ಯೆಶಾಯ

30 ಯೆಹೋವ ಹೀಗೆ ಹೇಳ್ತಾನೆ “ಹಠಮಾರಿ ಮಕ್ಕಳ ಗತಿಯನ್ನ ಏನು ಹೇಳಲಿ,+

ನನ್ನದಲ್ಲದ ಯೋಜನೆಗಳನ್ನ ಅವರು ಕಾರ್ಯರೂಪಕ್ಕೆ ಹಾಕ್ತಾರೆ,+

ನನ್ನ ಇಷ್ಟಕ್ಕೆ ವಿರುದ್ಧವಾಗಿ ಮೈತ್ರಿ ಮಾಡ್ಕೊಳ್ತಾರೆ,*

ಹೀಗೆ ಅವರು ಪಾಪದ ಮೇಲೆ ಪಾಪ ಮಾಡ್ತಾ ಅದನ್ನ ಕೂಡಿಸ್ತಿದ್ದಾರೆ.

 2 ನನ್ನ ಹತ್ರ ವಿಚಾರಿಸದೆ+ ಅವರು ಈಜಿಪ್ಟಿಗೆ ಹೋಗ್ತಾರೆ,+

ಫರೋಹನ ಸಂರಕ್ಷಣೆಯ ಕೆಳಗೆ ಆಸರೆ ಪಡ್ಕೊಳ್ಳೋಕೆ ಹೋಗ್ತಾರೆ!

 3 ಆದ್ರೆ ಫರೋಹನ ಸಂರಕ್ಷಣೆ ನಿಮ್ಮನ್ನ ನಾಚಿಕೆಗೆ ಗುರಿಮಾಡುತ್ತೆ,

ಈಜಿಪ್ಟಿನ ನೆರಳಿನ ಆಶ್ರಯ ನಿಮ್ಮ ಅವಮಾನಕ್ಕೆ ಕಾರಣವಾಗುತ್ತೆ.+

 4 ಯಾಕಂದ್ರೆ ಅವನ ಅಧಿಕಾರಿಗಳು ಸೋನ್‌ ಪಟ್ಟಣದಲ್ಲಿ+ ಇದ್ದಾರೆ,

ಅವನ ಪ್ರತಿನಿಧಿಗಳು ಹಾನೇಸನ್ನ ತಲುಪಿದ್ದಾರೆ.

 5 ಎಲ್ಲ ಇಸ್ರಾಯೇಲ್ಯರು ಅವಮಾನ ಅನುಭವಿಸಬೇಕಾಗುತ್ತೆ,

ಯಾಕಂದ್ರೆ ಈಜಿಪ್ಟಿನವರಿಂದ ಅವ್ರಿಗೆ ಏನೂ ಪ್ರಯೋಜನ ಆಗಲ್ಲ.

ಕೇವಲ ಅವಮಾನ, ಅಪಮಾನಗಳೇ ಹೊರತು+

ಅವ್ರಿಂದ ಯಾವುದೇ ಸಹಾಯವಾಗಲಿ, ಲಾಭವಾಗಲಿ ಸಿಗಲ್ಲ.”

ಕಷ್ಟಕಣ್ಣೀರಿಂದ ತುಂಬಿರೋ ದೇಶದ ಮೂಲಕ,

ಅಂದ್ರೆ ಸಿಂಹ, ಗರ್ಜಿಸೋ ಸಿಂಹ ವಾಸಿಸೋ ದೇಶದ ಮೂಲಕ,

ಮಂಡಲದ ಹಾವು ಮತ್ತು ಜ್ವಲಿಸ್ತಾ ಹಾರೋ* ಹಾವು ವಾಸಿಸೋ ದೇಶದ ಮೂಲಕ

ಅವರು ತಮ್ಮ ಸಂಪತ್ತನ್ನ ಕತ್ತೆಗಳ ಬೆನ್ನಿನ ಮೇಲೆ,

ತಮ್ಮ ವಸ್ತುಗಳನ್ನ ಒಂಟೆಗಳ ಡುಬ್ಬದ ಮೇಲೆ ಹೇರ್ಕೊಂಡು ಹೋಗ್ತಿದ್ದಾರೆ.

 8 “ಈಗ ನೀನು ಹೋಗಿ ಅವ್ರ ಮುಂದೆ ಈ ವಿಷ್ಯವನ್ನ ಒಂದು ಹಲಗೆ ಮೇಲೆ ಕೆತ್ತು,

ಅದನ್ನ ಒಂದು ಪುಸ್ತಕದಲ್ಲಿ ದಾಖಲಿಸು,+

ಆಗ ಅದು ಮುಂದೊಂದು ದಿನ

ಶಾಶ್ವತವಾದ ಸಾಕ್ಷಿಯಾಗಿ ಕೆಲಸಕ್ಕೆ ಬರುತ್ತೆ.+

 9 ಯಾಕಂದ್ರೆ ಅವರು ದಂಗೆಕೋರ ಜನ,+ ಮೋಸಮಾಡೋ ಗಂಡುಮಕ್ಕಳು,+

ಯೆಹೋವನ ನಿಯಮ ಪುಸ್ತಕಕ್ಕೆ* ಕಿವಿಗೊಡೋಕೆ ಮನಸ್ಸಿಲ್ಲದ ಗಂಡುಮಕ್ಕಳು.+

10 ಅವರು ದಿವ್ಯದೃಷ್ಟಿ ಇರುವವರಿಗೆ ‘ನೋಡಬೇಡಿ’ ಅಂತಾರೆ,

ದರ್ಶನಗಳನ್ನ ನೋಡುವವರಿಗೆ ‘ನಿಜವಾದ ದರ್ಶನಗಳ ಕುರಿತು ನಮಗೆ ಹೇಳಬೇಡಿ,+

ನಮಗೆ ಇಷ್ಟವಾಗೋದನ್ನ ಮಾತ್ರ ಹೇಳಿ, ಮೋಸದಿಂದ ಕೂಡಿರೋ ಭ್ರಮೆಗಳನ್ನ ಮಾತ್ರ ನೋಡಿ.+

“ನೀವು ನನ್ನ ಮಾತನ್ನ ತಿರಸ್ಕಾರದಿಂದ ಕಂಡ್ರಿ,+

ವಂಚಕರ ಮೇಲೆ ಮೋಸಗಾರರ ಮೇಲೆ ಭರವಸೆ ಇಟ್ರಿ,

ಅವ್ರನ್ನ ನೆಚ್ಚಿಕೊಂಡ್ರಿ.+

13 ಹಾಗಾಗಿ ನೀವು ಮಾಡಿದ ಈ ತಪ್ಪು ನಿಮಗೆ ಬಿರುಕುಬಿಟ್ಟಿರೋ ಗೋಡೆ ತರ ಇರುತ್ತೆ,

ಉಬ್ಬಿಹೋಗಿ ಬೀಳೋಕೆ ಸಿದ್ಧವಾಗಿರೋ ಎತ್ರವಾದ ಗೋಡೆ ತರ ಇರುತ್ತೆ.

14 ಅದು ಕುಂಬಾರನ ದೊಡ್ಡ ಮಡಿಕೆ ತರ ಒಡೆದುಹೋಗುತ್ತೆ,

ಅದನ್ನ ನುಚ್ಚುನೂರು ಮಾಡಲಾಗುತ್ತೆ, ಅದ್ರ ಒಂದೇ ಒಂದು ತುಂಡು ಸಹ ಉಳಿಯಲ್ಲ.

ಅದ್ರಿಂದ ಒಲೆಯಲ್ಲಿರೋ ಕೆಂಡ ತೆಗಿಯೋಕಾಗಲಿ

ಕೆಸರುಗುಂಡಿಯಿಂದ* ನೀರು ಎತ್ತೋಕಾಗಲಿ ಆಗಲ್ಲ.”

15 ವಿಶ್ವದ ರಾಜನೂ ಇಸ್ರಾಯೇಲ್ಯರ ಪವಿತ್ರ ದೇವರೂ ಆಗಿರೋ ಯೆಹೋವ ಹೀಗೆ ಹೇಳ್ತಾನೆ

“ನನ್ನ ಹತ್ರ ವಾಪಸ್‌ ಬಂದು ವಿಶ್ರಾಂತಿ ತಗೊಳ್ಳೋದಾದ್ರೆ ನಿಮಗೆ ರಕ್ಷಣೆ ಸಿಗುತ್ತೆ,

ಶಾಂತಿಯಿಂದ ಇದ್ದು ಭರವಸೆ ಇಟ್ರೆ ನಿಮಗೆ ಬಲ ಸಿಗುತ್ತೆ.”+

17 ಒಬ್ಬ ಮನುಷ್ಯನ ಬೆದರಿಕೆಗೆ ನಿಮ್ಮಲ್ಲಿರೋ ಸಾವಿರ ಜನ ಹೆದ್ರಿ ನಡುಗ್ತಾರೆ,+

ಐದು ಜನ್ರ ಬೆದರಿಕೆಗೆ ನೀವು ಓಡಿಹೋಗ್ತೀರ.

ನಿಮ್ಮಲ್ಲಿ ಯಾರು ಉಳಿತಾರೋ ಅವರು ಬೆಟ್ಟದ ಮೇಲಿರೋ ಕಂಬದ ತರ,

ಬೆಟ್ಟದ ಮೇಲಿರೋ ಸೂಚನಾಕಂಬ ತರ ಆಗೋ ತನಕ ಹೀಗೆ ನಡಿಯುತ್ತೆ.+

18 ಆದ್ರೆ ನಿಮಗೆ ಕೃಪೆ ತೋರಿಸೋಕೆ ಯೆಹೋವ ತಾಳ್ಮೆಯಿಂದ ಕಾಯ್ತಿದ್ದಾನೆ,+

ನಿಮಗೆ ಕರುಣೆ ತೋರಿಸೋಕೆ ಆತನು ಹೆಜ್ಜೆ ತಗೊಳ್ತಾನೆ,+

ಯಾಕಂದ್ರೆ ಯೆಹೋವ ನ್ಯಾಯವಂತ ದೇವರು.+

27 ಇಗೋ! ದೂರದಿಂದ ಯೆಹೋವ ಬರ್ತಿದ್ದಾನೆ,*

ದಟ್ಟ ಮೋಡಗಳಿಂದ, ಉರಿತಿರೋ ಕೋಪದಿಂದ ಆತನು ಬರ್ತಿದ್ದಾನೆ.

ಆತನ ತುಟಿಗಳು ಕ್ರೋಧದಿಂದ ತುಂಬಿವೆ,

ಆತನ ನಾಲಿಗೆ ಉರಿಯೋ ಬೆಂಕಿ ತರ ಇದೆ.+

28 ಆತನ ಶ್ವಾಸ ಕುತ್ತಿಗೆ ತನಕ ತುಂಬಿ ಹರಿಯೋ ಪ್ರವಾಹದ ಹಾಗಿರುತ್ತೆ,

ಅದು ನಾಶನ ಅನ್ನೋ ಜರಡಿಯಲ್ಲಿ ದೇಶಗಳನ್ನ ಜರಡಿ ಹಿಡಿಯುತ್ತೆ.

29 ಹಬ್ಬಕ್ಕಾಗಿ ಸಿದ್ಧರಾಗುವಾಗ+

ರಾತ್ರಿಯಲ್ಲಿ ಹಾಡೋ ಹಾಡಿನ ಹಾಗೆ ನಿನ್ನ ಹಾಡು ಇರುತ್ತೆ,

ಯೆಹೋವನ ಬೆಟ್ಟಕ್ಕೆ, ಇಸ್ರಾಯೇಲ್ಯರ ಬಂಡೆ ಹತ್ರ+

ಕೊಳಲು ಊದುತ್ತಾ ಹೋಗೋ ವ್ಯಕ್ತಿ ತರ

ನಿನ್ನ ಹೃದಯ ಸಂತೋಷಿಸುತ್ತೆ.

30 ಯೆಹೋವ ತನ್ನ ಗಂಭೀರ ಧ್ವನಿ+ ಕೇಳೋ ತರ ಮಾಡ್ತಾನೆ,

ಆತನು ತನ್ನ ಬಾಹುಬಲವನ್ನ+ ಉರಿಯೋ ಅಗ್ನಿಜ್ವಾಲೆ+ ಮೂಲಕ,+

ಮೇಘಸ್ಫೋಟದ+ ಮೂಲಕ, ಚಂಡಮಾರುತದ ಮತ್ತು ಆಲಿಕಲ್ಲಿನ ಮಳೆ+ ಮೂಲಕ ತೋರಿಸ್ತಾನೆ.

31 ಯೆಹೋವನ ಧ್ವನಿಯನ್ನ ಕೇಳಿಸ್ಕೊಂಡು ಅಶ್ಶೂರಿನಲ್ಲಿ ಆತಂಕ ಆವರಿಸುತ್ತೆ,+

ಆತನು ಅದನ್ನ ಕೋಲಿಂದ ಹೊಡಿತಾನೆ.+

32 ಯೆಹೋವ ಅಶ್ಶೂರನ್ನ ಶಿಕ್ಷಿಸೋಕೆ

ಅದ್ರ ಮೇಲೆ ತನ್ನ ಕೋಲನ್ನ ಎತ್ತುವಾಗೆಲ್ಲ,

ಯುದ್ಧದಲ್ಲಿ ಆತನು ಅವ್ರ ವಿರುದ್ಧ ತನ್ನ ಬಾಹುವನ್ನ ಬೀಸುವಾಗೆಲ್ಲ+

ದಮ್ಮಡಿಗಳನ್ನ ಬಡಿಯಲಾಗುತ್ತೆ, ತಂತಿವಾದ್ಯಗಳನ್ನ ನುಡಿಸಲಾಗುತ್ತೆ.+

33 ಯಾಕಂದ್ರೆ ಅಶ್ಶೂರಿನ ತೋಫೆತ್‌*+ ಈಗಾಗಲೇ ಸಿದ್ಧವಾಗಿದೆ,

ಅದನ್ನ ರಾಜನಿಗಾಗಿ ಸಿದ್ಧಪಡಿಸಲಾಗಿದೆ.+

ಯೆಹೋವನ ಉಸಿರು ಗಂಧಕದ ತೊರೆ ತರ ಇದೆ,

ಅದು ಬಂದು ಆ ರಾಶಿಗೆ ಬೆಂಕಿ ಹಚ್ಚುತ್ತೆ.