Yezaya

61 Mpeve ya Yehowa Mfumu ya Kuluta Nene kele na zulu na mono,+

Sambu Yehowa me tula mono mafuta sambu na kuzabisa nsangu ya mbote na bantu ya kudikulumusa.+

Yandi tindaka mono sambu na kukanga bande na bantu yina kele na ntima ya kele na mawa,

Sambu na kuzabisa bampika nde bo ta baka kimpwanza

Mpi kuzabisa bantu ya boloko+ nde meso na bo ta kanguka,

 2 Sambu na kusamuna mvula ya luzolo ya mbote* ya Yehowa

Mpi kilumbu yina Nzambi na beto ta vutula mbi,+

Sambu na kulembika bantu yonso yina kele na mawa,+

 3 Sambu na kulungisa banzala ya bantu yina ke dila Sioni,

Sambu na kupesa bo mpu* na kisika ya putulu ya tiya,

Mafuta ya kiese na kisika ya mawa,

Lele ya lukumu na kisika ya mpeve yina me lemba.

Ebuna bo ta binga bo banti ya nene ya lunungu,

Yina Yehowa me kunaka, sambu na kupesa yandi nkembo.*+

 4 Bo ta tunga diaka bisika ya ntama ya me bebaka;

Bo ta tedimisa bisika ya ntama ya me bikalaka mpamba,+

Mpi bo ta tunga diaka bambanza ya me bebaka,+

Bisika ya me bikalaka mpamba na bandonga yonso ya bantu.+

 5 “Banzenza ta kwisa mpi ta gungula bitwisi na beno,

Mpi banzenza+ ta vanda bantu na beno ya ke salaka bilanga mpi bantu na beno ya ke salaka na bilanga ya vinu.+

 6 Kansi beno, bo ta binga beno banganga-nzambi ya Yehowa;+

Bo ta binga beno bansadi ya Nzambi na beto.

Beno ta dia bima ya makanda,+

Mpi beno ta kudikumisa sambu na nkembo* na bo.

 7 Na kisika ya nsoni, beno ta baka makabu zole,

Mpi na kisika ya kuvweza, bo ta tula milolo ya kiese sambu na kimvwama na bo.

 8 Sambu mono, Yehowa, mono ke zolaka lunungu;+

Mono ke mengaka kimuyibi ti kukonda kusungama.+

Mono ta pesa bo lufutu na bo na kwikama yonso,

Mpi mono ta sala kuwakana ya mvula na mvula ti bo.+

 9 Bana* na bo ta zabana na kati ya makanda+

Mpi bantekolo na bo na kati ya bantu.

Bantu yonso yina ta mona bo ta zaba bo,

Nde bo kele bana* yina Nzambi me sakumunaka.”+

Sambu yandi me lwatisa mono bilele ya luguluku;+

Yandi me fika mono mvwela* ya lunungu,

Bonso bakala ya ke kwela yina me lwata tirbani bonso yina ya nganga- nzambi,+

Mpi bonso nkento ya ke kwela yina me kudikumisa kitoko ti bima na yandi ya kukumisa nitu kitoko.

11 Mutindu ntoto ke basisaka bimenina na yo

Mpi kilanga ke salaka nde bima ya bo me kuna na kati na yo kumena,

Mutindu mosi mpi Yehowa Mfumu ya Kuluta Nene

Ta sala nde lunungu+ mpi lukumu kumena+ na ntwala ya makanda yonso.