Ишая

 3 Бұқа өз иесін таниды,

Есек те иесінің жем салатын ақырын біледі.

Ал Исраил болса мені* танымайды+,

Менің халқым түсінікпен әрекет етпейді”.

 4 Күнәкар ұлт+,

Мойнында ауыр кінәсі бар халық,

Зұлым ұрпақ, бұзылған балалар қасіретке қалады!

Олар Ехобаны тастап кетті+,

Исраилдің Киелі Құдайын менсінбеді,

Оған жон арқасын көрсетіп сырт айналды.

Бастарыңды жара басқан,

Жүректерің болса әлжуаз+.

 7 Жерлерің қаңырап бос қалды,

Қалаларың өртке оранды,

Көз алдарыңда жатжерліктер жерлеріңді жалмап жатыр+,

Елдерің жатжерліктер талан-тараж етіп, бос қалдырған жерге ұқсайды+.

 8 Сион қызы жүзімдіктегі қараусыз қалған күркеге,

Қияр егілген даладағы күзетшінің тастап кеткен лашығына,

Қоршауға алынған қалаға ұқсайды+.

 9 Егер Әскербасы Ехоба азғанамызды аман алып қалмағанда,

Тап Содом қаласындай болар едік,

Ғомораның кебін киер едік+.

12 Кім сендерден менің алдыма келіп+,

Ғибадатханамның ауласын таптауды талап етті+?

Жаңа туған айды мерекелейсіңдер+,

Демалыс күнін ұстанасыңдар+,

Салтанатты жиында бас қосасыңдар+.

Олар мен үшін ауыр жүк болып кетті,

Мен оларды көтеріп жүруден шаршадым.

15 Алақандарыңды жайып сиынғандарыңда,

Жанарымды бұрып әкетемін+.

Қанша дұға етсеңдер де+,

Сөздеріңе құлақ салмаймын+,

Өйткені қолдарың қанға малынған+.

16 Жуынып-шайыныңдар, тазарыңдар+,

Зұлым істеріңді көз алдымнан құртыңдар.

17 Жақсылық жасауды үйреніңдер, әділдікке ұмтылыңдар+,

Қысым көрсететіндерді түзетіңдер.

Жетім баланың құқығын,

Жесірдің мүддесін қорғаңдар+”.

Күнәларың ал қызыл болса да,

Аппақ қардай етемін+.

Қырмызы матадай қызыл болса да,

Аппақ жүндей қыламын.

19 Егер құлақ асуға дайын болсаңдар,

Жердің жақсы өнімін жейсіңдер+.

20 Ал қасарысып, бүлік шығарсаңдар,

Сендерді семсер жалмайды+.

Ол әділдік орнаған+, әділеттілік тұрақтаған қала еді+,

Ал енді ол — кісі өлтірушілердің ордасы+.

22 Сенің күмісің қожға айналды+,

Сыраңа су қосылды.

Жетімдерге әділ үкім шығармайды,

Жесірдің ісін ешқашан қарастырмайды+.

24 Сондықтан шынайы Иеміз Әскербасы Ехоба,

Исраилдің Құдіретті Құдайы былай дейді:

“Жетер енді! Дұшпандарымнан құтыламын,

Жауларымнан кек аламын+!

25 Мен сені жазалаймын,

Сілтімен тазартқандай, балқытып қождан тазартамын,

Қоспа атаулыдан арылтамын+.

26 Бұрынғыдай саған қайтадан билер беремін,

Бастапқыдай кеңесшілер сыйлаймын+.

27 Сионның құны әділеттілікпен өтеледі+,

Оған қайта оралған халықтың құны әділдікпен өтеледі.

28 Бүлікшілер мен күнәкарлар бірге құриды+,

Ехобадан безгендер де жойылады+.

29 Олар сендерге сонша қалаулы болған мықты ағаштары үшін ұятқа қалады+,

Таңдаулы бақтарыңның* кесірінен масқара боласыңдар+.

30 Өйткені сендер жапырақтары қураған үлкен ағаштай+,

Суарылмайтын бақтай боласыңдар.

31 Мықты адам зығыр талшығындай,

Ал істері от ұшқынындай болмақ.

Екеуі бірдей лап етіп тұтанады да,

Өшіретін ешкім болмайды”.