ kẹ Jekọp?

4. Didi odẹ emezae ivẹ nọ Reshẹl o yẹ, rekọ eme ọ via nọ o yẹ ọmọzae avivẹ na no?

5. Wọhọ epanọ uwoho na u dhesẹ, bro emezae Jekọp o yẹ, kọ eme o no oma rai ze?

Enọ efa:

1. Se Emuhọ 29:32-35; 30:1-26; gbe 35:16-19.

   Wọhọ epanọ o jọ kẹ emọ 12 Jekọp na, ẹvẹ a jẹ hai ro mu edẹ kẹ emezae ahwo Hibru evaọ oke anwae?

2. Se Emuhọ 37:35.

   Dede nọ odẹ ọ Daina ọvo a fodẹ evaọ Ebaibol na, ẹvẹ ma rọ riẹ nnọ Jekọp o wo vi ọmọtẹ ọvo? (Emu. 37:34, 35)

Ikuigbe avọ 20

1. Fikieme Abraham avọ Aiziki a gbẹ rọ gwọlọ nnọ emọ rai a rọo ohwo ẹkwotọ Kenan he?

2. Kọ o were Jekọp re ọmọtẹ riẹ o mu usu kugbe emetẹ Kenan?

3. Ono họ ọzae nọ o bi rri Daina evaọ uwoho na, kọ oware uyoma vẹ o ru?

4. Eme inievo Daina, Simiọn avọ Livai, a ru nọ a yo oware nọ o via?

5. Kọ oware nọ Simiọn avọ Livai a ru na o were Jekọp?

6. Ẹvẹ uye na kpobi nọ u te uviuwou na u ro muhọ?

Enọ efa:

1. Se Emuhọ 34:1-31.

   1. Kọ ẹsiẹvo Daina o weze bru emetẹ ahwo ẹkwotọ Kenan? Ru ei vẹ. (Emu. 34:1)

   2. Fikieme a sae rọ fo Daina omojọ rọkẹ ọghọ-oma riẹ nọ o kufiẹ? (Gal. 6:7)

   3. Ẹvẹ emaha inẹnẹ a sai ro dhesẹ nnọ oware nọ o via kẹ Daina na u si rai ozọ? (Itẹ 13:20; 1 Kọr. 15:33; 1 Jọn 5:19)

Ikuigbe avọ 21

1. Fikieme inievo Josẹf a jẹ rọ riẹe ihri, kọ eme a ru?

2. Eme inievo Josẹf a gwọlọ ru ei, rekọ eme Rubẹn ọ ta?

3. Eme ọ via nọ ethueki Ishmẹle a nyaze?

4. Eme inievo Josẹf a ru re a ru ọsẹ rai roro nnọ Josẹf o whu no?

Enọ efa:

1. Se Emuhọ 37:1-35.

   1. Ẹvẹ Ileleikristi a sae rọ raro kele oriruo Josẹf ẹkwoma eyoma-oruo nọ a rẹ ta via kẹ ukoko na? (Emu. 37:2; Izerẹ 5:1; 1 Kọr. 1:11)

   2. Eme ọ wọ inievo Josẹf rehọ ẹghẹ yeri kugbei? (Emu. 37:11, 18; Itẹ 27:4; Jem. 3:14-16)

   3. Eme Jekọp o ru nọ a re ru evaọ oke uweri? (Emu. 37:35)

Ikuigbe avọ 22

1. Ẹvẹ Josẹf ọ kpako te nọ a rehọ iẹe kpohọ Ijipti, kọ eme ọ via nọ o te obei?

2. Ẹvẹ Josẹf ọ rọ ruọ uwou-odi?

3. Didi owha-iruo a kẹ Josẹf evaọ uwou-odi?

4. Evaọ uwou-odi, eme Josẹf o ru kẹ ọwha-egho gbe othere-emu Fẹro?

5. Eme ọ via nọ a si ọwha-egho na no uwou-odi no?

Enọ efa:

1. Se Emuhọ 39:1-23.

   Dede nọ evaọ oke Josẹf uvumọ uzi nọ u no obọ Ọghẹnẹ ze nọ o ghọ ẹnwae-obro o jariẹ hẹ, eme ọ wọ riẹ dhẹ siọ aye Pọtifa ba? (Emu. 2:24; 20:3; 39:9)

2. Se Emuhọ 40:1-23.

   1. Dhesẹ ewezẹ ọwha-egho na kpẹkpẹe gbe otofa nọ Jihova ọ rọ kẹ Josẹf. (Emu. 40:9-13)

   2. Didi ewezẹ othere-emu na ọ wezẹ, kọ eme u dhesẹ? (Emu. 40:16-19)

   3. Ẹvẹ ọrigbo nọ o wo ẹrọwọ avọ areghẹ na nẹnẹ ọ be rọ raro kele uruemu Josẹf? (Emu. 40:8; Ol. 36:9; Jọn 17:17; Iruẹru 17:2, 3)

   4. Ẹvẹ Emuhọ 40:20 u ro fi elo họ eriwo Oleleikristi kpahe ehaa ẹdẹ-eyẹ? (Ọtausi. 7:1; Mak 6:21-28)

Ikuigbe avọ 23

1. Eme ọ via kẹ Fẹro evaọ aso jọ?

2. Fikieme ọwha-egho na ọ te rọ kareghẹhọ Josẹf?

3. Wọhọ epanọ uwoho na u dhesẹ, ewezẹ ivẹ vẹ Fẹro ọ wezẹ?

4. Eme Josẹf ọ ta nnọ ewezẹ na i dhesẹ?

5. Ẹvẹ Josẹf o ro zihe ruọ ohwo nọ ọ mae rro nọ ọ rọ kẹle Fẹro evaọ Ijipti?

6. Fikieme inievo Josẹf a rọ ziọ Ijipti, kọ fikieme a gbe ro vuhu iei hi?

7. Ewezẹ vẹ Josẹf ọ kareghẹhọ, kọ eme onana u fi obọ họ kẹe vuhumu?

Enọ efa:

1. Se Emuhọ 41:1-57.

   1. Ẹvẹ Josẹf ọ rọ kpọ oruaro bru Jihova, kọ edhere vẹ Ileleikristi nẹnẹ a sae rọ raro kele oriruo riẹ? (Emu. 41:16, 25, 28; Mat. 5:16; 1 Pita 2:12)

   2. Ẹvẹ ikpe nọ emuore ọ jọ buobu evaọ Ijipti, enọ ikpe ohọo i lele na, e rọ nwani dhesẹ ohẹriẹ nọ o rrọ uyero abọ-ẹzi ahwo Jihova nẹnẹ gbe ọrọ Kristẹndọm? (Emu. 41:29, 30; Emọs 8:11, 12)

2. Se Emuhọ 42:1-8 gbe 50:20.

   Kọ o thọ re egegagọ Jihova a rọ uzou kpotọ kẹ ohwo evaọ ọghọ odhesẹ hayo fiki adhẹẹ kẹ ọkwa riẹ otẹrọnọ oye họ uruemu ẹwho na? (Emu. 42:6)

Ikuigbe avọ 24

1. Fikieme Josẹf ọ rọ ta kẹ inievo riẹ nnọ ekiotọ a rrọ?

2. Fikieme Jekọp o ro si obọ no ọmọzae ọmaha riẹ kpobi, Bẹnjamin, re o kpohọ Ijipti?

3. Ẹvẹ egho isiliva Josẹf ọ rọ ruọ eva ẹkpa Bẹnjamin?

4. Eme Juda ọ ta nnọ o re ru re a ruẹsi si obọ no Bẹnjamin?

5. Ẹvẹ inievo Josẹf a ro nwene no?

Enọ efa:

1. Se Emuhọ 42:9-38.

   Ẹvẹ eme ọ Josẹf eva Emuhọ 42:18 e rọ rrọ emamọ ekareghẹhọ kẹ enọ e rrọ ọkwa-iruo evaọ ukoko Jihova nẹnẹ? (Neh. 5:15; 2 Kọr. 7:1, 2)

2. Se Emuhọ 43:1-34.

   1. Dede nọ Rubẹn họ ọmọ ọkpako, ẹvẹ u ro dhesẹ oma via inọ Juda o zihe ruọ ọtota kẹ inievo riẹ? (Emu. 43:3, 8, 9; 44:14, 18; 1 Irv. 5:2)

   2. Ẹvẹ Josẹf ọ rọ dawo inievo riẹ, kọ fikieme? (Emu. 43:33, 34)

3. Se Emuhọ 44:1-34.

   1. Wọhọ abọjọ ẹghẹ nọ o ru re inievo riẹ e siẹe ba ẹriẹ, ẹvẹ Josẹf o dhesẹ oma riẹ? (Emu. 44:5, 15; Izerẹ 19:26)

   2. Ẹvẹ inievo Josẹf a ro dhesẹ nnọ ẹzi ihri-eriọ nọ a wo kpahe oniọvo rai vẹre o no rai oma no? (Emu. 44:13, 33, 34)

Ikuigbe avọ 25

1. Eme ọ via nọ Josẹf o dhesẹ oma kẹ inievo riẹ?

2. Didi eme Josẹf ọ rehọ ẹwo ta kẹ inievo riẹ?

3. Eme Fẹro ọ ta nọ o yo kpahe inievo Josẹf?

4. Ẹvẹ uviuwou Jekọp o rro te okenọ a rọ kwa kpohọ Ijipti?

5. Odẹ vẹ a te riẹ uviuwou Jekọp, kọ fikieme?

Enọ efa:

1. Se Emuhọ 45:1-28.

   Ẹvẹ ikuigbe Ebaibol erọ Josẹf i ro dhesẹ nọ Jihova ọ rẹ sae rẹriẹ oware nọ a jẹ te rọ nwa idibo riẹ oma kpohọ oware ezi? (Emu. 45:5-8; Aiz. 8:10; Fil. 1:12-14)

2. Se Emuhọ 46:1-27.

   Didi imuẹro Jihova ọ kẹ Jekọp nọ ọ jọ edhere je kpohọ Ijipti? (Emu. 46:1-4.)

Ikuigbe avọ 26

1. Ono họ Job?

2. Eme Setan ọ daoma ru, kọ ọ kparobọ?

3. Eme Jihova ọ kẹ Setan uvẹ nọ o ru, kọ fikieme?

4. Fikieme aye Job ọ rọ ta kẹe inọ ‘ọ la Ọghẹnẹ eka re o whu’? (Rri uwoho na.)

5. Wọhọ epanọ whọ rẹ sae jọ uwoho avivẹ na ruẹ na, ẹvẹ Jihova ọ rọ ghale Job, kọ fikieme?

6. Ma te fi eva họ Jihova wọhọ Job, didi eghale i ti te omai?

Enọ efa:

1. Se Job 1:1-22.

   Ẹvẹ Ileleikristi nẹnẹ a sae rọ raro kele Job? (Job 1:1; Fil. 2:15; 2 Pita 3:14)

2. Se Job 2:1-13.

   Evaọ idhere ivẹ vẹ nọ i wo ohẹriẹ Job avọ aye riẹ a rọ jowọ kpahe ukpokpoma Setan? (Job 2:9, 10; Itẹ 19:3; Mae. 7:7; Mal. 3:14)

3. Se Job 42:10-17.

   1. Didi ithatho e rrọ osohwa nọ u te Job gbe oware nọ u te Jesu fiki uzuazọ ẹrọwọ nọ a yeri? (Job 42:12; Fil. 2:9-11)

   2. Didi uduotahawọ ma wo no eghale nọ i te Job fikinọ o kru ẹgbakiete kẹ Ọghẹnẹ ze? (Job 42:10, 12; Hib. 6:10; Jem. 1:2-4, 12; 5:11)

Ikuigbe avọ 27

1. Evaọ uwoho na, ono họ ọzae nọ o kru oviaviẹ na, kọ ono ọ be fa na?

2. Nọ Josẹf o whu no, eme ọ via kẹ emọ Izrẹl?

3. Fikieme ozọ emọ Izrẹl u je ro mu ahwo Ijipti?

4. Didi ujaje Fẹro ọ rọ kẹ eyae nọ i je fi obọ họ yẹ eyae emọ Izrẹl?

Enọ efa:

1. Se Ọnyano 1:6-22.

   1. Edhere vẹ Jihova o ro mu eyaa riẹ kẹ Abraham họ erugba? (Ọny. 1:7; Emu. 12:2; Iruẹru 7:17)

   2. Ẹvẹ eyae nọ i je yẹ eyae Hibru na a ro dhesẹ adhẹẹ kẹ ẹfuọ uzuazọ? (Ọny. 1:17; Emu. 9:6)

   3. Ẹvẹ a rọ hwosa kẹ eyae nana nọ i re yẹ eyae na fiki ẹmeoyo rai kẹ Jihova? (Ọny. 1:20, 21; Itẹ 19:17)

   4. Ẹvẹ Setan ọ jẹ rọ daoma bru ẹjiroro Jihova kpahe Ubi Abraham nọ a yeyaa riẹ na dhe? (Ọny. 1:22; Mat. 2:16)

Ikuigbe avọ 28

1. Ono họ ọmọfofa nọ ọ rrọ uwoho na, kọ uziobọ ono o kru na?

2. Eme oni Mosis o ru re a siọ ọmọ na ba ekpe?

3. Ono họ ọmọtẹ ọsese nọ ọ rrọ uwoho na, kọ eme o ru?

4. Nọ ọmọtẹ Fẹro ọ ruẹ ọmọfofa na, didi iroro Miriam ọ jẹ kẹe?

5. Eme ọmọtẹ-ovie na ọ ta kẹ oni Mosis?

Onọ ofa:

1. Se Ọnyano 2:1-10.

   Didi uvẹ oni Mosis o wo nọ o ro wuhrẹ Mosis no ọmaha ze, kọ didi oriruo onana o kẹ eyewọ nẹnẹ? (Ọny. 2:9, 10; Izie. 6:6-9; Itẹ 22:6; Ẹf. 6:4; 2 Tim. 3:15)

Ikuigbe avọ 29

1. Diẹse Mosis ọ jọ whẹro, kọ eme ọ riẹ kpahe ọsẹgboni riẹ?

2. Eme Mosis o ru nọ ọ kpako te ikpe 40 no?

3. Eme Mosis ọ ta kẹ ọzae Izrẹl jọ nọ ọ jẹ họre, kọ didi uyo ọzae na ọ kẹ riẹ?

4. Fikieme Mosis ọ jẹ dhẹ no Ijipti?

5. Diẹse Mosis ọ dhẹ kpohọ, kọ ono ọ jọ obei ruẹ?

6. Eme Mosis o je ru evaọ etoke ikpe 40 nọ ọ rọ dhẹ no Ijipti na?

Enọ efa:

1. Se Ọnyano 2:11-25.

   Ghelọ ikpe buobu nọ a ro wuhrẹ iẹe ereghẹ ahwo Ijipti, ẹvẹ Mosis o ro dhesẹ omarokpotọ kẹ Jihova gbe ahwo riẹ? (Ọny. 2:11, 12; Hib. 11:24)

2. Se Iruẹru 7:22-29.

   Didi oware ma wuhrẹ no oma nọ Mosis ọ dawo re ọye ọvo o siwi Izrẹl no Ijipti ze? (Iruẹru 7:23-25; 1 Pita 5:6, 10)

Ikuigbe avọ 30

1. Didi odẹ ugbehru nọ o rrọ uwoho na?

2. Dhesẹ oware igbunu jọ nọ Mosis ọ ruẹ nọ ọ rehọ igodẹ riẹ kpohọ obọ ugbehru.

3. Eme urru jọ o ta rono ẹwọ nọ ọ jẹ to na ze, kọ urru ono oye?

4. Didi uyo Mosis ọ kẹ nọ Ọghẹnẹ ọ ta kẹe inọ o ti su ahwo Ọghẹnẹ rono Ijipti?

5. Eme Ọghẹnẹ ọ ta kẹ Mosis nọ ọ ta otẹrọnọ ahwo na a nọ riẹ ohwo nọ o vi rie ze?

6. Ẹvẹ Mosis ọ sai ti ro dhesẹ via inọ Ọghẹnẹ họ ohwo nọ o vi rie ze?

Enọ efa:

1. Se Ọnyano 3:1-22.

   Ẹvẹ oware nọ o via kẹ Mosis na o rọ kẹ omai udu inọ ma tẹ maki roro nnọ ma te kẹ iruo Uvie na jọ họ, Jihova ọ te tha omai uke? (Ọny. 3:11, 13; 2 Kọr. 3:5, 6)

2. Se Ọnyano 4:1-20.

   1. Didi enwene evaọ uruemu Mosis o roma via evaọ etoke ikpe 40 nọ ọ raha evaọ Midian, kọ eme enọ i bi le ute ọkwa-iruo evaọ ukoko na a rẹ sae jọ onana wuhrẹ? (Ọny. 2:11, 12; 4:10, 13; Mae. 6:8; 1 Tim. 3:1, 6, 10)

   2. Jihova ọ tẹ make rehọ ẹkwoma ukoko riẹ whọku omai, didi udufihọ oriruo Mosis ọ rẹ sae kẹ omai? (Ọny. 4:12-14; Ol. 103:14; Hib. 12:4-11)

Ikuigbe avọ 31

1. Ẹvẹ eware igbunu nọ Mosis avọ Erọn a ru na i kpomahọ emọ Izrẹl te?

2. Eme Mosis avọ Erọn a ta kẹ Fẹro, kọ didi uyo Fẹro ọ kpahe?

3. Wọhọ epanọ uwoho na u dhesẹ, eme ọ via nọ Erọn o gbolo ọkpọ riẹ fihọ otọ?

4. Ẹvẹ Jihova o ro dhesẹ oware kẹ Fẹro, kọ didi owọ Fẹro ọ jẹ?

5. Eme ọ via nọ uye avọ ikpe na o vrẹ no?

Enọ efa:

1. Se Ọnyano 4:27-31 gbe 5:1-23.

   Eme họ otofa eme Fẹro na nọ ọ ta nnọ: ‘Mẹ riẹ Jihova ha’? (Ọny. 5:2; 1 Sam. 2:12; Rom 1:21)

2. Se Ọnyano 6:1-13, 26-30.

   1. Evaọ edhere vẹ Jihova o ro dhesẹ oma riẹ via kẹ Abraham, Aiziki, gbe Jekọp ho? (Ọny. 3:13, 14; 6:3; Emu. 12:8)

   2. Ẹvẹ u duobọte omai udu te nọ ma riẹ inọ Jihova ọ rehọ Mosis ruiruo ghele, dedenọ Mosis o rri oma riẹ inọ o te kẹ iruo na ha? (Ọny. 6:12, 30; Luk 21:13-15)

3. Se Ọnyano 7:1-13.

   1. Nọ Mosis avọ Erọn a rehọ aruọwha whowho ẹdhoguo Jihova kẹ Fẹro, didi oriruo a fihọ otọ kẹ idibo Ọghẹnẹ nẹnẹ? (Ọny. 7:2, 3, 6; Iruẹru 4:29-31)

   2. Ẹvẹ Jihova o ro dhesẹ nnọ o kpehru vi eghẹnẹ Ijipti? (Ọny. 7:12; 1 Irv. 29:12)

Ikuigbe avọ 32

1. Ẹkwoma iwoho nọ e rrọ etenẹ na, dhesẹ iye esa ọsosuọ nọ Jihova o ro te Ijipti.

2. Ohẹriẹ vẹ o rrọ udevie iye esa ọsosuọ na gbe enọ i kiọkọ na?

3. Eme họ uye avọ ene, isoi, gbe ọrọ avọ ezeza na?

4. Dhesẹ uye avọ ihrẹ, orọ avọ eree, gbe orọ avọ izii na.

5. Eme Jihova ọ ta kẹ emọ Izrẹl nọ a ru taure uye avọ ikpe na o tẹ te via?

6. Eme họ uye avọ ikpe na, kọ eme ọ via nọ onana o vrẹ no?

Enọ efa:

1. Se Ọnyano 7:19–8:23.

   1. Dede nọ ahwo emajiki ọ Ijipti a sae wariẹ iye ivẹ ọsosuọ erọ Jihova na, eme a rehọ unu rai ta nọ uye avọ esa na o via no? (Ọny. 8:18, 19; Mat. 12:24-28)

   2. Ẹvẹ uye avọ ene na u ro dhesẹ ẹgba Jihova nọ ọ rẹ rọ thọ ahwo riẹ, kọ oghẹrẹ vẹ onana nọ a riẹ na u re kpomahọ ahwo Jihova nọ a rẹriẹ ovao ku ‘uye ulogbo’ nọ a ruẹaro riẹ na? (Ọny. 8:22, 23; Evia. 7:13, 14; 2 Irv. 16:9)

2. Se Ọnyano 8:24; 9:3, 6, 10, 11, 14, 16, 23-25; gbe 10:13-15, 21-23.

   1. Eko ahwo ivẹ vẹ Iye Ikpe na i ru oma vo, kọ ẹvẹ onana u re kpomahọ eriwo mai ọrọ eko ahwo yena nẹnẹ? (Ọny. 8:10, 18, 19; 9:14)

   2. Ẹvẹ Ọnyano 9:16 u ro fi obọ họ kẹ omai wo otoriẹ oware nọ Jihova ọ jẹ kẹ Setan uvẹ re ọ gbẹ jariẹ rite enẹna? (Rom 9:21, 22)

3. Se Ọnyano 12:21-32.

   Ẹvẹ Ọnyavrẹ na o ro ru esiwo lọhọ kẹ ahwo buobu, kọ eme Ọnyavrẹ na ọ riobọ kpohọ? (Ọny. 12:21-23; Jọn 1:29; Rom 5:18, 19, 21; 1 Kọr. 5:7)

Ikuigbe avọ 33

1. Bro ezae Izrẹl, te eyae gbe emọ, a no Ijipti, kọ amono a lele i rai?

2. Ẹvẹ o jọ Fẹro oma nọ o si obọ no emọ Izrẹl kpo no, kọ eme o ru?

3. Eme Jihova o ru rọ whaha ohọre nọ ahwo Ijipti a rẹ họre ahwo riẹ?

4. Eme ọ via nọ Mosis ọ riẹ ọkpọ riẹ họ Abade Ọwawae na, kọ eme emọ Izrẹl a ru?

5. Eme ọ via nọ ahwo Ijipti a họrọ ruọ abade na lele emọ Izrẹl?

6. Ẹvẹ emọ Izrẹl a ro dhesẹ nọ a were eva je yere Jihova inọ a zọ?

Enọ efa:

1. Se Ọnyano 12:33-36.

   Ẹvẹ Jihova ọ rọ ruẹ nnọ a hwosa kẹ ahwo riẹ rọkẹ ikpe nọ a jọ igbo evaọ otọ ahwo Ijipti na? (Ọny. 3:21, 22; 12:35, 36)

2. Se Ọnyano 14:1-31.

   Ẹvẹ eme Mosis nọ e rrọ Ọnyano 14:13, 14 i ro kpomahọ idibo Jihova nẹnẹ nọ a rẹriẹ ovao ku ẹmo Amagẹdọn nọ ọ be tha na? (2 Irv. 20:17; Ol. 91:8)

3. Se Ọnyano 15:1-8, 20, 21.

   1. Fikieme idibo Jihova a jẹ so ile ujiro kẹe? (Ọny. 15:1, 2; Ol. 105:2, 3; Evia. 15:3, 4)

   2. Didi oriruo ọrọ ujiro nọ a rẹ rọ kẹ Jihova Miriam avọ eyae na eva Abade Ọwawae na a fihọ otọ kẹ eyae Ileleikristi nẹnẹ? (Ọny. 15:20, 21; Ol. 68:11)

Ikuigbe avọ 34

1. Evaọ uwoho na, eme ahwo na a be jọ otọ tọlọ na, kọ ẹvẹ a re sei?

2. Didi ithubro Mosis ọ kẹ ahwo na kpahe ẹtọlọ emana na?

3. Eme Jihova ọ ta kẹ ahwo na nọ a ru evaọ ẹdẹ avọ ezeza, kọ fikieme?

4. Didi oware igbunu Jihova o ru nọ a tẹ rawo emana na hẹrioke ruọ ẹdẹ avọ ihrẹ?

5. Ẹvẹ Jihova ọ rehọ emana ko ahwo na kri te?

Enọ efa:

1. Se Ọnyano 16:1-36 gbe Ikelakele 11:7-9.

   1. Eme Ọnyano 16:8 u dhesẹ kpahe ẹgwọlọ nọ ma rẹ rọ rehọ adhẹẹ kẹ enọ Ọghẹnẹ o ro mu evaọ ukoko Ileleikristi na? (Hib. 13:17)

   2. Evaọ igbrẹwọ na, ẹvẹ a rọ kareghẹhọ emọ Izrẹl kẹdẹ kẹdẹ inọ a re fi eva họ Jihova? (Ọny. 16:14-16, 35; Izie. 8:2, 3)

   3. Otofa ẹwoho vẹ Jesu ọ kẹ emana na, kọ ẹvẹ ma bi ro wo erere no ‘ebrẹdi nana nọ o no odhiwu ze’ na? (Jọn 6:31-35, 40)

2. Se Joshua 5:10-12.

   Bro ikpe emọ Izrẹl a re emana, ẹvẹ onana o rọ dawo ai, kọ eme ma rẹ sae jọ ikuigbe nana wuhrẹ? (Ọny. 16:35; Ikele. 11:4-6; 1 Kọr. 10:10, 11)

Ikuigbe avọ 35

1. Oware wọhọ emerae ivẹ nọ a no Ijipti no, diẹse emọ Izrẹl a wohọ?

2. Eme Jihova ọ ta nnọ ọ gwọlọ nọ ahwo riẹ a ru, kọ didi uyo a kẹ?

3. Fikieme Jihova ọ rọ kẹ Mosis itho ekpakpala ivẹ?

4. U te no Ijaje Ikpe na no, izi efa vẹ Jihova ọ rọ kẹ emọ Izrẹl?

5. Izi ivẹ vẹ Jesu Kristi ọ ta nnọ e mae rro?

Enọ efa:

1. Se Ọnyano 19:1-25; 20:1-21; 24:12-18; gbe 31:18.

   Ẹvẹ eme nọ a kere fihọ Ọnyano 19:8 i ro fi obọ họ kẹ omai wo otoriẹ oware nọ omaromudhe Oleleikristi o rrọ? (Mat. 16:24; 1 Pita 4:1-3)

2. Se Iziewariẹ 6:4-6; Iruo-Izerẹ 19:18; gbe Matiu 22:36-40.

   Ẹvẹ Ileleikristi a re ro dhesẹ uyoyou rai kẹ Ọghẹnẹ gbe ọrivẹ? (Mak 6:34; Iruẹru 4:20; Rom 15:2)

Ikuigbe avọ 36

1. Evaọ uwoho na, eme ahwo na a bi ru na, kọ fikieme?

2. Fikieme eva e jẹ dha Jihova, kọ eme Mosis o ru nọ ọ ruẹ oware nọ ahwo na a bi ru?

3. Eme Mosis ọ ta kẹ ezae na jọ nọ a ru?

4. Didi oware ikuigbe nana i re wuhrẹ omai?

Enọ efa:

1. Se Ọnyano 32:1-35.

   1. Ẹvẹ ikuigbe nana i ro dhesẹ eriwo Jihova kpahe egagọ erue nọ a rẹ gua kugbe egagọ uzẹme? (Ọny. 32:4-6, 10; 1 Kọr. 10:7, 11)

   2. Didi oma Ileleikristi a rẹ yọrọ evaọ oghẹrẹ eware ẹkeriotọ omawere nọ a rẹ salọ, wọhọ ile-esuọ gbe ile-igbe? (Ọny. 32:18, 19; Ẹf. 5:15, 16; 1 Jọn 2:15-17)

   3. Ẹvẹ orua Livai o rọ kẹ omai emamọ oriruo evaọ edikihẹ kẹ oware nọ u kiete? (Ọny. 32:25-28; Ol. 18:25)

Ikuigbe avọ 37

1. Ẹvẹ a re se uwou nọ o rrọ uwoho na, kọ eme a rẹ jariẹ ru?

2. Fikieme Jihova ọ rọ ta kẹ Mosis inọ a ru uwou-udhu na evaọ oghẹrẹ nọ a rẹ sae rọ fariẹe lọlọhọ?

3. Eme họ etehe nọ ọ rrọ ubrukpẹ osese nọ o rrọ obọ oka uwou-udhu na, kọ eme ọ rrọ eva etehe na?

4. Ono Jihova ọ salọ re ọ jọ ozerẹ okpehru, kọ eme ozerẹ okpehru na o re ru?

5. Fodẹ eware esa nọ e rrọ ubrukpẹ ulogbo orọ uwou-udhu na.

6. Eware ivẹ vẹ e rrọ ogege uwou-udhu na, kọ eme họ iruo rai?

Enọ efa:

1. Se Ọnyano 25:8-40; 26:1-37; 27:1-8; gbe 28:1.

   Eme chẹrọb nọ ọ rrọ ‘etehe isẹri na’ o dikihẹ kẹ? (Ọny. 25:20, 22; Ikele. 7:89; 2 Iv. 19:15)

2. Se Ọnyano 30:1-10, 17-21; 34:1, 2; gbe Ahwo Hibru 9:1-5.

   1. Fikieme Jihova o ro fi ẹgba họ ẹfuọ ugboma kẹ izerẹ nọ i bi ruiruo evaọ uwou-udhu na, kọ ẹvẹ onana u re kpomahọ omai nẹnẹ? (Ọny. 30:18-21; 40:30, 31; Hib. 10:22)

   2. Ẹvẹ Pọl ukọ na o ro dhesẹ nọ uwou-udhu gbe ọvọ Uzi na i no iruo no eva oke nọ o ro kere ileta riẹ se Ileleikristi obọ Hibru? (Hib. 9:1, 9; 10:1)

Ikuigbe avọ 38

1. Eme who muẹrohọ evaọ ẹwhale ego nọ e rrọ uwoho na, kọ diẹse i no ze?

2. Fikieme Mosis o ro vi ekiotọ 12 kpohọ ẹkwotọ Kenan?

3. Eme ekiotọ ikpe a ta okenọ a jẹ nẹ iyẹrẹ onya rai kẹ Mosis?

4. Ẹvẹ ekiotọ ivẹ a ro dhesẹ eva nọ a fihọ Jihova, kọ didi odẹ rai?

5. Fikieme eva e jẹ dha Jihova, kọ eme ọ ta kẹ Mosis?

Enọ efa:

1. Se Ikelakele 13:1-33.

   1. Amono a salọ re a kiẹ otọ na riwi, kọ didi obọdẹ uvẹ a wo? (Ikele. 13:2, 3, 18-20)

   2. Fikieme eriwo Joshua gbe Kelẹb ọ rọ hẹrioma no erọ ekiotọ edekọ, kọ eme onana u wuhrẹ omai? (Ikele. 13:28-30; Mat. 17:20; 2 Kọr. 5:7)

2. Se Ikelakele 14:1-38.

   1. Didi unuovẹvẹ kpahe ẹgo mukpahe ahwo ẹro Jihova evaọ otọakpọ ma rẹ whaha? (Ikele. 14:2, 3, 27; Mat. 25:40, 45; 1 Kọr. 10:10)

   2. Ẹvẹ Ikelakele 14:24 u ro dhesẹ nnọ Jihova o wo isiuru ididi kpahe idibo riẹ omomọvo? (1 Iv. 19:18; Itẹ 15:3)

Ikuigbe avọ 39

1. Amono a wọso udu-esuo Mosisi gbe Erọn, kọ eme a ta kẹ Mosis?

2. Eme Mosis ọ ta kẹ Kora gbe ilele 250 riẹ inọ a ru?

3. Eme Mosis ọ ta kẹ ahwo na, kọ eme ọ via nọ ọ nwane ta ẹme re no?

4. Eme ọ via kẹ Kora avọ ilele 250 riẹ?

5. Eme Ẹlieza, ọmọ Erọn, ọ rehọ imido-idhe erọ ezae nọ i whu no na ru, kọ fikieme?

6. Fikieme Jihova o ro ru ọkpọ Erọn dhẹ idodo? (Rri uwoho na.)

Enọ efa:

1. Se Ikelakele 16:1-49.

   1. Eme Kora avọ ilele riẹ a ru, kọ fikieme owojẹ nana o jẹ rrọ onọ o wọso Jihova? (Ikele. 16:9, 10, 18; Izerẹ 10:1, 2; Itẹ 11:2)

   2. Didi eriwo ọthọthọ Kora avọ “isu egba ivẹ gbe ikpe isoi erọ ogbotu na” a wo? (Ikele. 16:1-3; Itẹ 15:33; Aiz. 49:7)

2. Se Ikelakele 17:1-11 gbe 26:10.

   1. Eme idodo nọ e dhẹ no ọkpọ Erọn ze u dhesẹ, kọ fikieme Jihova ọ jẹ ta nnọ a fi ei họ evaọ okọ ọvọ na? (Ikele. 17:5, 8, 10)

   2. Oware ulogbo vẹ ma rẹ sai wuhrẹ no oka ọkpọ Erọn na ze? (Ikele. 17:10; Iruẹru 20:28; Fil. 2:14; Hib. 13:17)

Ikuigbe avọ 40

1. Ẹvẹ Jihova ọ rọ sẹro emọ Izrẹl eva okenọ a jọ igbrẹwọ na?

2. Didi inoma emọ Izrẹl a gu nọ a wohọ Kadẹsh?

3. Ẹvẹ Jihova ọ rọ kẹ ahwo na gbe erao rai ame?

4. Evaọ uwoho na, ono họ ohwo nọ ọ be riẹ obọ họ oma riẹ na, kọ fikieme o bi ro ru ere?

5. Fikieme eva Mosis avọ Erọn e jẹ dha Jihova, kọ ẹvẹ ọ rọ kẹ ae uye?

6. Eme ọ via evaọ Ugbehru ọ Họ, kọ ono o zihe ruọ ozerẹ okpehru ọ Izrẹl?

Enọ efa:

1. Se Ikelakele 20:1-13, 22-29 gbe Iziewariẹ 29:5.

   1. Eme ma wuhrẹ no edhere nọ Jihova ọ rọ sẹro emọ Izrẹl evaọ igbrẹwọ na ze? (Izie. 29:5; Mat. 6:31; Hib. 13:5; Jem. 1:17)

   2. Ẹvẹ Jihova o rri orro nọ Mosis avọ Erọn a kẹ riẹ hẹ evaọ aro Izrẹl? (Ikele. 20:12; 1 Kọr. 10:12; Evia. 4:11)

   3. Eme ma rẹ sai wuhrẹ no oghẹrẹ nọ Mosis ọ rehọ uye nọ Jihova ọ kẹ riẹ na ze? (Ikele. 12:3; 20:12, 27, 28; Izie. 32:4; Hib. 12:7-11)

Ikuigbe avọ 41

1. Evaọ uwoho na, eme ọ whaliẹ ure na, kọ fikieme Jihova ọ jẹ ta kẹ Mosis nọ a fi ei họ etẹe?

2. Ẹvẹ ahwo na a rọ kare uyere kẹ eware nọ Ọghẹnẹ o ru kẹ ai no kpobi?

3. Eme ahwo na a ta kẹ Mosis nọ o ru nọ Jihova o vi eraomuomu iyoma ze rọ kẹ ae uye no?

4. Fikieme Jihova ọ rọ ta kẹ Mosis inọ o ru araomuomu ọkpọna?

5. Didi oware ma rẹ sae jọ ikuigbe nana wuhrẹ?

Enọ efa:

1. Se Ikelakele 21:4-9.

   1. Didi unuovẹvẹ ma wo evaọ unoma nọ Izrẹl o gu kpahe eruẹrẹfihotọ nọ i no obọ Jihova ze? (Ikele. 21:5, 6; Rom 2:4)

   2. Ikpe-udhusoi buobu evaọ obaro, eme emọ Izrẹl a rehọ araomuomu ọkpọna na ru, kọ eme Hẹzikaya Ovie na o ru? (Ikele. 21:9; 2 Iv. 18:1-4)

2. Se Jọn 3:14, 15.

   Ẹvẹ araomuomu ọkpọna nọ a fihọ ure na o ro dikihẹ kẹ ẹkare nọ a kare Jesu Kristi? (Gal. 3:13; 1 Pita 2:24)

Ikuigbe avọ 42

1. Ono họ Belak, kọ fikieme ọ jẹ vuẹ se Belam inọ o bru ei ze?

2. Fikieme eketekete Belam o ro kiẹzẹ edhere?

3. Eme Belam o yo nọ eketekete na ọ be ta?

4. Eme ẹnjẹle jọ ọ ta kẹ Belam?

5. Eme ọ via nọ Belam ọ jẹ daoma re ọ la Izrẹl eka?

Enọ efa:

1. Se Ikelakele 21:21-35.

   Fikieme Izrẹl o ro fi Saehọn ovie ahwo Amọ gbe Ọg ovie ahwo Beshan kparobọ? (Ikele. 21:21, 23, 33, 34)

2. Se Ikelakele 22:1-40.

   Eme ọ jọ Belam udu nọ ọ jẹ rọ gwọlọ la Izrẹl eka, kọ eme ma rẹ sae jọ onana wuhrẹ? (Ikele. 22:16, 17; Itẹ 6:16, 18; 2 Pita 2:15; Jud 11)

3. Se Ikelakele 23:1-30.

   Dede nọ Belam ọ ta ẹme epaọ ẹsenọ ọ rrọ ọgegagọ Jihova, ẹvẹ owojẹ riẹ u ro dhesẹ iẹe fihọ oghẹrẹ ofa? (Ikele. 23:3, 11-14; 1 Sam. 15:22)

4. Se Ikelakele 24:1-25.

   Ẹvẹ ikuigbe Ebaibol nana e rọ bọ ẹrọwọ mai ga fihọ orugba ẹjiroro Jihova? (Ikele. 24:10; Aiz. 54:17)

Ikuigbe avọ 43

1. Evaọ uwoho na, amono họ ezae ivẹ nọ i dikihẹ gba Mosis na?

2. Eme Jihova ọ ta kẹ Joshua?

3. Fikieme Mosis ọ rọ gadiẹ kpohọ ehru Ugbehru ọ Nẹbo, kọ eme Jihova ọ ta kẹe?

4. Ẹvẹ Mosis ọ kpako te nọ o whu?

5. Fikieme ahwo na a rọ rrọ ọkora, rekọ didi ẹjiroro a wo nọ a rẹ rọ were eva?

Enọ efa:

1. Se Ikelakele 27:12-23.

   Iruo ilogbo vẹ Jihova ọ rọ kẹ Joshua, kọ ẹvẹ ẹruọsa Jihova kẹ ahwo Riẹ u bi ro dhesẹ oma via nẹnẹ? (Ikele. 27:15-19; Iruẹru 20:28; Hib. 13:7)

2. Se Iziewariẹ 3:23-29.

   Fikieme Jihova ọ gbẹ rọ kẹ Mosis avọ Erọn uvẹ re a fa vrẹ kpohọ ẹkwotọ eyaa na ha, kọ eme ma rẹ sae jọ onana wuhrẹ? (Izie. 3:25-27; Ikele. 20:12, 13)

3. Se Iziewariẹ 31:1-8, 14-23.

   Ẹvẹ eme akodẹ erọ Mosis kẹ Izrẹl i ro dhesẹ nnọ ọ rehọ omarokpotọ jẹ ọwhọkuo Jihova rehọ? (Izie. 31:6-8, 23)

4. Se Iziewariẹ 32:45-52.

   Ẹvẹ u fo nọ Ẹme Ọghẹnẹ o re duobọhọ uzuazọ mai? (Izie. 32:47; Izerẹ 18:5; Hib. 4:12)

5. Se Iziewariẹ 34:1-12.

   Dede nọ Mosis ọ ghinẹ ruẹ Jihova dẹẹ hẹ, eme Iziewariẹ 34:10 u dhesẹ kpahe usu riẹ kugbe Jihova? (Ọny. 33:11, 20; Ikele. 12:8)

Ikuigbe avọ 44

1. Diẹse Rehab ọ jẹ rria?

2. Amono họ ezae ivẹ nọ e rrọ uwoho na, kọ fikieme a jẹ rrọ Jeriko?

3. Eme ovie Jeriko ọ ta kẹ Rehab nọ o ru, kọ didi uyo ọ kẹ?

4. Ẹvẹ Rehab o ro fi obọ họ kẹ ezae ivẹ na, kọ didi aruoriwo ọ yare?

5. Didi eyaa ekiotọ ivẹ na a yaa kẹ Rehab?

Enọ efa:

1. Se Joshua 2:1-24.

   Ẹvẹ eyaa Jihova nọ a kere fihọ Ọnyano 23:27, 28 i ro rugba nọ emọ Izrẹl a wọ ẹmo ziọ Jeriko? (Josh. 2:9-11)

2. Se Ahwo Hibru 11:31.

   Ẹvẹ oriruo Rehab o ro dhesẹ epanọ ẹrọwọ o wuzou te? (Rom 1:17; Hib. 10:39; Jem. 2:25)

Ikuigbe avọ 45

1. Didi oware igbunu Jihova o ru re emọ Izrẹl a sae fa Ethẹ Jọdan na vrẹ?

2. Oware vẹ nọ u dhesẹ ẹrọwọ via emọ Izrẹl a re ru hrọ re a sae fa Ethẹ Jọdan na vrẹ?

3. Fikieme Jihova ọ rọ ta kẹ Joshua nọ ọ wọ itho ilogbo 12 no otọ ethẹ na ze?

4. Eme ọ via nọ izerẹ na a nwani siawọ no Jọdan na no?

Enọ efa:

1. Se Joshua 3:1-17.

   1. Wọhọ epanọ ikuigbe nana i dhesẹ, eme u fo nọ ma re ru re ma ruẹsi wo obufihọ gbe oghale Jihova? (Josh. 3:13, 15; Itẹ 3:5; Jem. 2:22, 26)

   2. Ẹvẹ Ethẹ Jọdan na ọ jọ okenọ emọ Izrẹl a fa vrẹ kpohọ Ẹkwotọ Eyaa na, kọ ẹvẹ onana u ro ru odẹ Jihova rro? (Josh. 3:15; 4:18; Ol. 66:5-7)

2. Se Joshua 4:1-18.

   Ẹjiroro vẹ itho 12 nọ a wọ no Jọdan fihọ Gilgal na i dikihẹ kẹ? (Josh. 4:4-7)

Ikuigbe avọ 46

1. Eme Jihova ọ ta kẹ egbaẹmo gbe izerẹ na inọ a ru evaọ edẹ ezeza?

2. Eme ezae na a re ru evaọ ẹdẹ avọ ihrẹ na?

3. Wọhọ epanọ whọ be jọ uwoho na ruẹ na, eme ọ be via kẹ igbẹhẹ Jeriko?

4. Fikieme ufi owawae o rọ rrọ unwido na?

5. Eme Joshua ọ ta kẹ egbaẹmo na inọ a ru ahwo gbe okpẹwho na, rekọ eme a re ru kpahe idọlọ, oro, ekpọna, gbe itehru na?

6. Eme a ta kẹ ekiotọ ivẹ na nọ a ru?

Enọ efa:

1. Se Joshua 6:1-25.

   1. Ẹvẹ onya nọ emọ Izrẹl a nya wariẹ Jeriko evaọ ẹdẹ avọ ihrẹ na o rọ wọhọ iruo usiuwoma ota Isẹri Jihova evaọ edẹ urere nana? (Josh. 6:15, 16; Aiz. 60:22; Mat. 24:14; 1 Kọr. 9:16)

   2. Ẹvẹ eruẹaruẹ nọ a kere fihọ Joshua 6:26 i ro rugba ole ikpe 500 evaọ obaro, kọ eme onana u wuhrẹ omai kpahe ẹme Jihova? (1 Iv. 16:34; Aiz. 55:11)

Ikuigbe avọ 47

1. Evaọ uwoho na, ono họ ọzae nọ ọ be tọ efe nọ ọ rehọ no obọ Jeriko ze fihọ otọ na, kọ amono a bi fi obọ họ kẹe na?

2. Fikieme oware nọ Ekan avọ uviuwou riẹ a ru na u je yoma gaga?

3. Eme Jihova ọ ta kẹe okenọ Joshua ọ nọe kpahe oware nọ o soriẹ nọ a ro fi emọ Izrẹl kparobọ evaọ Ai?

4. Nọ a rehọ Ekan gbe uviuwou riẹ se Joshua no, eme ọ via kẹ ae?

5. Oware ulogbo vẹ ẹdhọ nọ a gu Ekan na u wuhrẹ omai?

Enọ efa:

1. Se Joshua 7:1-26.

   1. Eme elẹ Joshua i dhesẹ kpahe usu riẹ kugbe Ọnọma riẹ? (Josh. 7:7-9; Ol. 119:145; 1 Jọn 5:14)

   2. Eme oriruo Ekan o dhesẹ, kọ ẹvẹ onana o rọ rrọ unuovẹvẹ kẹ omai? (Josh. 7:11, 14, 15; Itẹ 15:3; 1 Tim. 5:24; Hib. 4:13)

2. Se Joshua 8:1-29.

   Didi owha-iruo mai omomọvo ma wo kpahe ukoko Ileleikristi na nẹnẹ? (Josh. 7:13; Izerẹ 5:1; Itẹ 28:13)

Ikuigbe avọ 48

1. Ẹvẹ ahwo Gibiọn a ro wo ohẹriẹ no ahwo Kenan nọ e rrọ ikpewho ekẹloma?

2. Wọhọ epanọ uwoho na u dhesẹ, eme ahwo Gibiọn a ru, kọ fikieme?

3. Didi eyaa Joshua avọ isu emọ Izrẹl a yaa kẹ ahwo Gibiọn, rekọ eme a kiẹ via edẹ esa nọ i lele i rie?

4. Eme ọ via nọ ivie ikpewho nọ i kiọkọ a yo nnọ ahwo Gibiọn a riọvọ udhedhẹ kugbe Izrẹl no?

Enọ efa:

1. Se Joshua 9:1-27.

   1. Nọ o rọnọ Jihova ọ ta kẹ orẹwho Izrẹl inọ a “kpe ahwo nọ a be ria eva otọ na kpobi” no na, ekwakwa iwoma riẹ vẹ i dhesẹ oma via ẹkwoma ahwo Gibiọn nọ a seba na? (Josh. 9:22, 24; Mat. 9:13; Iruẹru 10:34, 35; 2 Pita 3:9)

   2. Ẹkwoma ekoko ọvọ nọ ọ re kugbe ahwo Gibiọn, ẹvẹ Joshua ọ rọ kẹ Ileleikristi inẹnẹ emamọ oriruo? (Josh. 9:18, 19; Mat. 5:37; Ẹf. 4:25)

2. Se Joshua 10:1-5.

   Ẹvẹ otu obuobu na nẹnẹ a rẹ rọ raro kele ahwo Gibiọn, kọ oware vẹ u bi te ai obọ fiki onana? (Josh. 10:4; Zek. 8:23; Mat. 25:35-40; Evia. 12:17)

Ikuigbe avọ 49

1. Evaọ uwoho na, eme Joshua ọ be ta na, kọ fikieme?

2. Ẹvẹ Jihova o ro fi obọ họ kẹ Joshua gbe ogbaẹmo riẹ?

3. Bro ivie ewegrẹ Joshua o fi kparobọ, kọ ẹvẹ o raha oke te?

4. Fikieme Joshua ọ rọ ghale ẹkwotọ Kenan?

5. Ẹvẹ Joshua ọ kpako te re o te ti whu, kọ eme ọ via kẹ ahwo na uwhremu na?

Enọ efa:

1. Se Joshua 10:6-15.

   Nọ ma riẹ inọ Jihova o ru ọre gbe ọvẹre mudhe kẹ Izrẹl na, didi udufihọ onana o kẹ omai nẹnẹ? (Josh. 10:8, 10, 12, 13; Ol. 18:3; Itẹ 18:10)

2. Se Joshua 12:7-24.

   Ono o ghine fi ivie 31 erọ evaọ Kenan kparobọ, kọ fikieme onana u je wuzou kẹ omai nẹnẹ? (Josh. 12:7; 24:11-13; Izie. 31:8; Luk 21:9, 25-28)

3. Se Joshua 14:1-5.

   Ẹvẹ a rọ ghale otọ na kẹ erua Izrẹl, kọ eme onana u dhesẹ kpahe ukuoriọ nọ u ti te ahwo evaọ Aparadase? (Josh. 14:2; Aiz. 65:21; Izik. 47:21-23; 1 Kọr. 14:33)

4. Se Ibruoziẹ 2:8-13.

   Wọhọ Joshua evaọ Izrẹl, amono a rrọ wọhọ ọzadhe kẹ ekieno-ẹrọwọ nẹnẹ? (Ibr. 2:8, 10, 11; Mat. 24:45-47; 2 Tẹs. 2:3-6; Tait. 1:7-9; Evia. 1:1; 2:1, 2)

Ikuigbe avọ 50

1. Amono họ ibruoziẹ na, kọ didi odẹ ejọ rai?

2. Ọkwa-iruo obọdẹ vẹ Debora o wo, kọ eme onana o kẹre te?

3. Okenọ Jabin Ovie na avọ Sisera olori ogbaẹmo riẹ a guegue Izrẹl, didi ovuẹ nọ u no obọ Jihova ze Debora ọ rọ kẹ Berak Obruoziẹ na, kọ ono ọ ta nnọ o ti wo ọghọ na?

4. Ẹvẹ Jaẹl o ro dhesẹ nnọ aye aruọwha ọ rrọ?

5. Eme ọ via nọ Jabin Ovie na o whu no?

Enọ efa:

1. Se Ibruoziẹ 2:14-22.

   Ẹvẹ emọ Izrẹl a rọ wha ofu Jihova se omobọ rai, kọ eme ma rẹ sae jọ onana wuhrẹ? (Ibr. 2:20; Itẹ 3:1, 2; Izik. 18:21-23)

2. Se Ibruoziẹ 4:1-24.

   Didi uwuhrẹ kpahe ẹrọwọ gbe uvi aruọwha eyae Ileleikristi nẹnẹ a rẹ jọ oriruo Debora gbe Jaẹl wuhrẹ? (Ibr. 4:4, 8, 9, 14, 21, 22; Itẹ 31:30; 1 Kọr. 16:13)

3. Se Ibruoziẹ 5:1-31.

   Didi uwuhrẹ kpahe ẹrọwọ gbe uvi aruọwha eyae Ileleikristi nẹnẹ a rẹ jọ oriruo Debora gbe Jaẹl wuhrẹ? (Ibr. 4:4, 8, 9, 14, 21, 22; Itẹ 31:30; 1 Kọr. 16:13)

Ikuigbe avọ 51

1. Ẹvẹ Naomi ọ rọ ziọ ẹkwotọ Moab?

2. Amono họ Rut avọ Ọpa?

3. Didi uyo Rut avọ Ọpa a kẹ nọ Naomi ọ ta kẹ ae inọ a zihe bru ahwo rai?

4. Ono họ Boaz, kọ ẹvẹ o ro fi obọ họ kẹ Rut avọ Naomi?

5. Didi odẹ ọmọ nọ Rut o yẹ kẹ Boaz, kọ fikieme ma jẹ kareghẹhọ iẹe?

Enọ efa:

1. Se Rut 1:1-17.

   1. Didi emamọ eme ọrọ uyoyou omarokpotọ Rut ọ ta? (Rut 1:16, 17)

   2. Ẹvẹ uruemu ọ Rut u ro dhesẹ uruemu ọ “igodẹ efa” na rọkẹ enọ a wholo na nọ e rrọ otọakpọ nẹnẹ? (Jọn 10:16; Zek. 8:23)

2. Se Rut 2:1-23.

   Ẹvẹ Rut ọ rọ rrọ emamọ oriruo kẹ ivovo-eyae nẹnẹ? (Rut 2:17, 18; Itẹ 23:22; 31:15)

3. Se Rut 3:5-13.

   1. Ẹvẹ Boaz o rri unevaze nọ Rut ọ rọ ruọ orọo kugbei viukpenọ ọ rẹ rọo ọmoha?

   2. Eme oriruo Rut o ro wuhrẹ omai uyoyou omarokpotọ? (Rut 3:10; 1 Kọr. 13:4, 5)

4. Se Rut 4:7-17.

   Ẹvẹ ezae Ileleikristi nẹnẹ a sae rọ jọ wọhọ Boaz? (Rut 4:9, 10; 1 Tim. 3:1, 12, 13; 5:8)

Ikuigbe avọ 52

1. Oghẹrẹ vẹ gbe fikieme emọ Izrẹl a rọ rrọ ẹbẹbẹ ologbo?

2. Fikieme Jihova ọ rọ ta kẹ Gidiọn inọ ahwo ogbaẹmo riẹ a bu hrọ?

3. Nọ Gidiọn ọ ta kẹ ezae nọ ozọ u bi mu kpobi inọ a zihe kpo no, bro ezae i kiọkọ?

4. Rehọ uwoho na dhesẹ epanọ Jihova o ro bru ahwo nọ e rrọ ogbaẹmo Gidiọn kpotọ te ezae 300 ọvo.

5. Ẹvẹ Gidiọn o ro koko ezae 300 riẹ họ, kọ oghẹrẹ vẹ Izrẹl o ro fi ẹmo na kparobọ?

Enọ efa:

1. Se Ibruoziẹ 6:36-40.

   1. Eme Gidiọn o ru re oreva Jihova u mu ei ẹro?

   2. Ẹvẹ mai nẹnẹ ma rẹ rọ riẹ oware nọ oreva Jihova o rrọ? (Itẹ 2:3-6; Mat. 7:7-11; 2 Tim. 3:16, 17)

2. Se Ibruoziẹ 7:1-25.

   1. Eme ma rẹ sai wuhrẹ mi ezae 300 nọ e jaja aro vi na, wo ohẹriẹ no enọ e daezọ họ? (Ibr. 7:3, 6; Rom 13:11, 12; Ẹf. 5:15-17)

   2. Wọhọ epanọ ezae 300 na a wuhrẹ no aruorokele Gidiọn ze na, ẹvẹ ma sae rọ raro kele Jesu Kristi, Gidiọn Ologbo na? (Ibr. 7:17; Mat. 11:29, 30; 28:19, 20; 1 Pita 2:21)

   3. Ẹvẹ Ibruoziẹ 7:21 u re ro fi obọ họ kẹ omai wo edẹro kpahe eru iruo evaọ oria nọ a fi omai họ evaọ ukoko Jihova? (1 Kọr. 4:2; 12:14-18; Jem. 4:10)

3. Se Ibruoziẹ 8:1-3.

   Kpahe ekuhọ ẹwhọ kugbe oniọvo, eme ma re wuhrẹ no edhere nọ Gidiọn o ro ku ẹwhọ kugbe ahwo Ifremu họ? (Itẹ 15:1; Mat. 5:23, 24; Luk 9:48)

Ikuigbe avọ 53

1. Ono họ Jẹfta, kọ etoke vẹ ọ rọ rria uzuazọ?

2. Didi eyaa Jẹfta ọ yaa kẹ Jihova?

3. Fikieme Jẹfta ọ rọ jọ ọkora nọ o zihe te uwou no ohọre nọ ọ jọ kparobọ vi ahwo Amọn ze?

4. Eme ọmọtẹ Jẹfta ọ ta nọ o yo kpahe eyaa ọsẹ riẹ?

5. Fikieme ahwo na a ro you ọmọtẹ Jẹfta?

Enọ efa:

1. Se Ibruoziẹ 10:6-18.

   Eme ma rẹ jọ ababọ-ẹrọwọ nọ Izrẹl o fihọ Jihova wuhrẹ? (Ibr. 10:6, 15, 16; Rom 15:4; Evia. 2:10)

2. Se Ibruoziẹ 11:1-11, 29-40.

   1. Ẹvẹ ma rọ riẹ nnọ Jẹfta nọ ọ rehọ ọmọtẹ riẹ “dhidhe” na orọnikọ ọ rehọ erae mahe iẹe he? (Ibr. 11:31; Izerẹ 16:24; Izie. 18:10, 12)

   2. Edhere vẹ Jẹfta ọ rọ rehọ ọmọtẹ riẹ dheidhe?

   3. Eme ma rẹ jọ uruemu ọ Jẹfta kpahe eyaa riẹ kẹ Jihova wuhrẹ? (Ibr. 11:35, 39; Ọtausi. 5:4, 5; Mat. 16:24)

   4. Ẹvẹ ọmọtẹ Jẹfta ọ rọ rrọ emamọ oriruo kẹ emoha Ileleikristi evaọ ele ute iruo odibọgba oke-kpobi? (Ibr. 11:36; Mat. 6:33; Fil. 3:8)

Ikuigbe avọ 54

1. Didi odẹ ọzae nọ ọ mae ga nọ ọ rria no, kọ ono ọ kẹ riẹ ogaga riẹ?

2. Evaọ ẹdẹjọ, eme Samsin o ru okpohrokpo ologbo jọ, wọhọ epanọ whọ be jọ uwoho na ruẹ na?

3. Ẹme idhere vẹ Samsin ọ be ta kẹ Dilala evaọ uwoho na, kọ ẹvẹ onana o rọ whae ze nọ ahwo Filistia a ro mu ei?

4. Ẹvẹ Samsin o ro si uwhu kpe ahwo Filistia 3,000 ewegrẹ riẹ evaọ ẹdẹ uwhu riẹ?

Enọ efa:

1. Se Ibruoziẹ 13:1-14.

   Ẹvẹ Manoa avọ aye riẹ a rọ rrọ emamọ oriruo kẹ esẹgbini evaọ ẹyọrọ emọ rai? (Ibr. 13:8; Ol. 127:3; Ẹf. 6:4)

2. Se Ibruoziẹ 14:5-9 gbe 15:9-16.

   1. Ikuigbe kpahe Samsin nọ o kpe okpohrokpo, epanọ ọ rọ sae ifi ekpokpọ nọ a rọ gbae, gbe ugbonwa eketekete nọ o ro kpe ezae 1,000 na, eme enana i dhesẹ via kpahe ẹgba ẹzi ọfuafo Jihova?

   2. Ẹvẹ ẹzi ọfuafo o bi ro fi obọ họ kẹ omai nẹnẹ? (Ibr. 14:6; 15:14; Zek. 4:6; Iruẹru 4:31)

3. Se Ibruoziẹ 16:18-31.

   Ẹvẹ usu uyoma u ro kpomahọ Samsin, kọ eme ma rẹ sae jọ onana wuhrẹ? (Ibr. 16:18, 19; 1 Kọr. 15:33)

Ikuigbe avọ 55

1. Didi odẹ ọmọzae ọsese nọ ọ rrọ uwoho na, kọ amono họ ahwo edekọ na?

2. Olẹ vẹ Hana ọ lẹ ẹdẹjọ nọ o kpohọ etẹmpol Jihova, kọ ẹvẹ Jihova o ro yo olẹ riẹ?

3. Ẹvẹ Samuẹle ọ kpako te okenọ a rehọ iẹe ze te gọ evaọ uwou-udhu Jihova, kọ eme oni riẹ ọ jẹ hai ru kẹe kukpe kukpe?

4. Didi odẹ emọ Ilai, kọ oghẹrẹ ezae vẹ a jọ?

5. Ẹvẹ Jihova o ro se Samuẹle, kọ eme Ọ ta kẹe?

6. Eme Samuẹle o zihe ro nọ o te ohwo no, kọ eme ọ via nọ ọ who no?

Enọ efa:

1. Se 1 Samuẹle 1:1-28.

   1. Emamọ oriruo vẹ Ẹlkena ọ rrọ kẹ enọ i wuzou uviuwou re a hae kobaro kẹ iviuwou rai evaọ egagọ uzẹme? (1 Sam. 1:3, 21; Mat. 6:33; Fil. 1:10)

   2. Eme ma wuhrẹ no oriruo Hana evaọ eyerikugbe ẹbẹbẹ idhọvẹ ze? (1 Sam. 1:10, 11; Ol. 55:22; Rom 12:12)

2. Se 1 Samuẹle 2:11-36.

   Ẹvẹ Ilai ọ rọ rehọ ọghọ kẹ emọ riẹ vi Jihova, kọ ẹvẹ onana o sae rọ jọ unuovẹvẹ kẹ omai? (1 Sam. 2:22-24, 27, 29; Izie. 21:18-21; Mat. 10:36, 37)

3. Se 1 Samuẹle 4:16-18.

   Usi uyoma ene vẹ i no obọ ẹmo na ze, kọ ẹvẹ enana i kpomahọ Ilai?

4. Se 1 Samuẹle 8:4-9.

   Ẹvẹ Izrẹl o ro ru Jihova eva dha gaga, kọ ẹvẹ ma sae rọ rehọ oma kpotọ tha Uvie riẹ uke nẹnẹ? (1 Sam. 8:5, 7; Jọn 17:16; Jem. 4:4)

Ikuigbe avọ 56

1. Evaọ uwoho na, eme Samuẹle o bi ru na, kọ fikieme?

2. Fikieme Sọl ọ rọ were Jihova, kọ oghẹrẹ ohwo vẹ ọ rrọ?

3. Didi odẹ ọmọzae Sọl, kọ eme ọmọ na o ru?

4. Fikieme Sọl o ro dheidhe ukpenọ ọ rẹ hẹrẹ Samuẹle re o dheidhe na?

5. Eme ma rẹ sai wuhrẹ no ikuigbe kpahe Sọl ze?

Enọ efa:

1. Se 1 Samuẹle 9:15-21 gbe 10:17-27.

   Ẹvẹ uruemu omarokpotọ Sọl u ro fi obọ họ kẹe whaha owojẹ okpuakpua okenọ ahwo jọ a rọ orivo ta ẹme kpahe iẹe? (1 Sam. 9:21; 10:21, 22, 27; Itẹ 17:27)

2. Se 1 Samuẹle 13:5-14.

   What was the sin that Saul committed at Gilgal? (1 Sam. 10:8; 13:8, 9, 13)

3. Se 1 Samuẹle 15:1-35.

   1. Uzi ulogbo vẹ Sọl ọ raha kpahe Egag, ovie Amalẹk? (1 Sam. 15:2, 3, 8, 9, 22)

   2. Ẹvẹ Sọl ọ rọ daoma ta ewoma fihọ oware nọ o ru jẹ gwọlọ ku ẹme na no uzou? (1 Sam. 15:24)

   3. Eme ma rẹ yọrọ oma kpahe nẹnẹ nọ a tẹ kẹ omai ohrẹ? (1 Sam. 15:19-21; Ol. 141:5; Itẹ 9:8, 9; 11:2)

Ikuigbe avọ 57

1. Didi odẹ ọmọzae nọ ọ rrọ uwoho na, kọ ẹvẹ ma rọ riẹ nọ ọ wharo?

2. Diẹse Devidi ọ jẹ rria, kọ didi odẹ ọsẹ gbe ọsẹ-ode riẹ?

3. Fikieme Jihova ọ rọ ta kẹ Samuẹle inọ o kpohọ uwou Jẹsi evaọ Bẹtlẹhẹm?

4. Eme ọ via nọ Jẹsi ọ rehọ emezae ihrẹ riẹ bru Samuẹle ze?

5. Nọ a rehọ Devidi rueva, eme Jihova ọ ta kẹ Samuẹle?

Enọ efa:

1. Se 1 Samuẹle 17:34, 35.

   Ẹvẹ eware nana nọ e via na i ro dhesẹ udu nọ Devidi o fihọ Jihova? (1 Sam. 17:37)

2. Se 1 Samuẹle 16:1-14.

   1. Ẹvẹ eme ọ Jihova eva 1 Samuẹle 16:7 i re ro fi obọ họ kẹ omai whaha ọriẹwẹ gbe oma nọ a rẹ gbẹre fiki eriwo okafe? (Iruẹru 10:34, 35; 1 Tim. 2:4)

   2. Ẹvẹ oriruo Sọl o ro dhesẹ nọ okenọ Jihova o te si ẹzi ọfuafo riẹ no ohwo oma no, ẹzi oyoma, hayo isiuru nọ a re ro ru eyoma, e sae rehọ ẹta riẹ evaọ oma ohwo na? (1 Sam. 16:14; Mat. 12:43-45; Gal. 5:16)

Ikuigbe avọ 58

1. Didi eha Goliat o se kẹ ogbaẹmo Izrẹl?

2. Ẹvẹ Goliat ọ rro te, kọ didi osohwa Sọl Ovie na ọ yeyaa nọ ọ rẹ kẹ ọzae nọ o kpe Goliat?

3. Eme Devidi ọ ta okenọ Sọl ọ ta kẹe inọ ọ te sae họre Goliat he keme ọmaha gheghe ọ rrọ?

4. Evaọ uyo riẹ kẹ Goliat, ẹvẹ Devidi o ro dhesẹ eva nọ o fihọ Jihova?

5. Wọhọ epanọ whọ rẹ sae ruẹ evaọ uwoho na, eme Devidi o ro kpe Goliat, kọ eme ọ via kẹ ahwo Filistia nọ onana o via no?

Enọ efa:

1. Se 1 Samuẹle 17:1-54.

   1. Fikieme Devidi ọ gbẹ rọ dhozọ họ, kọ ẹvẹ ma sae rọ raro kele aruọwha riẹ? (1 Sam. 17:37, 45; Ẹf. 6:10, 11)

   2. Fikieme Ileleikristi a jẹ whaha ẹzi omahrowo wọhọ ọrọ Goliat okenọ a tẹ be zaro? (1 Sam. 17:8; Gal. 5:26; 1 Tim. 4:8)

   3. Ẹvẹ eme ọ Devidi i ro dhesẹ nọ o fi eva họ uketha Ọghẹnẹ? (1 Sam. 17:45-47; 2 Irv. 20:15)

   4. Ukpenọ u re dhesẹ iẹe wọhọ ohọre nọ o rrọ udevie egbaẹmo ivẹ ọvo, ẹvẹ eme nọ e wariẹ ikuigbe nana họ i ro dhesẹ nnọ ohọre na o jọ udevie eghẹnẹ erue avọ Ọghẹnẹ uzẹme na, Jihova? (1 Sam. 17:43, 46, 47)

   5. Ẹvẹ okiọkotọ nọ a wholo na a be rọ raro kele oriruo Devidi ọrọ ẹrorọsuọ Jihova? (1 Sam. 17:37; Jeri. 1:17-19; Evia. 12:17)

Ikuigbe avọ 59

1. Fikieme Sọl ọ be rọ re Devidi ihri, rekọ ẹvẹ Jonatan ọmọzae Sọl o ro wo ẹhẹriẹ?

2. Eme ọ via ẹdẹjọ nọ Devidi o je kporo akpata kẹ Sọl?

3. Eme Sọl ọ ta inọ Devidi o re ru hrọ tao re ọ tẹ te rehọ Makal ọmọtẹ Sọl wọhọ aye, kọ fikieme Sọl ọ jẹ ta ere?

4. Nọ Devidi o je kporo akpata kẹ Sọl, eme ọ via orọ avọ isiasa, wọhọ epanọ uwoho na u dhesẹ na?

5. Ẹvẹ Makal o ro fi obọ họ siwi uzuazọ Devidi, kọ eme Devidi o ru no umuo oke yena vrẹ evaọ ikpe ihrẹ?

Enọ efa:

1. Se 1 Samuẹle 18:1-30.

   1. Ẹvẹ uyoyou ogaga nọ Jonatan o wo kẹ Devidi u ro dhesẹ uyoyou ọgbakugbe nọ o rrọ udevie “igodẹ efa” na gbe “uthuru okakao” na? (1 Sam. 18:1; Jọn 10:16; Luk 12:32; Zek. 8:23)

   2. Dede nọ Jonatan ọ hae jọ ọriuku ọ Sọl, ẹvẹ 1 Samuẹle 18:4 u ro dhesẹ obọdẹ omarokpotọ nọ Jonatan o wo kẹ ọnọ Ọghẹnẹ ọ salọ re ọ jọ ovie?

   3. Ẹvẹ oriruo Sọl o ro dhesẹ nọ ihrieriọ e sai su kpohọ uzioraha ulogbo, kọ didi unuovẹvẹ onana o rrọ kẹ omai? (1 Sam. 18:7-9, 25; Jem. 3:14-16)

2. Se 1 Samuẹle 19:1-17.

   Ẹvẹ Jonatan o ro fi uzuazọ riẹ họ ọza okenọ o je lele Sọl ta ẹme? (1 Sam. 19:1, 4-6; Itẹ 16:14)

Ikuigbe avọ 60

1. Didi odẹ aye nọ ọ be nya bru Devidi ze evaọ uwoho na, kọ oghẹrẹ ohwo vẹ ọ rrọ?

2. Ono họ Nebale?

3. Fikieme Devidi o ro vi ahwo re a yare aruoriwo mi Nebale?

4. Eme Nebale ọ ta kẹ ahwo Devidi, kọ didi owọ Devidi ọ jẹ?

5. Ẹvẹ Abigẹle o ro dhesẹ nnọ aye owareghẹ ọ rrọ?

Enọ efa:

1. Se 1 Samuẹle 22:1-4.

   Ẹvẹ uviuwou Devidi o rọ kẹ omai emamọ oriruo ọrọ epanọ ma rẹ rọ tha ohwohwo uke evaọ okugbe inievo Ileleikristi na? (Itẹ 17:17; 1 Tẹs. 5:14)

2. Se 1 Samuẹle 25:1-43.

   1. Fikieme a ro dhesẹ Nebale yoma tere? (1 Sam. 25:2-5, 10, 14, 21, 25)

   2. Eme eyae Ileleikristi nẹnẹ a rẹ sai wuhrẹ no oriruo Abigẹle ze? (1 Sam. 25:32, 33; Itẹ 31:26; Ẹf. 5:24)

   3. Eware iyoma ivẹ vẹ Devidi o je ti ru vẹre nọ Abigẹle ọ whaha e riẹ eruo? (1 Sam. 25:31, 33; Rom 12:19; Ẹf. 4:26)

   4. Ẹvẹ owọ nọ Devidi ọ jẹ kpahe eme Abigẹle i re ro fi obọ họ kẹ ezae nẹnẹ wo eriwo Jihova kpahe eyae? (Iruẹru 21:8, 9; Rom 2:11; 1 Pita 3:7)

Ikuigbe avọ 61

1. Eme Devidi avọ Abishai a ru nọ Sọl ọ jẹ wezẹ evaọ evuẹ riẹ?

2. Didi enọ Devidi ọ nọ Sọl?

3. Nọ ọ nya siọ Sọl ba no, diẹse Devidi o kpohọ?

4. Eme ọ wha ọkora se Devidi, nọ o ro kere emamọ ole jọ?

5. Ẹvẹ Devidi ọ kpako te nọ a rehọ iẹe mu ovie evaọ Hibrọn, kọ didi odẹ emezae riẹ jọ?

6. Diẹse Devidi ọ jọ su wọhọ ovie uwhremu na?

Enọ efa:

1. Se 1 Samuẹle 26:1-25.

   1. Didi oware eme ọ Devidi nọ a kere fihọ 1 Samuẹle 26:11 i dhesẹ via kpahe ọruẹrẹfihotọ Ọghẹnẹ? (Ol. 37:7; Rom 13:2)

   2. Ma tẹ be daoma gaga dhesẹ uyoyou-ẹwo kẹ amọfa nọ a kare uyere, ẹvẹ eme ọ Devidi nọ e rrọ 1 Samuẹle 26:23 e sai ro fi obọ họ kẹ omai wo emamọ eriwo? (1 Iv. 8:32; Ol. 18:20)

2. Se 2 Samuẹle 1:26.

   Ẹvẹ Ileleikristi nẹnẹ a sai ro wo oghẹrẹ “uyoyou nọ o rẹ hiẹ hẹ” onọ Devidi avọ Jonatan a wo na kẹ ohwohwo? (1 Pita 4:8; Kọl. 3:14; 1 Jọn 4:12)

3. Se 2 Samuẹle 5:1-10.

   1. Bro ikpe Devidi o su wọhọ ovie, kọ ẹvẹ a ghale etoke nana kpohọ? (2 Sam. 5:4, 5)

   2. Eme ọ lẹliẹ Devidi jọ ruaro, kọ ẹvẹ onana o rọ rrọ ekareghẹhọ kẹ omai nẹnẹ? (2 Sam. 5:10; 1 Sam. 16:13; 1 Kọr. 1:31; Fil. 4:13)

Ikuigbe avọ 62

1. Avọ obufihọ Jihova, eme ọ via kẹ ẹkwotọ Kenan uwhremu na?

2. Eme ọ via owọwọ ẹdẹjọ nọ Devidi ọ jọ ehru uwou-ovie riẹ?

3. Fikieme eva e rọ dha Jihova gaga kpahe Devidi?

4. Evaọ uwoho na, ono Jihova o vi bru Devidi re ọ vuẹe kpahe izieraha riẹ, kọ eme ọzae na ọ ta nọ o te via kẹ Devidi?

5. Didi ukpokpoma u te Devidi?

6. U no Devidi no, ono o zihe ro ovie Izrẹl?

Enọ efa:

1. Se 2 Samuẹle 11:1-27.

   1. Fikieme iruo Jihova nọ ma rẹ jọ wobọ ẹsikpobi o jẹ rọ ọthọwẹ kẹ omai?

   2. Ẹvẹ Devidi o ro kie ruọ uzioraha, kọ didi unuovẹvẹ onana o rrọ kẹ idibo Jihova nẹnẹ? (2 Sam. 11:2; Mat. 5:27-29; 1 Kọr. 10:12; Jem. 1:14, 15)

2. Se 2 Samuẹle 12:1-18.

   1. Eme ekpako gbe esẹgbini a rẹ sai wuhrẹ no oghẹrẹ nọ Netan ọ rọ kẹ Devidi ohrẹ ze? (2 Sam. 12:1-4; Itẹ 12:18; Mat. 13:34)

   2. Fikieme Jihova ọ rọ riohrọ Devidi? (2 Sam. 12:13; Ol. 32:5; 2 Kọr. 7:9, 10)

Ikuigbe avọ 63

1. Eme Jihova ọ nọ Solomọn, kọ didi uyo ọ kẹ?

2. Fikinọ ayare Solomọn ọ were riẹ, eme Jihova ọ yaa nọ ọ te kẹe?

3. Ẹbẹbẹ ologbo vẹ eyae ivẹ jọ a wha bru Solomọn ze?

4. Wọhọ epanọ whọ be jọ uwoho na ruẹ na, ẹvẹ Solomọn o ro ku ẹme na họ?

5. Ẹvẹ esuo Solomọn ọ jọ, kọ fikieme?

Enọ efa:

1. Se 1 Ivie 3:3-28.

   1. Eme ezae nọ i wo ewha-iruo evaọ ukoko Ọghẹnẹ nẹnẹ a rẹ sai wuhrẹ no eme ọ Solomọn nọ e rrọ 1 Ivie 3:7 na ze? (Ol. 119:105; Itẹ 3:5, 6)

   2. Ẹvẹ ayare Solomọn ọ rọ rrọ emamọ oriruo ọrọ eware nọ u fo nọ ma rẹ lẹ kẹ? (1 Iv. 3:9, 11; Itẹ 30:8, 9; 1 Jọn 5:14)

   3. Ma te roro kpahe oghẹrẹ nọ Solomọn o ro ku ẹwhọ eyae ivẹ na họ na, didi udufihọ onana o kẹ omai kpahe esuo obaro ọrọ Jesu Kristi, Solomọn Ologbo na? (1 Iv. 3:28; Aiz. 9:6, 7; 11:2-4)

2. Se 1 Ivie 4:29-34.

   1. Ẹvẹ Jihova ọ rọ kuyo kẹ ayare Solomọn rọ kẹ udu ẹmeoyo? (1 Iv. 4:29)

   2. Ma te roro kpahe epanọ ahwo a dawo oma te re a ruẹsi yo areghẹ Solomọn, eme ọ rẹ jọ uruemu mai kpahe ewuhrẹ Ẹme Ọghẹnẹ? (1 Iv. 4:29, 34; Jọn 17:3; 2 Tim. 3:16)

Ikuigbe avọ 64

1. Bro ikpe Solomọn ọ rọ bọ etẹmpol ọ Jihova, kọ fikieme ebabọ na e jẹ rehọ ugho bu tere?

2. Bro ibruwou ilogbo e rrọ etẹmpol na, kọ eme a fihọ ubruwou obeva na?

3. Eme Solomọn ọ ta evaọ olẹ riẹ nọ a bọ etẹmpol na re no?

4. Ẹvẹ Jihova o ro dhesẹ nọ olẹ Solomọn o were riẹ?

5. Eme eyae Solomọn e lẹle riẹ ru, kọ eme ọ via kẹ Solomọn?

6. Fikieme Jihova ọ rọ dheva kẹ Solomọn, kọ eme Jihova ọ ta kẹe?

Enọ efa:

1. Se 1 Iruẹru-Ivie 28:9, 10.

   Ma te roro kpahe eme ọ Devidi nọ a kere fihọ 1 Iruẹru-Ivie 28:9, 10, eme ma rẹ daoma ru evaọ uzuazọ ikẹdẹ kẹdẹ mai? (Ol. 19:14; Fil. 4:8, 9)

2. Se 2 Iruẹru-Ivie 6:12-21, 32-42.

   1. Ẹvẹ Solomọn o ro dhesẹ nọ uvumọ uwou nọ ohwo-akpọ ọ bọ o rẹ gba Ọghẹnẹ Oride na ha? (2 Irv. 6:18; Iruẹru 17:24, 25)

   2. Didi oware eme ọ Solomọn nọ e rrọ 2 Iruẹru-Ivie 6:32, 33 i dhesẹ kpahe Jihova? (Iruẹru 10:34, 35; Gal. 2:6)

3. Se 2 Iruẹru-Ivie 7:1-5.

   Wọhọ epanọ oma o wọ emọ Izrẹl jiri Jihova nọ a ruẹ oruaro riẹ na, ẹvẹ oma u re ru omai nẹnẹ nọ ma te roro epanọ Jihova ọ be ghale ahwo riẹ? (2 Irv. 7:3; Ol. 22:22; 34:1; 96:2)

4. Se 1 Ivie 11:9-13.

   Ẹvẹ uzuazọ Solomọn u ro dhesẹ epanọ u wuzou te re ma kru ẹrọwọ rite urere? (1 Iv. 11:4, 9; Mat. 10:22; Evia. 2:10)

Ikuigbe avọ 65

1. Didi odẹ ezae ivẹ nọ e rrọ uwoho na, kọ ae yọ amono?

2. Ẹvẹ Ahija o ru ewu nọ o kuhọ na, kọ eme oyena u dhesẹ?

3. Eme Solomọn ọ gwọlọ ru Jeroboam?

4. Fikieme ahwo na a rọ rehọ Jeroboam mu ovie erua ikpe?

5. Fikieme Jeroboam o ro ru emọ-iruẹ oro ivẹ, kọ eme ọ via kẹ ẹkwotọ na evaọ obaro?

6. Eme ọ via kẹ uvie erua ivẹ na gbe etẹmpol Jihova evaọ Jerusalẹm?

Enọ efa:

1. Se 1 Ivie 11:26-43.

   Oghẹrẹ ohwo vẹ Jeroboam ọ jọ, kọ didi eyaa Jihova ọ ya kẹe nọ o te koko izi Ọghẹnẹ? (1 Iv. 11:28, 38)

2. Se 1 Ivie 12:1-33.

   1. Rono oriruo oyoma Rehoboam ze, eme esẹgbini gbe ekpako a re wuhrẹ kpahe ogaga nọ a re ro ru iruo thọthọ? (1 Iv. 12:13; Ọtausi. 7:7; 1 Pita 5:2, 3)

   2. Amono izoge na a rẹ nya bru kẹ uvi ọkpọvio nọ a tẹ be jiroro nọ i wuzou evaọ uzuazọ? (1 Iv. 12:6, 7; Itẹ 1:8, 9; 2 Tim. 3:16, 17; Hib. 13:7)

   3. Eme ọ lẹliẹ Jeroboam rehọ eria ivẹ mu kẹ egagọ ọmọ-eruẹ, kọ ẹvẹ onana u ro dhesẹ ababọ-ẹrọwọ fihọ Jihova? (1 Iv. 11:37; 12:26-28)

   4. Ono o su uvie erua ikpe na wọso egagọ uzẹme? (1 Iv. 12:32, 33)

Ikuigbe avọ 66

1. Ono họ Jezibẹle?

2. Eme ọ lẹliẹ Ehab Ovie na jọ ọkora ẹdẹjọ?

3. Eme Jezibẹle o ru re ọgbọ-evaene Nebọt o te Ehab, ọzae riẹ obọ?

4. Ono Jihova o vi re ọ kẹ Jezibẹle uye?

5. Wọhọ epanọ whọ rẹ sae ruẹ evaọ uwoho na, eme ọ via nọ Jehu o te uwou-ovie Jezibẹle?

Enọ efa:

1. Se 1 Ivie 16:29-33 gbe 18:3, 4.

   Ẹvẹ eware e jọ Izrẹl yoma te evaọ etoke Ehab Ovie na? (1 Iv. 14:9)

2. Se 1 Ivie 21:1-16.

   1. Ẹvẹ Nebọt o ro dhesẹ nọ o wo udu je dhesẹ nọ o wo omarokpotọ kẹ Jihova? (1 Iv. 21:1-3; Izerẹ 25:23-28)

   2. Rono oriruo Ehab ze, eme ma rẹ sai wuhrẹ kpahe oware nọ ma re ru otẹrọnọ irẹro mai i gbe te omai obọ họ? (1 Iv. 21:4; Rom 5:3-5) (1 Ki. 21:4; Rom. 5:3-5)

3. Se 2 Ivie 9:30-37.

   Eme ma re wuhrẹ no ọwhọ Jehu evaọ eruo oreva Jihova ze? (2 Iv. 9:4-10; 2 Kọr. 9:1, 2; 2 Tim. 4:2)

Ikuigbe avọ 67

1. Ono họ Jehoshafat, kọ oke vẹ ọ rọ rria uzuazọ?

2. Fikieme ozọ u je ro mu emọ Izrẹl, kọ eme ibuobu rai a ru?

3. Didi uyo Jihova ọ kẹ kpahe olẹ Jehoshafat?

4. Eme Jihova o ru taure ohọre na u te muhọ?

5. Didi oware ma rẹ sai wuhrẹ mi Jehoshafat?

Enọ efa:

1. Se 2 Iruẹru-Ivie 20:1-30.

   1. Ẹvẹ Jehoshafat o ro dhesẹ oware nọ idibo ẹrọwọ Ọghẹnẹ a re ru okenọ a tẹ rẹriẹ ovao ku iyero imuozọ? (2 Irv. 20:12; Ol. 25:15; 62:1)

   2. Nọ orọnọ Jihova o wo ugogo edhere nọ ọ rẹ rọ ta ẹme kẹ ahwo riẹ na, edhere vẹ ọ be rọ ta ẹme kẹ omai nẹnẹ? (2 Irv. 20:14, 15; Mat. 24:45-47; Jọn 15:15)

   3. Okenọ Ọghẹnẹ ọ te rọ rehọ “ẹdẹ ẹmo ologbo Ọghẹnẹ Erumeru na” ze, ẹvẹ uyero mai o te rọ jọ wọhọ orọ Jehoshafat? (2 Irv. 20:15, 17; 32:8; Evia. 16:14, 16)

   4. Evaọ aruorokele ahwo Livai, abọ vẹ ekobaro gbe imishọnare a bi ru gba evaọ iruo usiuwoma ota akpọ-soso na nẹnẹ? (2 Irv. 20:19; Rom 10:13-15; 2 Tim. 4:2)

Ikuigbe avọ 68

1. Amono họ imasa nọ e rrọ uwoho na, kọ eme ọ via kẹ ọmọzae ọsese na?

2. Didi olẹ Elaeja ọ lẹ kpahe ọmọzae na, kọ eme ọ via?

3. Didi odẹ odibo Elaeja?

4. Fikieme a ro se Elaesha kpohọ uwou aye jọ evaọ obọ Shunẹm?

5. Eme Elaesha o ru, kọ eme ọ via kẹ ọmọ nọ o whu na?

6. Didi ẹgba Jihova o wo, wọhọ epanọ u dhesẹ oma via ẹkwoma Elaeja gbe Elaesha na?

Enọ efa:

1. Se 1 Ivie 17:8-24.

   1. Ẹvẹ a rọ dawo ẹmeoyo gbe ẹrọwọ Elaeja? (1 Iv. 17:9; 19:1-4, 10)

   2. Fikieme ẹrọwọ aye-uku obọ Zarefat na o ro gbunu? (1 Iv. 17:12-16; Luk 4:25, 26?)

   3. Ẹvẹ oware nọ o via kẹ aye-uku obọ Zarefat na u ro dhesẹ ẹgbagba eme ọ Jesu nọ e rrọ Matiu 10:41, 42? (1 Iv. 17:10-12, 17, 23, 24)

2. Se 2 Ivie 4:8-37.

   1. Eme aye obọ Shunẹm na o wuhrẹ omai kpahe erara nọ a rẹ ghọ? (2 Iv. 4:8; Luk 6:38; Rom 12:13; 1 Jọn 3:17)

   2. Idhere vẹ ma sai ro dhesẹ ẹwo kẹ idibo Ọghẹnẹ nẹnẹ? (Iruẹru 20:35; 28:1, 2; Gal. 6:9, 10; Hib. 6:10)

Ikuigbe avọ 69

1. Evaọ uwoho na, eme ọmọtẹ na ọ be ta kẹ aye na?

2. Ono họ aye nọ ọ rrọ uwoho na, kọ eme ọmọtẹ na o bi ru evaọ uwou aye na?

3. Eme Elaesha ọ vuẹ odibo riẹ inọ ọ ta kẹ Neman, kọ fikieme eva e jẹ dha Neman?

4. Eme ọ via nọ Neman ọ gaviezọ kẹ idibo riẹ?

5. Fikieme Elaesha ọ rọ siọ okẹ Neman, kọ eme Gehazi o ru?

6. Eme ọ via kẹ Gehazi, kọ eme ma rẹ sai wuhrẹ no onana ze?

Enọ efa:

1. Se 2 Ivie 5:1-27.

   1. Ẹvẹ oriruo nọ ọmọtẹ ọsese ohwo Izrẹl na o fihọ otọ o rọ rrọ uduotahawọ kẹ emaha na nẹnẹ? (2 Iv. 5:3; Ol. 8:2; 148:12, 13)

   2. Fikieme u je fo re ma kareghẹhọ oriruo Neman nọ a tẹ kẹ omai ohrẹ no Ikereakere ze? (2 Iv. 5:15; Hib. 12:5, 6; Jem. 4:6)

   3. Eme ma rẹ sai wuhrẹ nọ ma tẹ rehọ oriruo Elaesha wawo ọrọ Gehazi? (2 Iv. 5:9, 10, 14-16, 20; Mat. 10:8; Iruẹru 5:1-5; 2 Kọr. 2:17)

Ikuigbe avọ 70

1. Ono họ Jona, kọ eme Jihova ọ ta kẹe nọ o ru?

2. Fikinọ ọ gwọlọ kpohọ obonọ Jihova ọ ta kẹe he, eme Jona o ru?

3. Eme Jona ọ ta kẹ ibiokọ na inọ a ru re ẹkporo na o serihọ?

4. Wọhọ epanọ whọ be jọ uwoho na ruẹ na, eme ọ via nọ Jona o kie diwi evaọ ame na?

5. Ẹvẹ Jona ọ jọ eva eri ologbo na kri te, kọ eme ọ jọ etẹe ru?

6. Bovẹ Jona ọ nya nọ o no eva eri ologbo na ze, kọ eme onana u wuhrẹ omai?

Enọ efa:

1. Se Jona 1:1-17.

   Ẹvẹ o jọ Jona oma nọ a vi ei inọ ọ nyae ta usiuwoma kẹ ahwo Nanive? (Jona 1:2, 3; Itẹ 3:7; Ọtausi. 8:12)

2. Se Jona 2:1, 2, 10.

   Ẹvẹ oriruo Jona ọ rọ kẹ omai udufihọ inọ Jihova o ti yo elẹ mai? (Ol. 22:24; 34:6; 1 Jọn 5:14)

3. Se Jona 3:1-10.

   1. Inọ Jihova ọ gbẹ rehọ Jona ru iruo ghele, dedenọ oke ọsosuọ ọ dhẹ no iruo riẹ, uduotahawọ vẹ onana o kẹ omai? (Ol. 103:14; 1 Pita 5:10)

   2. Eme oware nọ o via kẹ Jona avọ ahwo Nanive na u wuhrẹ omai kpahe ẹdhọ nọ ma re gu ahwo nọ a rrọ ẹkwotọ mai? (Jona 3:6-9; Ọtausi. 11:6; Iruẹru 13:48)

Ikuigbe avọ 71

1. Ono họ Aizaya, okevẹ ọ rọ rria uzuazọ, kọ eme Jihova o dhesẹ kẹe?

2. Eme ubiẹme na “aparadase” u dhesẹ, kọ eme o rẹ kareghẹhọ omai?

3. Eme Jihova ọ ta kẹ Aizaya inọ o kere kpahe Aparadase ọkpokpọ na?

4. Fikieme Adamu avọ Ivi a ro ku uwou uwoma rai fiẹ?

5. Eme Jihova ọ yaa kẹ ahwo nọ i you rie?

Enọ efa:

1. Se Aizaya 11:6-9.

   1. Ẹvẹ Ẹme Ọghẹnẹ o dhesẹ udhedhẹ nọ o te jọ udevie erao gbe ahwo-akpọ evaọ akpọ ọkpokpọ na? (Ol. 148:10, 13; Aiz. 65:25; Izik. 34:25)

   2. Orugba abọ-ẹzi vẹ ọrọ eme Aizaya ọ be via nẹnẹ evaọ udevie ahwo Jihova? (Rom 12:2; Ẹf. 4:23, 24)

   3. Ono a re jiri kẹ enwene nọ ọ be roma via evaọ uruemu ahwo enẹna gbe onọ o te roma via evaọ akpọ ọkpokpọ na? (Aiz. 48:17, 18; Gal. 5:22, 23; Fil. 4:7)

2. Se Eviavia 21:3, 4.

   1. Ẹvẹ Ikereakere na i ro dhesẹ nnọ re Ọghẹnẹ ọ jọ kugbe ahwo-akpọ u dhesẹ ẹrria-kugbe evaọ edhere ẹwoho, orọnikọ o re nwrotọ bru ae ze obọ otọakpọ obonẹ hẹ? (Izerẹ 26:11, 12; 2 Irv. 6:18; Aiz. 66:1; Evia. 21:2, 3, 22-24)

   2. Oghẹrẹ irui-oviẹ gbe edada vẹ a ti si no? (Luk 8:49-52; Rom 8:21, 22; Evia. 21:4)

Ikuigbe avọ 72

1. Ono họ ọzae nọ ọ rrọ uwoho na, kọ fikieme ọ rọ rrọ ẹbẹbẹ ologbo?

2. Eme a kere họ ileta nọ Hẹzikaya o fihọ aro Ọghẹnẹ na, kọ eme Hẹzikaya ọ lẹ kpahe?

3. Oghẹrẹ ovie vẹ Hẹzikaya ọ rrọ, kọ didi ovuẹ Jihova ọ rehọ ẹkwoma Aizaya ọruẹaro na vi bru ei?

4. Eme ẹnjẹle Jihova o ru ahwo Asiria, wọhọ epanọ o rrọ uwoho na?

5. Dede nọ udhedhẹ o jọ uvie erua ivẹ na evaọ etoke jọ, eme ọ via nọ Hẹzikaya o whu no?

Enọ efa:

1. Se 2 Ivie 18:1-36.

   1. Ẹvẹ Rabshakẹ, ọtota ọrọ ahwo Asiria, ọ rọ gwọlọ ta ẹrọwọ emọ Izrẹl whrehe? (2 Iv. 18:19, 21; Ọny. 5:2; Ol. 64:3)

   2. Nọ a te bi yeri kugbe otu ọwọsuọ, ẹvẹ Isẹri Jihova a re ro lele oriruo Hẹzikaya? (2 Iv. 18:36; Ol. 39:1; Itẹ 26:4; 2 Tim. 2:24)

2. Se 2 Ivie 19:1-37.

   1. Ẹvẹ ahwo Jihova nẹnẹ a be rọ raro kele Hẹzikaya evaọ oke uye? (2 Iv. 19:1, 2; Itẹ 3:5, 6; Hib. 10:24, 25; Jem. 5:14, 15)

   2. Ekie abasa vẹ Senakerib Ovie na o kie, kọ ono o dikihẹ kẹ evaọ eruẹaruẹ? (2 Iv. 19:32, 35, 37; Evia. 20:2, 3)

3. Se 2 Ivie 21:1-6, 16.

   Fikieme ma sae rọ ta nnọ Manasẹ họ ovie jọ nọ ọ mae geva kpaobọ nọ o su Jerusalẹm? (2 Irv. 33:4-6, 9)

Ikuigbe avọ 73

1. Ẹvẹ Josaya ọ kpako te nọ o zihe ruọ ovie, kọ eme o muhọ eru nọ ọ jọ ovie te ikpe ihrẹ no?

2. Eme whọ ruẹ Josaya nọ o bi ru evaọ uwoho ọsosuọ na?

3. Eme ozerẹ okpehru na ọ ruẹ evaọ okenọ ezae na a jẹ ruẹrẹ etẹmpol na?

4. Fikieme Josaya ọ rọ bẹre iwu riẹ?

5. Didi ovuẹ nọ u no obọ Jihova ze Họlda ọruẹaro-aye na ọ rọ kẹ Josaya?

Enọ efa:

1. Se 2 Iruẹru-Ivie 34:1-28.

   1. Didi oriruo Josaya o fihotọ kẹ ahwo nọ emamọ esẹgbini a yọrọ no emaha ze he? (2 Irv. 33:21-25; 34:1, 2; Ol. 27:10)

   2. Obọdẹ owọ vẹ Josaya ọ jẹ rọ wha egagọ uzẹme haro evaọ ukpe avọ 8, ukpe avọ 12, gbe ukpe avọ 18 orọ esuo riẹ? (2 Irv. 34:3, 8)

   3. Didi oware kpahe ẹruorote eria egagọ mai ma re wuhrẹ no iriruo ọ Josaya Ovie na gbe Hilkaya Ozerẹ Okpehru na ze? (2 Irv. 34:9-13; Itẹ 11:14; 1 Kọr. 10:31)

Ikuigbe avọ 74

1. Ono họ ọmoha nọ ọ rrọ uwoho na?

2. Ẹvẹ Jerimaya o rri oma riẹ nọ a ta kẹe inọ ọ jọ ọruẹaro, kọ eme Jihova ọ ta kẹe?

3. Didi ovuẹ Jerimaya ọ ruabọhọ jẹ vuẹ ahwo na?

4. Ẹvẹ izerẹ na a jẹ rọ daoma whaha Jerimaya, rekọ ẹvẹ o ro dhesẹ nnọ ọ be dhozọ họ?

5. Eme ọ via nọ emọ Izrẹl a rọwo nwene idhere iyoma rai hi?

Enọ efa:

1. Se Jerimaya 1:1-8.

   1. Wọhọ epanọ oriruo Jerimaya o dhesẹ, eme o re ru ohwo te kẹ iruo Jihova? (2 Kọr. 3:5, 6)

   2. Didi uduotahawọ oriruo Jerimaya ọ kẹ izoge Ileleikristi nẹnẹ? (Ọtausi. 12:1; 1 Tim. 4:12)

2. Se Jerimaya 10:1-5.

   Didi ọtadhesẹ nọ o wo ẹgba ziezi Jerimaya o ro dhesẹ ugheghẹ nọ o rrọ eva nọ a re fihọ edhọ? (Jeri. 10:5; Aiz. 46:7; Hab. 2:19)

3. Se Jerimaya 26:1-16.

   1. Nọ a bi whowho ovuẹ unuovẹvẹ na nẹnẹ, ẹvẹ okiọkotọ nọ a wholo na a be rọ kareghẹhọ ujaje Jihova kẹ Jerimaya inọ ọ siọ “ẹme ọvo ba ha”? (Jeri. 26:2; Izie. 4:2; Iruẹru 20:27)

   2. Didi emamọ oriruo Jerimaya o fihotọ kẹ Isẹri Jihova nẹnẹ evaọ ewhowho unuovẹvẹ Jihova kẹ erẹwho na? (Jeri. 26:8, 12, 14, 15; 2 Tim. 4:1-5)

4. Se 2 Ivie 24:1-17.

   Oware uyoma vẹ u no rie ze nọ Juda o si ẹrọwọ no Jihova? (2 Iv. 24:2-4, 14)

Ikuigbe avọ 75

1. Amono họ emezae ene nọ e rrọ uwoho na, kọ fikieme a rọ rrọ Babilọn?

2. Didi oware Nebukadneza ọ ma fihọ kẹ emezae ene na, kọ didi ujaje ọ kẹ idibo riẹ?

3. Didi ayare Daniẹl o ru kpahe emuore gbe udi rọ kẹ oma riẹ gbe egbẹnyusu esa riẹ?

4. Nọ a re ẹbe te edẹ ikpe no, ẹvẹ Daniẹl avọ egbẹnyusu esa riẹ a jọ nọ a rehọ ae wawo emoha edekọ na?

5. Ẹvẹ Daniẹl avọ egbẹnyusu esa riẹ a rọ ziọ uwou-ovie na, kọ edhere vẹ a ro woma vi izerẹ gbe ezae iwareghẹ Babilọn?

Enọ efa:

1. Se Daniẹl 1:1-21.

   1. Didi omodawọ o gwọlọ nọ ma tẹ gwọlọ whaha edawọ je fi ewhrehe kparobọ? (Dan. 1:8; Emu. 39:7, 10; Gal. 6:9)

   2. Idhere vẹ a sae rọ dawo izoge nẹnẹ hayo gele ai re a duoma họ oware nọ ahwo jọ a rẹ sai se “uvi emu”? (Dan. 1:8; Itẹ 20:1; 2 Kọr. 6:17–7:1)

   3. Eme ikuigbe Ebaibol orọ izoge ene Hibru na i fi obọ họ kẹ omai vuhumu kpahe ewuhrẹ eriariẹ akpọ? (Dan. 1:20; Aiz. 54:13; 1 Kọr. 3:18-20)

Ikuigbe avọ 76

1. Eme ọ be via kẹ Jerusalẹm gbe emọ Izrẹl evaọ uwoho na?

2. Ono họ Izikiẹl, kọ eware iyoma vẹ Jihova o dhesẹ kẹe?

3. Fikinọ emọ Izrẹl a wo adhẹẹ kẹ Jihova ha, eme ọ ta nọ o te via kẹ ae?

4. Eme Nebukadneza Ovie na o ru nọ emọ Izrẹl a veghe uzou kẹe no?

5. Fikieme Jihova ọ rọ kuvẹ re ọraha ologbo nana o te emọ Izrẹl?

6. Ẹvẹ a ro vuọ otọ Izrẹl wa ababọ uvumọ ohwo, kọ ẹvẹ u kri te?

Enọ efa:

1. Se 2 Ivie 25:1-26.

   1. Ono họ Zẹdikaya, eme ọ via kẹe, kọ ẹvẹ onana u ro ru eruẹaruẹ Ebaibol gba? (2 Iv. 25:5-7; Izik. 12:13-15)

   2. Ono Jihova ọ riẹ obọ họ inọ ọye ọ wha ekieno-ẹrọwọ ọrọ emọ Izrẹl ze? (2 Iv. 25:9, 11, 12, 18, 19; 2 Irv. 36:14, 17)

2. Se Izikiẹl 8:1-18.

   Ẹvẹ Kristẹndọm a rọ raro kele ikọ-erue emọ Izrẹl nọ e jẹ gọ ọre no? (Izik. 8:16; Aiz. 5:20, 21; Jọn 3:19-21; 2 Tim. 4:3)

Ikuigbe avọ 77

1. Ujaje vẹ Nebukadneza, ovie Babilọn, ọ kẹ ahwo na?

2. Fikieme egbẹnyusu esa Daniẹl a gbe bi ro ruwẹ kẹ ẹmema oro na ha?

3. Nọ Nebukadneza ọ kẹ emọ Hibru esa na uvẹ ofa re a ruwẹ, ẹvẹ a ro dhesẹ eva nọ a fihọ Jihova?

4. Eme Nebukadneza ọ ta kẹ ahwo riẹ inọ a ru Shedrak, Mishak, gbe Abẹdnigo?

5. Eme Nebukadneza ọ ruẹ nọ o rri errae na?

6. Fikieme ovie na o ro jiri Ọghẹnẹ ọ Shedrak, Mishak, gbe Abẹdnigo, kọ didi oriruo a fihotọ kẹ omai?

Enọ efa:

1. Se Daniẹl 3:1-30.

   1. Oriruo vẹ emoha Hibru esa na a dhesẹ onọ idibo Ọghẹnẹ kpobi a rẹ raro kele nọ a tẹ rẹriẹ ovao ku edawọ ẹgbakiete? (Dan. 3:17, 18; Mat. 10:28; Rom 14:7, 8)

   2. Uwuhrẹ ulogbo vẹ Jihova Ọghẹnẹ o wuhrẹ Nebukadneza? (Dan. 3:28, 29; 4:34, 35)

Ikuigbe avọ 78

1. Eme ọ via okenọ ovie Babilọn o se ehaa ilogbo jẹ rehọ igho gbe ido ero nọ a rehọ no etẹmpol Jihova ze evaọ Jerusalẹm jẹ da udi?

2. Eme Bẹlsheza ọ ta kẹ ahwo iwareghẹ riẹ, rekọ eme a sai ru hu?

3. Eme oni ovie na ọ ta kẹe inọ o ru?

4. Wọhọ epanọ Daniẹl ọ ta kẹ ovie na, fikieme Ọghẹnẹ o ro vi obọ na ze re u kere eme fihọ ugbẹhẹ na?

5. Ẹvẹ Daniẹl ọ fotọ eme nọ e rrọ ugbẹhẹ na?

6. Eme ọ via nọ Daniẹl ọ gbẹ be ta ẹme na?

Enọ efa:

1. Se Daniẹl 5:1-31.

   1. Dhesẹ ohẹriẹ nọ o rrọ udevie ozodhẹ Ọghẹnẹ gbe oghẹrẹ ozọ nọ u mu Bẹlsheza okenọ ọ ruẹ obọ nọ u je kere eme fihọ ugbẹhẹ na. (Dan. 5:6, 7; Ol. 19:9; Rom 8:35-39)

   2. Ẹvẹ Daniẹl o ro dhesẹ aruọwha nọ ọ jẹ ta ẹme kẹ Bẹlsheza gbe ikpahwo riẹ na? (Dan. 5:17, 18, 22, 26-28; Iruẹru 4:29)

   3. Ẹvẹ Daniẹl uzou avọ 5 u ro fi ẹgba họ esuo ehrugbakpọ Jihova? (Dan. 4:17, 25; 5:21)

Ikuigbe avọ 79

1. Ono họ Dariọs, kọ ẹvẹ o rri Daniẹl?

2. Eme ahwo ihrieriọ jọ a gele Dariọs ru?

3. Eme Daniẹl o ru nọ o yo kpahe uzi okpokpọ na?

4. Fikieme Dariọs ọ jẹ rọ rova te epanọ ọ sae rọ wezẹ hẹ, kọ eme o ru okiokiọ riẹ?

5. Didi eme Daniẹl ọ kpahe kẹ Dariọs?

6. Eme ọ via kẹ ikpehre ezae nọ e gwọlọ kpe Daniẹl na, kọ eme Dariọs o kere se ahwo kpobi nọ a rrọ otọ esuo riẹ?

Enọ efa:

1. Se Daniẹl 6:1-28.

   1. Eme ẹgwae oyoma nọ a gba kpahe Daniẹl o kareghẹhọ omai kpahe oware nọ ewegrẹ a ru no re a whaha iruo Isẹri Jihova evaọ oke mai na? (Dan. 6:7; Ol. 94:20; Aiz. 10:1; Rom 8:31)

   2. Ẹvẹ idibo Ọghẹnẹ a sae rọ raro kele Daniẹl evaọ omarokpotọ kẹ “enọ a kẹ udu” na? (Dan. 6:5, 10; Rom 13:1; Iruẹru 5:29)

   3. Ẹvẹ ma sae rọ raro kele oriruo Daniẹl evaọ Jihova nọ ma rẹ gọ “kẹse kẹse”? (Dan. 6:16, 20; Fil. 3:16; Evia. 7:15)

Ikuigbe avọ 80

1. Wọhọ epanọ uwoho na u dhesẹ na, eme emọ Izrẹl a bi ru na?

2. Ẹvẹ Sairọs o ro ru eruẹaruẹ Jihova nọ ọ ta ẹkwoma Aizaya gba?

3. Eme Sairọs ọ ta kẹ emọ Izrẹl nọ e te sai zihe kpohọ Jerusalẹm ho?

4. Eme Sairọs ọ kẹ ahwo na re a wha zihe kpohọ Jerusalẹm?

5. Ẹvẹ o raha emọ Izrẹl oke te re a te ti zihe te Jerusalẹm?

6. Bro ikpe e vrẹ no anwẹnọ a rọ nya se otọ na ba ofofe riẹriẹriẹ ababọ ohwo?

Enọ efa:

1. Se Aizaya 44:28 gbe 45:1-4.

   1. Ẹvẹ Jihova o ro fi ẹgba họ iẹe inọ eruẹaruẹ riẹ kpahe Sairọs i ti rugba hrọ? (Aiz. 55:10, 11; Rom 4:17)

   2. Eme eruẹaruẹ Aizaya kpahe Sairọs i dhesẹ kpahe ẹgba Jihova Ọghẹnẹ nọ ọ rẹ rọ ruẹaro kpahe obaro? (Aiz. 42:9; 45:21; 46:10, 11; 2 Pita 1:20)

2. Se Ẹzra 1:1-11.

   Evaọ elele oriruo enọ e sai zihe kpohọ Jerusalẹm ho na, ẹvẹ ma sae rọ ‘tha abọ’ enọ e sae roma kẹ iruo ọkobaro oke-kpobi nẹnẹ? (Ẹzra 1:4, 6; Rom 12:13; Kọl. 4:12)

Ikuigbe avọ 81

1. Bro ahwo a nya onya ugbothabọ na no Babilọn kpohọ Jerusalẹm, rekọ eme a ruẹ nọ a te obei no?

2. Eme emọ Izrẹl a muhọ ẹbọ nọ a te obei no, kọ eme ewegrẹ rai a ru?

3. Amono họ Hagai gbe Zekaraya, kọ eme a ta kẹ ahwo na?

4. Fikieme Tat-tenai o ro vi ileta kpobọ Babilọn, kọ didi uyo u te rie obọ?

5. Eme Ẹzra o ru nọ o yo kpahe ẹgwọlọ nọ a rẹ rọ ruẹrẹ etẹmpol Ọghẹnẹ?

6. Eme Ẹzra ọ be lẹ kẹ evaọ uwoho na, ẹvẹ a rọ kuyo olẹ riẹ, kọ eme onana u wuhrẹ omai?

Enọ efa:

1. Se Ẹzra 3:1-13.

   Ma tẹ ruẹ oma mai evaọ ẹkwotọ nọ uvumọ ukoko ahwo Ọghẹnẹ o rrọ họ, eme ma rẹ ruabọhọ eruo? (Ẹzra 3:3, 6; Iruẹru 17:16, 17; Hib. 13:15)

2. Se Ẹzra 4:1-7.

   Didi oriruo Zerubabẹl o fihotọ kẹ ahwo Jihova kpahe ọgwakugbe egagọ sa-sa? (Ọny. 34:12; 1 Kọr. 15:33; 2 Kọr. 6:14-17)

3. Se Ẹzra 5:1-5, 17 gbe 6:1-22.

   1. Fikieme ewegrẹ na a gbẹ sae rọ whaha iruo ebabọ etẹmpol na ha? (Ẹzra 5:5; Aiz. 54:17)

   2. Ẹvẹ owojẹ ekpako ahwo Ju na o rọ ta udu họ ekpako Ileleikristi awọ re a gwọlọ ọkpọvio Jihova nọ a tẹ rẹriẹ ovao ku otu ọwọsuọ? (Ẹzra 6:14; Ol. 32:8; Rom 8:31; Jem. 1:5)

4. Se Ẹzra 8:21-23, 28-36.

   Taure ma tẹ te jẹ oghẹrẹ owọ jọ kpobi, oriruo Ẹzra vẹ u fo nọ ma rẹ raro kele? (Ẹzra 8:23; Ol. 127:1; Itẹ 10:22; Jem. 4:13-15)

Ikuigbe avọ 82

1. Amono họ Mọdekae avọ Ẹsta?

2. Fikieme Ahasuerọs Ovie na ọ rọ gwọlọ aye ọkpokpọ, kọ ono ọ salọ?

3. Ono họ Heman, kọ eme ọ lẹliẹ eva dhae gaga?

4. Didi uzi a fihọ, kọ eme Ẹsta o ru nọ uwou nọ Mọdekae o vi sei u tei obọ?

5. Eme ọ via kẹ Heman, kọ eme ọ via kẹ Mọdekae?

6. Ẹvẹ a ro siwi emọ Izrẹl no obọ ewegrẹ rai?

Enọ efa:

1. Se Ẹsta 2:12-18.

   Ẹvẹ Ẹsta o ro dhesẹ epanọ u wuzou te re a wo “omaurokpotọ avọ ẹzi udhedhẹ”? (Ẹsta 2:15; 1 Pita 3:1-5)

2. Se Ẹsta 4:1-17.

   Wọhọ epanọ a kẹ Ẹsta uvẹ re o ru oware jọ rọ wha egagọ uzẹme haro na, didi uvẹ a kẹ omai nẹnẹ re ma ro dhesẹ omarọkẹ gbe omarokpotọ mai kẹ Jihova? (Ẹsta 4:13, 14; Mat. 5:14-16; 24:14)

3. Se Ẹsta 7:1-6.

   Ẹvẹ ahwo Ọghẹnẹ buobu nẹnẹ a ro fi uzuazọ rai họ ọza fiki ukpokpoma no, wọhọ epanọ Ẹsta o ru na? (Ẹsta 7:4; Mat. 10:16-22; 1 Pita 2:12)

Ikuigbe avọ 83

1. Ẹvẹ o jọ emọ Izrẹl oma nọ igbẹhẹ e wariẹ okpẹwho rai Jerusalẹm họ họ?

2. Ono họ Nehemaya?

3. Didi iruo Nehemaya o je ru, kọ fikieme u je wuzou?

4. Usi vẹ o wha ọkora se Nehemaya, kọ eme o ru?

5. Ẹvẹ Atagzagzis Ovie na o ro dhesẹ ẹwo kẹ Nehemaya?

6. Ẹvẹ Nehemaya ọ ruẹrẹ iruo ebabọ na họ re ewegrẹ emọ Izrẹl a gbẹ sae whaha iruo na ha?

Enọ efa:

1. Se Nehemaya 1:4-6 gbe 2:1-20.

   Ẹvẹ Nehemaya ọ rọ gwọlọ ọkpọvio Jihova? (Neh. 2:4, 5; Rom 12:12; 1 Pita 4:7)

2. Se Nehemaya 3:3-5.

   Eme ekpako gbe idibo iruiruo a re wuhrẹ no ohẹriẹ nọ o jọ udevie ahwo Tẹkoa avọ “ikpahwo rai” ze? (Neh. 3:5, 27; 2 Tẹs. 3:7-10; 1 Pita 5:5)

3. Se Nehemaya 4:1-23.

   1. Eme ọ wọ emọ Izrẹl ruabọhọ ebabọ ghelọ ọkparesuọ ọgaga? (Neh. 4:6, 8, 9; Ol. 50:15; Aiz. 65:13, 14)

   2. Evaọ edhere vẹ oriruo emọ Izrẹl o rọ rrọ uduotahawọ kẹ omai nẹnẹ?

4. Se Nehemaya 6:15.

   Eme igbẹhẹ Jerusalẹm nọ a bọ re evaọ emerae ivẹ u dhesẹ kpahe ẹgba nọ ẹrọwọ o wo? (Ol. 56:3, 4; Mat. 17:20; 19:26)

Ikuigbe avọ 84

1. Ono họ aye nọ ọ rrọ uwoho na?

2. Eme Gabriẹl ọ ta kẹ Meri?

3. Ẹvẹ Gabriẹl ọ ta kẹ Meri inọ o ti ro yẹ ọmọ dede nọ ọ re rria kugbe ọzae he?

4. Eme ọ via okenọ Meri o weze bru Ẹlizabẹt omoni riẹ?

5. Eme Josẹf o roro okenọ ọ riẹ nnọ Meri o dihọ no, rekọ fikieme o ro nwene iroro riẹ?

Enọ efa:

1. Se Luk 1:26-56.

   1. Eme Luk 1:35 u dhesẹ kpahe sebaẹgba Adamu kpobi evaọ edhede Meri okenọ a kpeze uzuazọ Ọmọ Ọghẹnẹ no akpọ izi na ze? (Hag. 2:11-13; Jọn 6:69; Hib. 7:26; 10:5)

   2. Ẹvẹ a rọ kẹ Jesu orro taure a te ti yẹi? (Luk 1:41-43)

   3. Didi emamọ oriruo Meri o fihọ kẹ Ileleikristi nẹnẹ enọ a kẹ obọdẹ ọkwa-iruo? (Luk 1:38, 46-49; 17:10; Itẹ 11:2)

2. Se Matiu 1:18-25.

   Dede nọ a jẹ rehọ odẹ na Imanuẹl se Jesu hu, ẹvẹ iruo nọ o ru wọhọ ohwo-akpọ i ro ru otofa odẹ na gba? (Mat. 1:22, 23; Jọn 14:8-10; Hib. 1:1-3)

Ikuigbe avọ 85

1. Ono họ ọmọfofa nọ ọ rrọ uwoho na, kọ diẹse Meri ọ be wọe fihọ na?

2. Fikieme a ro yẹ Jesu evaọ uwou-erao?

3. Evaọ uwoho na, amono họ ezae nọ e be ruọ uwou-erao na, kọ eme ẹnjẹle jọ ọ ta kẹ ae no?

4. Fikieme Jesu ọ rọ rrọ obọdẹ ọmọ?

5. Fikieme a jẹ sai se Jesu Ọmọ Ọghẹnẹ?

Enọ efa:

1. Se Luk 2:1-20.

   1. Didi abọ Siza Ọgọstọs o wo evaọ orugba eruẹaruẹ nọ i kie kpahe eyẹ Jesu? (Luk 2:1-4; Mae. 5:2)

   2. Ẹvẹ ohwo ọ sae rọ jọ usu enọ a re se “ahwo nọ a were” Ọghẹnẹ? (Luk 2:14; Mat. 16:24; Jọn 17:3; Iruẹru 3:19; Hib. 11:6)

   3. Otẹrọnọ ithuru-igodẹ omarokpotọ ahwo Juda yena a wo ẹjiroro nọ a rẹ rọ ghọghọ fiki eyẹ Osiwi, ẹjiroro vẹ ọ rro viere nọ idibo Ọghẹnẹ a rẹ rọ ghọghọ nẹnẹ? (Luk 2:10, 11; Ẹf. 3:8, 9; Evia. 11:15; 14:6)

Ikuigbe avọ 86

1. Amono họ ezae nọ e rrọ uwoho na, kọ fikieme omọvo rai jọ ọ be rọ riẹ obọ họ esi ọnwranwra jọ?

2. Fikieme eva e rọ dha Herọd Ovie na gaga, kọ eme o ru?

3. Diẹse esi ọnwranwra na o su ezae na kpohọ, kọ fikieme a rọ rehọ edhere ọfa zihe kpohọ ẹwho rai?

4. Didi ujaje Herọd ọ kẹ, kọ fikieme?

5. Eme Jihova ọ ta kẹ Josẹf nọ o ru?

6. Ono o ru esi ọkpokpọ na lo, kọ fikieme?

Onọ ofa:

1. Se Matiu 2:1-23.

   Ẹvẹ Jesu ọ kpako te evaọ oke oyena, kọ diẹse ọ jẹ rria okenọ ebuẹva-isi na a bru ei ze? (Mat. 2:1, 11, 16)

Ikuigbe avọ 87

1. Evaọ uwoho na, ẹvẹ Jesu ọ kpako te no, kọ diẹse ọ rrọ na?

2. Eme Josẹf avọ uviuwou riẹ a re ru kukpe kukpe?

3. Nọ a nya okpẹdoke soso no evaọ ukpo rai, fikieme Josẹf avọ Meri a ro zihe kpohọ Jerusalẹm?

4. Diẹse Josẹf avọ Meri a jọ ruẹ Jesu, kọ fikieme akpọ o bi ro gbe ahwo nọ a rrọ etẹe unu?

5. Eme Jesu ọ ta kẹ oni riẹ, Meri?

6. Ẹvẹ ma sae rọ jọ wọhọ Jesu evaọ ewuhrẹ kpahe Ọghẹnẹ?

Enọ efa:

1. Se Luk 2:41-52.

   1. Dede nọ Uzi na o gwọlọ nọ ezae ọvo a re kpohọ ehaa ẹgbukpe na, didi emamọ oriruo Josẹf avọ Meri a fihotọ kẹ esẹgbini nẹnẹ? (Luk 2:41; Izie. 16:16; 31:12; Itẹ 22:6)

   2. Ẹvẹ Jesu o ro fi emamọ oriruo hotọ kẹ emoha nẹnẹ re a roma kpotọ kẹ esẹgbini rai? (Luk 2:51; Izie. 5:16; Itẹ 23:22; Kọl. 3:20)

2. Se Matiu 13:53-56.

   Inievo emezae ene Jesu vẹ a jọ Ebaibol na fodẹ, kọ ẹvẹ a rọ rehọ ivẹ rai jọ ru iruo uwhremu na evaọ ukoko Ileleikristi na? (Mat. 13:55; Iruẹru 12:17; 15:6, 13; 21:18; Gal. 1:19; Jem. 1:1; Jud 1)

Ikuigbe avọ 88

1. Amono họ ezae ivẹ nọ e rrọ uwoho na?

2. Ẹvẹ a rẹ rọ họ ohwo ame?

3. Amono Jọn ọ rẹ họ-ame vẹre?

4. Fiki ẹjiroro obọdẹ vẹ Jesu ọ rọ yare Jọn inọ ọ họe ame?

5. Ẹvẹ Ọghẹnẹ o ro dhesẹ nọ o were Riẹ eva inọ Jesu ọ họ-ame?

6. Eme ọ via nọ Jesu o kpohọ oria idhere jọ evaọ edẹ 40?

7. Amono jọ a rrọ usu ilele ọsosuọ Jesu, kọ eme họ oware igbunu ọsosuọ nọ o ru?

Enọ efa:

1. Se Matiu 3:13-17.

   Didi oriruo ọrọ ame-ọhọ Jesu o fihotọ kẹ ilele riẹ? (Ol. 40:7, 8; Mat. 28:19, 20; Luk 3:21, 22)

2. Se Matiu 4:1-11.

   Ẹvẹ ona nọ Jesu ọ rọ rehọ Ikereakere na ruiruo o rọ ta udu họ omai awọ inọ u fo re ma wuhrẹ Ebaibol na ẹsikpobi? (Mat. 4:5-7; 2 Pita 3:17, 18; 1 Jọn 4:1)

3. Se Jọn 1:29-51.

   Ono Jọn Ọhọahwo-Ame na ọ kpọ ilele riẹ bru, kọ ẹvẹ ma sae rọ raro kele iei nẹnẹ? (Jọn 1:29, 35, 36; 3:30; Mat. 23:10)

4. Se Jọn 2:1-12.

   Ẹvẹ oware igbunu ọsosuọ nọ Jesu o ru u ro dhesẹ nọ Jihova ọ rẹ rehọ oware uwoma ọvuọvo gbọ idibo Riẹ ogbọ họ? (Jọn 2:9, 10; Ol. 84:11; Jem. 1:17)

Ikuigbe avọ 89

1. Fikieme a be rọ zẹ erao evaọ etẹmpol na?

2. Eme ọ lẹliẹ eva dha Jesu?

3. Wọhọ epanọ whọ be jọ uwoho na ruẹ na, eme Jesu o ru, kọ didi ujaje ọ kẹ ezae nọ e be zẹ irueruẹ na?

4. Nọ ilele Jesu a ruẹ oware nọ o bi ru, eme a kareghẹhọ?

5. Diẹse Jesu ọ nya vrẹ nọ o je zihe kpohọ Galili?

Onọ ofa:

1. Se Jọn 2:13-25.

   Ma te roro kpahe eva nọ e dha Jesu kẹ ahwo nọ a je nwene igho evaọ etẹmpol na, ẹvẹ ma re rri ekiọthuọ evaọ Ọgwa Uvie? (Jọn 2:15, 16; 1 Kọr. 10:24, 31-33)

Ikuigbe avọ 90

1. Fikieme Jesu ọ rọ daji ozae jọ evaọ Sameria, kọ eme ọ be jọ etẹe ta kẹ aye na?

2. Fikieme akpọ o ro gbe aye na unu, eme Jesu ọ ta kẹe, kọ fikieme?

3. Didi oghẹrẹ ame aye na o roro nọ Jesu ọ be ta kpahe, rekọ didi ame Jesu ọ jẹ ghinẹ ta ẹme kpahe?

4. Fikieme akpọ o ro gbe aye na unu fiki eware nọ Jesu ọ riẹ kpahe iẹe, kọ ẹvẹ Jesu ọ rọ riẹ eware nana?

5. Eme ma rẹ sai wuhrẹ no ikuigbe ọrọ aye nọ ọ jọ ozae na ze?

Enọ efa:

1. Se Jọn 4:5-43.

   1. Evaọ elele oriruo Jesu, didi uruemu ma re dhesẹ kpahe ahwo ovioma ofa hayo enọ uyero-uzuazọ o wo ohẹriẹ no omai? (Jọn 4:9; 1 Kọr. 9:22; 1 Tim. 2:3, 4; Tait. 2:11)

   2. Didi erere abọ-ẹzi o re te ohwo nọ o zihe ruọ olele Jesu? (Jọn 4:14; Aiz. 58:11; 2 Kọr. 4:16)

   3. Ẹvẹ ma sai ro dhesẹ ọkpọ ovuhumuo ọrọ aye Sameria na, ọnọ ọwhọ o mu nyae ta eware nọ o wuhrẹ kẹ amọfa? (Jọn 4:7, 28; Mat. 6:33; Luk 10:40-42)

Ikuigbe avọ 91

1. Evaọ uwoho na, diẹse Jesu o bi jo wuhrẹ na, kọ amono a mae keria kẹle iẹe na?

2. Didi odẹ ikọ 12 na?

3. Eme họ Uvie nọ Jesu o bi wuhrẹ kpahe na?

4. Eme Jesu o wuhrẹ ahwo na nọ a lẹ kẹ?

5. Eme Jesu ọ ta kpahe epanọ ahwo a re yeri kugbe ohwohwo?

Enọ efa:

1. Se Matiu 5:1-12.

   Idhere vẹ ma sai ro dhesẹ nọ ma wo ọdawẹ kpahe ẹgwọlọ abọ-ẹzi mai? (Mat. 5:3; Rom 10:13-15; 1 Tim. 4:13, 15, 16)

2. Se Matiu 5:21-26.

   Ẹvẹ Matiu 5:23, 24 u ro fi ẹgba họ nnọ usu mai kugbe inievo mai u re kpomahọ usu mai kugbe Jihova? (Mat. 6:14, 15; Ol. 133:1; Kọl. 3:13; 1 Jọn 4:20)

3. Se Matiu 6:1-8.

   Didi idhere jọ nọ ahwo a re ro dhesẹ oma via kẹ amọfa inọ a kiẹrẹe u fo nọ Ileleikristi a rẹ whaha? (Luk 18:11, 12; 1 Kọr. 4:6, 7; 2 Kọr. 9:7)

4. Se Matiu 6:25-34.

   Eme Jesu o wuhrẹ kpahe epanọ u ro wuzou re ma fi eva họ Jihova rọkẹ ẹgwọlọ iwo mai? (Ọny. 16:4; Ol. 37:25; Fil. 4:6)

5. Se Matiu 7:1-11.

   Eme ọtadhesẹ ovevẹ nọ ọ rrọ Matiu 7:5 o wuhrẹ omai? (Itẹ 26:12; Rom 2:1; 14:10; Jem. 4:11, 12)

Ikuigbe avọ 92

1. Ono họ ọsẹ ọmọtẹ nọ ọ rrọ uwoho na, kọ fikieme ọsẹ na avọ aye riẹ a be rọ ruawa gaga?

2. Eme Jairọs o ru nọ ọ ruẹ Jesu?

3. Eme ọ via nọ Jesu o je kpohọ uwou Jairọs, didi ovuẹ u te Jairọs obọ evaọ edhere?

4. Fikieme ahwo nọ a jọ uwou Jairọs a jẹ rọ hwẹ Jesu?

5. Nọ ọ rehọ ilele esa gbe ọsẹgboni ọmọtẹ na ruọ ukpẹ ọmọtẹ na no, eme Jesu o ru?

6. Ono ọfa Jesu ọ kpare no uwhu ze, kọ eme onana u dhesẹ?

Enọ efa:

1. Se Luk 8:40-56.

   How did Jesus show compassion gbe reasonableness to the woman with the flow of blood, gbe what can Christian elders today learn from this? (Luke 8:43, 44, 47, 48; Lev. 15:25-27; Matt. 9:12, 13; Col. 3:12-14)

2. Se Luke 7:11-17.

   Ẹvẹ Jesu o ro dhesẹ ohrọ gbe ororokẹ rọkẹ aye nọ o je hwẹ azẹ na, kọ eme ekpako Ileleikristi nẹnẹ a rẹ sai wuhrẹ no onana ze? (Luk 8:43, 44, 47, 48; Izerẹ 15:25-27; Mat. 9:12, 13; Kọl. 3:12-14)

3. Se Jọn 11:17-44.

   Fikieme ahwo nọ iyoyou rai i whu a sae rọ ruẹ omosasọ ulogbo evaọ eme nọ Jesu ọ ta kẹ aye-uku obọ Nein na? (Luk 7:13; 2 Kọr. 1:3, 4; Hib. 4:15)

Ikuigbe avọ 93

1. Oware uyoma vẹ o via kẹ Jọn Ọhọahwo-Ame na, kọ ẹvẹ o jọ Jesu oma?

2. Ẹvẹ Jesu ọ rọ ko ogbotu nọ i lele i rie, kọ ẹvẹ emu nọ o kiọkọ o bu te?

3. Fikieme ozọ u ro mu ilele na evaọ aso, kọ eme ọ via kẹ Pita?

4. Ẹvẹ Jesu ọ rọ ko idu ahwo evaọ orọ avọ isiava?

5. Fikieme u ti ro woma gaga nọ Jesu o te mu otọakpọ na họ esuo no wọhọ Ovie nọ Ọghẹnẹ o ro mu?

Enọ efa:

1. Se Matiu 14:1-32.

   1. Eme ikuigbe nọ e rrọ Matiu 14:23-32 i dhesẹ kẹ omai kpahe uruemu ọ Pita?

   2. Ẹvẹ okerefihotọ Ikereakere na o ro dhesẹ nọ Pita ọ ghinẹ kpako evaọ iroro uwhremu na je fi uruemu okpakpa riẹ na kparobọ? (Mat. 14:27-30; Jọn 18:10; 21:7; Iruẹru 2:14, 37-40; 1 Pita 5:6, 10)

2. Se Matiu 15:29-38.

   Ẹvẹ Jesu o ro dhesẹ adhẹẹ kẹ ekwakwa iwo nọ i no obọ Ọsẹ riẹ ze? (Mat. 15:37; Jọn 6:12; Kọl. 3:15)

3. Se Jọn 6:1-21.

   Ẹvẹ Ileleikristi nẹnẹ a sai ro lele oriruo Jesu kpahe egọmeti? (Jọn 6:15; Mat. 22:21; Rom 12:2; 13:1-4)

Ikuigbe avọ 94

1. Didi avro ikọ na a jẹ vro okenọ a je no erẹ othabọ jọ ze?

2. Fikieme Jesu o ro se ọmaha jọ jẹ rehọ iẹe dikihẹ udevie ikọ na?

3. Edhere vẹ ikọ na a re ro wuhrẹ re a jọ wọhọ emaha?

4. Umutho emerae jọ nọ i lele i rie, ẹvẹ Jesu o ro dhesẹ nọ o you emaha na?

Enọ efa:

1. Se Matiu 18:1-4.

   Fikieme Jesu ọ jẹ rọ rehọ etadhesẹ wuhrẹ? (Mat. 13:34, 36; Mak 4:33, 34)

2. Se Matiu 19:13-15.

   Uruemu emaha na vẹ ma rẹ raro kele otẹrọnọ ma re wo eghale Uvie na? (Ol. 25:9; 138:6; 1 Kọr. 14:20)

3. Se Mak 9:33-37.

   Eme Jesu o wuhrẹ ilele riẹ kpahe ọkwa okpehru nọ a rẹ gwọlọ? (Mak 9:35; Mat. 20:25, 26; Gal. 6:3; Fil. 2:5-8)

4. Se Mak 10:13-16.

   Ẹvẹ Jesu ọ whẹtiẹ ahwo họ oma te, kọ eme ekpako Ileleikristi a re wuhrẹ no oriruo riẹ ze? (Mak. 6:30-34; Fil. 2:1-4; 1 Tim. 4:12)

Ikuigbe avọ 95

1. Didi onọ ọzae jọ ọ nọ Jesu, kọ fikieme?

2. Didi eware Jesu o je ro wuhrẹ ẹsejọ, kọ eme ma wuhrẹ kpahe ahwo Ju gbe Sameria no vẹre?

3. Evaọ iku nọ Jesu o gbe na, eme ọ via kẹ ohwo Ju nọ o je kperẹ evaọ edhere Jeriko?

4. Eme ọ via nọ ozerẹ ahwo Ju gbe ohwo Livai a nya edhere na vrẹ?

5. Evaọ uwoho na ono o bi fi obọ họ kẹ ohwo Ju nọ a nwa oma na?

6. Nọ Jesu o kuọ iku na họ no, onọ vẹ ọ nọ, kọ ẹvẹ ọzae na ọ kuyo?

Enọ efa:

1. Se Luk 10:25-37.

   1. Ukpenọ ọ kuyo na ovavo, ẹvẹ Jesu o ro fi obọ họ kẹ ọriẹ-izi jọ re o roro kpahe ẹme na? (Luk 10:26; Mat. 16:13-16)

   2. Ẹvẹ Jesu ọ rọ rehọ etadhesẹ fi iroro omagbẹre ọrọ ahwo nọ i bi yo eme riẹ kparobọ? (Luk 10:36, 37; 18:9-14; Tait. 1:9)

Ikuigbe avọ 96

1. Eme Jesu o ru nọ ọ jẹ nya ẹkwotọ na wariẹ?

2. Oware wọhọ ikpe esa nọ Jesu ọ họ-ame no, eme ọ ta kẹ ikọ riẹ?

3. Amono a rrọ uwoho na, kọ eme Jesu o ru kẹ aye na?

4. Fikieme uyo nọ Jesu ọ kpahe kẹ isu egagọ na u ro ru oma vo ai?

5. Nọ Jesu avọ ikọ riẹ a kẹle Jeriko no, eme Jesu o ru kẹ eyareware ivẹ nọ i tuaro?

6. Fikieme Jesu o ro ru eware igbunu?

Enọ efa:

1. Se Matiu 15:30, 31.

   Eware igbunu vẹ Jesu ọ rehọ ogaga Jihova ru, kọ ẹvẹ u re kpomahọ otoriẹ mai orọ oware nọ Jihova ọ yeyaa riẹ kpahe akpọ ọkpokpọ na? (Ol. 37:29; Aiz. 33:24)

2. Se Luk 13:10-17.

   Ma te roro kpahe uzẹme na inọ Jesu o ru eware igbunu ilogbo buobu evaọ Ẹdijala, eme onana u dhesẹ kpahe oghẹrẹ omofọwẹ nọ ọ te wha se ahwo-akpọ evaọ etoke Esuo Odu-Ikpe riẹ na? (Luk 13:10-13; Ol. 46:9; Mat. 12:8; Kọl. 2:16, 17; Evia. 21:1-4)

3. Se Matiu 20:29-34.

   Ẹvẹ ikuigbe nana i ro dhesẹ nọ iruo i bu Jesu abọ hrọ te epanọ o gbe ro fi obọ họ kẹ ahwo ho, kọ eme ma rẹ sai wuhrẹ no onana ze? (Izie. 15:7; Jem. 2:15, 16; 1 Jọn 3:17)

Ikuigbe avọ 97

1. Nọ Jesu o te iwhre esese jọ nọ e kẹle Jerusalẹm, eme ọ ta kẹ ilele riẹ inọ a ru?

2. Evaọ uwoho na, eme ọ via nọ Jesu ọ kẹle okpẹwho Jerusalẹm no?

3. Eme emaha na a ru nọ a ruẹ Jesu nọ o bi siwi ahwo nọ a tuaro gbe enọ e ko?

4. Eme Jesu ọ ta kẹ izerẹ nọ eva e jẹ dha na?

5. Ẹvẹ ma sae rọ jọ wọhọ emaha nọ i jiri Jesu na?

6. Eme ilele na a gwọlọ riẹ?

Enọ efa:

1. Se Matiu 21:1-17.

   1. Ẹvẹ oghẹrẹ nọ Jesu ọ rọ rueva Jerusalẹm wọhọ Ovie u ro wo ohẹriẹ no orọ iletu-ẹmo nọ e kparobọ evaọ oke ahwo Rom? (Mat. 21:4, 5; Zek. 9:9; Fil. 2:5-8; Kọl. 2:15)

   2. Didi oware emaha a rẹ sai wuhrẹ mi emezae Izrẹl nọ e rehọ eme no Olezi 118 ro jiri Jesu okenọ ọ ruọ etẹmpol na? (Mat. 21:9, 15; Ol. 118:25, 26; 2 Tim. 3:15; 2 Pita 3:18)

2. Se Jọn 12:12-16.

   Eme eya-iriẹ nọ ahwo nọ a je jiri Jesu a kru na i dikihẹ kẹ? (Jọn 12:13; Fil. 2:10; Evia. 7:9, 10)

Ikuigbe avọ 98

1. Evaọ uwoho na, ọzae vẹ họ Jesu, kọ amono a rrọ kugbei na?

2. Eme izerẹ na a gwọlọ ru Jesu evaọ etẹmpol na, kọ eme ọ ta kẹ ae?

3. Eme ikọ na a nọ Jesu?

4. Fikieme Jesu ọ rọ vuẹ ikọ riẹ eware jọ nọ e te via evaọ otọakpọ nọ o te muhọ esu no wọhọ Ovie evaọ obọ odhiwu?

5. Eme Jesu ọ ta nọ ọ te via taure o te ti si emuemu kpobi no otọakpọ?

Enọ efa:

1. Se Matiu 23:1-39.

   1. Dede nọ Ikereakere na i dhesẹ nọ edẹ-ovao nọ a re ro se ahwo nọ a rrọ ọkwa-udu akpọ na e rẹ sai fo, didi oware eme ọ Jesu eva Matiu 23:8-11 i dhesẹ kpahe eroruiruo edẹ-ovao omorro evaọ ukoko Ileleikristi na? (Iruẹru 26:25; Rom 13:7; 1 Pita 2:13, 14)

   2. Eme otu Farisi na a ro ru iruo re a daoma whaha ahwo ẹjọ Ileleikristi, kọ ẹvẹ isu egagọ a be rọ rehọ edhere ọvona ru iruo nẹnẹ? (Mat. 23:13; Luk 11:52; Jọn 9:22; 12:42; 1 Tẹs. 2:16)

2. Se Matiu 24:1-14.

   1. Ẹvẹ a ro fi ẹgba họ epanọ ithihakọ i wuzou te eva Matiu 24:13?

   2. Eme họ otofa ẹme na “urere” eva Matiu 24:13? (Mat. 16:27; Rom 14:10-12; 2 Kọr. 5:10)

3. Se Mak 13:3-10.

   Ẹme vẹ eva Mak 13:10 o dhesẹ epanọ usiuwoma ota na o kpata te, kọ ẹvẹ eme ọ Jesu na i re kpomahọ omai? (Rom 13:11, 12; 1 Kọr. 7:29-31; 2 Tim. 4:2)

Ikuigbe avọ 99

1. Wọhọ epanọ o rrọ uwoho na, fikieme Jesu avọ ikọ 12 riẹ a rọ rrọ uwou egediege?

2. Ono họ ọzae nọ ọ be ruọ otafe na, kọ eme ọ be nyai ru?

3. Emu obọdẹ vẹ Jesu o muhọ nọ a re emu Ọnyavrẹ na no?

4. Oware vẹ Ọnyavrẹ na ọ kareghẹhọ emọ Izrẹl, kọ eme emu obọdẹ nana ọ rẹ kareghẹhọ ilele Jesu?

5. Nọ Emu Owọwọ Olori na ọ vrẹ no, eme Jesu ọ ta kẹ ilele riẹ, kọ eme a ru?

Enọ efa:

1. Se Matiu 26:14-30.

   1. Ẹvẹ Matiu 26:15 u ro dhesẹ nọ Judas o keke aro fihọ vivi Jesu?

   2. Ẹko ẹjiroro ivẹ vẹ azẹ Jesu nọ o hwẹ na o ru gba? (Mat. 26:27, 28; Jeri. 31:31-33; Ẹf. 1:7; Hib. 9:19, 20)

2. Se Luk 22:1-39.

   Edhere vẹ Setan ọ rọ rueva Judas? (Luk 22:3; Jọn 13:2; Iruẹru 1:24, 25)

3. Se Jọn 13:1-20.

   1. Ma te roro kpahe ikuigbe nọ e rrọ Jọn 13:2, kọ a sae fo Judas kẹ oware nọ o ru na, kọ didi oware idibo Ọghẹnẹ a rẹ sae jọ onana wuhrẹ? (Emu. 4:7; 2 Kọr. 2:11; Gal. 6:1; Jem. 1:13, 14)

   2. Obọdẹ uwuhrẹ vẹ Jesu ọ kẹ? (Jọn 13:15; Mat. 23:11; 1 Pita 2:21)

4. Se Jọn 17:1-26.

   Eme Jesu o wo họ iroro nọ ọ lẹ nnọ ilele riẹ a “jọ ọvo”? (Jọn 17:11, 21-23; Rom 13:8; 14:19; Kọl. 3:14)

Ikuigbe avọ 100

1. Diẹse Jesu avọ ikọ riẹ a nya nọ a no uwou egediege na no, kọ eme ọ ta kẹ ae nọ a ru?

2. Eme Jesu ọ ruẹ nọ o zihe ziọ oria nọ ikọ riẹ a jọ, kọ bro ẹse onana o via?

3. Amono a ruọ ogege na, kọ eme Judas Iskariọt o ru, wọhọ epanọ uwoho na u dhesẹ?

4. Fikieme Judas ọ jẹ viọlọ Jesu unu, kọ eme Pita o ru?

5. Eme Jesu ọ ta kẹ Pita, rekọ fikieme Jesu ọ gbẹ rọ yare Ọghẹnẹ re o vi uvumọ ijẹle sei hi?

Enọ efa:

1. Se Matiu 26:36-56.

   1. Ẹvẹ edhere nọ Jesu ọ rọ hrẹ ilele riẹ o rọ rrọ emamọ oriruo kẹ ekpako Ileleikristi nẹnẹ? (Mat. 20:25-28; 26:40, 41; Gal. 5:17; Ẹf. 4:29, 31, 32)

   2. Ẹvẹ Jesu o rri ekwakwa nọ e rẹ nwa oma nọ ohwo ọ rẹ rọ họre omọfa? (Mat. 26:52; Luk 6:27, 28; Jọn 18:36)

2. Se Luk 22:39-53.

   Nọ ẹnjẹle jọ ọ roma via kẹ Jesu evaọ ogege Getsemane re ọ bọe ga, kọ onana u dhesẹ nọ ẹrọwọ Jesu ọ jọ deghe deghe? Ru ei vẹ. (Luk 22:41-43; Aiz. 49:8; Mat. 4:10, 11; Hib. 5:7)

3. Se Jọn 18:1-12.

   Ẹvẹ Jesu ọ rọ thọ ilele riẹ no obọ enọ e nyaze ti mu ei, kọ eme ma rẹ sae jọ oriruo nana wuhrẹ? (Jọn 10:11, 12; 18:1, 6-9; Hib. 13:6; Jem. 2:25)

Ikuigbe avọ 101

1. Ono ọ ghinẹ wha uwhu Jesu ze?

2. Eme ikọ na a ru nọ isu egagọ na a mu Jesu?

3. Eme ọ via evaọ uwou Kayafas, ozerẹ okpehru na?

4. Fikieme Pita ọ rọ ruọ otafe jẹ viẹ?

5. Nọ a zihe Jesu bru Pailet no, ubo eme ilori izerẹ na a bo?

6. Eme ọ via kẹ Jesu evaọ uvo Edisoi-Oka, kọ didi eyaa ọ yaa kẹ orumuomu nọ a kare kẹle iẹe?

7. Diẹse Aparadase nọ Jesu ọ ta ẹme kpahe na ọ te jọ?

Enọ efa:

1. Se Matiu 26:57-75.

   Edhere vẹ ahwo okọto ukpehru ahwo Ju na a ro dhesẹ nọ a wo ubiudu uyoma? (Mat. 26:59, 67, 68)

2. Se Matiu 27:1-50.

   Fikieme ma jẹ sae ta nnọ ọkora nọ Judas ọ jọ na u no rie eva ze he? (Mat. 27:3, 4; Mak 3:29; 14:21; 2 Kọr. 7:10, 11)

3. Se Luk 22:54-71.

   Eme ma rẹ sai wuhrẹ evaọ ẹvro nọ Pita ọ vro Jesu evaọ aso nọ a ro vivi ei je mu ei na? (Luk 22:60-62; Mat. 26:31-35; 1 Kọr. 10:12)

4. Se Luk 23:1-49.

   Ẹvẹ Jesu ọ rehọ okienyẹ nọ a kienyẹe na, kọ eme ma rẹ sae jọ onana wuhrẹ? (Luk 23:33, 34; Rom 12:17-19; 1 Pita 2:23)

5. Se Jọn 18:12-40.

   Eme ma rẹ sai wuhrẹ no uzẹme na ze inọ, dede nọ ozodhẹ ohwo o lọhọ Pita oma evaọ ubroke, o dhidhi aro vi je zihe ruọ obọdẹ ukọ? (Jọn 18:25-27; 1 Kọr. 4:2; 1 Pita 3:14, 15; 5:8, 9)

6. Se Jọn 19:1-30.

   1. Didi eriwo owowa kpahe ekwakwa efe Jesu o wo? (Jọn 2:1, 2, 9, 10; 19:23, 24; Mat. 6:31, 32; 8:20)

   2. Ẹvẹ eme urere Jesu evaọ oke uwhu riẹ e rọ rrọ obọdẹ owhowhovia obokparọ inọ ọ kpare esuo ehrugbakpọ Jihova? (Jọn 16:33; 19:30; 2 Pita 3:14; 1 Jọn 5:4)

Ikuigbe avọ 102

1. Ono họ aye nọ ọ rrọ uwoho na, amono họ ezae ivẹ na, kọ diẹse a rrọ na?

2. Fikieme Pailet ọ rọ ta kẹ izerẹ na inọ a vi isoja nyai rroro uki Jesu?

3. Eme ẹnjẹle jọ o ru evaọ ẹdẹ avọ esa nọ Jesu o whu no, rekọ eme izerẹ na a ru?

4. Fikieme akpọ o ro gbe eyae jọ unu nọ a kpohọ uki Jesu?

5. Fikieme Pita avọ Jọn a rọ dhẹ kpohọ uki Jesu, kọ eme a ruẹ?

6. Eme ọ via kẹ ugboma Jesu, rekọ eme o ru ro dhesẹ kẹ ilele na nnọ ọ rrọ uzuazọ?

Enọ efa:

1. Se Matiu 27:62-66 gbe 28:1-15.

   Eva oke ẹkparomatha Jesu, ẹvẹ ilori izerẹ na, otu Farisi na, gbe ekpako na a rọ thọ uzi mukpahe ẹzi ọfuafo na? (Mat. 12:24, 31, 32; 28:11-15)

2. Se Luk 24:1-12.

   Ẹvẹ ikuigbe ọrọ ẹkparomatha Jesu i ro dhesẹ nọ Jihova o rri eyae na wọhọ isisẹri evaifihọ? (Luk 24:4, 9, 10; Mat. 28:1-7)

3. Se Jọn 20:1-12.

   Ẹvẹ Jọn 20:8, 9 u ro fi obọ họ kẹ omai ruẹ ẹgwọlọ nọ ma re ro wo odiri otẹrọnọ orugba eruẹaruẹ Ebaibol jọ u vẹ omai ẹro ziezi hi? (Itẹ 4:18; Mat. 17:22, 23; Luk 24:5-8; Jọn 16:12)

Ikuigbe avọ 103

1. Eme Meri ọ ta kẹ ọzae jọ nọ o riwi fihọ ọruẹrẹ-ọgbọ, rekọ eme o ru rie riẹ inọ ohwo na yọ Jesu?

2. Eme ọ via kẹ ilele ivẹ jọ nọ e jẹ nya kpohọ iwhre ọ Emeọs?

3. Oware igbunu vẹ o via nọ ilele ivẹ na a ta kẹ ikọ na inọ a ruẹ Jesu?

4. Bro ẹse Jesu ọ roma via kẹ ilele riẹ no rite oke yena?

5. Eme Tọmọs ọ ta nọ o yo nnọ ilele na a ruẹ Olori na, rekọ eme ọ via nọ edẹ eree e ruọ emu no?

Enọ efa:

1. Se Jọn 20:11-29.

   Kọ Jesu ọ jẹ ta evaọ Jọn 20:23 nnọ ahwo-akpọ a wo udu nọ a rẹ rọ rehọ izieraha vrẹ? Ru ei vẹ. (Ol. 49:2, 7; Aiz. 55:7; 1 Tim. 2:5, 6; 1 Jọn 2:1, 2)

2. Se Luk 24:13-43.

   Ẹvẹ ma sae rọ ruẹrẹ udu mai họ nọ o rẹ rọ jẹ uzẹme Ebaibol rehọ? (Luk 24:32, 33; Ẹzra 7:10; Mat. 5:3; Iruẹru 16:14; Hib. 5:11-14)

Ikuigbe avọ 104

1. Bro ilele e ruẹ Jesu ẹsiẹvo jọ, kọ eme ọ ta kẹ ae kpahe?

2. Eme họ Uvie Ọghẹnẹ, kọ ẹvẹ uzuazọ o te jọ evaọ otọakpọ nọ Jesu o ti su wọhọ Ovie evaọ ikpe odu?

3. Bro edẹ na nọ Jesu ọ be rọ roma via kẹ ilele riẹ na, rekọ oke eme u te no na?

4. Taure ọ tẹ te nya siọ ilele riẹ ba, eme Jesu ọ ta kẹ ae nọ a ru?

5. Eme ọ be via evaọ uwoho na, kọ ẹvẹ a rọ ko Jesu dhere no aro rai?

Enọ efa:

1. Se 1 Ahwo Kọrint 15:3-8.

   Fikieme Pọl ukọ na ọ sae rọ ta ududu kpahe ẹkparomatha Jesu, kọ didi eware Ileleikristi nẹnẹ a rẹ sae ta kpahe ududu? (1 Kọr. 15:4, 7, 8; Aiz. 2:2, 3; Mat. 24:14; 2 Tim. 3:1-5)

2. Se Iruẹru 1:1-11.

   Ẹvẹ iruo usiuwoma ota na e vaha te, wọhọ epanọ a ruẹaro riẹ evaọ Iruẹru 1:8? (Iruẹru 6:7; 9:31; 11:19-21; Kọl. 1:23)

Ikuigbe avọ 105

1. Wọhọ epanọ uwoho na u dhesẹ na, eme ọ via kẹ ilele Jesu nọ e jẹ hẹrẹ evaọ Jerusalẹm?

2. Eware igbunu vẹ erara nọ i kpohọ Jerusalẹm a ruẹ?

3. Eme Pita ọ ta kẹ ahwo na?

4. Ẹvẹ oma u ru ahwo na nọ a gaviezọ kẹ Pita no, kọ eme ọ ta kẹ ae nọ a ru?

5. Bro ahwo a họ-ame evaọ ẹdẹ Pẹntikọst, 33 C.E. yena?

Enọ efa:

1. Se Iruẹru 2:1-47.

   1. Ẹvẹ eme ọ Pita nọ e rrọ Iruẹru 2:23, 36 i ro dhesẹ nọ uwhu Jesu o jọ uzou orẹwho ahwo Ju na soso? (1 Tẹs. 2:14, 15)

   2. Ẹvẹ Pita o ro fi emamọ oriruo hotọ orọ Ikereakere na nọ a re ro lele ahwo jiroro? (Iruẹru 2:16, 17, 29, 31, 36, 39; Kọl. 4:6)

   3. Ẹvẹ Pita ọ rọ rehọ ọrọ ọsosuọ “isiavẹ uvie odhiwu” nọ Jesu ọ yeyaa nọ ọ te rọ kẹe na ru iruo? (Iruẹru 2:14, 22-24, 37, 38; Mat. 16:19)

Ikuigbe avọ 106

1. Eme ọ via kẹ Pita avọ Jọn uvo ẹdẹjọ nọ a je kpohọ etẹmpol na?

2. Eme Pita ọ ta kẹ ọzae nọ ọ ko na, kọ eme Pita ọ kẹ riẹ nọ o ghare vi ugho?

3. Fikieme eva e rọ dha isu egagọ na, kọ eme a ru Pita avọ Jọn?

4. Eme Pita ọ ta kẹ isu egagọ na, kọ didi unuovẹvẹ a kẹ ikọ na?

5. Fikieme isu egagọ na a be rọ re-ihri, rekọ eme ọ via nọ a fi ikọ na họ uwou-odi orọ avọ isiava?

6. Didi uyo ikọ na a kẹ nọ a rehọ ae ziọ ọgwa Sanhẹdrin na?

Enọ efa:

1. Se Iruẹru 3:1-10.

   Dede nọ a kẹ omai ẹgba nọ ma re ro ru eware igbunu nẹnẹ hẹ, ẹvẹ eme ọ Pita nọ e rrọ Iruẹru 3:6 i bi ro fi obọ họ kẹ omai wo ovuhumuo kẹ aghare ovuẹ Uvie na? (Jọn 17:3; 2 Kọr. 5:18-20; Fil. 3:8)

2. Se Iruẹru 4:1-31.

   Ma tẹ rẹriẹ ovao ku ọwọsuọ evaọ odibọgba na, edhere vẹ ma rẹ rọ raro kele inievo Ileleikristi mai erọ ikpe-udhusoi ọsosuọ? (Iruẹru 4:29, 31; Ẹf. 6:18-20; 1 Tẹs. 2:2)

3. Se Iruẹru 5:17-42.

   Ẹvẹ ahwo jọ nọ a rrọ Isẹri hi, te evaọ oke nọ o vrẹ gbe inẹnẹ, a ro dhesẹ uvi iroro no kpahe iruo usiuwoma ota mai na? (Iruẹru 5:34-39)

Ikuigbe avọ 107

1. Ono họ Stivin, kọ eme Ọghẹnẹ o bi fi obọ họ kẹe ru?

2. Eme Stivin ọ ta nọ o lẹliẹ eva dha isu egagọ na gaga?

3. Nọ ezae na a si Stivin kpohọ otafe okpẹwho na, eme a ru rie?

4. Evaọ uwoho na, ono họ ọmoha nọ o dikihẹ kẹle iwu na?

5. Taure o te ti whu, didi olẹ Stivin ọ lẹ se Jihova?

6. Evaọ aruorokele Stivin, eme ma re ru otẹrọnọ ohwo jọ o ru omai thọ?

Enọ efa:

1. Se Iruẹru 6:8-15.

   Iruemu ẹghẹ vẹ isu egagọ a ro ru iruo no re a daoma whaha iruo usiuwoma ota orọ Isẹri Jihova? (Iruẹru 6:9, 11, 13)

2. Se Iruẹru 7:1-60.

   1. Eme o fi obọ họ kẹ Stivin wo ona evaọ ẹthọ emamọ usi na evaọ iraro Sanhẹdrin na, kọ eme ma rẹ sai wuhrẹ no oriruo riẹ ze? (Iruẹru 7:51-53; Rom 15:4; 2 Tim. 3:14-17; 1 Pita 3:15)

   2. Didi uruemu ma re wo kpahe enọ e be wọso iruo mai? (Iruẹru 7:58-60; Mat. 5:44; Luk 23:33, 34)

Ikuigbe avọ 108

1. Eme Sọl o ru nọ a kpe Stivin no?

2. Nọ Sọl ọ jọ edhere bi kpohọ Damaskọs, oware igbunu vẹ o via?

3. Eme Jesu ọ ta kẹ Sọl inọ o ru?

4. Eme Jesu ọ ta kẹ Ananias, kọ ẹvẹ Sọl ọ sae rọ wariẹ mu ude họ ẹruẹ?

5. Odẹ vẹ a te rọ riẹ Sọl uwhremu na, kọ oghẹrẹ vẹ a rọ rehọ iẹe ro ru iruo?

Enọ efa:

1. Se Iruẹru 8:1-4.

   Ẹvẹ ukpokpoma nọ u te ukoko Ileleikristi nọ a ro mu obọ na u ro fi obọ họ vaha ẹrọwọ Ileleikristi na, kọ ọkpọ oware ovona vẹ o via no evaọ ọgbọna? (Iruẹru 8:4; Aiz. 54:17)

2. Se Iruẹru 9:1-20.

   Ẹko iruo esa vẹ Jesu o dhesẹ nọ o wo họ iroro kẹ Sọl? (Iruẹru 9:15; 13:5; 26:1; 27:24; Rom 11:13)

3. Se Iruẹru 22:6-16.

   Ẹvẹ ma sae rọ jọ wọhọ Ananias, kọ fikieme oyena u je wuzou? (Iruẹru 22:12; 1 Tim. 3:7; 1 Pita 1:14-16; 2:12)

4. Se Iruẹru 26:8-20.

   Ẹvẹ ekurẹriẹ Sọl ruọ egagọ Ileleikristi o jẹ rrọ uduotahawọ kẹ enọ erivẹ-orọo rai e rrọ ukoko ho nẹnẹ? (Iruẹru 26:11; 1 Tim. 1:14-16; 2 Tim. 4:2; 1 Pita 3:1-3)

Ikuigbe avọ 109

1. Ono họ ọzae nọ o kigwẹ evaọ uwoho na?

2. Eme ẹnjẹle jọ ọ ta kẹ Kọniliọs?

3. Eme Ọghẹnẹ o dhesẹ kẹ Pita nọ ọ jọ ehru uwou Saimọn evaọ Jọpa?

4. Fikieme Pita ọ rọ ta kẹ Kọniliọs inọ o kigwẹ kẹe re ọ gọe he?

5. Fikieme akpọ o ro gbe ilele ahwo Ju nọ a jọ kugbe Pita unu?

6. Oware ulogbo vẹ ma rẹ jọ iweze nọ Pita o weze bru Kọniliọs na wuhrẹ?

Enọ efa:

1. Se Iruẹru 10:1-48.

   Didi oware eme ọ Pita nọ e rrọ Iruẹru 10:42 i dhesẹ kpahe iruo ewhowho emamọ usi Uvie na? (Mat. 28:19; Mak 13:10; Iruẹru 1:8)

2. Se Iruẹru 11:1-18.

   Didi uruemu Pita o dhesẹ okenọ ẹjiroro nọ Jihova o wo kpahe ahwo orẹwho Egedhọ u vẹ no, kọ ẹvẹ ma sae rọ raro kele oriruo riẹ? (Iruẹru 11:17, 18; 2 Kọr. 10:5; Ẹf. 5:17)

Ikuigbe avọ 110

1. Ono họ ọmoha nọ ọ rrọ uwoho na, diẹse ọ be rria, kọ didi odẹ oni gbe oniode riẹ?

2. Eme Timoti ọ ta nọ Pọl ọ nọe sọ ọ gwọlọ lele Saelas avọ Pọl nyae ta usiuwoma kẹ ahwo nọ e rrọ ugbothabọ?

3. Diẹse a kaki jo se ilele Jesu nọ Ileleikristi?

4. Nọ Pọl, Saelas, gbe Timoti a no Antiọk no, ikpewho jọ vẹ a kpohọ?

5. Ẹvẹ Timoti o ro fi obọ họ kẹ Pọl, kọ didi enọ emoha a rẹ sae nọ oma rai nẹnẹ?

Enọ efa:

1. Se Iruẹru 9:19-30.

   Ẹvẹ Pọl ukọ na o ro dhesẹ areghẹ okenọ ọ rẹriẹ ovao ku ọwọsuọ kpahe emamọ usi na? (Iruẹru 9:22-25, 29, 30; Mat. 10:16)

2. Se Iruẹru 11:19-26.

   Ẹvẹ ikuigbe nọ e rrọ Iruẹru 11:19-21, 26 na i ro dhesẹ nọ ẹzi Jihova ọ be kpọ jẹ tha iruo usiuwoma ota na?

3. Se Iruẹru 13:13-16, 42-52.

   Ẹvẹ Iruẹru 13:51, 52 u ro dhesẹ nọ ilele na e kuvẹ kẹ ọwọsuọ re o lẹliẹ udu no ai awọ họ? (Mat. 10:14; Iruẹru 18:6; 1 Pita 4:14)

4. Se Iruẹru 14:1-6, 19-28.

   Ẹvẹ ẹme na “a je mu ai họ obọ Ọnowo na” o re ro fi obọ họ whaha awaọruọ nọ o fo ho nọ ma bi fi obọ họ kẹ ahwo ọkpokpọ na? (Iruẹru 14:21-23; 20:32; Jọn 6:44)

5. Se Iruẹru 16:1-5.

   Ẹvẹ unevaze Timoti re a yawo iẹe u ro fi ẹgba họ epanọ u wuzou te re a ru ‘eware kpobi fiki usiuwoma na’? (Iruẹru 16:3; 1 Kọr. 9:23; 1 Tẹs. 2:8)

6. Se Iruẹru 18:1-11, 18-22.

   Eme Iruẹru 18:9, 10 u dhesẹ kpahe obọ nọ Jesu o wo evaọ ẹkpọ iruo usiuwoma ota na, kọ didi udufihọ oyena o kẹ omai nẹnẹ? (Mat. 28:20

Ikuigbe avọ 111

1. Evaọ uwoho na, ono họ ọmọzae nọ ọ rrọ otọ na, kọ eme ọ via kẹe?

2. Eme Pọl o ru nọ ọ ruẹ nnọ ọmọzae na o whu no?

3. Diẹse Pọl, Timoti, gbe enọ e rrọ kugbe ai na a bi kpohọ, kọ eme ọ via nọ a daji Militọs?

4. Didi unuovẹvẹ Agabọs ọruẹaro na ọ kẹ Pọl, kọ ẹvẹ o rọ nwane via wọhọ epanọ ọruẹaro na ọ ta na?

Enọ efa:

1. Se Iruẹru 20:7-38.

   1. Ẹvẹ ‘azẹ ahwo kpobi ọ sai ro no omai uzou’ wọhọ epanọ Pọl ọ ta eva Iruẹru 20:26, 27 na? (Izik. 33:8; Iruẹru 18:6, 7)

   2. Fikieme ekpako a jẹ “yọrọ uzẹme ẹme” na nọ a te bi wuhrẹ? (Iruẹru 20:17, 29, 30; Tait. 1:7-9; 2 Tim. 1:13)

2. Se Iruẹru 26:24-32.

   Ẹvẹ Pọl ọ rọ rehọ udu-ọmotọ Rom nọ ọ rrọ rọ wha usiuwoma ota nọ Jesu o muhọ iẹe obọ na haro? (Iruẹru 9:15; 16:37, 38; 25:11, 12; 26:32; Luk 21:12, 13)

Ikuigbe avọ 112

1. Eme ọ via kẹ okọ nọ Pọl ọ jọ nọ a bi kẹle ukoliko Kriti no?

2. Eme Pọl ọ ta kẹ enọ e jọ okọ na?

3. Ẹvẹ okọ na o rọ bẹre ehehẹhẹ?

4. Eme oletu nọ o wuzou okọ na ọ ta kẹ ahwo na nọ a ru, kọ bro ahwo a te okpa gbẹsinẹdẹ?

5. Didi odẹ ukoliko nọ a ya kpahe, kọ eme ọ via kẹ Pọl nọ ehru na ọ ghariẹ no?

Enọ efa:

1. Se Iruẹru 27:1-44.

   Ẹvẹ udu nọ ma fihọ ẹgbagba okerefihotọ Ebaibol na o rẹ rọ ga viere nọ ma te se ikuigbe ọrọ erẹ-okọ Pọl kpohọ Rom? (Iruẹru 27:16-19, 27-32; Luk 1:3; 2 Tim. 3:16, 17)

2. Se Iruẹru 28:1-14.

   Otẹrọnọ ahwo egedhọ erọ Malita a ‘re ohrọ Pọl ukọ na avọ egbẹnya riẹ thesiwa nọ okọ u zue na,’ eme oma o rẹ wọ Ileleikristi dhesẹ, maero kọ evaọ edhere vẹ? (Iruẹru 28:1, 2; Hib. 13:1, 2; 1 Pita 4:9)

Ikuigbe avọ 113

1. Ono Pọl ọ ta usiuwoma kẹ okenọ ọ jọ uwou-odi evaọ Rom?

2. Evaọ uwoho na, ono họ ọrara nọ ọ rrọ emẹjẹ bi kere na, kọ eme o bi ru kẹ Pọl?

3. Ono ho Epafroditọs, kọ eme ọ wha lele oma nọ o je zihe kpohọ Filipai?

4. Fikieme Pọl o ro kere ileta se ogbẹnyusu ọkpekpe riẹ Filimọn?

5. Eme Pọl o ru nọ a si obọ noi no, kọ eme ọ via kẹe uwhremu na?

6. Ono Jihova o ro kere ebe urere Ebaibol na, kọ eme obe Eviavia o ta kpahe?

Enọ efa:

1. Se Iruẹru 28:16-31 gbe Ahwo Filipai 1:13.

   Ẹvẹ Pọl ọ rehọ oke riẹ ru iruo nọ ọ jọ uwou-odi evaọ Rom, kọ ẹvẹ ẹrọwọ ọgaga riẹ u kpomahọ ukoko Ileleikristi na? (Iruẹru 28:23, 30; Fil. 1:14)

2. Se Ahwo Filipai 2:19-30.

   Eme ọ ovuhumuo vẹ Pọl ọ ta kpahe Timoti gbe Epafroditọs, kọ ẹvẹ ma sae rọ raro kele oriruo Pọl? (Fil. 2:20, 22, 25, 29, 30; 1 Kọr. 16:18; 1 Tẹs. 5:12, 13)

3. Se Filimọn 1-25.

   1. Eme Pọl ọ riobọhọ rọ ta udu họ Filimọn awọ inọ o ru oware nọ u fo, kọ ẹvẹ onana o rọ rrọ oriruo kẹ ekpako nẹnẹ? (Filim. 9; 2 Kọr. 8:8; Gal. 5:13)

   2. Ẹvẹ eme ọ Pọl nọ e rrọ Filimọn 13, 14 i ro dhesẹ nọ o wo adhẹẹ kẹ obroziẹ iroro amọfa evaọ ukoko na? (1 Kọr. 8:7, 13; 10:31-33)

4. Se 2 Timoti 4:7-9.

   Wọhọ Pọl ukọ na, ẹvẹ ma sai ro wo udu inọ Jihova ọ te hwa omai osa nọ ma te kru ẹrọwọ rite urere? (Mat. 24:13; Hib. 6:10)

Ikuigbe avọ 114

1. Fikieme Ebaibol na e rọ ta ẹme kpahe enyenya evaọ obọ odhiwu?

2. Didi odẹ ẹmo nọ Ọghẹnẹ ọ te rọ raha ahwo oyoma evaọ otọakpọ, kọ eme họ ẹjiroro ẹmo nana?

3. Wọhọ epanọ whọ be ruẹ evaọ uwoho na, ono ọ te kobaro ẹmo na, fikieme ọ rọ wha etu-uvie, kọ eme ọgbọdọ riẹ o dhesẹ?

4. Who te rovie kpemu kpohọ Ikuigbe avọ 10, 15, gbe 33, fikieme u gbe ro gbomai unu hu inọ Ọghẹnẹ ọ te raha ahwo oyoma?

5. Ẹvẹ Ikuigbe avọ 36 gbe 76 i ro dhesẹ kẹ omai inọ Ọghẹnẹ ọ te raha ahwo oyoma a tẹ make be ta nọ a be gọe?

Enọ efa:

1. Se Eviavia 19:11-16.

   1. Ẹvẹ Ikereakere na i ro dhesẹ vevẹ inọ Jesu Kristi họ ọnọ ọ be dhẹ anyenya ọfuafo na? (Evia. 1:5; 3:14; 19:11; Aiz. 11:4)

   2. Ẹvẹ azẹ nọ a frẹ ku ewu Jesu na o ro dhesẹ nọ o ti fi kparobọ? (Evia. 14:18-20; 19:13; Aiz. 63:1-6)

   3. Amono a te jọ usu ogbaẹmo nọ i bi lele Jesu evaọ ehru anyenya ọfuafo riẹ na? (Evia. 12:7; 19:14; Mat. 25:31, 32)

Ikuigbe avọ 115

1. Didi iyero Ebaibol na i dhesẹ nọ ma te reawere rai evaọ Aparadase otọakpọ na?

2. Eme họ eyaa Ebaibol na kẹ ahwo nọ a te rria Aparadase?

3. Okevẹ Jesu ọ te rọ ruẹ nnọ enwene ogbunu nana ọ roma via?

4. Okenọ Jesu ọ jọ otọakpọ, eme o ru ro dhesẹ oware nọ o ti ru wọhọ Ovie ọrọ Uvie Ọghẹnẹ?

5. Eme Jesu avọ ibe-isu obọ odhiwu riẹ a te ruẹ nọ o via okenọ a ti su no odhiwu ziọ otọakpọ?

Enọ efa:

1. Se Eviavia 5:9, 10.

   Ẹvẹ ma sai ro wo udu inọ enọ i bi ti su otọakpọ na evaọ etoke Esuo Odu-Ikpe na a te jọ ivie gbe izerẹ nọ i wo ohrọ gbe arodawẹ? (Ẹf. 4:20-24; 1 Pita 1:7; 3:8; 5:6-10)

2. Se Eviavia 14:1-3.

   Eme odẹ Ọsẹ na gbe orọ Omogodẹ na nọ a kere fihọ aruezo 144,000 na u dhesẹ? (1 Kọr. 3:23; 2 Tim. 2:19; Evia. 3:12)

Ikuigbe avọ 116

1. Eme u fo nọ ma rẹ riẹ ma tẹ gwọlọ rria bẹdẹ bẹdẹ?

2. Ẹvẹ ma sai ro wuhrẹ kpahe Jihova Ọghẹnẹ gbe Jesu, wọhọ epanọ ọmọtẹ ọboba avọ egbẹnyusu riẹ nọ e rrọ uwoho na a bi ru na?

3. Obe ofa vẹ whọ be jọ uwoho na ruẹ na, kọ fikieme ma je sei kẹse kẹse?

4. U te no ewuhrẹ kpahe Jihova gbe Jesu no, eme ọfa o gwọlọ re a sai wo uzuazọ ebẹdẹ bẹdẹ?

5. Eme ma wuhrẹ rono Ikuigbe avọ 69 na ze?

6. Eme emamọ oriruo ọrọ Samuẹle ọmaha na evaọ Ikuigbe avọ 55 u dhesẹ?

7. Ẹvẹ ma sai ro lele oriruo Jesu Kristi, yọ ma te ru ere, eme ma te sai ru evaọ obaro?

Enọ efa:

1. Se Jọn 17:3.

   Ẹvẹ Ikereakere na i ro dhesẹ nọ ewuhrẹ eriariẹ Jihova Ọghẹnẹ gbe Jesu Kristi o gwọlọ vi uzẹme na nọ ma re se fihọ uzou ọvo? (Mat. 7:21; Jem. 2:18-20; 1 Jọn 2:17)

2. Se Olezi 145:1-21.

   1. Evẹ jọ họ usu ẹjiroro buobu nọ ma re ro jiri Jihova? (Ol. 145:8-11; Evia. 4:11)

   2. Ẹvẹ Jihova o ro “woma kẹ ahwo kpobi,” kọ ẹvẹ onana u re ro si omai kẹle iẹe viere? (Ol. 145:9; Mat. 5:43-45)

   3. Ma te ghine you Jihova ziezi evaọ udu mai, eme oma o rẹ wọ omai ru? (Ol. 119:171, 172, 175; 145:11, 12, 21)