ಯೆಶಾಯ

ಕೈಬೀಸಿ ಅವ್ರನ್ನ ಕರಿರಿ,

ಪ್ರಮುಖರ ಪ್ರವೇಶ ಬಾಗಿಲಿಂದ ಅವ್ರು ಒಳಗೆ ಬರಲಿ.

ನನ್ನ ಕೋಪವನ್ನ ವ್ಯಕ್ತಪಡಿಸೋಕೆ ನನ್ನ ವೀರ ಸೈನಿಕರನ್ನ ಒಟ್ಟುಗೂಡಿಸಿದ್ದೀನಿ,

ಅವರು ಹೆಮ್ಮೆಯಿಂದ ಉಲ್ಲಾಸಿಸ್ತಾರೆ.

 4 ಕೇಳಿ! ಬೆಟ್ಟಗಳಿಂದ ಜನಜಂಗುಳಿಯ ಶಬ್ದ ಕೇಳಿಸ್ತಿದೆ,

ಲೆಕ್ಕ ಇಲ್ಲದಷ್ಟು ಜನ ಕೂಡಿಬಂದ ಹಾಗಿದೆ!

ರಾಜ್ಯಗಳ ಒಟ್ಟುಗೂಡುವಿಕೆಯ ಕೋಲಾಹಲ ಕೇಳಿಸ್ತಿದೆ,

ಹೌದು, ಜನಾಂಗಗಳು ಸೇರಿ ಬಂದಿರೋದ್ರಿಂದ ಗದ್ದಲ ಕೇಳಿಸ್ತಿದೆ!+

ಇಡೀ ಭೂಮಿಯನ್ನ ನಾಶಮಾಡೋಕೆ+

ತುಂಬ ದೂರದ ದೇಶದಿಂದ,+ ಆಕಾಶದ ಅಂಚಿನಿಂದ ಬರ್ತಿವೆ.

 7 ಹಾಗಾಗಿ ಎಲ್ರ ಕೈ ಜೋಲುಬೀಳುತ್ತೆ,

ಪ್ರತಿಯೊಬ್ಬನ ಹೃದಯ ಭಯದಿಂದ ನಡುಗುತ್ತೆ.*+

ಹೆರಿಗೆ ನೋವು ಬಂದಿರೋ ಸ್ತ್ರೀ ತರ,

ಸ್ನಾಯುಸೆಳೆತ ಮತ್ತು ನೋವಿಂದ ಅವರು ಒದ್ದಾಡ್ತಿದ್ದಾರೆ.

ಗಾಬರಿಯಿಂದ ಮುಖಮುಖ ನೋಡ್ಕೊಳ್ತಿದ್ದಾರೆ,

ಅವ್ರ ಮುಖದಲ್ಲಿ ಭಯ ಚಿಂತೆ ಎದ್ದುಕಾಣ್ತಿದೆ.

10 ಆಕಾಶದ ನಕ್ಷತ್ರಗಳು, ತಾರಾಪುಂಜಗಳು*+

ತಮ್ಮ ಬೆಳಕನ್ನ ಕೊಡಲ್ಲ,

ಸೂರ್ಯ ಉದಯಿಸುವಾಗ ತನ್ನ ಪ್ರಕಾಶ ಬೀರಲ್ಲ,

ಚಂದ್ರ ತನ್ನ ಬೆಳದಿಂಗಳನ್ನ ಸೂಸಲ್ಲ.

11 ಭೂನಿವಾಸಿಗಳು ಮಾಡಿದ ಕೆಟ್ಟ ಕೆಲಸಗಳಿಗೆ ನಾನು ಅವ್ರಿಂದ ಲೆಕ್ಕ ಕೇಳ್ತೀನಿ,+

ಕೆಟ್ಟವರು ಮಾಡಿದ ತಪ್ಪುಗಳಿಗಾಗಿ ಅವ್ರಿಂದ ಲೆಕ್ಕಕೇಳ್ತೀನಿ.

ದುರಹಂಕಾರಿಗಳ ಸೊಕ್ಕನ್ನ ಮುರಿತೀನಿ,

ಕ್ರೂರ ಅಧಿಕಾರಿಗಳ ಅಹಂಕಾರ ಅಡಗಿಸ್ತೀನಿ.+

12 ಮನುಷ್ಯರನ್ನ ಪರಿಷ್ಕರಿಸಿದ ಚಿನ್ನಕ್ಕಿಂತ, ಓಫೀರಿನ ಚಿನ್ನಕ್ಕಿಂತ+

ವಿರಳವಾಗಿ ಕಾಣೋ ತರ ಮಾಡ್ತೀನಿ.+

13 ಹಾಗಾಗಿ ನಾನು, ಸೈನ್ಯಗಳ ದೇವರಾದ ಯೆಹೋವ,

ನನ್ನ ಕ್ರೋಧದ ದಿನದಂದು ಉರಿತಿರೋ ನನ್ನ ಕೋಪದಿಂದ

ಆಕಾಶವನ್ನ ನಡುಗಿಸ್ತೀನಿ,

ಭೂಮಿಯನ್ನ ಅದರ ಸ್ಥಳದಿಂದ ಕದಲಿಸಿಬಿಡ್ತೀನಿ.+

14 ಬೇಟೆಗೆ ಗುರಿಯಾಗಿರೋ ಜಿಂಕೆ ಓಡೋ ತರ, ಕುರುಬನಿಲ್ಲದ ಕುರಿಗಳ ತರ

ಪ್ರತಿಯೊಬ್ರೂ ತಮ್ಮ ಸ್ವಂತ ಜನ್ರ ಹತ್ರ ವಾಪಸ್‌ ಹೋಗ್ತಾರೆ,

ತಮ್ಮ ಸ್ವಂತ ದೇಶಕ್ಕೆ ಓಡಿಹೋಗ್ತಾರೆ.+

15 ಕೈಗೆ ಯಾರೇ ಸಿಕ್ಕಿದ್ರೂ ಅವ್ರನ್ನ ಇರಿಯಲಾಗುತ್ತೆ,

ಸಿಕ್ಕಿಬೀಳುವವರನ್ನೆಲ್ಲ ಕತ್ತಿಯಿಂದ ಸಂಹರಿಸಲಾಗುತ್ತೆ.+

ಅವ್ರ ಮನೆಗಳನ್ನ ಕೊಳ್ಳೆ ಹೊಡೆಯಲಾಗುತ್ತೆ,

ಅವ್ರ ಹೆಂಡತಿಯರನ್ನ ಅತ್ಯಾಚಾರ ಮಾಡಲಾಗುತ್ತೆ.

17 ಬೆಳ್ಳಿಗೆ ಬೆಲೆಕೊಡದ,

ಚಿನ್ನದ ಮೇಲೆ ಆಸೆಯಿಲ್ಲದ,

ಮೇದ್ಯರನ್ನ ಅವ್ರ ವಿರುದ್ಧ ಎಬ್ಬಿಸ್ತೀನಿ.+

18 ಅವ್ರ ಬಿಲ್ಲುಗಳು ಯುವಕರನ್ನ ನಾಶ ಮಾಡ್ತವೆ,+

ಅವ್ರಿಗೆ ಚಿಕ್ಕ ಮಕ್ಕಳ ಮೇಲೆ ದಯೆಯಾಗಲಿ,

ಗರ್ಭಫಲದ ಮೇಲೆ ಕನಿಕರವಾಗಲಿ ಹುಟ್ಟಲ್ಲ.

19 ಕಸ್ದೀಯರ ಶೋಭೆಗೆ* ಮತ್ತು ಹೆಮ್ಮೆಗೆ ಕಾರಣವಾಗಿರೋ,+

ಅತ್ಯಂತ ಮಹಿಮಾನ್ವಿತ ಸಾಮ್ರಾಜ್ಯವಾಗಿರೋ ಬಾಬೆಲ್‌ ನಗರ+

ದೇವರು ತಳ್ಳಿಬಿಟ್ಟ ಸೊದೋಮ್‌, ಗೊಮೋರದ ತರ ಆಗುತ್ತೆ.+

20 ಆ ನಗರದಲ್ಲಿ ಇನ್ನು ಯಾವತ್ತೂ ಜನ ವಾಸಿಸಲ್ಲ,

ತಲತಲಾಂತರದ ತನಕ ಯಾರೂ ಅದ್ರಲ್ಲಿ ನೆಲೆಸಲ್ಲ.+

ಯಾವ ಅರಬಿಯನೂ ಅಲ್ಲಿ ತನ್ನ ಡೇರೆ ಹಾಕಲ್ಲ,

ಯಾವ ಕುರುಬನೂ ಅಲ್ಲಿ ತನ್ನ ಮಂದೆಯನ್ನ ಮಲಗೋಕೆ ಬಿಡಲ್ಲ.

21 ಅಲ್ಲಿ ಮರುಭೂಮಿಯ ಪ್ರಾಣಿಗಳು ಮಲಗ್ತವೆ,

ಅಲ್ಲಿನ ಮನೆಗಳು ಗೂಬೆಗಳಿಂದ ತುಂಬಿರ್ತವೆ,

ಅಲ್ಲಿ ಉಷ್ಟ್ರಪಕ್ಷಿಗಳು ನೆಲೆಸ್ತವೆ,+

ಅಲ್ಲಿ ಕಾಡಿನ ಆಡುಗಳು* ಕುಣಿದು ಕುಪ್ಪಳಿಸ್ತವೆ.

22 ಊಳಿಡೋ ಪ್ರಾಣಿಗಳು ಅಲ್ಲಿನ ಕೋಟೆಗಳಲ್ಲಿ ಕೂಗ್ತವೆ,

ಗುಳ್ಳೆನರಿಗಳು ಅಲ್ಲಿನ ವೈಭವಯುತ ಅರಮನೆಗಳಲ್ಲಿ ಕೂಗ್ತವೆ.