მეფეები — წიგნი პირველი

6 ეგვიპტიდან ისრაელების გამოსვლის 480-ე წელს,+ ისრაელზე სოლომონის მეფობის მე-4 წელს, ზივის თვეში+ (მე-2 თვეს), სოლომონი იეჰოვას ტაძრის შენებას შეუდგა.+ 2 ტაძარი, რომელიც სოლომონმა იეჰოვას აუშენა, სიგრძით 60 წყრთა* იყო, სიგანით — 20 წყრთა და სიმაღლით — 30 წყრთა.+ 3 ტაძრის წინკარის+ სიგრძე ტაძრის სიგანის მსგავსად 20 წყრთა იყო, სიგანე კი — 10 წყრთა.

4 ტაძარს გაუკეთა სარკმლები, რომლებიც ვიწროვდებოდა.+ 5 ტაძრის კედლებს ნაგებობა მიაშენა, რომელიც დარბაზისა* და შიდა ოთახის*+ კედლებს მიუყვებოდა; ის ოთახებად დაყო.+ 6 ქვედა გვერდითი ოთახები სიგანით 5 წყრთა იყო, შუა გვერდითი ოთახები — 6 წყრთა, ზედა გვერდითი ოთახები კი — 7 წყრთა. ყოველი ოთახის კოჭებისთვის კედლები შეჭრილი იყო, რათა ტაძრის კედლებში არაფერი ყოფილიყო ჩატანებული.+

7 ტაძარს წინასწარ გათლილი ქვებით აშენებდნენ,+ ამიტომ მშენებლობის დროს არც ჩაქუჩის, არც ცულის და არც არანაირი რკინის იარაღის ხმა არ ისმოდა. 8 ქვედა გვერდით ოთახებს შესასვლელი ტაძრის სამხრეთით ჰქონდა.+ ხვეული კიბით ადიოდნენ შუა სართულზე, ხოლო იქიდან — ზედა სართულზე. 9 განაგრძო მან ტაძრის მშენებლობა+ და ბოლოს ტაძარი კედრის კოჭებითა და ფიცრებით გადახურა.+ 10 ტაძრის გარშემო მიშენებული ოთახების+ სიმაღლე 5-5 წყრთა იყო; ოთახები ტაძარს კედრის ხის კოჭებით უკავშირდებოდა.

11 იეჰოვას სიტყვა ეუწყა სოლომონს: 12 „თუ შეასრულებ ჩემს წესებს, აღასრულებ ჩემს სამართალს, დაიცავ ჩემს მცნებებს და მათ თანახმად ივლი,+ შეგისრულებ იმ პირობას, რაც დავითს, მამაშენს, მივეცი ამ ტაძარზე, რომელსაც აშენებ.+ 13 დავმკვიდრდები ისრაელებს შორის+ და არ მივატოვებ ჩემს ხალხს, ისრაელს“.+

14 განაგრძო სოლომონმა ტაძრის შენება, რომ საქმე ბოლომდე მიეყვანა. 15 ტაძრის კედლები შიგნიდან კედრის ფიცრებით მოაპირკეთა. იატაკიდან ჭერამდე ტაძარი ხით მოაპირკეთა; იატაკზე ღვიის ფიცრები დააგო.+ 16 ტაძრის ბოლოში 20 წყრთა სიგრძის ოთახი გამოყო და იატაკიდან ჭერამდე კედრის ფიცრებით მოაპირკეთა; შიგნით ოთახი გააკეთა+ წმინდათაწმინდისთვის.+ 17 მის წინ მდებარე დარბაზი სიგრძით 40 წყრთა იყო.+ 18 ტაძრის შიგნით კედრის ფიცრებზე გოგრები+ და ყვავილები+ იყო ამოკვეთილი. კედლები კედრისა იყო, ქვა არ ჩანდა.

19 მოამზადა ტაძარში შიდა ოთახი,+ რომ იქ იეჰოვას შეთანხმების კიდობანი დაედგა.+ 20 შიდა ოთახი სიგრძითაც, სიგანითაც და სიმაღლითაც 20 წყრთა იყო.+ ის ხალასი ოქროთი მოავარაყა; სამსხვერპლო+ კედრით მოაპირკეთა. 21 სოლომონმა ხალასი ოქროთი მოავარაყა ტაძარი+ შიგნიდან და ოქროთი მოვარაყებული შიდა ოთახის წინ+ ოქროს ჯაჭვები გააბა. 22 მთელი ტაძარი ოქროთი მოავარაყა და ასე დაამთავრა ტაძარზე მუშაობა. შიდა ოთახთან მდგარი სამსხვერპლოც მთლიანად ოქროთი მოავარაყა.+

23 შიდა ოთახში მან ორი ქერუბიმი+ გააკეთა ფიჭვისგან*, რომელთა სიმაღლე 10-10 წყრთა იყო.+ 24 ქერუბიმის ერთი ფრთა 5 წყრთა იყო, მეორე ფრთაც — 5 წყრთა; ერთი ფრთის ბოლოდან მეორე ფრთის ბოლომდე 10 წყრთა იყო. 25 მეორე ქერუბიმიც 10 წყრთა იყო; ორივე ქერუბიმი ზომითა და ფორმით ერთნაირი იყო. 26 ერთი ქერუბიმის სიმაღლეც 10 წყრთა იყო და მეორე ქერუბიმისაც. 27 დადგა მან ფრთებგაშლილი ქერუბიმები+ წმინდათაწმინდაში. ერთი ქერუბიმის ფრთა ერთ კედელს სწვდებოდა და მეორე ქერუბიმის ფრთა — მეორე კედელს, შუაგულისკენ მიმართული ფრთებით ერთმანეთს ეხებოდნენ. 28 ქერუბიმები ოქროთი მოავარაყა.

29 ტაძრის შიდა და გარე ოთახების კედლებზე ქერუბიმები,+ პალმები+ და ყვავილები+ ამოკვეთა. 30 ტაძრის შიდა და გარე ოთახების იატაკი ოქროთი მოავარაყა. 31 შიდა ოთახის შესასვლელს გაუკეთა ფიჭვის კარი, გვერდითი სვეტები, აგრეთვე წირთხლები, მეხუთედი. 32 კარის ორივე ფრთა ფიჭვისა იყო; ზედ ქერუბიმები, პალმები და ყვავილები ამოკვეთა და ოქროთი მოავარაყა. ქერუბიმები და პალმები მთლიანად ოქროთი დაფარა. 33 დარბაზის შესასვლელისთვის წირთხლებიც ფიჭვისგან გააკეთა, მეოთხედი. 34 ღვიის ხისგან გააკეთა ორი კარი. როგორც ერთი კარის ორივე ფრთა, ისე მეორე კარის ორივე ფრთა ანჯამებზე ტრიალებდა.+ 35 ზედ ქერუბიმები, პალმები და ყვავილები ამოჭრა და ოქროთი მოავარაყა.

36 შიდა ეზოს+ სამ წყებად შემოავლო თლილი ქვები და ერთი წყება კედრის ძელები.+

37 იეჰოვას ტაძარს მე-4 წელს, ზივის თვეში ჩაეყარა საძირკველი;+ 38 ტაძრის მშენებლობა მე-11 წელს, ბულის თვეში (მე-8 თვეს) დასრულდა ყოველი წვრილმანის გათვალისწინებითა და გეგმის მიხედვით;+ 7 წელი აშენებდა იგი ტაძარს.