• ಯೆಶಾಯ 45:20
    ಪವಿತ್ರ ಬೈಬಲ್‌-ಹೊಸ ಲೋಕ ಭಾಷಾಂತರ

    • 20 ಇಸ್ರಾಯೇಲ್ಯರೇ, ನೀವೆಲ್ಲ ಒಂದಾಗಿ ಬನ್ನಿ.

      ಜನಾಂಗಗಳ ಕೈಯಿಂದ ತಪ್ಪಿಸ್ಕೊಂಡು ಹೋದವ್ರೇ, ಎಲ್ರೂ ಒಟ್ಟಾಗಿ ಬನ್ನಿ.+

      ಕೆತ್ತಿದ ಮೂರ್ತಿಗಳನ್ನ ಹೊತ್ಕೊಂಡು ಹೋಗುವವ್ರಿಗೆ ಏನೂ ಗೊತ್ತಿಲ್ಲ,

      ಅವರು ತಮ್ಮನ್ನು ರಕ್ಷಿಸದ ದೇವರುಗಳಿಗೆ ಪ್ರಾರ್ಥಿಸ್ತಾರೆ.+

  • ಯೆರೆಮೀಯ 10:5
    ಪವಿತ್ರ ಬೈಬಲ್‌-ಹೊಸ ಲೋಕ ಭಾಷಾಂತರ

    •  5 ಸೌತೆ ಗದ್ದೆಯಲ್ಲಿರೋ ಬೆದರುಬೊಂಬೆ ಹೇಗೆ ಮಾತಾಡಲ್ವೋ ಹಾಗೆ ಮೂರ್ತಿಗಳು ಮಾತಾಡಲ್ಲ,+

      ಅವುಗಳನ್ನ ಎತ್ಕೊಂಡು ಹೋಗಬೇಕು, ಯಾಕಂದ್ರೆ ಅವುಗಳಿಗೆ ನಡಿಯೋಕೆ ಆಗಲ್ಲ.+

      ಅವುಗಳಿಗೆ ಹೆದರಬೇಡಿ, ಯಾಕಂದ್ರೆ ಹಾನಿಮಾಡೋಕೆ ಅವುಗಳಿಗೆ ಆಗಲ್ಲ,

      ಒಳ್ಳೇದನ್ನ ಮಾಡೋಕೂ ಆಗಲ್ಲ.”+

  • ದಾನಿಯೇಲ 5:23
    ಪವಿತ್ರ ಬೈಬಲ್‌-ಹೊಸ ಲೋಕ ಭಾಷಾಂತರ

    • 23 ಬದಲಿಗೆ ದೇವರ ಮುಂದೆ ಸೊಕ್ಕಿಂದ ನಡ್ಕೊಂಡೆ.+ ಆತನ ಆಲಯದ ಪಾತ್ರೆಗಳನ್ನ ತರಿಸಿ+ ಅದ್ರಲ್ಲಿ ನೀನು, ನಿನ್ನ ಪ್ರಧಾನರು, ನಿನ್ನ ಉಪಪತ್ನಿಯರು, ನಿನ್ನ ಬೇರೆ ಪತ್ನಿಯರು ದ್ರಾಕ್ಷಾಮದ್ಯ ಕುಡಿದ್ರಿ. ಯಾವುದನ್ನೂ ನೋಡಕ್ಕಾಗದ, ಕೇಳಿಸ್ಕೊಳ್ಳೋಕೆ ಆಗದ, ಏನೂ ಗೊತ್ತಾಗದ ಬೆಳ್ಳಿ, ಚಿನ್ನ, ತಾಮ್ರ, ಕಬ್ಬಿಣ, ಮರ, ಕಲ್ಲಿನ ದೇವರುಗಳನ್ನ ಹೊಗಳ್ತಾ ಇದ್ದೆ.+ ಆದ್ರೆ ಯಾರ ಕೈಯಲ್ಲಿ ನಿನ್ನ ಉಸಿರು, ನಿನ್ನ ಜೀವ ಇದ್ಯೋ ಆ ದೇವರಿಗೆ+ ನೀನು ಗೌರವ ಕೊಡಲಿಲ್ಲ.

  • ಹಬಕ್ಕೂಕ 2:18, 19
    ಪವಿತ್ರ ಬೈಬಲ್‌-ಹೊಸ ಲೋಕ ಭಾಷಾಂತರ

    • 18 ಶಿಲ್ಪಿಗೆ ತಾನು ಕೆತ್ತಿದ ಮೂರ್ತಿಯಿಂದ ಏನು ಪ್ರಯೋಜನ?

      ಅದನ್ನ ಕೆತ್ತಿದವನು ಅವನೇ ತಾನೇ?

      ಅಚ್ಚಲ್ಲಿ ಹೊಯ್ದು ಮಾಡಿದ ಮೂರ್ತಿಯಿಂದ, ಸುಳ್ಳು ಕಲಿಸೋದ್ರಿಂದ ಏನು ಪ್ರಯೋಜನ?

      ಆದ್ರೂ ಅವನ್ನ ತಯಾರು ಮಾಡೋ ವ್ಯಕ್ತಿ ಅದನ್ನೇ ನಂಬ್ತಾನೆ,

      ಪ್ರಯೋಜನಕ್ಕೆ ಬಾರದ ಆ ಮೂಕ ಗೊಂಬೆಗಳನ್ನ ಮಾಡ್ತಾ ಹೋಗ್ತಾನೆ.+

      19 ಕಟ್ಟಿಗೆಗೆ “ಎದ್ದೇಳು” ಅಂತ ಹೇಳುವವನ ಗತಿ ಏನು ಹೇಳೋದು!

      ಮಾತಾಡದ ಕಲ್ಲಿಗೆ “ಎದ್ದೇಳು, ನಮಗೆ ಕಲಿಸು” ಅಂತ ಹೇಳುವವನ ಗತಿ ಏನು ಹೇಳೋದು!

      ನೋಡಿ! ಅದಕ್ಕೆ ಬೆಳ್ಳಿಬಂಗಾರ ಹಾಕಿದ್ರಿ,+

      ಆದ್ರೆ ಅದ್ರಲ್ಲಿ ಉಸಿರೇ ಇಲ್ಲ.+