ಯೆಶಾಯ

26 ಆ ದಿನ ಯೆಹೂದ ದೇಶದಲ್ಲಿ ಈ ಗೀತೆ ಹಾಡಲಾಗುತ್ತೆ+

“ನಮಗೊಂದು ಬಲವಾದ ಪಟ್ಟಣವಿದೆ.+

 2 ನಂಬಿಗಸ್ತಿಕೆಯಿಂದ ನಡ್ಕೊಳ್ಳೋ

ನೀತಿವಂತ ಜನಾಂಗ ಪ್ರವೇಶಿಸೋ ತರ ಪಟ್ಟಣದ ಬಾಗಿಲುಗಳನ್ನ ತೆಗಿರಿ.+

ನೀನು ಅವ್ರಿಗೆ ಕೊನೆ ಆಗದ ಶಾಂತಿ ಕೊಡ್ತೀಯ,+

ಯಾಕಂದ್ರೆ ಅವರು ನಿನ್ನ ಮೇಲೆ ಭರವಸೆ ಇಟ್ಟಿದ್ದಾರೆ.+

 4 ಸದಾಕಾಲಕ್ಕೂ ಯೆಹೋವನಲ್ಲಿ ಭರವಸೆಯಿಡಿ,+

ಯಾಕಂದ್ರೆ ಯಾಹು* ಯೆಹೋವ ಶಾಶ್ವತಕ್ಕೂ ಇರೋ ಬಂಡೆ ಆಗಿದ್ದಾನೆ.+

ಅದನ್ನ ಕೆಳಕ್ಕೆ ಬೀಳಿಸಿದನು,

ಅದನ್ನ ನೆಲಕ್ಕೆ ಉರುಳಿಸಿದನು,

ಅದನ್ನ ಮಣ್ಣುಪಾಲು ಮಾಡಿದನು.

 6 ಅದು ಕಾಲ್ತುಳಿತಕ್ಕೆ ಒಳಗಾಗುತ್ತೆ,

ನೊಂದವರ ಪಾದಗಳು, ದೀನರ ಹೆಜ್ಜೆಗಳು ಅದನ್ನ ತುಳಿಯುತ್ತೆ.”

ನೀನು ಪ್ರಾಮಾಣಿಕ ಆಗಿರೋದ್ರಿಂದ,

ನೀತಿವಂತನ ದಾರಿಯನ್ನ ಸಮತಟ್ಟಾಗಿ* ಮಾಡ್ತೀಯ.

 8 ಯೆಹೋವನೇ, ನಿನ್ನ ತೀರ್ಪಿನ ದಾರಿಯನ್ನ ನಾವು ಅನುಸರಿಸುವಾಗ

ನಾವು ನಿನ್ನಲ್ಲೇ ನಿರೀಕ್ಷೆ ಇಟ್ಟಿದ್ದೀವಿ.

 9 ರಾತ್ರಿಯಲ್ಲಿ ನನ್ನ ತನುಮನವೆಲ್ಲ ನಿನಗಾಗಿ ಹಾತೊರೆಯುತ್ತೆ,

ಹೌದು, ಒಳಗೊಳಗೇ ನಾನು ನಿನಗಾಗಿ ಹುಡುಕ್ತಾ ಇರ್ತಿನಿ.+

ನೀನು ಭೂಮಿಗಾಗಿ ತೀರ್ಪನ್ನ ಮಾಡುವಾಗ,

ದೇಶದ ನಿವಾಸಿಗಳು ನೀತಿ ಬಗ್ಗೆ ಕಲಿತಾರೆ.+

10 ದುಷ್ಟನಿಗೆ ಕರುಣೆ ತೋರಿಸಿದ್ರೂ

ಅವನು ನೀತಿ ಕಲಿಯಲ್ಲ.+

ಯೋಗ್ಯರಿರೋ ದೇಶದಲ್ಲೂ ಅವನು ದುಷ್ಟನಾಗೇ ನಡ್ಕೊಳ್ತಾನೆ,+

ಯೆಹೋವನ ಘನಗಾಂಭೀರ್ಯವನ್ನ ನೋಡೋಕೆ ಅವನಿಂದ ಆಗಲ್ಲ.+

12 ಯೆಹೋವನೇ, ನೀನು ನಮಗೆ ಶಾಂತಿ ದಯಪಾಲಿಸ್ತೀಯ,+

ಯಾಕಂದ್ರೆ ನಾವು ಏನೇ ಸಾಧಿಸಿರಲಿ

ಅದ್ರ ಕೀರ್ತಿ ನಿನಗೇ ಸಲ್ಲಬೇಕು.

13 ಯೆಹೋವನೇ, ನಮ್ಮ ದೇವರೇ, ನೀನಲ್ಲದೆ ನಮ್ಮ ಮೇಲೆ ಬೇರೆ ಅಧಿಕಾರಿಗಳೂ ಆಳ್ವಿಕೆಮಾಡಿದ್ರು,+

ಆದ್ರೆ ನಾವು ನಿನ್ನ ಹೆಸ್ರನ್ನ ಮಾತ್ರ ಹೊಗಳ್ತೀವಿ.+

ಯಾಕಂದ್ರೆ ಅವರನ್ನ ನಿರ್ನಾಮ ಮಾಡೋಕೆ, ಅವ್ರ ಹೆಸ್ರನ್ನ ಪೂರ್ತಿಯಾಗಿ ಅಳಿಸಿಹಾಕೋಕೆ

ನೀನು ನಿನ್ನ ದೃಷ್ಟಿಯನ್ನ ಅವ್ರ ಕಡೆಗೆ ತಿರುಗಿಸಿದೆ.

15 ಯೆಹೋವನೇ, ನೀನು ದೇಶವನ್ನ ವಿಶಾಲಗೊಳಿಸಿದೆ,

ಹೌದು, ದೇಶವನ್ನ ವಿಸ್ತರಿಸಿದೆ.

16 ಯೆಹೋವನೇ, ಕಷ್ಟಸಂಕಟದಲ್ಲಿ ಅವರು ನಿನ್ನ ಕಡೆ ತಿರುಗಿಕೊಂಡ್ರು,

ನೀನು ಶಿಸ್ತುಕೊಟ್ಟಾಗ ಅವರು ಪಿಸುಗುಟ್ಟೋ ಧ್ವನಿಯಲ್ಲಿ ನಿನಗೆ ಪ್ರಾರ್ಥಿಸ್ತಾ ತಮ್ಮ ನೋವನ್ನ ತೋಡ್ಕೊಂಡ್ರು.+

17 ಯೆಹೋವನೇ, ನಿನ್ನಿಂದಾಗಿ ನಮ್ಮ ಪರಿಸ್ಥಿತಿ ಹೇಗಿದೆ ಅಂದ್ರೆ

ಮಗುವನ್ನ ಹೆರೋ ಗರ್ಭಿಣಿ,

ಹೆರಿಗೆ ನೋವು ಬಂದಾಗ ವೇದನೆಯಿಂದ ಕೂಗಿಕೊಳ್ಳೋ ತರ ಇದೆ.

18 ನಾವು ಗರ್ಭಧರಿಸಿದ್ದೀವಿ, ನಮಗೆ ಹೆರಿಗೆ ನೋವು ಬಂತು,

ಆದ್ರೆ ನಾವು ಗಾಳಿಯನ್ನ ಹೆತ್ವಿ.

ನಮಗೆ ದೇಶವನ್ನ ರಕ್ಷಿಸೋಕಾಗಲಿಲ್ಲ,

ದೇಶದಲ್ಲಿ ವಾಸಿಸೋಕೆ ಯಾರೂ ಹುಟ್ಟಲಿಲ್ಲ.

19 ದೇವರು ಹೀಗೆ ಹೇಳ್ತಿದ್ದಾನೆ “ಸತ್ತವರು ಬದುಕಿ ಬರ್ತಾರೆ,

ನನ್ನ ಜನ್ರ ಶವಗಳಿಗೆ ಜೀವ ಬರುತ್ತೆ,+

ಮಣ್ಣಲ್ಲಿ ನೆಲೆಸಿರುವವರೇ,+

ಎದ್ದೇಳಿ, ಸಂತೋಷದಿಂದ ಜೈಕಾರ ಹಾಕಿ!

ಯಾಕಂದ್ರೆ ನಿಮ್ಮ ಇಬ್ಬನಿ ಬೆಳಿಗ್ಗೆಯ ಇಬ್ಬನಿ ತರ ಇದೆ,*

ತನ್ನಲ್ಲಿರೋ ತೀರಿಹೋದ ಜನ ಮತ್ತೆ ಜೀವ ಪಡೆಯೋ ಹಾಗೆ ಭೂಮಿ ಅವ್ರನ್ನ ವಾಪಸ್‌ ಕೊಡುತ್ತೆ.*

20 ನನ್ನ ಜನ್ರೇ, ನಿಮ್ಮನಿಮ್ಮ ಒಳಗಿನ ಕೋಣೆಗಳಿಗೆ ಹೋಗಿ,

ಬಾಗಿಲು ಹಾಕೊಳ್ಳಿ,+

ಸ್ವಲ್ಪಹೊತ್ತು ಬಚ್ಚಿಟ್ಕೊಳ್ಳಿ.

21 ಯಾಕಂದ್ರೆ, ದೇಶದ ನಿವಾಸಿಗಳು ಮಾಡಿರೋ ಅಪರಾಧಗಳ ಬಗ್ಗೆ ಅವ್ರಿಂದ ಲೆಕ್ಕ ಕೇಳೋಕೆ

ಯೆಹೋವನಾದ ನಾನು ನನ್ನ ಸ್ಥಳದಿಂದ ಬರ್ತಿದ್ದೀನಿ!

ಹತರಾಗಿರುವವರನ್ನ ದೇಶ ಬಚ್ಚಿಡದೆ

ತನ್ನಲ್ಲಿ ನಡೆದಿರೋ ರಕ್ತಾಪರಾಧವನ್ನ ಬಯಲುಪಡಿಸುತ್ತೆ.”