Sam

26 E Jiova, jɔj mi bikɔs a de du wetin rayt;

A nɔ ɛva stɔp fɔ abop pan yu, Jiova.

 2 E Jiova, tek tɛm wach mi ɛn tɛst mi;

Tek tɛm wach mi at ɛn di tin dɛn we a de tink bɔt,*

 3 Ɔltɛm a de tink gud gud wan bɔt yu lɔv we nɔ de chenj,

A de du di tru tin dɛn we yu de tɔk.

 4 A nɔ de kip kɔmpin* wit di wan dɛn we de ful ɔda pipul dɛn,

Ɛn a de avɔyd di wan dɛn we de ayd udat dɛn bi.*

 5 A et fɔ de wit di wan dɛn we de du bad,

Ɛn a nɔ de gri fɔ kip kɔmpin* wit di wikɛd wan dɛn.

 6 A go was mi an dɛn fɔ sho se a inosɛnt,

E Jiova, a go mach rawnd yu ɔlta,

 7 Fɔ tɛl yu tɛnki lawd lawd wan

Ɛn fɔ tɔk bɔt ɔl yu wɔndaful wok dɛn.

 8 Jiova, a lɛk di os usay yu de,

Di ples usay yu glori de.

 9 Nɔ dɔnawe wit mi ɛn sina dɛn,

Nɔ mek a day wit pipul dɛn we lɛk fɛt-fɛt,*

10 We de du shemful tin dɛn,

Ɛn we de tek brayb.

12 A tinap na sef ples;

A go prez Jiova usay bɔku pipul dɛn de.