Bankunga

37 Kuwa ve makasi sambu na bantu ya mbi

Mpi kulula ve bantu ya ke salaka mambu ya mbi.+

 2 Bo ta yuma nswalu bonso matiti+

Mpi bo ta beba bonso matiti ya mpa ya mubisu.

 3 Tula ntima na Yehowa mpi sala mambu ya mbote;+

Zinga na ntoto,* mpi sala mambu ti kwikama.+

 4 Wa kiese mingi kibeni* na Yehowa,

Ebuna yandi ta pesa nge banzala ya ntima na nge.

 5 Pesa nzila na nge na Yehowa;+

Tudila yandi ntima, ebuna yandi ta sadila nge mambu ya mbote.+

 6 Yandi ta sala nde lunungu na nge kusema bonso nsemo ya suka,

Mpi kwikama na nge bonso ntangu na midi.

 7 Vanda pima na ntwala ya Yehowa+

Mpi vingila yandi ti kivuvu*.

Kuwa ve makasi sambu na muntu

Yina ke nunga na kulungisa bangindu na yandi ya mbi.+

 8 Yambula makasi mpi bikisa nganziL;+

Kuwa ve makasi mpi kusala ve mambu ya mbi.*

 9 Sambu bo ta fwa bantu ya mbi,+

Kansi bantu yina ke tulaka kivuvu na Yehowata baka ntoto.+

10 Kubika kaka fioti, mpi batu ya mbi ta vanda diaka ve;+

Nge ta tala kisika yina bo vandaka,

Mpi bo ta vanda ve pana.+

11 Kansi bantu ya kudikulumusata baka ntoto,+

Mpi bo to wa kiese kibeni na ngemba ya mingi.+

12 Muntu ya mbi ke kanina muntu ya lunungu;+

Yandi ke kwetisila yandi meno.

13 Kansi Yehowa ta seka yandi,

Sambu yandi me zaba nde kilumbu na yandi ta kwisa.+

14 Bantu ya mbi me basisa ba mbele na bo ya bitumba mpi me konika* munduki na bo ya batolo-tolo

Sambu na kubwisa muntu ya bo ke niokula mpi nsukami,

Sambu na kufwa bantu yina nzila na bo kele ya kusungama.

15 Kansi mbele na bo ya bitumba ta tobula ntima na bo mosi;+

Minduki na bo ya batolo-tolo ta bukana.

16 Bima fioti ya muntu ya lunungu kele mbote

kuluta bima mingi ya bantu mingi ya mbi.+

17 Sambu maboko ya bantu ya mbi ta bukana,

Kansi Yehowa ta sadisa bantu ya lunungu.

18 Yehowa me zaba mambu yina bantu ya kukonda kifu ke kutana ti yo,*

Mpi dikabu na bo ta bikala kimakulu.+

19 Bo ta pesa bo ve nsoni na ntangu ya mpasi;

Na ntangu ya nzala,bo ta vanda ti bima mingi.

20 Kansi bantu ya mbi ta fwa;+

Bambeni ya Yehowa ta yuma bonso banseke ya kitoko;

Bo ta vila bonso midinga.

21 Muntu ya mbi ke defaka mpi ke futaka ve,

Kansi muntu ya lunungu ke kabaka* mpi ke pesaka makabu.+

22 Bantu yina yandi ke sakumunaka ta baka ntoto,

Kansi bo ta fwa bantu yina yandi me singaka.+

23 Yehowa ke twadisaka* bitambi ya muntu+

Kana yandi ke wa kiese na nzila na yandi.+

24 Ata yandi bwa, yandi ta bwa ve tii na ntotohe,+

Sambu Yehowa ke simbaka yandi na diboko.*+

25 Mono vandaka leke mpi ntangu yai mono me nunaI,

Kansi mono me monaka ntete ve bo me yambula muntu ya lunungu,+

To bana na yandi ke sosa mampa.*+

26 Yandi ke defisaka ntangu yonso kukonda mpasi,+

Ebuna bana nayandi ta baka lusakumunu.

27 Yambula mambu ya mbi mpi sala mambu ya mbote ,+

Ebuna nge ta bikala kimakulu.

28 Sambu Yehowa ke zolaka lunungu,

Mpi yandim ta yandi ta yambula ve bantu na yandi ya kwikama.+

Bo ta taninaka bo ntangu yonso;+

Kansi bo ta fwa bana ya bantu ya mbi.+

29 Bantu ya lunungu ta baka ntoto,+

Mpi bo ta zinga kimakulu na zulu na yo.+

30 Munoko ya muntu ya lunungu ke longaka mayele,*

Mpi ludumi na yandi ke tubilaka lunungu.+

31 Nsiku ya Nzambi na yandi kele na ntima na yandi;+

Makulu na yandi ta tekita ve.+

32 Muntu ya mbi ke talaka muntu ya lunungu,

Yandi ke sosaka kufwa na yandi.

33 Kansi Yehowa ta yambula yandi ve na maboko ya muntu yina+

Mpi ta bedisa yandi ve ntangu bo ke sambisa yandi.+

34 Tula kivuvu na Yehowa mpi landa nzila na yandi,

Ebuna yandi ta tombula nge sambu na kubaka ntoto.

35 Mno memonaka muntu ya nku mpi ya mbi

Yandi ke yalumuka bonso ti yina kele ti matiti mingi na ntoto yina yo menaka.+

36 Kansi na mbala mosi yandi fwaka mpi vandaka diaka ve;+

Mono landaka kusosa yandi, kansi mono lendaka ve kumona yandi.+

37 Tala muntu ya kukonda kifu,*

Mpi landa kutala muntu ya mbote,+

Sambu makwisa ya muntu yina ta vanda ya ngemba.+

38 Kansi bo ta fwa bantu yonso ya ke fwaka nsiku;

Bo ta fwa bantu ya mbi.+

39 Luguluku ya bantu ya lunungu ke katukaka na Yehowa;+

Yandi kele nzo na bo ya ngolo na ntangu ya mpasi.+

Yandi ta katula bo na maboko ya bantu ya mbi mpi ta gulusa bo,

Sambu bo me kwisa kutina na yandi.+