• Isaaya 9:7
    Bayibuli Enkyusa ey’Ensi Empya

    •  7 Obufuzi bwe*

      N’emirembe tebirikoma kweyongerayongera,+

      Ku ntebe ya Dawudi+ ne ku bwakabaka bwe

      Okusobola okubunyweza+ n’okububeesaawo

      Okuyitira mu bwenkanya+ ne mu butuukirivu,+

      Okuva leero n’okutuusa emirembe n’emirembe.

      Obunyiikivu bwa Yakuwa ow’eggye bulikituukiriza.

  • Isaaya 11:4, 5
    Bayibuli Enkyusa ey’Ensi Empya

    •  4 Aliramula abanaku mu bwenkanya,*

      Era alinenya abantu abalala mu bugolokofu ku lw’abawombeefu ab’omu nsi.

      Alikuba ensi n’omuggo gw’akamwa ke+

      Era ababi alibattisa omukka oguva mu kamwa ke.*+

       5 Obutuukirivu bwe buliba omusipi gwe yeesiba mu kiwato,

      N’obwesigwa bwe buliba omusipi ogw’omu kiwato kye.+

  • Yeremiya 23:5
    Bayibuli Enkyusa ey’Ensi Empya

    • 5 “Laba! Ennaku zijja,” Yakuwa bw’agamba, “lwe ndissaawo omusika* omutuukirivu okuva mu lunyiriri lwa Dawudi.+ Kabaka alifuga+ era alyoleka amagezi era n’akola eby’obwenkanya n’eby’obutuukirivu mu nsi.+

  • Zekkaliya 9:9
    Bayibuli Enkyusa ey’Ensi Empya

    •  9 Sanyuka nnyo, ggwe muwala wa Sayuuni.

      Kuba emizira, ggwe muwala wa Yerusaalemi.

      Laba! Kabaka wo ajja gy’oli.+

      Mutuukirivu era aleeta obulokozi;*

      Mwetoowaze era yeebagadde endogoyi.+

      Yeebagadde omwana gw’endogoyi,* yeebagadde akayana k’endogoyi enkazi.+