ಯೆಶಾಯ

32 ನೋಡಿ! ರಾಜ+ ನೀತಿಯಿಂದ ಆಳ್ವಿಕೆ ಮಾಡ್ತಾನೆ,+

ಅಧಿಪತಿಗಳು ನ್ಯಾಯದಿಂದ ಪರಿಪಾಲಿಸ್ತಾರೆ.

 2 ಅವ್ರಲ್ಲಿ ಪ್ರತಿಯೊಬ್ರೂ ಬಿರುಗಾಳಿಯಿಂದ ಮರೆಮಾಡೋ ಆಸರೆ ತರ ಇರ್ತಾರೆ,

ಭಾರಿ ಮಳೆಯಾಗುವಾಗ ಸಿಗೋ ಆಶ್ರಯದ ತರ ಇರ್ತಾರೆ,

ಮರುಭೂಮಿಯ ನೀರಿನ ತೊರೆಗಳ ತರ ಇರ್ತಾರೆ,+

ಬರಡು ಭೂಮಿಯಲ್ಲಿ ನೆರಳು ಕೊಡೋ ದೊಡ್ಡ ಬಂಡೆ ತರ ಇರ್ತಾರೆ.

 3 ಆಗ ನೋಡುವವರ ಕಣ್ಣುಗಳು ಯಾವತ್ತಿಗೂ ಮುಚ್ಚಲ್ಲ,

ಕೇಳುವವರ ಕಿವಿಗಳು ಗಮನಕೊಟ್ಟು ಕೇಳಿಸ್ಕೊಳ್ಳುತ್ತೆ.

 4 ದುಡುಕು ಸ್ವಭಾವದವರ ಹೃದಯ ಜ್ಞಾನದಿಂದ ಕೂಡಿದ ವಿಷ್ಯಗಳ ಬಗ್ಗೆ ಆಲೋಚಿಸುತ್ತೆ,

ತೊದಲ್ತಾ ಮಾತಾಡುವವರು ಸರಾಗವಾಗಿ ಸ್ಪಷ್ಟವಾಗಿ ಮಾತಾಡ್ತಾರೆ.+

 5 ಇನ್ನು ಮುಂದಕ್ಕೆ ಕೆಟ್ಟವನನ್ನ ಉದಾರಿ ಅಂತ ಕರಿಯಲ್ಲ,

ನೀತಿ ನಿಯಮ ಇಲ್ಲದವನನ್ನ ಶ್ರೇಷ್ಠ ವ್ಯಕ್ತಿ ಅಂತ ಕರಿಯಲ್ಲ.

 6 ಯಾಕಂದ್ರೆ ಕೆಟ್ಟವ ಅರ್ಥವಿಲ್ಲದ ಮಾತನ್ನ ಆಡ್ತಾನೆ,

ಧರ್ಮಭ್ರಷ್ಟತೆ ಉತ್ತೇಜಿಸೋಕೆ, ಯೆಹೋವನ ಬಗ್ಗೆ ಮನಬಂದಂತೆ ಮಾತಾಡೋಕೆ

ಹಸಿದವನಿಗೆ ಆಹಾರ ಸಿಗದೆ ಇರೋ ತರ ಮಾಡೋಕೆ,

ಬಾಯಾರಿದವನಿಗೆ ಕುಡಿಯೋಕೆ ನೀರು ಸಿಗದೆ ಇರೋ ತರ ಮಾಡೋಕೆ,

ಅವನು ತನ್ನ ಹೃದಯದಲ್ಲಿ ಸಂಚು ಮಾಡ್ತಾನೆ,+

 7 ನೀತಿ ನಿಯಮ ಇಲ್ಲದವನ ವಿಧಾನಗಳು ಕೆಟ್ಟದ್ದಾಗಿರುತ್ತೆ,+

ಅವನು ನಾಚಿಕೆಗೆಟ್ಟ ನಡತೆಯನ್ನ ಪ್ರೋತ್ಸಾಹಿಸ್ತಾನೆ.

ತನ್ನ ಸುಳ್ಳುಮಾತುಗಳಿಂದ ಕಷ್ಟದಲ್ಲಿ ಇರೋರನ್ನ ನಾಶಮಾಡ್ತಾನೆ,+

ಸರಿಯಾಗಿ ಮಾತಾಡೋ ಬಡವರನ್ನೂ ಹಾಳುಮಾಡ್ತಾನೆ.

 8 ಆದ್ರೆ ಉದಾರಿಯ ಉದ್ದೇಶಗಳು ಉದಾರವಾಗೇ ಇರುತ್ತೆ,

ಅವನು ಧಾರಾಳವಾಗಿ ಧಾರಾಳತನ ತೋರಿಸ್ತಾನೆ.*

10 ಹಾಯಾಗಿರೋ ನೀವು ಒಂದು ವರ್ಷ ಆದಮೇಲೆ ಸ್ವಲ್ಪ ದಿನ ತತ್ತರಿಸಿ ಹೋಗ್ತೀರ,

ಯಾಕಂದ್ರೆ ದ್ರಾಕ್ಷಿಯ ಕೊಯ್ಲು ಮುಗಿಯುತ್ತೆ, ಆದ್ರೆ ಒಂದೇ ಒಂದು ದ್ರಾಕ್ಷಿನೂ ನಿಮ್ಮ ಕೈಸೇರಲ್ಲ.+

ನಿಮ್ಮ ಬಟ್ಟೆಗಳನ್ನ ಬಿಚ್ಚಿ,

ನಿಮ್ಮ ಸೊಂಟಕ್ಕೆ ಗೋಣಿ ಸುತ್ಕೊಳ್ಳಿ.+

12 ಒಳ್ಳೇ ಬೆಳೆ ಬರೋ ಹೊಲಗಳಿಗಾಗಿ, ಸಮೃದ್ಧ ದ್ರಾಕ್ಷಿಬಳ್ಳಿಗಾಗಿ

ನಿಮ್ಮ ಎದೆಗಳನ್ನ ಬಡ್ಕೊಳ್ತಾ ಗೋಳಾಡಿ.

14 ಅವ್ರ ಭದ್ರ ಕೋಟೆಯನ್ನ ತೊರೆಯಲಾಗುತ್ತೆ

ಗಿಜಿಗುಟ್ಟೋ ಪಟ್ಟಣವನ್ನ ಬಿಟ್ಟುಬಿಡಲಾಗುತ್ತೆ.+

ಓಫೇಲ್‌+ ಮತ್ತು ಕಾವಲುಗೋಪುರ ಶಾಶ್ವತವಾಗಿ ಕೆಲಸಕ್ಕೆ ಬಾರದ ಜಾಗಗಳಾಗುತ್ತೆ,

ಅಲ್ಲಿ ಕಾಡುಕತ್ತೆಗಳು ಆನಂದಿಸುತ್ತೆ,

ಹಿಂಡುಗಳು ಮೇಯುತ್ತೆ.+

15 ದೇವರು ನಮ್ಮ ಮೇಲೆ ತನ್ನ ಪವಿತ್ರ ಶಕ್ತಿಯನ್ನ ಸುರಿಸಿದ ಮೇಲೆ,+

ಮರಳುಗಾಡು ಹಣ್ಣಿನ ತೋಟವಾಗಿ ಬದಲಾಗುತ್ತೆ,

ಹಣ್ಣಿನ ತೋಟ ದಟ್ಟವಾದ ಕಾಡಾಗುತ್ತೆ.+

16 ಆಗ ಕಾಡಲ್ಲಿ ನ್ಯಾಯ ನೆಲೆಸುತ್ತೆ,

ಹಣ್ಣಿನ ತೋಟದಲ್ಲಿ ನೀತಿ ವಾಸಿಸುತ್ತೆ.+

17 ನಿಜವಾದ ನೀತಿಯಿಂದಾಗಿ ಶಾಂತಿ ಸಿಗುತ್ತೆ,+

ನಿಜವಾದ ನೀತಿಯ ಫಲವಾಗಿ ಸದಾಕಾಲವಿರೋ ನೆಮ್ಮದಿ ಮತ್ತು ಭದ್ರತೆ ಸಿಗುತ್ತೆ.+

18 ನನ್ನ ಜನ್ರು ಪ್ರಶಾಂತವಾದ ಸ್ಥಳದಲ್ಲಿ ವಾಸಿಸ್ತಾರೆ,

ಸುರಕ್ಷಿತವಾದ ತಾಣಗಳಲ್ಲಿ, ನೆಮ್ಮದಿಯಿರೋ ವಿಶ್ರಾಂತಿ ಸ್ಥಳಗಳಲ್ಲಿ ನೆಲೆಸ್ತಾರೆ.+

19 ಆದ್ರೆ ಆಲಿಕಲ್ಲಿನ ಮಳೆ ಕಾಡನ್ನ ನಾಶಮಾಡುತ್ತೆ,

ಪಟ್ಟಣವನ್ನ ಸಂಪೂರ್ಣವಾಗಿ ನೆಲಸಮ ಮಾಡುತ್ತೆ.

20 ನೀರಿರೋ ಕಡೆಗಳಲ್ಲಿ ಬೀಜವನ್ನ ಬಿತ್ತುವವರೇ, ನೀವು ಭಾಗ್ಯವಂತರು,

ತಮ್ಮ ಹೋರಿಯನ್ನ ಮತ್ತು ಕತ್ತೆಯನ್ನ ಕಟ್ಟದೆ ಬಿಟ್ಟುಬಿಡುವವರು ಸಂತೋಷವಾಗಿ ಇರ್ತಾರೆ.”+