ნაკადული მდინარედ იქცევა!

ძველად: როდესაც ებრაელები ბაბილონის ტყვეობიდან სამშობლოში დაბრუნდნენ, მათ აღადგინეს ტაძარში წმინდა თაყვანისმცემლობა, რის შედეგადაც იეჰოვამ ისინი აკურთხა.

ჩვენს დროში: 1919 წელს წმინდა თაყვანისმცემლობა აღდგა, რის შედეგადაც იეჰოვას ერთგული მსახურები მისგან ჯერ არნახულ, აურაცხელ სულიერ კურთხევას იღებენ.

სამომავლოდ: არმაგედონის შემდეგ იეჰოვასგან მომდინარე კურთხევები როგორც ფიზიკურ, ისე სულიერ კეთილდღეობას მოგვიტანს.

ძველად: იეჰოვამ უხვად აკურთხა სამშობლოში დაბრუნებული მორჩილი ებრაელები. მაშინაც კი, როცა მათი რიცხვი საგრძნობლად გაიზარდა, მთელი ერი სულიერი კეთილდღეობით ხარობდა.

ჩვენს დროში: სულიერ სამოთხეში ღვთის მსახურები, რომელთა რაოდენობაც გამუდმებით იზრდება, სულიერი გაგებით გაცოცხლდნენ და ღვთისგან მომდინარე უხვი სულიერი კურთხევებით ხარობენ.

სამომავლოდ: არმაგედონგადატანილებს შეუერთდება მილიარდობით მკვდრეთით აღდგენილი; იეჰოვას კურთხევები ყველასთვის საკმარისი იქნება.

ძველად: იეჰოვა სულიერად ანაყრებდა სამშობლოში დაბრუნებულ ერთგულ ებრაელებს. დიდი ხნის განმავლობაში ისინი სულიერად დასნეულებულები იყვნენ, თუმცა იეჰოვამ მათ სულიერი სიჯანსაღე დაუბრუნა.

ჩვენს დროში: უხვი სულიერი საზრდოს წყალობით დღევანდელი ქვეყნიერებისგან განსხვავებით, სულიერად ჯანმრთელნი და დანაყრებულნი ვართ.

სამომავლოდ: ქრისტე თავის 144 000 თანამმართველთან ერთად დაეხმარება მორჩილ კაცობრიობას, რომ გასრულყოფილდნენ და მარადიულობის მანძილზე ჯან-ღონით გაიხარონ!