Yisaya

20 Na mbula oyo Sargone mokonzi ya Asiri atindaki Tartane* na Ashedode,+ abundisaki Ashedode mpe azwaki yango.+ 2 Na ntango yango, Yehova alobaki na nzela ya Yisaya+ mwana ya Amoze ete: “Kende, longolá ngɔtɔ* oyo ezali na loketo na yo, mpe longolá basandale na makolo na yo.” Mpe asalaki kaka bongo, azalaki kotambola bolumbu* mpe makolo ngulu.

3 Yehova alobaki lisusu boye: “Kaka ndenge mosaleli na ngai Yisaya atambolitamboli bolumbu mpe makolo ngulu mbula misato lokola elembo+ mpe likamwisi ya komonisa makambo oyo ekoyela Ezipito+ mpe Etiopi,+ 4 ndenge yango nde mokonzi ya Asiri akotambwisa bato ya Ezipito oyo bakangami+ mpe bato ya Etiopi oyo bakomemama na mboka mopaya, bilenge mibali ná mikóló, bolumbu mpe makolo ngulu, mpe masɔkɔ polele, na nsɔni* ya Ezipito. 5 Mpe bakozala na nsɔmɔ mpe bakoyoka nsɔni mpo na Etiopi oyo bazalaki kotyela elikya, mpe mpo na Ezipito, lokumu na bango.* 6 Na mokolo yango, bato oyo bafandi na mokili oyo ya pembeni ya mbu bakoloba boye: ‘Talá ndenge eloko oyo tozalaki kotyela elikya ekómi, epai tozalaki kokima mpo na kozwa lisalisi, mpo na kobikisama liboso ya mokonzi ya Asiri! Bongo biso tokobika ndenge nini?’”